پاکستانی ڈرامہ انڈسٹری کے نامور اور سینئر میزبان و اداکار توثیق حیدر غیر شادی شدہ مرد و خواتین کے ساتھ معاشرے کے منافقانہ سلوک پر پھٹ پڑے۔
حال ہی میں میزبان و اداکار توثیق حیدر نے ایک پوڈکاسٹ میں شرکت کی ،انہوں نے کہا کہ میں نے یہ محسوس کیا ہے کہ جب مرد شادی نہیں کرتا تو یہ تاثر پیش کیا جاتا ہے کہ اس نے اپنی مرضی سے شادی نہ کرنے کا انتخاب کیا ہے جبکہ خواتین کے لیے ایسا تاثر پیش کیا جاتا ہے کہ ان کی شادی ہو نہیں سکی۔ہم جب بھی کسی مرد کے بارے میں بات کریں گے تو کہیں گے کہ آپ نے شادی نہیں کی، جبکہ یہی بات کسی خاتون کے لیے کی جائے گی تو کہا جائے گا کہ فلاں کی شادی نہیں ہوئی،مرد نے نہیں کی اور عورت کی نہیں ہوئی، ممکن ہے کہ مرد کی نہیں ہوئی ہو۔
آپریشن سندور :بھارتی رہنماؤں کے الزامات اور اشتعال انگیز دعوے بے بنیاد ہیں،ترجمان دفتر خارجہ
میزبان و اداکار توثیق حیدر کا کہنا تھا کہ آج تک کسی نے مجھ سے میرا دکھ پوچھا ہے؟ کیا پتہ میری شادی نہیں ہوئی ہو، اسی طرح ممکن ہے کہ خواتین نے اپنی مرضی سے نہ کی ہو، لیکن اسے بیچاری بنا دیا جاتا ہے،میں نے اپنے وقت میں کسی کو ڈھونڈا لیکن میری ان سے شادی ہو نہیں سکی، بعدازاں زندگی میں کیرئیر پر توجہ مرکوز کر دی، عمر نکلنے کے ڈر سے شادی نہیں کرنی چاہیے بلکہ شادی اس وقت اور اس شخص سے کرنی چاہیے جس سے مل کے لگے کہ اس کے بغیر زندگی ادھوری ہے۔
