Tag: پاسپورٹ

سعودی عرب نے مملکت میں موجود لاکھوں اونٹوں کو پاسپورٹ جاری کرنے کا فیصلہ کر لیا۔

سعودی خبر ایجنسی کے مطابق اس منصوبے کا مقصد سعودی عرب کے قیمتی اونٹوں کے ریوڑوں کا بہتر انتظام اور نگرانی کرنا ہے، سعودی وزارتِ ماحو لیا ت، پانی اور زراعت کے مطابق اس منصوبے سے اونٹوں کے شعبے میں پیداواری صلاحیت اور مجموعی کارکردگی میں اضافہ ہوگا۔

اس اقدام سے اونٹوں سے متعلق ایک جامع اور قابلِ اعتماد ڈیٹا بیس بھی تیار کیا جا سکے گا، وزارت ماحولیات نے اونٹوں کے پاسپورٹ کی تصویر بھی شیئر کی ہے، اونٹوں کیلئے پاسپورٹ سبز رنگ کا ہے، پاسپورٹ پر سعودی عرب کا قومی نشان اور سنہری رنگ میں اونٹ کی تصویر نمایاں ہے۔

کشمیر دنیا کا ایک خطرناک نیوکلیئر فلیش پوائنٹ ہے،مشعال ملک

مملکت کے سرکاری اعداد و شمار کے مطابق 2024 میں اونٹوں کی تعداد تقریباً 22 لاکھ تھی، اونٹ صدیوں سے عرب دنیا میں نقل و حمل کا ایک اہم ذریعہ رہے ہیں اور آج بھی انہیں وقار اور سماجی حیثیت کی علامت سمجھا جاتا ہے۔

بلوچستان میں آپریشن رد الفتنہ ون کامیابی سے مکمل ،216 دہشتگرد جہنم واصل

دنیا کا سب سے طاقتور پاسپورٹ، جو دنیا بھر میں سفر کرنے کے خواہشمند افراد کے لیے سب سے زیادہ پسندیدہ قرار دیا گیا ہے، 2025 میں سنگاپور کے پاس ہے۔ سنگاپور اپنے پاسپورٹ کو دوبارہ سر فہرست رکھنے میں کامیاب ہوا ہے اور اب اس کے شہریوں کو 227 مقامات میں سے 195 پر ویزا کے بغیر داخلے کی سہولت حاصل ہے، جو کہ دنیا کے کسی بھی ملک کے شہریوں سے زیادہ ہے۔

جاپان دوسرے نمبر پر ہے اور اس کے پاسپورٹ کے حامل افراد کو 193 مقامات پر ویزا فری داخلے کی اجازت ہے۔ جاپان نے چین کے ساتھ ویزا فری معاہدہ دوبارہ بحال کیا ہے، جس سے اس کی پوزیشن میں بہتری آئی ہے۔ چین کے ساتھ یہ معاہدہ کووِڈ-19 کی بندشوں کے بعد پہلی بار بحال ہوا ہے۔یورپی یونین کے رکن ممالک جیسے فرانس، جرمنی، اٹلی، اسپین، فن لینڈ اور جنوبی کوریا مشترکہ طور پر تیسری پوزیشن پر ہیں، جہاں کے پاسپورٹ ہولڈرز کو 192 مقامات پر ویزا فری داخلہ حاصل ہے۔چوتھی پوزیشن یورپی یونین کے سات ممالک کے پاس ہے جن کے پاسپورٹ ہولڈرز کو 191 مقامات تک ویزا فری رسائی حاصل ہے۔ ان ممالک میں آسٹریا، ڈنمارک، آئرلینڈ، لکسمبرگ، نیدرلینڈز، ناروے اور سویڈن شامل ہیں۔پانچویں پوزیشن پر بیلجیم، نیوزی لینڈ، پرتگال، سوئٹزرلینڈ اور برطانیہ ہیں، جن کے پاسپورٹ ہولڈرز کو 190 مقامات پر ویزا فری رسائی حاصل ہے۔

جہاں دنیا کے سب سے طاقتور پاسپورٹس کے حامل ممالک کی فہرست نے دنیا بھر میں لوگوں کی توجہ حاصل کی، وہیں افغانستان 106ویں نمبر پر ہے، جہاں کے پاسپورٹ ہولڈرز کو صرف 26 مقامات تک ویزا فری رسائی حاصل ہے۔ اس کے علاوہ شام اور عراق کے پاسپورٹس بھی اس فہرست میں کمزور پوزیشن پر ہیں۔

ہینلے اینڈ پارٹنرز کے چیئرمین کرسچن ایچ کیلن نے کہا کہ شہریوں کے حقوق اور ان کی نقل مکانی کی سہولت پر نئے حالات کو مدنظر رکھتے ہوئے غور و فکر کی ضرورت ہے، کیونکہ قدرتی آفات اور سیاسی عدم استحکام کی وجہ سے لوگ اپنے گھر چھوڑنے پر مجبور ہو رہے ہیں۔

یو اے ای نے 2015 سے اب تک 72 نئے ممالک کے لیے ویزا فری رسائی حاصل کی ہے، جس کے نتیجے میں اس کا پاسپورٹ 32 درجے اوپر چلا گیا ہے اور اب یہ 10ویں نمبر پر ہے۔چین نے بھی اس فہرست میں بہتری دیکھی ہے اور 2015 میں 94ویں نمبر سے بڑھتے ہوئے اب 2025 میں 60ویں نمبر پر پہنچ گیا ہے۔

گلوبل پاسپورٹ پاور رینک 2025
سنگاپور (195 مقامات)
جاپان (193 مقامات)
فرانس، جرمنی، اٹلی، اسپین، فن لینڈ، جنوبی کوریا (192 مقامات)
آسٹریا، ڈنمارک، آئرلینڈ، لکسمبرگ، نیدرلینڈز، سویڈن، ناروے (191 مقامات)
بیلجیم، نیوزی لینڈ، پرتگال، سوئٹزرلینڈ، برطانیہ (190 مقامات)
یونان، آسٹریلیا (189 مقامات)
کینیڈا، پولینڈ، مالٹا (188 مقامات)
ہنگری، چیکیا (187 مقامات)
ایسٹونیا، امریکہ (186 مقامات)
لتھونیا، لیٹویا، سلووینیا، متحدہ عرب امارات (185 مقامات)

ہینلے اینڈ پارٹنرز کی جانب سے جنوری سے جون 2025 کے لیے جاری کی گئی عالمی پاسپورٹس کی طاقت کی فہرست کے مطابق پاکستانی پاسپورٹ کو دنیا کے 33 ممالک میں ویزا فری رسائی حاصل ہے۔ اس فہرست میں ویزا فری رسائی کو تین مختلف کیٹیگریز میں تقسیم کیا گیا ہے، جن میں "حقیقی ویزا فری سفر”، "ویزہ آن ارائیول” اور "الیکٹرونک ٹریول اتھارٹی” (ای ٹی اے) شامل ہیں۔

حقیقی ویزا فری سفر: اس میں وہ ممالک شامل ہیں جہاں پاکستانی شہریوں کو کسی قسم کا ویزا یا پیشگی انتظام کی ضرورت نہیں ہوتی۔
ویزہ آن ارائیول: ان ممالک میں پاکستانی شہریوں کو ان کے پہنچنے پر ویزا دیا جاتا ہے۔
الیکٹرونک ٹریول اتھارٹی (ای ٹی اے): ان ممالک میں پاکستانی شہریوں کو الیکٹرانک طریقے سے ویزا یا اجازت حاصل کرنا ضروری ہوتا ہے۔

پاکستانی پاسپورٹ کو جن 12 ممالک میں ویزا فری رسائی حاصل ہے، ان میں شامل ہیں
بارباڈوس: یہ کیریبئین جزائر کا ایک ملک ہے جہاں پاکستانی شہری بغیر ویزے کے قیام کر سکتے ہیں۔
جزائر کک: جنوبی بحرالکاہل کا یہ ملک بھی پاکستانی شہریوں کو ویزا فری رسائی فراہم کرتا ہے۔
ڈومینیکا: کیریبئین جزائر کا ایک چھوٹا ملک ہے، جہاں پاکستانی شہری بغیر ویزے کے قیام کر سکتے ہیں۔
ہیٹی: ایک اور کیریبئین جزیرہ نما ملک ہے، جہاں پاکستانیوں کو ویزا فری رسائی حاصل ہے۔
مڈغاسکر: افریقہ کا چوتھا سب سے بڑا جزیرہ اور دنیا کا مشہور سیاحتی مقام، یہاں بھی پاکستانی شہری بغیر ویزے کے جا سکتے ہیں۔
مائیکرو نیشیا: بحر الکاہل میں واقع یہ ملک پاکستانی شہریوں کے لیے ویزا فری ہے۔
مانٹسریٹ: یہ برطانیہ کے زیر انتظام جزائر ہیں، جہاں پاکستانیوں کو ویزا فری رسائی حاصل ہے۔
نیووے: جنوبی بحرالکاہل کے جزائر پر مشتمل یہ ملک بھی پاکستانیوں کو ویزا فری رسائی فراہم کرتا ہے۔
روانڈا: یہ افریقی ملک پاکستانی شہریوں کو ویزا فری رسائی کی سہولت دیتا ہے۔
سانٹ ونسنٹ اینڈ دی گرینیڈائنز: یہ کیریبئین کا ایک چھوٹا سا ملک ہے، جہاں پاکستانی بغیر ویزے کے قیام کر سکتے ہیں۔
ٹرینیڈاڈ اینڈ ٹوباگو: کیریبئین کے اس ملک میں بھی پاکستانیوں کے لیے ویزا فری رسائی ممکن ہے۔
وانواتو: یہ آسٹریلیا کے قریب واقع جزائر پر مشتمل ملک ہے، جہاں پاکستانی شہری بغیر ویزے کے قیام کر سکتے ہیں۔

گرچہ پاکستانی پاسپورٹ کو ویزا فری رسائی حاصل ہے، مگر اس بات کا خیال رکھنا ضروری ہے کہ ان ممالک میں جانے کے لیے پاسپورٹ کی درست حالت اور مدتِ معیاد کا خیال رکھنا لازمی ہے۔ اس کے علاوہ، بعض ممالک میں دیگر ضروریات بھی ہو سکتی ہیں جیسے کہ صحت کی حالت، مالی حیثیت یا پرواز کی بکنگ،پاکستانیوں کے لیے یہ ایک مثبت ترقی ہے کہ عالمی سطح پر ان کے پاسپورٹ کو ویزا فری رسائی حاصل ہے، جو بین الاقوامی سفر کے مواقع کو مزید وسیع کرتا ہے۔

اسپین جانے والی پناہ گزین کشتی پر بچی کی پیدائش

نائیجیریا کا سب سے بڑا شہر موسم سرما کی پارٹی کی منزل

دہلی ایئر پورٹ پر شہری گرفتار، سامان سے مگرمچھ کی کھوپڑی برآمد

مرکزی مسلم لیگ کا یونین کونسلز کی سطح پر رکنیت سازی کیمپ لگانے کا فیصلہ

بنگلہ دیش سے بھارت فرار ہونے والی حسینہ واجد اور انکی کابینہ میں شامل وزرا کے سفارتی پاسپورٹ منسوخ کر دیئے ہیں

بھارتی میڈیا کے مطابق بنگلہ دیش کی عبوری حکومت نے شیخ حسینہ واجد کی کابینہ میں شامل وزراء اور ان کی جماعت کے ارکان پارلیمنٹ کے بیرون ملک فرار ہونے کی خبریں سامنے آنے کے بعد حسینہ واجد سمیت تمام سابق وزراء کے سفارتی پاسپورٹ منسوخ کردیئے گئے ہیں، اس حوالے سے بنگلہ دیش کی وزارت داخلہ نے امیگریشن اور پاسپورٹ حکام کو ہدایات جاری کی تھیں،

جن افراد کے پاس بھی سفارتی پاسپورٹ ہوتا ہے، انہیں مخصوص ممالک کا ویزا فری سفر کرنے سمیت مختلف مراعات حاصل ہوتی ہیں،ڈھاکہ میں وزارت داخلہ نے میڈیا کو جاری کیے گئے ایک بیان میں کہا کہ وزارت داخلہ کی سکیورٹی سروس نے تمام اسٹیک ہولڈرز سے مشاورت کے بعد یہ فیصلہ کیا ہے اور ملک کے تمام امیگریشن کاؤنٹرز کو پہلے ہی الرٹ کر دیا گیا ہے، پاسپورٹ ہولڈرز کے سفارتی پاسپورٹ منسوخ کیے جا رہے ہیں اور اس کی وجہ سے ان افراد کے اہل خاندان کے افراد کے پاسپورٹ بھی خود بخود ختم ہو جائیں گے،اگر کوئی نیا پاسپورٹ لینا چاہتا ہے، تو اس شخص کو پہلے سفارتی پاسپورٹ سرنڈر کرنا ہو گا اور پھر قانون کے مطابق ایک عام پاسپورٹ جاری کیا جائے گا

بنگلہ دیش کے معروف اخبار ڈیلی اسٹار کے مطابق شیخ حسینہ کی حکومت کے کئی سابق وزیر اور ارکان پارلیمنٹ کو پہلے ہی گرفتار کیا جا چکا ہے،کئی روپوش ہو چکے ہیں، حسینہ سمیت کئی فرار ہو چکے ہیں ، حسینہ سمیت کئی وزرا پر قتل کے مقدمے بھی درج ہو چکے ہیں،حسینہ واجد بغیر سفری دستاویزات کے 5 اگست کو بھارت فرار ہوئی تھیں جبکہ عوامی لیگ کے بہت سے وزراء اور عہدیداروں کو بنگلاد دیش کی بارڈر فورس نے فرار ہونے سے روک لیا تھا

بنگلہ دیشی قوانین کے مطابق ملک کا صدر، وزیراعظم، اراکین پارلیمنٹ، ممبر کابینہ، ہائیکورٹ کے ججز، سرکاری جامعات کے وائس چانسلرز، پبلک سروس کمیشن کے سربراہان، وزارتوں کے سیکرٹریز اور بیرون ملک مقیم بنگلادیشی مشن کے ارکان سفارتی پاسپورٹ حاصل کر سکتے ہیں بنگلہ دیش کے اراکین پارلیمنٹ کو سفارتی پاسپورٹ 5 سال کے لیے یا پھر ان کی مدت تک فراہم کیے جاتے ہیں،

حسینہ واجد 5 اگست کو بھارت آئی تھیں اور ابھی تک بھارت میں ہی مقیم ہیں، حسینہ نے برطانیہ، سعودی عرب، یو اے ای میں سیاسی پناہ کی کوشش کی لیکن ناکامی ہوئی،دو ہفتے سے زائد عرصہ گزرنے کے بعد بھی شیخ حسینہ کا بھارت میں قیام سفارتی چیلنج بنتا جا رہا ہے،بنگلہ دیش سے حسینہ کو بنگلہ دیش کے حوالے کرنے کا مطالبہ کیا جا رہا ہے،ننگلہ دیش نے ابھی تک بھارت کو اس ضمن میں باضابطہ طور پر حوالگی کی درخواست نہیں دی تا ہم سیاسی جماعتوں کی جانب سے مطالبہ ضرور سامنے آیا ہے،حسینہ کب تک بھارت رہے گی کچھ نہیں کہا جا سکتا،ڈھاکہ میں خطاب کے دوران بی این پی کے جنرل سیکرٹری مرزا فخر الاسلام عالمگیر نے شیخ حسینہ کو بنگلہ دیش کے حوالے کرنے کا مطالبہ کیا تھا،اور کہا تھا کہ حسینہ کو انصاف کا سامنا کرنا چاہیے۔

بھارت حسینہ کو بنگلہ دیش کے حوالے کرے، مرزا فخر الاسلام

حسینہ دہلی میں بیٹھ کر عوامی فتح کو ناکام بنانے کی سازش کر رہی ہے،مرزا فخرالاسلام

حسینہ کی جماعت عوامی لیگ پر پابندی کی درخواست دائر

واضح رہے کہ حسینہ واجد مستعفی ہو کر بھارت فرار ہو چکی ہیں، بنگلہ دیش میں حسینہ پر قتل کے 12 سے زائد مقدمے درج ہو چکے ہیں،

مچھلی کے تاجر کے قتل پر حسینہ واجدکے خلاف مقدمہ درج

گرفتاری کا خوف،حسینہ کی پارٹی کے رہنما”دودھ کا غسل” کر کے پارٹی چھوڑنے لگے

بنگلہ دیش، ریلوے اسٹیشن پر لوٹ مار،تشدد،100 سے زائد زخمی

ڈاکٹر یونس کی مودی کو فون کال، اقلیتوں کے تحفظ کی یقین دہانی

حسینہ واجد پر قتل کا ایک اور مقدمہ درج

حسینہ واجد کی پسندیدہ بلی 40 ہزار میں فروخت

امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف

پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا

میری ماں اب بھی بنگلہ دیش کی وزیراعظم ہے،حسینہ کے بیٹے کا دعویٰ

حسینہ کی بھارت میں 30 ہزار کی شاپنگ،پیسے ختم ہو گئے

در بدر کے ٹھوکرے: شیخ حسینہ واجد کی سیاسی سفر کا المناک انجام

حسینہ کی حکومت کا بد ترین خاتمہ،مودی کی سفارتی سطح پر ایک اور بڑی ناکامی

ہم پاکستان کے ساتھ جانا پسند کریں گے۔ بنگلہ دیشی شہریوں کا اعلان

بنگالی "حسینہ”مشکل میں،امریکی ویزہ منسوخ،سیاسی پناہ کیلیے لندن سے نہ ملا جواب

بنگلہ دیش،طلبا کی ڈیڈ لائن ختم ہونے سے قبل ہی پارلیمنٹ تحلیل

حسینہ واجد کی ساڑھی بیوی کو پہنا کر وزیراعظم بناؤں گا،شہری

بنگلادیش کی سابق وزیراعظم پر سنگین الزامات: بین الاقوامی عدالت میں مقدمہ درج

برطانیہ میں پاسپورٹ آئی ٹی سسٹم بیٹھ گیا، جس کی وجہ سے برطانیہ جانیوالی پروازیں تاخیر کا شکار ہوئی ہیں،برطانیہ کے ہوائی اڈوں پر مسافروں کا رش ،رات بھی مسافروں نے لائنوں میں لگ کر گزاری

برطانیہ کے ہوائی اڈے پر افراتفری کا سلسلہ گزشتہ رات دوسرے دن بھی جاری رہا، برطانیہ بھر میں پاسپورٹ آئی ٹی سسٹم کے خراب ہونے کی وجہ سے عملے کو لوگوں کو دستی طور پر کارروائی کرنا پڑی،ہوائی اڈوں پر ای گیٹس نہ کھلنے کے بعد ہزاروں مسافر پھنسے ہوئے ہیں۔راہداریوں پر بھی مسافروں کا ہجوم ہے، وہ اپنے شناختی ریکارڈ کی جانچ پڑتال کا انتظارکرتے رہے، عملے کے ارکان بھی پریشان ہیں اور پریشان مسافروں کو پانی بھی پلاتے رہے،

علاوہ ازیں ہنگامہ آرائی کے دوران طیاروں کو برطانیہ میں اڑان بھرنے کی بجائے گراؤنڈ کر دیا گیا ہے۔ ایسا لگتا ہے کہ بہت بڑا واقعہ ہوا ،’ بارڈر فورس کے ‘بارڈر کراسنگ’ نامی سیکیورٹی ڈیٹا بیس کی وجہ سے ہوا ہے جسے تین سال قبل متعارف کرایا گیا تھا، جس پر ٹیکس دہندگان کی لاگت £372 ملین تھی۔آج صبح 2.10 بجے کے بعد ہوم آفس نے کہا کہ آخر کار سسٹم کو ٹھیک کر دیا گیا ہے. اس کا کوئی ثبوت نہیں ہے کہ اس کی بندش سائبر حملے کی وجہ سے ہوئی ہے ،

اگر بارڈر کراسنگ بند کر دی جاتی ہے تو ای گیٹس کام نہیں کر سکتے، اس لیے بارڈر فورس کے عملے کو بیک اپ ڈیٹا بیس، دہشت گردی کے ریکارڈ کے خلاف مسافروں کے ناموں، پولیس نیشنل کمپیوٹر اور امیگریشن ریکارڈ کے خلاف دستی طور پر پاسپورٹ چیک کرنے پڑتے ہیں۔

غیرمعمولی صورتحال نے برطانیہ بھر کے ہوائی اڈوں کو اپنی لپیٹ میں لے لیا، سوشل میڈیا پر شیئر کی گئی تصاویر میں ہیتھرو، گیٹوک، اسٹینسٹڈ، لوٹن، ایڈنبرا اور مانچسٹر جیسے ہوائی اڈوں پر دروازوں کے سامنے مسافروں کی بڑی لائنیں دکھائی دے رہی ہیں۔جب کہ کچھ ای گیٹس راتوں رات واپس آتے دکھائی دیے – مثال کے طور پر ہیتھرو میں، دوسرے مسافر گھنٹوں لمبی قطاروں میں کھڑے تھے۔

سوشل میڈیا پر شیئر کی گئی فوٹیج میں وہ لمحہ دکھایا گیا ہے جب ہیتھرو میں ای گیٹس دوبارہ کھلے، مسافر مسکراتے ہوئے اور تالیاں بجاتے ہوئے آگے بڑھے،گزشتہ رات برطانیہ میں سسٹم کی بندش نے پروازوں کو بھی متاثر کیا۔جینی کوکسال کو ہسپانوی شہر گیرونا سے ریان ایئر کی پرواز میں اسٹینسٹڈ جانا تھا، لیکن اس نے کہا کہ اس کی پرواز کو ‘بارڈر فورس کے گیٹ بند ہونے کی وجہ سے روکا جا رہا تھا’۔جینی نے خبر رساں ادارے میل آن لائن کو کل رات 11 بجے کے قریب بتایا، ‘ایسا لگتا ہے کہ ہم بہت لمبی رات گزار رہے ہیں۔ ‘ہم 80 منٹ تک ہوائی جہاز میں بیٹھے رہے۔ امید ہے کہ ہم جلد ہی ٹیک آف کر رہے ہیں، انہیں ریان ایئر ایپ میں بارڈر فورس کی تاخیر کے بارے میں پہلے ہی مطلع کر دیا گیا تھا، ایئرلائن نے مسافروں کو بتایا کہ ایک بار جب وہ اتریں گے تو انہیں ممکنہ طور پر ‘تھوڑے وقت کے لیے طیارے میں سوار رہنا پڑے گا ،

گزشتہ رات ہیتھرو پر لینڈنگ کے بعد مسافروں کو درجنوں طیاروں کو اترنے سے بھی روک دیا گیا تھا۔ٹرمینلز میں بحران پیدا ہونے کی وجہ سے وہ ہوائی جہاز چھوڑنے سے قاصر تھے، جہاں ہزاروں مسافر راہداریوں اور آنے والے ہالوں میں قطار میں کھڑے تھے،اندرونی ذرائع نے بتایا کہ ایسا لگتا ہے کہ حادثہ سرکاری وائی فائی نیٹ ورک میں ناکامی کی وجہ سے ہوا ہے جو سیکیورٹی سسٹمز کو محفوظ ریئل ٹائم اپ ڈیٹ فراہم کرتا ہے۔