پاکستان اور متحدہ عرب امارات کے درمیان گورننس اور ادارہ جاتی ترقی کے شعبے میں تعاون کے لیے مفاہمتی معاہدہ طے پا گیا۔
وزارت منصوبہ بندی کی جانب سے جاری اعلامیہ کے مطابق، پاکستان اور یو اے ای نے حکومتی اصلاحات اور ادارہ جاتی تجربات کے تبادلے سے متعلق معاہدے پر دستخط کیے ہیں۔ معاہدے کے تحت دونوں ممالک انسانی وسائل، شہری سہولیات، اور سائنس و ٹیکنالوجی کے شعبوں میں دوطرفہ تعاون کو فروغ دیں گے۔
یو اے ای کے وفد کی قیادت نائب وزیر برائے مسابقتی امور عبداللہ ناصر لوطہ نے کی، جب کہ معاہدے کے بعد وفد نے وفاقی وزیر منصوبہ بندی احسن اقبال سے ملاقات بھی کی۔
اس موقع پر وفاقی وزیر احسن اقبال نے کہا کہ یہ معاہدہ گورننس کو جدید تقاضوں سے ہم آہنگ کرنے اور اداروں کو مضبوط بنانے کے مشترکہ عزم کی عکاسی کرتا ہے۔ ان کا کہنا تھا کہ معاہدے کا مقصد ایسا حکومتی نظام تشکیل دینا ہے جو مؤثر، جوابدہ اور جدید سوچ کا حامل ہو۔
ایرانی وزیر خارجہ کی اسرائیل کو وارننگ، جنگی مجرموں کو کچلتے رہیں گے
امریکا کی اپنے شہریوں کو فوری طور پر ایران چھوڑنے کی ہدایت
اسرائیل اپنے وجود کو خطرے میں ڈال رہا ہے،ترک صدر اردوان
عراق میں پھنسے 268 پاکستانیوں کی واپسی مکمل، باقی زائرین کیلئے اقدامات جاری
کمشنر کراچی نے حب کینال میں نہانے اور تیراکی پر مکمل پابندی عائد کر دی
