Tag: پاکستان اسٹیل ملز

بن قاسم ٹاؤن پولیس نے کارروائی کرتے ہوئے پاکستان اسٹیل ملز سے قیمتی لوہا اور تانبہ چوری کرنے والے گروہ کے سات ملزمان کو گرفتار کر لیا۔

پولیس کے مطابق ملزمان کافی عرصے سے اسٹیل ملز سے قیمتی دھاتیں چوری میں ملوث تھے۔پولیس نے ملزمان کی شناخت سرور، صدام علی، غلام مصطفی، سید وقاص، عرفان، صدام، اور مجنوں کے طور پر کی ہے، جبکہ ان کے دو ساتھی فرار ہونے میں کامیاب ہوگئے۔پولیس نے ملزمان کے قبضے سے چوری شدہ تین بجلی کے کھمبے برآمد کر لیے ہیں۔ ملزمان کے خلاف چوری کا مقدمہ درج کر کے مزید تحقیقات کے لیے انہیں شعبہ تفتیش کے حوالے کر دیا گیا ہے۔پولیس حکام کا کہنا ہے کہ ملزمان کافی عرصے سے اسٹیل ملز سے دھاتوں کی چوری میں ملوث تھے اور ان کے خلاف ٹھوس شواہد جمع کیے جا چکے ہیں۔فرار ہونے والے دو ساتھیوں کی تلاش جاری ہے، اور پولیس کا کہنا ہے کہ جلد انہیں بھی گرفتار کر لیا جائے گا۔

عراق میں ہزار وں پاکستانی غیر قانونی طور پر مقیم ، دونوں ممالک میں تناو