چیئرمین پاکستان پیپلز پارٹی بلاول بھٹو زرداری نے کہا ہے کہ پاکستان موسمیاتی تبدیلیوں کے نشانے پر ہے، اس لیے مستقبل کے تمام منصوبے ماحولیاتی صورتحال کو مدنظر رکھ کر بنانا ہوں گے۔
بلاول بھٹو نے پنجاب میں سیلاب سے جاں بحق افراد کے ورثا سے اظہار افسوس کیا اور کہا کہ مون سون کے نئے سلسلے کے آغاز پر سیلاب کی صورتحال مزید سنگین ہو سکتی ہے، اس لیے ہمیں ہر طرح کے حالات کے لیے تیار رہنا ہوگا۔انہوں نے ریسکیو آپریشنز میں مصروف رضاکاروں اور پاک فوج کے جوانوں کے جذبے کو سراہتے ہوئے کہا کہ قوم کو ہر قسم کی تقسیم سے بالاتر ہو کر متحد ہو جانا چاہیے تاکہ بحران کا مقابلہ کیا جا سکے۔
بلاول بھٹو زرداری نے کہا کہ بطور قوم ہم نے پہلے بھی بحرانوں کا سامنا کیا ہے اور اتحاد کی طاقت سے اس بار بھی سرخرو ہوں گے۔ انہوں نے پیپلز پارٹی کے کارکنان اور عہدیداران کو سیلاب متاثرین کی بھرپور مدد کرنے کی ہدایت کی۔
دہشتگردوں کے ساتھ کیسے مذاکرات ہوں؟ سعد رفیق
دہشتگردوں کے ساتھ کیسے مذاکرات ہوں؟ سعد رفیق
بھارتی آبی جارحیت،پنجاب میں سیلاب سے تباہی،درجنوں دیہات زیر آب،20 اموات