مودی سرکار کو اعلیٰ فوجی قیادت سے واضح انکار ملنے کا سلسہ جاری ہے، اس بار نائب ائیر چیف ایئر مارشل ایس پی دھارکر نے انکار کیا ہے۔
بھارتی میڈیا کے مطابق ایئر مارشل ایس پی دھارکر کو سات ماہ بعد ہی عہدے سے ہٹادیا گیا ۔ایئر مارشل ایس پی دھارکر، جو گزشتہ رات رافیل طیاروں کی جارحانہ پروازوں کے نگران تھے، اُن کی پیشہ ورانہ صلاحیتوں پر سوال اٹھائے جا رہے ہیں کیونکہ پاک فضائیہ نے رافیل طیاروں کو فوری اور مؤثر طور پر روکا۔نائب فضائی سربراہ نے اپنے پائلٹس کی رافیل ہینڈلنگ پر شدید عدم اطمینان کا اظہار کیا۔ بھارتی رافیل طیارے پاکستانی جدید ریڈارز کے سامنے بے بس ہوکر راستہ بھول گئے ۔
واضح رہے کہ لائن آف کنٹرول کو جارحانہ طور پر کھوجنے کا ٹاسک لئے رافیل کو پاکستانی ریڈارز نے جام کر دیا۔طیارے ایک اور آپریشن سوئفٹ ریٹارٹ کا شکار ہو گئے ۔اس حوالے سے مودی سرکار نے ایئر مارشل نرمدیشور تیواری کو نیا نائب فضائی سربراہ مقرر کیا گیا ہے تاکہ بھارتی فضائیہ میں ہم آہنگی قائم رکھی جا سکے۔نائب فضائی سربراہ کی برطرفی نے بھارتی فضائیہ میں شدید بے چینی پیدا کر دی ہے۔
پہلگام فالس فلیگ کے بعد یہ دوسرا بڑا عسکری تبدیلی ہے۔خیال رہے کہ شمالی کمان کے آرمی کمانڈر کو پہلے ہی تبدیل کیا جا چکا ہے۔اعلیٰ فوجی قیادت میں تیز رفتار تبدیلیاں بی جے پی کے فاشسٹ ایجنڈے اور افواج کی پیشہ ورانہ خودمختاری کے درمیان بداعتمادی کا ثبوت ہیں۔دفاعی ماہرین نے آئندہ دنوں میں مزید عسکری استعفوں اور تبدیلیوں کا خدشہ ظاہر کر رہے ہیں۔
ملک میں بجلی کی خرید وفروخت کیلئے نیا نظام لاگو ہو گیا
حکومت نےلیفٹیننٹ جنرل عاصم ملک کو قومی سلامتی کا مشیر مقرر کر دیا
پاک بھارت کشیدگی،ڈیڈ لائن ختم ہونے پر واہگہ اٹاری بارڈر بند