Baaghi TV

Tag: پاکستان رینجرز

  • رینجرز نے پاکستانی حدود میں داخل ہونیوالے بھارتی بارڈر سکیورٹی فورس کے اہلکار کو پکڑلیا

    رینجرز نے پاکستانی حدود میں داخل ہونیوالے بھارتی بارڈر سکیورٹی فورس کے اہلکار کو پکڑلیا

    پاکستان رینجرز نے انٹرنیشنل بارڈر عبور کرکے پاکستانی حدود میں آنے والے بھارتی بارڈر سکیورٹی فورس (بی ایس ایف) کے اہلکار کو حراست میں لے لیا۔

    بھارتی میڈیا نے رپورٹ کیا ہے کہ واقعہ بدھ کے روز ضلع فیروزپور کے قریب پیش آیا تھا، جب بی ایس ایف کی 182ویں بٹالین سے تعلق رکھنے والا کانسٹیبل پی کے سنگھ وردی میں ملبوس اور سروس رائفل کے ساتھ سرحد کے قریب کسانوں کے ہمراہ موجود تھا،ھارت نے بی ایس ایف اہلکار کی گرفتاری کی تصدیق کردی۔

    پاکستان نے بھارتی پروازوں کے لیے فضائی حدود بند کر دی

    پاکستانی حکام نے بھارتی فوجی اہلکار کو فوری طور پر تحویل میں لے لیا اور واقعے سے متعلق بھارتی حکام کو مطلع کیا بی ایس ایف اہلکار کی واپسی کیلئے دونوں ممالک کی سرحدی فورسز کے درمیان فلیگ میٹنگ جاری ہے۔

    واہگہ بارڈر پر پرچم اتارنے کی تقریب محدود کرکے پاکستان اور بھارت کی جانب دونوں گیٹس کو روایت کے خلاف بند رکھا گیا،پریڈ کے دوران صرف پرچم اتارا گیا ،گیٹ کھلے نہ دونوں اطراف کے اہلکاروں نے مصافحہ کیا ۔

    بھارتی ناظم الامور کی دفتر خارجہ طلبی، پاکستان نے جوابی فیصلوں سےتحریری آگاہ کردیا

  • خالد مقبول کا رینجرز ،پولیس اہلکاروں کی شہادت پراظہار افسوس

    خالد مقبول کا رینجرز ،پولیس اہلکاروں کی شہادت پراظہار افسوس

    متحدہ قومی موومنٹ پاکستان کے چیئرمین ڈاکٹر خالد مقبول صدیقی نے اسلام آباد میں مظاہرین کے ہاتھوں رینجرز اور پولیس کے اہلکاروں کی شہادت پر افسوس کا اظہار کیا ہے۔

    باغی ٹی وی کے مطابق اپنے ایک بیان میں انہوں نے کہا ہے کہ پاکستان اس وقت کسی نوعیت کے انتشار کا متحمل نہیں ہوسکتا، پی ٹی آئی کے رہنما ذمہ داری کا مظاہرہ کریں، پی ٹی آئی کو اپنے مفادات اور سیاست سے پہلے پاکستان کی بہتری کیلئے سوچنا چاہئے۔انہوں نے کہا کہ پی ٹی آئی سمیت تمام سیاسی جماعتوں اور ہر شہری کو احتجاج کا حق حاصل ہے لیکن حکومت کی رٹ کو چیلنج کرنا غیر ذمہ دارانہ عمل ہے جو کسی بھی محب وطن سیاسی جماعت کو زیب نہیں دیتا۔ پی ٹی آئی کے رہنما یہ یاد رکھیں کہ حکومتیں تو تبدیل ہوتی رہتی ہیں اٴْن کے خلاف قانون کے دائرے میں رہتے ہوئے احتجاج کیا جاسکتا ہے لیکن سرکاری اہلکاروں کی شہادت جیسے انتہائی اقدام اٴْٹھائے جانے یا ریاست پر براہِ راست حملہ آور ہونے کا مداوا پی ٹی آئی کبھی نہیں کر سکے گی۔ آخر میں انہوں نے ریاست مخالف احتجاج اور شرپسندی کا حصہ نہ بننے پر کراچی کے پرامن اور محب وطن شہریوں کا شکریہ ادا کیا۔

    پولیس کو جدید خطوط پر استوار کر رہے ہیں، وزیراعلیٰ سندھ

    سانحہ پارا چنار فرقہ وارانہ فسادات کروانے کی سازش ہے ، ملی یکجہتی کونسل

  • رینجرز،پولیس کی کارروائی، ڈکیتی میں ملوث 3 ملزما ن گرفتار

    رینجرز،پولیس کی کارروائی، ڈکیتی میں ملوث 3 ملزما ن گرفتار

    پا کستان رینجرزسندھ اور سرجانی پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے سرجانی نزداٹک پٹر ول پمپ،ناردرن بائی پاس سے دوران اسنیپ چیکنگ ڈکیتی کی متعدد وارداتوں میں ملوث3 ملزما ن شبیر، جمشید اور گل باز کو گرفتار کر لیا۔

    ترجمان سندھ رینجرز نے بتایا کہ ملزمان کے قبضے سے تین عدد30بور پسٹل بمعہ ایمونیشن،تین عدد چوری شدہ موبائل فونز اور ایک عدد جعلی نمبر پلیٹ موٹرسائیکل برآمد ہواہے۔ترجمان رینجرز کے مطابق ملزمان ڈکیتی، اسٹریٹ کرائم، راہ چلتے شہریوں سے اسلحہ کے زور پر نقدی اور موبائل فون چھیننے کے متعدد وارداتوں میں ملوث ہیں۔ ملزمان عادی مجرم ہیں اور ان کے خلاف کراچی کے مختلف تھانوں میں متعدد ایف آئی آرزدرج ہیں۔گرفتار ملزمان کو بمعہ اسلحہ و ایمونیشن اور مسروقہ سامان مزید قانونی کاروائی کے لیئے پولیس کے حوالے کر دیا گیاہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

    9 مئی: 4 افغان سمیت 10 ملزمان کو 6 سال قید، جرمانے

    9 مئی: 4 افغان سمیت 10 ملزمان کو 6 سال قید، جرمانے

    پرتھ ٹیسٹ:بھارت کے بعدآسٹریلیا مشکلات سے دوچار

    سیالکوٹ: ناجائز اسلحہ اور ہوائی فائرنگ، تھانہ کوتوالی کا کریک ڈاؤن

  • لاہور میں قیام امن کیلئے رینجرز طلب

    لاہور میں قیام امن کیلئے رینجرز طلب

    لاہور میں امن و امان قائم رکھنے کےلیے رینجرز کو طلب کرلیا گیا ہے۔

    سرکاری ذرائع کے مطابق لاہور میں رینجرز کو طلب کرلیا گیا ہے، طلبی کا مقصد صوبائی دارالحکومت میں امن و امان قائم رکھنا ہے۔سرکاری ذرائع کے مطابق جی پی او چوک کے باہر اور کئی دیگر پوائنٹس پر رینجرز موجود ہے۔خیال رہے کہ لاہور میں احتجاج کے پیش نظر شہر کے داخلی راستے بند کرکے مختلف شاہراہوں پر پولیس تعینات کی گئی ہے۔ جی ٹی روڈ سے بتی چوک آنے والا راستہ کنٹینر لگا کر مکمل طور پر بند کردیا گیا ہے، مینار پاکستان جانے والے تمام راستوں پر بھی کنٹینر رکھ دیےگئے ہیں۔ رنگ روڈ محمود بوٹی سمیت مختلف مقامات سے بند ہے،گاڑیوں کی قطاریں لگ گئی ہیں ۔ بابو صابو انٹر چینج بھی کنٹینرز کے ذریعے سیل کردیا گیا ہے۔

    ایمبولینسیں پھنسنے سے مسافروں کے ساتھ ساتھ مریض بھی پریشان ہیں۔ لاہور سے دوسرے شہر جانے والی ٹرانسپورٹ بھی مکمل طور پر بند ہے اور ویگن والوں نے کرایوں میں اضافہ کردیا ہے۔دوسری جانب ایس سی او کانفرنس کے پیش نظر پنجاب حکومت نے امن و امان کی صورت حال کو برقرار رکھنے کے لیے پاک فوج کو طلب کیا ہے۔وزارت داخلہ پنجاب کی جانب سے فوج کی خدمات سے متعلق قواعد کا نوٹیفکیشن بھی جاری کر دیا گیا ہے جس میں بتایا گیا ہے کہ آئین کے آرٹیکل 245 کے تحت مسلح افواج کو طلب کیا گیا ہے۔نوٹیفکیشن کے مطابق فوج، سول آرمڈ فورسز اور پولیس سے مل کر ایس سی او کانفرنس میں امن و امان برقرار رکھے گی، ائیر پورٹس، راستوں، مقامات اور اردگرد علاقوں میں امن و امان برقرار رکھا جائے گا۔

    پنجاب حکومت کے اعلامیے میں کہا گیا ہے کہ فوج کو واضح غیر مبہم رولز آف انگیجمنٹ دیے گئے ہیں، مسلح افواج، سول آرمڈ فورسز، قانون نافذ کرنے والے ادارے کسی بھی خطرے کی اطلاع حاصل کرسکیں گے، دشمن عناصر، ہجوم یا فسادیوں کی طرف سے حملہ یا دھمکی کے موقع پر اقدامات کر سکیں گی۔

    یاد رہے کہ گزشتہ روز شنگھائی تعاون تنظیم اجلاس کے پیش نظر وفاقی دارالحکومت اسلام آباد اور گرد و نواح میں فوج کی تعیناتی کا عمل مکمل کیا گیا تھا۔

  • 6 بھارتی شہری پاکستانی حدود میں گرفتار

    6 بھارتی شہری پاکستانی حدود میں گرفتار

    پاکستان رینجرز نے پاک بھارت بین الاقوامی سرحد کے قریب پاکستانی حدود سے 6 بھارتی شہریوں کو حراست میں لے لیا

    ڈی جی آئی ایس پی آر کے مطابق بھارتی شہریوں کو 29 جولائی سے 3 اگست کے دوران حراست میں لیا گیا ،بھارتی اسمگلرز،جرائم پیشہ افراد منشیات، ہتھیار اور ایمونیشن پاکستان اسمگل کرنے کی کوشش کر رہے تھے ،29 جولائی سے 3 اگست تک دراندازی کی کوششوں میں 6 بھارتی اسمگلر گرفتار کئے گئے ہیں، گرفتار بھارتی شہریوں میں فیروزپور کے رہائشی گرمیج سنگھ، شندر سنگھ، جگندر سنگھ اور وشال سنگھ شامل ہیں، جالندھر کا رہائشی مہندر سنگھ اور لدھیانہ سے تعلق رکھنے والا گروندر سنگھ بھی گرفتار کئے گئے ہیں،

    ڈی جی آئی ایس پی آر کے مطابق گرفتار اسمگلروں کے خلاف پاکستان میں غیر قانونی داخلے اور ریاست مخالف سرگرمیوں پر پاکستانی قوانین کے مطابق کاروائی کی جائے گی،بھارتی اسمگلروں کی بی ایس ایف کے زیر نگرانی بارڈر سے بلا روک ٹوک نقل و حرکت حیران کن ہے،بھارتی بی ایس ایف کا اسمگلروں کے ساتھ ممکنہ گٹھ جوڑ بعید از قیاس نہیں،توقع رکھتے ہیں کے بی ایس ایف بارڈر پر نگرانی کا نظام مؤثر اور اسمگلروں کے ساتھ گٹھ جوڑ ختم کرے گی،

    ڈی جی آئی ایس پی آر کے مطابق یہ بات بھی حیران کن ہے کہ بھارتی بی ایس ایف کے دستے اب تک چھ لاپتہ شہریوں کی اطلاع دینے میں ناکام رہے ہیں۔

    آرمی چیف نے مختلف فارمیشنز کے الوداعی دوروں کے ایک حصے کے طور پر سیالکوٹ اور منگلا گیریژن کا دورہ کیا۔

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    صدر مملکت ڈاکٹر عارف علوی نے آرمی چیف کی تعیناتی پر دستخط کر دئیے

    بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

    سینئرصحافی و اینکر پرسن مبشر لقمان نے سابق وزیراعظم عمران خان کے حوالہ سے اہم انکشافات کئے ہیں

  • ڈکیتی وارداتوں کی بڑھتی وجہ منشیات کا استعمال اور بےروزگاری ہے،ترجمان سندھ رینجرز

    ڈکیتی وارداتوں کی بڑھتی وجہ منشیات کا استعمال اور بےروزگاری ہے،ترجمان سندھ رینجرز

    رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،

    ترجمان رینجرزنے بریفنگ میں بتایا کہ دہشت گردی ، قتل ، بھتہ خوری ، اقدام قتل ، اغواء برائے تاوان اور منشیات کے خلاف آپریشن کیے گئے،سال بھر میں مختلف 2292 آپریشن کے دوران 4213 ملزمان کو گرفتار کیا گیا ، دہشت گردی کے خلاف 181 آپریشن کے دوران 60 دہشت گرد گرفتار اور 11 جدید اسلحہ برآمد کیے گئے ٹارگٹ کلنگ میں ملوث ملزمان کی گرفتاری کے لیئے 10 آپریشن میں 6 ٹارگٹ کلرز گرفتار کیے گئے بھتہ خوری کے خلاف 48 آپریشن میں 65 بھتہ خور گرفتار کیے گئے 64 عدد اسلحہ برآمد کئے گئے،ڈکیتوں کے خلاف 506 آپریشن میں 725 ڈاکوں گرفتار کرکے 406 اسلحے برآمد کئے گئے منشیات فروشوں کے خلاف 659 چھاپوں کے دوران 738 ملزمان گرفتار 216 چھوٹے بڑے اسلحے برآمد کئے گئے، غیر قانونی اسلحے کے خلاف 18 چھاپہ مار کارروائیاں کی گئیں اور 2 ملزمان گرفتار اور 1091 اسلحہ برآمدکئے گئے سندھ رینجرز کی 2 جوانوں نے جام شہادت نوش کیا ، 5 رینجرز جوان زخمی ہوئے ،

    خاتون کی غیر اخلاقی ویڈیو وائرل کرنیوالا ملزم لاڑکانہ سے گرفتار

    موٹروے کے قریب خاتون سے مبینہ زیادتی ،پولیس کی 20 ٹیمیں تحقیقات میں مصروف

    ‏موٹروے پر اجتماعی زیادتی کا سن کر دل دہل گیا ، ملوث تمام افراد کو کیفر کردار تک پہنچایا جائے ، مریم نواز

    ترجمان رینجرز کے مطابق سال نوکے موقع پرسیکیورٹی اقدامات کے لیے موٹرسائیکل اسکواڈ تشکیل دیا گیا ہے،شہربھرمیں ڈکیتی کی وارداتوں کی بڑھتی وجہ منشیات کا استعمال اوربے روزگاری ہے،کراچی اور اندرون سندھ میں منشیات فروشی کے خلاف آپریشن کے دوران مجموعی طور پر 60,000.577 کلو گرام منشیات برآمد کی گئی۔جس میں 1969.16 کلو گرام حشیش، 128.703 کلو گرام ہیروئن، 133.914 کلو گرام آئس / کرسٹل، 8.46 کلو گرام افیم، 6056 کلو گرام گٹکا اور 51705 کلو گرام چھالیہ شامل ہے۔ مختلف کاررائیوں کے دوران 6ہائی پروفائل منشیات فروشوں کو گرفتار کیا گیا ،پاکستان میں غیر قانونی طور پر مقیم غیر ملکیوں کے خلاف آپریشن کے دوران مجموعی طور پر 1719 افراد کو گرفتار کیا گیا۔ جن میں سے 1056 افراد کو پولیس کے حوالے کر دیا گیا جبکہ 663 افراد کو بلوچستان حکومت کی مدد سے واپس اپنے ملک روانہ کردیا گیا۔پاکستان رینجرز (سندھ) کی جانب سے کراچی اور اندرونِ سندھ میں لاء اینڈ آرڈر صورتحال کو کنٹرول کرنے کے ساتھ ساتھ مختلف ایونٹس کے انعقاد خاص طور پر الیکشن، IDEAS، پی ایس ایل، غیر ملکی کرکٹ ٹیموں کے دورہ پاکستان، مسلم اور دوسری کمیونٹیز کے مذہبی تہواروں کے دوران فول پروف سیکیورٹی بھی فراہم کی گئی۔ پاکستان رینجرز (سندھ) نے حالیہ سیلاب کے دوران بھر پور کردار ادا کیا اورمخیر حضرات کے تعاون سے اندرون سندھ میں سیلاب متاثرین کے لیے خوراک، کمبل، کپڑے،2223.617ٹن اشیائے خوردونوش اور 240.813 ملین روپے بھی تقسیم کیے گئے۔پاکستان رینجرز(سندھ) کی جانب سے شہریوں کے مسائل کے حل کے لیے قائم رینجرز مدد گار سیل میں مجموعی طور پر 1580 شکایات موصول ہوئیں جن میں سے 1307 شکایات کا ازالہ کیا گیا جبکہ 17 افراد کو زیر حراست لیا گیا۔

  • پاکستان رینجرز سندھ کی کاروائی ، کروڑوں روپے مالیت کی نان کسٹم پیڈ اشیاء برآمد

    پاکستان رینجرز سندھ کی کاروائی ، کروڑوں روپے مالیت کی نان کسٹم پیڈ اشیاء برآمد

    پاکستان رینجرز نے جیکب آباد اور کشمور میں پنجاب، سندھ اور بلوچستان بارڈر پر کارروائی کرتے ہوئے کروڑوں روپے مالیت کی نان کسٹم پیڈ اشیاء برآمد کرلیں۔

    باغی ٹی وی :ترجمان پاک رینجرز کے مطابق پاکستان رینجرز سندھ کی جانب سے کاروائی کے دوران کسٹم پیڈ اشیاء میں چھالیہ کے 730 بیگز، 450 ٹائرز، 60 لیٹر انجن آئل ، 11000 ہزار لیٹر ایرانی ڈیزل، 23 پرفیوم، صابن کے 37 کارٹن ، 120 شیمپو شامل ہیں-

    برآمد شدہ اشیاء میں خشک دودھ کے 27 بیگز، 4 ہزار354 لیٹر ایرانی کوکنگ آئل، 56 گیئر باکس، چائنہ نمک کے 280 بیگز، 30 شیشہ تمباکو، 75 ٹیگ ڈش واشنگ شامل ہیں-

    اے این ایف انٹیلیجنس کی کراچی میں تین بڑی کارروائیاں

    جبکہ کپڑے کے 75 بنڈل، 69 کمبل، 2 گاڑیاں، 169 ویلڈنگ راڈ کے پیکٹس، 779 اسمارٹ فونز سمیت 2 ہزار 735 موبائل فونز اور 32 سونی ٹیبلیٹس بھی برآمد ہوئے-

    ماموں کی بیٹی کے ساتھ گھناؤنا کام کرنیوالا گرفتار

    ترجمان کے مطابق پاکستان رینجرز سندھ کی جانب سے یہ کاروائی کسٹم حکام کو اسمگلنگ کی روک تھام میں معاونت فراہم کرنے کے لیے انٹیلی جنس معلومات کی بنیاد پر ضلع جیکب آباد اور کشمور میں پنجاب، سندھ اور بلوچستان بارڈر پر واقع عبدالجبار شہید، ڈیرہ موڑ اور گڈو چیک پوسٹس پر کی گئی جس کے دوران نان کسٹم پیڈ اشیاء کی اسمگلنگ کی کوشش کو ناکام بنایادیا گیا جن کی مالیت 7 کروڑ 13 لاکھ روپے ہے-

    ترجمان کے مطابق ضبط شدہ سامان مزید قانونی کارروائی کے لیے کسٹم حکام کے حوالے کردیا گیا ہے۔

    منڈی بہاؤالدین میں پولیس آفیسر کو رشوت نہ لینے پر سازش کر کے پھنسوا دیا گیا