Tag: ٹی ٹونٹی

ٹی ٹوئنٹی ورلڈ کپ، سابق اولمپیئن اور دیگر شخصیات پاکستانی ٹیم کی جیت کیلئے پرامید ہیں

کرکٹ کے علاوہ دیگر کھیلوں سے تعلق رکھنے والے نامور پاکستانی کھلاڑیوں نے بھی آئی سی سی ٹی ٹوئنٹی ورلڈکپ 2024 میں حصہ لینے والی پاکستانی ٹیم کی کامیابی کے لیے نیک خواہشات کا اظہار کرتے ہوئے امید ظاہر کی ہے کہ یہ ٹیم قوم کی توقعات پر پورا اترے گی، نامور کھلاڑیوں نے پی سی بی ڈیجیٹل سے خصوصی بات چیت کی ہے،

اگر فائٹ کرکے ہارتے ہیں تو اس سے ہر کوئی مطمئن ہوتا ہے۔جہانگیر خان
10 برٹش اوپن اور 6 ورلڈ اوپن ٹائٹلز جیتنے والے جہانگیرخان کا کہنا ہے کہ پوری قوم کی نیک خواہشات اس ٹیم کے ساتھ ہیں اور ہمیں امید ہے کہ یہ ٹیم ہمیں اچھی خبر سنائے گی، ایک کھلاڑی کی حیثیت سے میں یہ بات سمجھ سکتا ہوں کہ یہ کھلاڑی کے لیے بہترین موقع ہوتا ہے کہ اس نے جس طرح سخت محنت اور ٹریننگ کی ہوتی ہے وہ اسے ایک بہترین پرفارمنس میں تبدیل کرے،ہارجیت کھیل کا حصہ ہے لیکن اگر فائٹ کرکے ہارتے ہیں تو اس سے ہر کوئی مطمئن ہوتا ہے۔

ٹیم دوبارہ عالمی چیمپئن بن کو واپس لوٹے گی،اصلاح الدین
1978 کا ورلڈکپ جیتنے والی پاکستان ہاکی ٹیم کے کپتان اصلاح الدین کا کہنا ہے کہ پاکستان ٹیم میں بے پناہ ٹیلنٹ موجود ہے، پاکستان پہلے بھی ٹی ٹوئنٹی ورلڈکپ جیت چکا ہے اور اب قوم پھر منتظر ہے کہ ٹیم دوبارہ عالمی چیمپئن بن کو واپس لوٹے گی، پوری قوم ٹیم کی کامیابی کے لیے دعاگو ہے۔

کھلاڑیوں کو چاہیے کہ وہ ہر میچ کو دل لگاکر کھیلیں۔سمیع اللہ
دو بار ہاکی ورلڈکپ کے گولڈ میڈلسٹ سابق اولمپیئن سمیع اللہ کا کہنا ہےکہ ہمیں اس ٹیم سے بڑی امیدیں وابستہ ہیں اور یہ ہماری امیدوں پر پورا اترے گی، پاکستان کرکٹ بورڈ نے اس ٹیم کی بہت اچھی تیاری کرائی ہے، کھلاڑیوں نے بھی سخت محنت کی ہے، کھلاڑیوں کو چاہیے کہ وہ ہر میچ کو دل لگاکر کھیلیں۔

ٹینس گرینڈ سلم فائنل کھیلنے والے واحد پاکستانی کھلاڑی اعصام الحق کہتے ہیں کہ بابراعظم کی قیادت میں پاکستان ٹیم ٹرافی جیت کر وطن آئے گی اور ہمیں فخر کرنے کاموقع فراہم کرے گی۔جیولن تھرو کے کامن ویلتھ گیمز گولڈ میڈلسٹ ارشد ندیم نے کہا کہ جس طرح ٹیم نے سخت محنت کی ہے اور اس عالمی ایونٹ کے لیے تیاری کی ہے اس کا پھل ضرور ملے گا۔کے ٹو کی چوٹی سر کرنے والے دنیا کے سب سے کم عمر کوہ پیما شہروز کاشف کہتے ہیں کہ ہماری توقعات اس ٹیم کے ساتھ جڑی ہوئی ہیں اور ہمیں امید ہے کہ پاکستان ٹیم یہ ورلڈ کپ ضرور جیتے گی۔پاکستان ویمنز فٹبال ٹیم کی سابق کپتان ہاجرہ خان نے کہا کہ پوری فٹبال کمیونٹی پاکستان کرکٹ ٹیم کو سپورٹ کررہی ہے، کبھی آپ ہارتے ہیں کبھی جیتتے ہیں لیکن آپ ایک بہترین ٹیم کے ذریعے کامیابی حاصل کرسکتے ہیں۔سیف گیمز ٹیبل ٹینس گولڈ میڈلسٹ عارف خان کا کہنا ہے کہ پاکستان ٹیم انفرادی طور پر غیرمعمولی صلاحیتوں کے حامل کھلاڑیوں پر مشتمل ہے، جب یہ اکٹھے ہوتے ہیں تو ایک مضبوط ٹیم سامنے آتی ہے، ہم سب کو اس ٹیم سے بڑی توقعات وابستہ ہیں کہ یہ ٹیم ٹی ٹوئنٹی ورلڈ کپ میں اچھا کھیل پیش کرے گی۔

واضح رہے کہ پاک بھارت مقابلہ 9 جون کو نساؤ کاؤنٹی انٹرنیشنل اسٹیڈیم نیو یارک میں ہوگا، ایجبسٹن اسٹیڈیم میں پاکستان اور بھارت کے میچ کے لیے فین پارک بنایا جا رہا ہے،ایجبسٹن کے فین پارک میں 8 ہزار تک تماشائیوں کے آنے کی توقع ہے اور آئی سی سی نے بھی فین پارک کے لیے وینیو کی تصدیق کی ہے،پاک بھارت میچ کے موقع پر ایجبسٹن میں فیملی فیسٹیول کا ماحول ہو گا، فینز بڑی اسکرین پر میچ دیکھیں گے جس میں سابق پاک بھارت کرکٹرز بھی موجود ہوں گے،چیف ایگزیکٹو ایجبسٹن اسٹیورٹ کین کے مطابق انگلینڈ کے اس واحد وینیو کو فین زون کے لیے آئی سی سی نے چنا ، مقامی کمیونٹی کا ورلڈکپ کا حصہ بننے کا یہ موقع ہے۔

قومی انڈر 19 ٹیم کے ہیڈ کوچ محمد یوسف نے پریس کانفرنس کرتے ہوئے کہا ہے کہ ورلڈ کپ کے کیمپ میں بولنگ فیلڈنگ پر خاص توجہ دی .تمام کھلاڑی فٹ ہیں، یہ لڑکے کوشش کر رہے ہیں لڑکے سیکھنے کی جستجو میں ہیں

محمد یوسف کا کہنا تھا کہ تمام کھلاڑی ورلڈ کپ میں بہتر پرفارمنس دکھا کر ورلڈکپ جیتیں گے ،انڈر 19 میں بہتری کی گنجائش ہوتی ہے ۔ مین ٹیم میں ہر روز پرفارمنس دینا ہوگی ،ہیڈ کوچ کا کام ہے ان کے میچ کو دیکھے ۔ہماری کوشش ہے کہ ریجن کے کوچیز کی ٹرینگ کی جائے ، جونیئر سطع پر کھلاڑیوں کی تکنیک پر کام کرنا ہو گا،میرے حساب سے ایشیا کپ میں ہم نے اچھا پرفارم کیا ہے،ہمیں لڑکوں کو موٹیویٹ کرنا ہے امید ہے وہاں پر لڑکے اچھا پرفارم کریں گے ،لڑکوں کو بتادیا ہے کہ کسی ٹیم کو ہلکا نہیں لینا ۔

محمد یوسف کا کہنا تھا کہ طیب طاہر کو بھی کیمپ میں بلایا ، ابھی اس کی ایج نہیں ہے اس کے پاس ٹائم ہے آگے کھیل سکتا ہے .کھلاڑیوں میں جارح مزاج کی کمی ہے جارحانہ انداز ڈالنے کےلئے کوشاں ہیں ،گرائونڈ میں لڑکوں کو ایگریشن دیکھنا چاہتا ہوں ، کنٹرول ایگریشن بہت ضروری ہے کھیل کے میدان میں ۔اس پر ہم نے اپنی ٹیم ہر کام کیا ہے،گیم میں ہار جیت ہوتی ہے ۔انشااللہ کوشش کریں گے کہ ٹیم کو ذہنی طور پر بھی مضبوط کریں گے ،ہمارا مقصد انڈر 19 نہیں ہے پاکستانی ٹیم ہے ۔ہمیں کلب کرکٹ سے ٹی ٹونٹی کو ختم کرنا ہوگا،ٹی ٹونٹی سے پیسہ بن سکتا ہے پلیئرز نہیں