Tag: پاکستان تحریک انصاف

پاکستان تحریک انصاف نے اپنی سیاسی کمیٹی دوبارہ تشکیل دے دی ہے-

پاکستان تحریک انصاف نے اپنی سیاسی کمیٹی کی ازسرِنو تشکیل کا نوٹیفکیشن جاری کر دیا ہے، جس کے تحت 23 اہم رہنماؤں کو نئی کمیٹی میں شامل کیا گیا ہے،پارٹی کے سیکریٹری جنرل سلمان اکرم راجہ کو کمیٹی کی تشکیل کی ہدایت دی گئی ہے، جبکہ چیئرمین پی ٹی آئی بیرسٹر گوہر بھی کمیٹی کا حصہ ہیں۔

نوٹیفکیشن کے مطابق کمیٹی میں شامل دیگر نمایاں شخصیات میں سیکریٹری جنرل سلمان اکرم راجہ، فِردوس شمیم نقوی، شیخ وقاص اکرم، وزیراعلیٰ خیبرپختونخوا سہیل آفریدی، سینیٹ میں اپوزیشن لیڈر علامہ راجہ ناصر عباس اور قومی اسمبلی میں اپوزیشن لیڈر محمود خان اچکزئی شامل ہیں،سابق اپوزیشن لیڈر عمر ایوب، سابق سینیٹ اپوزیشن لیڈر شبلی فراز اور پنجاب اسمبلی کے اپوزیشن لیڈر معین قریشی کو بھی کمیٹی کا حصہ بنایا گیا ہے۔

اسی طرح پنجاب سے سابق اپوزیشن لیڈر ملک احمد خان بھچر، اوورسیز چیپٹر کے سیکریٹری سجاد برکی، چیف آرگنائزر پنجاب زعالیہ حمزہ، جُنید اکبر، حلیم عادل شیخ اور داؤد کاکڑ کو بھی کمیٹی میں نمائندگی دی گئی ہےآزاد کشمیر کے خالد خُورشید اور گلگت بلتستان کے سردار قیوم نیازی بھی نئی کمیٹی میں شامل ہیں،سابق اسپیکر قومی اسمبلی اسد قیصر، قومی اسمبلی کے چیف وہپ عامر ڈوگر، سینیٹ کوآرڈینیٹر فوزیہ ارشد، خواتین ونگ کی صدر کنول شوزب اور اقلیتی ونگ کے صدر لال چند ملہی بھی کمیٹی کا حصہ ہیں۔

نوٹیفکیشن میں کہا گیا ہے کہ سیاسی کمیٹی پی ٹی آئی کا اعلیٰ ترین فیصلہ ساز فورم ہو گی، جو پارٹی کی پالیسی سازی، حکمت عملی اور پارلیمانی جماعتوں کے لیے رہنما پالیسیوں کی تشکیل کی ذمہ دار ہوگی۔

رکن قومی اسمبلی اور پی ٹی آئی کے سابق رہنما شیر افضل مروت نے انکشاف کیا ہے کہ 26 نومبر کو پاکستان تحریک انصاف نے اجتماعی دعا کا فیصلہ کیا تھا، جبکہ آئندہ احتجاج میں پارٹی کی جانب سے اجتماعی دم اور استخارہ کیا جائے گا۔

نجی ٹی وی سے گفتگو میں انہوں نے کہا کہ 26 نومبر کے بعد پی ٹی آئی چاہتی تو احتجاج کرسکتی تھی، تاہم اس روز پارٹی پر گہرا وار کیا گیا، جو صرف پی ٹی آئی نہیں بلکہ ملک کی تمام سیاسی جماعتوں کی احتجاجی سیاست کے لیے دھچکا تھا۔ ان کے مطابق اس واقعے کے بعد تحریک لبیک کے خلاف بھی کارروائی دیکھی گئی۔شیر افضل مروت نے دعویٰ کیا کہ پارٹی میں میرٹ کے بجائے پسندیدہ افراد کو عہدے دیے جاتے رہے اور اہل قیادت کو نظرانداز کیا گیا۔

انہوں نے کہا کہ عمران خان نے یقین دہانی کرائی تھی کہ 26 نومبر کو احتجاج ہوگا، مگر اب صورتحال یہ ہے کہ پارٹی رہنماؤں کو چیئرمین سے ملاقات تک نہیں کرنے دی جا رہی۔ ان کے مطابق اگر عمران خان کو علم ہوتا کہ احتجاج کی تیاریاں نہیں ہوئیں تو وہ سخت برہمی کا اظہار کرتے

پاکستان و سعودی عرب کی انسدادِ دہشت گردی فوجی مشق البطار-II مکمل

سینیٹ میں پاکستان تحریک انصاف (پی ٹی آئی) کے سینیٹرز نے قائم مقام چیئرمین سیدال خان ناصر کے خلاف شدید احتجاج کیا اور ان کے استعفے کا مطالبہ کیا۔

اجلاس کا آغاز سیدال خان ناصر کی زیر صدارت ہوا تو پی ٹی آئی سینیٹر ہمایوں مہمند نے کہا کہ گزشتہ اجلاس میں چیئرمین کا رویہ درست نہیں تھا، اس پر اعتماد نہیں کیا جا سکتا۔ انہوں نے مطالبہ کیا کہ چیئرمین کی نشست چھوڑ دی جائے۔سینیٹر طاہر خلیل سندھو نے کہا کہ اس دن چیئرمین کو بھی گالیاں دی گئی تھیں، اس معاملے کی تحقیقات کے لیے کمیٹی قائم کی جائے۔پی ٹی آئی ارکان نے نعرے بازی اور ڈیسک بجا کر احتجاج کیا اور ڈپٹی چیئرمین کے استعفے کا مطالبہ دہراتے رہے۔

دوران اجلاس پیپلز پارٹی کا بائیکاٹ جاری رہا جبکہ مسلم لیگ ن کے سینیٹرز بھی ایوان سے واک آؤٹ کر گئے۔ بعد ازاں سینیٹر عبدالقادر نے کورم کی نشاندہی کر دی جس پر ایوان میں گھنٹیاں بجائی گئیں۔پی ٹی آئی سینیٹرز نے مؤقف اپنایا کہ ایوان میں کورم پورا ہے، تاہم قائم مقام چیئرمین نے کہا کہ ہماری کوشش بلوچستان پر بات کرنے کی تھی لیکن ہنگامے نے ایوان کا ماحول بگاڑ دیا۔بعد ازاں سینیٹ کا اجلاس جمعہ صبح گیارہ بجے تک ملتوی کر دیا گیا۔

گوگل کا پاکستانی طلبا کو مفت جیمینائی اے آئی پرو پلان دینے کا اعلان

ترکیہ کا غزہ جنگ بندی معاہدے کی ٹاسک فورس میں شامل ہونے کا اعلان

بھارت کے لیے ویزا قوانین میں نرمی نہیں ہوگی،برطانوی وزیراعظم

افغان حکومت کی پاکستان میں سرگرم افراد کو بسانے کی پیشکش، 10 ارب روپے طلب