Baaghi TV

Tag: پاکستان اسٹاک ایکسچینج

  • پاکستان اسٹاک ایکسچینج نے واٹس ایپ سروس کی نئی سروس متعارف کرادی

    پاکستان اسٹاک ایکسچینج نے واٹس ایپ سروس کی نئی سروس متعارف کرادی

    کراچی: پاکستان اسٹاک ایکسچینج نے واٹس ایپ سروس کے نام سے ایک نئی سروس متعارف کرادی ہے-

    باغی ٹی وی: پاکستان اسٹاک ایکسچینج کی واٹس ایپ سروس کی یہ پیشکش صارفین کو وہ تمام بنیادی معلومات فراہم کرتی ہے جس کی انہیں سرمایہ کاری کےاجراء کے ساتھ مالیات سے متعلق بنیادی معلومات جن میں مضامین، بلاگز، مائی پورٹ فولیو ورچوئل ٹریڈنگ ویب ایپ، نالج سینٹر، مارکیٹ رپورٹ، مارکیٹ کا خلاصہ، روزانہ کوٹیشن اور روزانہ کے اعلانات شامل ہیں فراہم کی جائیں گی۔

    پی ایس ایکس واٹس ایپ گروپ سروس ےک رسائی کے لئے صارفین ایک کیو آر کوڈ کو اسکین کرتے ہوئے متعلقہ لنک پر کلک کرسکتے ہیں،اس کے بعد انہیں اپنے واٹس ایپ میسج باکس پر ایک ”Hi” پیغام ملے گا جسے انہیں پی ایس ایکس واٹس ایپ سروس شروع کرنے کے لیے بھیجنا ہوگا۔

    پی پی کے سابق ایم این اے کی بیٹے سمیت پی ٹی آئی میں شمولیت

    پی ایس ایکس واٹس ایپ سروس کے اجراء پر پی ایس ایکس کے ایم ڈی اور سی ای او فرخ ایچ خان نے کہا کہ یہ سروس تمام صارفین کے لیے ہے جو مارکیٹ میں نئے ہوں یا اس سے واقف ہوں، یہ صارفین پی ایس ایکس واٹس ایپ سروس کا استعمال کر سکتے ہیں تاکہ روزانہ مارکیٹ کی رپورٹس حاصل کرسکیں وہ پی ایس ایکس کی جانب سے پیش کردہ سرمایہ کاری کے 100 کورس کے لیے ہم سے رابطہ کرکے سرمایہ کاری کے طریقے سیکھ سکتے ہیں،وہ مین بورڈ کے ساتھ جی ای ایم بورڈ کے بارے میں بھی جان سکتے ہیں تاکہ وہ اپنی کمپنی کی فہرست سازی اور سرمایہ اکٹھا کر سکیں۔

    الیکشن کمیشن کیجانب سے ووٹر لسٹیں رواں ماہ فائنل ہوں گی

    اسی طرح کمپنیاں اس سروس پر دستیاب دیگر کئی قسم کی معلومات کے علاوہ اپنے عملے کے ارکان کے لیے سرمایہ کاروں کے تعلیمی سیشنز کے لیے پی ایس ایکس تک پہنچ سکتی ہیں، یہ سروس صارفین اور اسٹیک ہولڈرز کے لیے بہت فائدہ مند ثابت ہوگی۔

  • ڈالرکی قیمت میں اضافے کاسلسلہ جاری

    ڈالرکی قیمت میں اضافے کاسلسلہ جاری

    کراچی: ملک میں سونے کی فی تولہ قیمت 400 روپے کم ہو گئی۔

    باغی ٹی وی: آل پاکستان جیمز اینڈ جیولرز ایسوسی ایشن کے مطابق فی تولہ سونا 400 روپے کمی کے بعد 2 لاکھ 14 ہزار 200 روپے کا ہو گیا،ایسوسی ایشن کے مطابق 10 گرام سونے کی قیمت بھی 3436 روپے کم ہو کر ایک لاکھ 83 ہزار 642 روپے ہو گئی ہے،جبکہ انٹر نیشنل مارکیٹ میں سونا 9 ڈالر کم ہونے کے بعد 2003 ڈالر فی اونس ہو گیا ہے۔

    دوسری جانب کاروباری ہفتے کے پہلے روز انٹربینک میں ڈالر کی قیمت میں اضافے کا سلسلہ آج بھی جاری رہا، کاروبار کے دوران انٹربینک میں ڈالر کی قیمت میں 98 پیسے اضافہ ریکارڈ کیا گیا، جس کے بعد ڈالر کا لین دین 285 روپے 29 پیسے پر بند ہوا۔

    بارش برسانے والا مغربی سسٹم پاکستان میں داخل ،محکمہ موسمیات

    ڈیلرز کے مطابق اوپن مارکیٹ میں ڈالر کی قیمت فروخت ایک روپے بڑھ گئی، جس کے بعد ڈالر کی قیمت فروخت 286 روپے ہے جمعے کے روز امریکی کرنسی کی قدر بڑھنے کے بعد انٹربینک میں ڈالر کا لین دین 284.31 روپے پر بند ہوا تھا۔

    پاکستان اسٹاک ایکس چینج میں تیزی کا تسلسل آج بھی جاری رہا، سرمایہ کاروں کی جانب سے شیئرز کی خریداری کے باعث 100 انڈیکس میں 737پوائنٹس اضافہ ہوگیاسیشن کے اختتام پر 100 انڈیکس 53 ہزار 860 پوائنٹس کی بلند ترین سطح پر بند ہوا۔

    پاکستان خطے میں استحکام اور امن کے لیے پرعزم ہے،وزیر دفاع

  • کاروباری ہفتے کے دوران ڈالر کی قیمت میں نمایاں کمی ہوئی

    کاروباری ہفتے کے دوران ڈالر کی قیمت میں نمایاں کمی ہوئی

    کراچی : کاروباری ہفتے کے دوران روپے کے مقابلے میں ڈالر کی قیمت میں نمایاں کمی ہوئی۔

    باغی ٹی وی: انٹر بینک میں ہفتے کے دوران ڈالر کی قیمت میں 5 روپے 5 پیسے کی کمی ہوئی ، جس کے بعد انٹر بینک میں ڈالر کی قیمت 282 روپے 69 پیسے پر آ گئی ،ایک مہینے کے دوران انٹربینک میں ڈالر بلند ترین سطح سے 24 روپے 41 پیسے تک گر گیا –

    دوسری جانب اوپن مارکیٹ میں بھی ڈالر 5 روپے 50 پیسے کم ہو کر 282 روپے 50 پیسے پر آ گیا، امریکی کرنسی بلند ترین سطح سے 50 روپے 50 پیسے سستی ہوئی روپے کی قدر میں مسلسل اضافے کے باعث پاکستان اسٹاک ایکسچینج میں بھی بہتری دیکھی گئی، اسٹاک مارکیٹ میں 1261 پوائنٹس کا اضافہ ہوا جس کے ساتھ 100 انڈیکس 47 ہزار 494 پوائنٹس کی سطح پر پہنچ گیا۔

    بنگلہ دیشی نژاد برطانوی مصنفہ ، ناول نگار اور کالم نگار ،تہمیمہ انعم

    علاوہ ازیں عالمی مالیاتی فنڈ (آئی ایم ایف) سے 70 کروڑ ڈالر ملنے کی خبروں کا کیپیٹل مارکیٹ پر مثبت اثر پڑا ہے ہفتے کے دوران عالمی منڈی میں خام تیل سستا ہوا جس سے حکومت کو پٹرولیم مصنوعات کی قیمتیں کم کرنے میں مدد ملے گی، پٹرولیم مصنوعات کی قیمتوں میں کمی سے مہنگائی میں کمی متوقع ہے۔

    پی آئی اے پروازیں غیرمعمولی تاخیر کا شکار ،مسافر انتظار کی مشکلات سے دوچار

  • مسلسل دوسرے روز سونے کی قیمت میں کمی

    مسلسل دوسرے روز سونے کی قیمت میں کمی

    پاکستان اسٹاک ایکسچینج میں آج شدید مندی کا رجحان رہا اور 100 انڈیکس میں ٹریڈنگ کے دوران 900 پوائنٹس کی کمی ریکارڈ کی گئی۔

    باغی ٹی وی: 100 انڈیکس 956 پوائنٹس کم ہو کر 47429 پر آگیا ہے کاروباری دن میں 100 انڈیکس 1080 پوائنٹس کے بینڈ میں رہا، بازار میں 33 کروڑ 60 لاکھ شیئرز کا کاروبار 12.54 ارب روپے میں ہوا مارکیٹ کیپٹلائزیشن 149 ارب روپے کم ہوکر 7108 ارب روپے ہے۔

    دوسری جانب انٹربینک میں ڈالر مہنگا ہوا جبکہ اوپن مارکیٹ میں سستا ہوگیااسٹیٹ بینک آف پاکستان کی جانب سے جاری اعداد و شمار کے مطابق انٹربینک تبادلہ میں ڈالر کا بھاؤ کاروبار اختتام پر 287 روپے 91 پیسے ہے۔ گذشتہ روز کاروبار اختتام پر ڈالر کا بھاؤ 287 روپے 43 پیسے تھا۔ انٹربینک تبادلہ میں ڈالر آج 48 پیسے مہنگا ہوا ہے دوسری جانب اوپن مارکیٹ میں ڈالر 25 پیسے سستا ہوکر 294 روپے 75 پیسے کا ہوگیا ہے۔

    پاکستانی روپے کے مقابلےمیں امریکی ڈالرمہنگا، اسٹاک ایکسچینج میں بھی کاروبار کا منفی رجحان

    علاوہ ازیں ملک میں آج کاروباری ہفتے کے مسلسل دوسرے روز سونے کی قیمت میں کمی ہوئی ہےبین الاقوامی بلین مارکیٹ میں فی اونس سونے کی قیمت میں 13 ڈالر کی کمی ہوئی، جس کے بعد عالمی مارکیٹ میں فی اونس سونے کی نئی قیمت 1927 امریکی ڈالر کی سطح پر آگئی۔

    ملکی صرافہ مارکیٹوں میں منگل کے روز سونے کی فی تولہ قیمت میں 600 روپے کمی دیکھنے میں آئی، جس کے بعد ملک میں فی تولہ سونے کی قیمت 2 لاکھ 21 ہزار 100 روپے ہوگئی،اسی طرح 10 گرام سونے کی قیمت میں 514 روپے کی کمی ہوئی ہے، جس کے بعد 10 گرام سونے کا دام ایک لاکھ 89 ہزار 558 روپے ہے۔

    ملک میں سونےکی فی تولہ قیمت میں مزید اضافہ

  • انٹر بینک میں ڈالر سستا،دو سال بعد 100 انڈیکس 48 ہزار کی سطح عبور

    انٹر بینک میں ڈالر سستا،دو سال بعد 100 انڈیکس 48 ہزار کی سطح عبور

    کاروباری ہفتے کے پہلے ہی روز انٹر بینک میں روپے کے مقابلے میں ڈالر کی قیمت کم ہو گئی۔

    باغی ٹی وی: انٹر بینک میں ڈالر 55 پیسے سستا ہوگیا، جس کے بعد ڈالر 287 روپے پر ٹریڈ کر رہا ہے ڈالر کی قیمت کم ہونے سے روپے کی قدر میں معمولی بہتری آئی دوسری جانب پاکستان اسٹاک ایکسچینج میں کاروبار میں تیزی دیکھی جا رہی ہے اسٹاک ایکسچینج کے 100 انڈیکس میں 929 پوائنٹس کا اضافہ ہوا ، دو سال بعد 100 انڈیکس 48 ہزار کی سطح عبور کر گیا، جس کے بعد دو سال بعد 48 ہزار کی حد بحال ہوگئی معاشی تجزیہ کار سمیع اللہ طارق کا کہنا ہے کہ پاکستان اسٹاک ایکس چینج میں تیزی کی وجہ آئی ایم ایف سے ہونے والا معاہدہ ہے-

    واشنگٹن ڈی سی میں طوفانی ہوائیں ہزاروں افراد بجلی سے محروم

    واضح رہے کہ گزشتہ کاروباری ہفتے کے دوران پاکستان اسٹاک ایکسچینج کے 100 انڈیکس کی سطح 20 ماہ کی بلند ترین سطح پر رہی اور انڈیکس کاروباری ہفتے میں 1156 پوائنٹس مثبت رہا،چار روزہ کاروباری ہفتے کے اختتام پر انڈیکس 47 ہزار 77 پر رہا اور کاروباری ہفتے میں انڈیکس 1520 پوائنٹس کے بینڈ میں رہا جب کہ ہفتہ بھر میں ایک ارب 50 کروڑ شیئرز کے سودے ہوئے۔

    پرویز خٹک کے بیٹے بھی پی ٹی آئی سے آؤٹ،نو ٹیفکیسن جاری

  • ڈالر کی قیمت میں ریکارڈ کمی

    ڈالر کی قیمت میں ریکارڈ کمی

    اوپن مارکیٹ میں مزید سستا ہو گیا۔

    باغی ٹی وی: عید الاضحٰی کی چھٹیوں کے بعد ڈالر کی قیمت میں یکدم بڑی کمی ریکارڈکی گئی، آج پیر کو پہلے کاروباری روز کے دوران ڈالر کی قیمت میں مزید 5 روپے کی کمی ریکارڈ کی گئی جس کے بعد ڈالر کی نئی قیمت اوپن مارکیٹ میں 284 روپے پر آگئی ہے۔

    دوسری جانب عالمی مالیاتی ادارے (آئی ایم ایف) اور پاکستان کے درمیان معاہدے کے بعد کاروباری ہفتے کے پہلے ہی روز زبردست تیزی دیکھنے میں آئی، اسٹاک ایکس چینج کے 100 انڈیکس میں 2436 پوائنٹس کا اضافہ ریکارڈ کیا گیا جس کے بعد 100 انڈیکس 43 ہزار 889 کی سطح پر ٹریڈ ہورہا ہے۔آئی ایم ایف سے 3 ارب ڈالر کی اسٹینڈ بائے اریجمنٹ کے بعد پاکستان اسٹاک ایکسچینج کی تاریخ میں پہلی مرتبہ کاروبار کا 2 ہزار 231 پوائنٹس اضافے کے ساتھ آغاز ہوا-

    پاکستان اسٹاک مارکیٹ میں زبردست تیزی

    پاکستان اسٹاک ایکسچینج میں 100 انڈیکس 2 ہزار 400 پوائنٹس کے تاریخی اضافے کے بعد 43 ہزار 853 پر آ گیا ہے۔ عید الاضحیٰ کی تعطیلات سے قبل 100 انڈیکس 41 ہزار 452 پوائنٹس پر بند ہوا تھا۔

    وزیراعظم شہباز شریف نے پاکستان اسٹاک ایکس چینج میں 2 ہزار 231 پوائنٹس کے غیرمعمولی اضافے کے ساتھ کاروبار کے آغاز پر قوم اور کاروباری برادری کو مبارک دی اور کہا کہ الحمدللہ، ملک دوبارہ ترقی کے راستے پر گامزن ہو چکا ہےشدید مایوسیوں کے بعد امید کا نیا سورج طلوع ہو رہا ہے، قوم کو مبارک ہو،آئی ایم ایف سے سٹاف لیول معاہدے اور 3 ارب ڈالر کے سٹینڈ بائی ارینجمنٹ کے نتیجے میں سرمایہ کاروں اور کاروباری برادری کا تیزی سے اعتماد بحال ہو رہا ہے خدا کرے کہ پاکستان کی ترقی کا سفر یوں ہی جاری رہے قائد محمد نوازشریف نے معاشی ترقی، مہنگائی میں کمی اور پاکستان کی تعمیر وترقی کا سفر جہاں چھوڑا تھا، وہیں سے پھر دوبارہ آغاز ہو رہا ہے ہماری مسلسل محنت اور درست پالیسیوں کے نتیجے میں معاشی بحالی کے آثار نمایاں ہونا شروع ہوگئے ہیں-

    آئی ایم ایف کی ایک اور شرط تسلیم، گیس اور بجلی کی قیمت میں اضافہ

  • پاکستان اسٹاک ایکسچینج میں ہفتہ وار بنیادوں پر اتار چڑھاؤ کے باوجود تیزی رہی

    پاکستان اسٹاک ایکسچینج میں ہفتہ وار بنیادوں پر اتار چڑھاؤ کے باوجود تیزی رہی

    کراچی: نئے کلینڈر سال کی سرمایہ کاری ترجیحات کے مطابق تازہ سرمایہ کاری رحجان سے پاکستان اسٹاک ایکسچینج میں ہفتہ وار بنیادوں پر اتار چڑھاؤ کے باوجود تیزی رہی۔

    باغی ٹی وی: ہفتہ وار کاروبار میں انڈیکس کی 41000پوائنٹس کی سطح عبور ہوگئی،ہفتہ وار کاروبار کے 3 اسیشنز میں تیزی،2اسیشنز میں مندی رہی،مجموعی طو پرتیزی کےسبب حصص کی مالیت 8ارب 99 کروڑ 47لاکھ 18ہزار 14 روپےبڑھ گئی جس سےمارکیٹ کا مجموعی سرمایہ بھی بڑھ کر 65 کھرب 9 ارب 82 کروڑ 25 لاکھ 35 ہزار 435 روپے ہوگیا۔

    وزیراعلیٰ پنجاب نےفلورملوں کوگندم کایومیہ سرکاری کوٹہ بڑھاکرڈبل کردیا

    علاوہ ازیں آئی ایم ایف شرائط تسلیم کرنے میں تاخیر اور قرض پروگرام کی عدم بحالی سے ہفتہ وار کاروبار کے دوران ڈالر کی پیش قدمی جاری رہی جبکہ روپیہ کمزور رہا، درآمدی ادائیگیوں کے دباؤ، منفی خدشات سے روپیہ دباؤمیں رہا۔

    انٹربینک میں ڈالر کی میں اضافہ جبکہ پاؤنڈ اور یورو کی قدروں میں کمی ہوئی لیکن اس کے برعکس اوپن مارکیٹ میں ڈالر پاؤنڈ یورو کی قدروں میں اضافہ ہوا،ہفتہ وار کاروبار میں ڈالر کے انٹربینک ریٹ 227 روپے جبکہ اوپن ریٹ 236 روپے کی سطح سے تجاوز کرگئے۔

    ہفتے وار کاروبار کے دوران انٹربینک مارکیٹ میں ڈالر کی قدر 70پیسے بڑھ کر 227.13روپے پر بند ہوئی جبکہ اوپن مارکیٹ میں ڈالر کی قدر 1روپے بڑھکر 236.50روپے پر بند ہوئی۔

  • پاکستان اسٹاک ایکسچینج میں مندی کا رجحان

    پاکستان اسٹاک ایکسچینج میں مندی کا رجحان

    پاکستان اسٹاک ایکسچینج (پی ایس ایکس) میں آج کاروبار کا ملا جلا رجحان رہا،100 انڈیکس 61 پوائنٹس کم ہوکر 46 ہزار 539 پر بند ہوا ہے۔

    باغی ٹی وی : 100 انڈیکس میں 46 ہزار 539 پوائنٹس کی سطح گرگئی کاروباری دن میں 100 انڈیکس 540 پوائنٹس کے احاطے میں رہا جبکہ انڈیکس کی بلند ترین سطح سطح 46 ہزار 959 اور کم ترین سطح 46 ہزار 428 رہی-

    ملک میں بڑھتی ہوئی مہنگائی اور بے روز گاری نے عوام کی کمر توڑ دی ہے : سعید احمد…

    حصص بازار میں 25 کروڑ 56 لاکھ شیئرز کا کاروبار 9 ارب 64 کروڑ روپے میں ہوا پی ایس ایکس کی مارکیٹ کیپٹلائزیشن 6 ارب روپے بڑھ کر 7 ہزار 764 ارب روپے ہے-

    ماہرین کا کہنا تھا کہ نئی حکومت کا فوری طور پر آئی ایم ایف سے رجوع کرنے اور مطلوبہ شرائط پر مزاکرات کے آغاز جیسے عوامل کے سبب کاروباری دورانیے میں ایک موقع پر 368 پوائنٹس کی تیزی بھی رونما ہوئی لیکن فوری منافع کے حصول کا رحجان غالب ہونے سے مذکورہ تیزی برقرار نہ رہ سکی اور ایک موقع پر 173 پوائنٹس کی مندی بھی رونما ہوئی تاہم اختتامی لمحات میں نچلی قیمتوں پر حصص کی خریداری بڑھنے سے مندی کی شدت میں کمی واقع ہوئی۔

    بھارت میں مسلمانوں کے خلاف تشدد اور ٹارگٹ حملوں کی پاکستان نے کی مذمت

    کاروباری حجم گذشتہ جمعہ کی نسبت 30.12فیصد کم رہا اور مجموعی طور پر 25کروڑ 56لاکھ 8ہزار 677حصص کے سودے ہوئے کاروباری سرگرمیوں کا دائرہ کار 336 کمپنیوں کے حصص تک محدود رہا جن میں 107 کے بھاؤ میں اضافہ ، 199 کے داموں میں کمی اور 30 کی قیمتوں میں استحکام رہا۔

    فرح خان کیسے کرپشن کر سکتی ؟ عمران خان بھی بول پڑے