Tag: پاکستان پیپلز پارٹی

وزیر اعلیٰ سندھ سید مراد علی شاہ اور سندھ کابینہ کے وزرا نے کہا ہے کہ پاکستان کی مسلح افواج نے بھارت کے غرور کو چند گھنٹوں میں خاک میں ملا کر ثابت کر دیا کہ وہ نہ صرف عسکری طور پر مضبوط، بلکہ جذبہ ایمانی سے سرشار ہے۔

باغی ٹی وی کے مطابق انہوں نے پاکستان پیپلز پارٹی کراچی ڈویژن کے تحت سی ویو کلفٹن پر نشانِ پاکستان کے باہر منعقدہ یومِ تشکر کی تقریب سے خطاب کرتے ہوئے کہی۔وزیر اعلیٰ مراد علی شاہ نے اپنے خطاب میں کہا کہ ہماری فوج نے پاکستان کو سرخرو کیا، مودی کو دن کے تارے دکھائے، اور یہ ثابت کر دیا کہ بھارت کا قصائی اب پاکستان کی جانب میلی آنکھ سے بھی نہیں دیکھے گا۔”انہوں نے کہا کہ پاک افواج کی کامیاب جوابی کارروائی نے بھارت کی سپر پاور کی خودساختہ حیثیت کو ریت کا ڈھیر بنا دیا۔

تقریب سے خطاب کرتے ہوئے وزیر بلدیات سندھ سعید غنی نے کہا کہ”پاک فوج نے چند گھنٹوں میں دشمن کے غرور کو مٹی میں ملا دیا۔ پوری قوم اپنے سیاسی و نظریاتی اختلافات سے بالاتر ہو کر افواجِ پاکستان کے ساتھ کھڑی ہے۔”وزیر توانائی و منصوبہ بندی سید ناصر حسین شاہ نے کہا”ہم سب سے پہلے اللہ تعالیٰ کے شکر گزار ہیں کہ اُس نے کفار پر ہمیں فتح عطا کی۔ پاک افواج نے دشمن کو ہر محاذ پر شکست دی۔”

یومِ تشکر کی تقریب میں محکمہ سیاحت و ثقافت کی جانب سے 40 فٹ طویل فلوٹ پیش کیا گیا جس پر فنکاروں نے ملی نغمے گائے اور پاک فوج کی خدمات کو خراج تحسین پیش کیا۔تقریب سے سعید غنی، ناصر شاہ، ذوالفقار شاہ، سعدیہ جاوید، سمیتا افضال، علی راشد اور ڈپٹی میئر کراچی سلمان عبداللہ مراد نے بھی خطاب کیا۔

امریکا اور یو اے ای کے درمیان جدیداے آئی چپس کی فراہمی کا معاہدہ

ہم نے سیز فائر کی درخواست نہیں کی، بھارت نے جنگ بندی کی پیشکش کی، اسحاق ڈار

پی ایس ایل 10، غیر ملکی کھلاڑیوں نے پاکستان آنے پر آمادگی ظاہر کر دی

گوگل نے 10 سال بعد اپنے لوگو کے "G” حرف کا ڈیزائن تبدیل کر دیا

پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ پاکستان نے ایک بار پھر واضح کر دیا ہے کہ وہ جنگ کا خواہاں نہیں، مگر اپنا دفاع کرنا بخوبی جانتا ہے۔

نجی ٹی وی کو دیے گئے ایک انٹرویو میں بلاول بھٹو زرداری نے کہا کہ پاکستان اور بھارت کے درمیان سیزفائر کی خلاف ورزی نہ صرف دونوں ملکوں بلکہ پورے خطے کے امن کے لیے خطرناک ہو سکتی ہے۔ انہوں نے زور دیا کہ سیزفائر کو قائم رکھنا خطے میں امن کی بنیاد بن سکتا ہے۔ ان کا کہنا تھا کہ حالیہ پاک بھارت کشیدگی میں پاکستان کے مؤقف کو بین الاقوامی سطح پر بڑی کامیابیاں حاصل ہوئیں۔

بلاول بھٹو کا کہنا تھا کہ پاکستان نے کشیدگی کے باوجود تحمل اور ہوش مندی کا مظاہرہ کیا، اور دنیا کو یہ پیغام دیا کہ پاکستان بات چیت سے مسائل کا حل چاہتا ہے۔ انہوں نے مسئلہ کشمیر کے حل کے لیے بھی مذاکرات کو واحد راستہ قرار دیا۔انہوں نے دعویٰ کیا کہ پاکستان نے حالیہ کشیدگی کے دوران بھارت کے چھ جنگی طیارے مار گرائے، جن میں ایک رافیل طیارہ بھی شامل تھا، جو ایک تاریخی واقعہ ہے۔ انہوں نے اسرائیل کی غزہ میں کارروائیوں کی مذمت کرتے ہوئے کہا کہ مسلسل بربریت قابل مذمت ہے۔

سابق وزیر خارجہ نے کہا کہ سندھ طاس معاہدہ اور دریائے سندھ سے نہریں نکالنے کے معاملے پر بھی پاکستان کا مؤقف واضح ہے۔ انہوں نے بتایا کہ پیپلز پارٹی نے اس معاملے کو مختلف عالمی و قومی فورمز پر اٹھایا اور اسی اختلاف کے باعث حکومت کے ساتھ چلنا مشکل ہو گیا تھا۔بلاول بھٹو نے کہا کہ ملک کو درپیش مسائل کا حل مشترکہ مشاورت میں ہے، کیونکہ جو فیصلے سب کی رائے سے ہوں، وہی دیرپا اور مؤثر ہوتے ہیں۔

اداکارہ نادیہ حسین کے شوہر کی مبینہ کرپشن،تحقیقات میں اہم پیش رفت

بھارتی براہموس میزائل ڈپو تباہی، پاکستانی مؤقف کی تصدیق ہوگئی

یوٹرن،عمران خان نےایک اور فیصلہ واپس لے لیا

پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان کی جانب سے بھارتی طیارے مار گرائے جانے کے بعد بھارت سیز فائر پر آمادہ ہوا، جو کہ ایک بڑی سفارتی اور عسکری کامیابی ہے۔

با غی ٹی وی کے مطابق اپنے بیان میں بلاول بھٹو نے پاک-بھارت سیز فائر کو قومی کامیابی قرار دیتے ہوئے پاکستانی عوام، افواج اور فضائیہ کو خراجِ تحسین پیش کیا۔انہوں نے کہا کہ ابتدائی تین دن پاکستان نے صرف دفاعی حکمتِ عملی اپنائی، تاہم جب بھارت نے میزائل حملہ کیا تو پاکستان نے بھرپور اور مؤثر جوابی کارروائی کی۔

بلاول کا کہنا تھا کہ پاکستان نے دنیا کو یہ دکھا دیا ہے کہ وہ ہر سطح پر جواب دینے کی مکمل صلاحیت رکھتا ہے۔ انہوں نے یہ بھی واضح کیا کہ امریکا نے بھارت کے دہشت گردی سے متعلق الزامات کو تسلیم نہیں کیا، اور بالآخر بھارت نہ صرف سیز فائر پر آمادہ ہوا بلکہ مذاکرات پر بھی تیار نظر آ رہا ہے۔ اب دیکھنا یہ ہے کہ بھارت پاکستان سے سنجیدگی اور نیک نیتی کے ساتھ بات چیت کرنا چاہتا ہے یا نہیں۔ انہوں نے امید ظاہر کی کہ بھارت آگے بڑھ کر ذمہ دارانہ رویہ اپنائے گا۔

آپریشن بُنیان المرصوص” کی کامیابی پرآج یومِ تشکر منانے کا اعلان

جنگ بندی کی خلاف ورزی کے بھارتی الزامات مسترد

بھارت اور پاکستان کے درمیان سندھ طاس معاہدہ تاحال معطل

پشاور سمیت مختلف علاقوں میں زلزلے کے جھٹکے

پاکستان پیپلز پارٹی کے سینئر رہنما اور وزیر اطلاعات سندھ شرجیل انعام میمن نے پی ٹی آئی رہنما عمر ایوب کے بیان پر شدید ردعمل دیا ہے۔

باغی ٹی وی کے مطابق میڈیا کو جاری بیان میں شرجیل انعام میمن نے عمر ایوب کو موقع پرست قرار دیتے ہوئے کہا کہ "عمر ایوب وکٹ کے دونوں طرف کھیلتے ہیں۔”شرجیل میمن نے الزام عائد کیا کہ عمر ایوب کی وفاداریاں ہمیشہ بدلتی رہی ہیں اور وہ نہ صرف سندھ بلکہ اپنے قائد عمران خان سے بھی مخلص نہیں۔ان کا کہنا تھا کہ "سندھ تو دور کی بات، عمر ایوب عمران خان سے ہی سچے نہیں۔”پیپلز پارٹی کے رہنما نے دعوی کیا کہ عمر ایوب اس وقت پی ٹی آئی کے اندر اپنا علیحدہ گروپ بنانے کی کوششوں میں مصروف ہیں تاکہ وہ پارٹی کے اندر اپنی اہمیت بڑھا سکیں۔

انہوں نے کہا کہ "عمر ایوب جیسے پی ٹی آئی کے کچھ لیڈران مسلسل دعاگو ہیں کہ ان کی پارٹی کے بانی ہمیشہ جیل میں رہیں اور وہ اپنی دکان چمکاتے رہیں۔”شرجیل میمن نے پیپلز پارٹی کی خدمات کو بھی اجاگر کیا اور کہا کہ ملک کو آئین، ایٹمی قوت، میزائل ٹیکنالوجی اور عالمی سطح پر شناخت پیپلز پارٹی نے ہی دی ہے۔

احتساب عدالت سے سابق وزیر اعظم کو بڑا ریلیف، نیب کے مقدمات ختم

سونے کی فی تولہ قیمت میں ایک بار پھر اضافہ

وزیراعظم کا اقوام متحدہ سیکرٹری جنرل سے بھارتی اشتعال انگیزی پر رابطہ

سابق بھارتی بیوروکریٹ نے پہلگام حملے کا پروپیگنڈا بے نقاب کر دیا

پہلگام فالس فلیگ،مودی سرکار نے مقبوضہ کشمیر میں ہندوؤں کو ہتھیار بانٹ دیے

پاکستان پیپلز پارٹی کا ایک اہم وفد نے صوبائی وزیر ناصر حسین شاہ کی قیادت میں ایم کیو ایم پاکستان کے بہادر آباد دفترکادورہ کیا۔وفد میں صوبائی وزیر سعید غنی، جنرل سیکریٹری وقار مہدی اور سہیل انور سیال بھی شامل تھے۔

باغی ٹی وی کے مطابق ملاقات کے دوران پیپلز پارٹی کے رہنمائوں کا استقبال ایم کیو ایم پاکستان کے اپوزیشن لیڈر علی خورشیدی نے کیا، جس کے بعد دونوں پارٹیوں کے رہنمائوں کے درمیان تفصیلی بات چیت کی گئی۔ ایم کیو ایم پاکستان کے رہنمائوں میں ڈاکٹر فاروق ستار، سیدامین الحق اور نسرین جلیل اس ملاقات میں شریک تھے۔ پیپلز پارٹی کے وفد کا مقصد سینیٹ انتخابات میں ایم کیو ایم کی حمایت حاصل کرنا اور دونوں جماعتوں کے درمیان اہم سیاسی مشاورت کرنا تھا۔

ملاقات کے بعد فاروق ستار نے میڈیا سے گفتگو کرتے ہوئے کہا کہ پیپلز پارٹی کا وفد سینیٹ الیکشن کے حوالے سے ہم سے بات کرنے آیا ہے اور اس ملاقات کا مقصد سینیٹ انتخابات میں وقار مہدی کی حمایت حاصل کرنا ہے۔ہم دونوں جماعتوں کے درمیان سیاسی ہم آہنگی کے حوالے سے بات کر رہے ہیں۔فاروق ستار نے کہا کہ انتخابی ملاقاتوں سے ہٹ کر عوامی فلاح کے کاموں پر بھی توجہ دینی چاہیے، اور دونوں جماعتوں کو معاہدوں کی رکاوٹوں پر بات کرنی چاہیے۔فاروق ستار نے اس موقع پر مزید کہا کہ انتخابات میں مقابلہ کرنا ایک صحتمند سیاسی روایت ہے، لیکن دونوں جماعتوں کے درمیان رابطے برقرار رہنے چاہئیں تاکہ عوامی مسائل پر مشترکہ حل نکالا جا سکے۔

انہوں نے یہ بھی کہا کہ پیپلز پارٹی نے ایم کیو ایم سے وقار مہدی کی حمایت کی درخواست کی ہے، جو سینیٹ کے ضمنی الیکشن میں پیپلز پارٹی کے نامزد امیدوار ہیں۔فاروق ستار نے کہا کہ تاج حیدر کے انتقال کے بعد سینیٹ کی سیٹ پیپلز پارٹی کی امانت ہے، اور اس سیٹ پر ہونے والے انتخابات میں پیپلز پارٹی کی حمایت کا فیصلہ ایم کیو ایم کی مرکزی کمیٹی کے اجلاس میں کیا جائے گا۔

ناصر حسین شاہ نے اس موقع پر کہا کہ کراچی میں مکمل بہتری کے لئے بہت زیادہ فنڈز کی ضرورت ہے، اور کینالز کے مسئلے پر ایم کیو ایم نے پیپلز پارٹی کو کھل کر حمایت دی ہے۔ انہوں نے مزید کہا کہ دیگر مسائل کے حل کے لئے ملاقاتوں کا سلسلہ جاری رہے گا، اور نئی نہروں اور بلدیاتی اداروں کے مسائل پر بھی بات چیت کی جائے گی۔یہ ملاقات دونوں جماعتوں کے درمیان سیاسی تعلقات کو مزید مستحکم کرنے کی کوشش کے طور پر دیکھی جا رہی ہے، اور سینیٹ کے انتخابات میں تعاون کا امکان بڑھ رہا ہے۔دونوں جماعتوں کے رہنمائوں نے اس ملاقات کو مثبت اور فائدہ مند قرار دیا اور کہا کہ آئندہ بھی اس طرح کی مشاورت جاری رکھی جائے گی۔

کینیڈا فیسٹیول میں بےقابو گاڑی لوگوں پر چڑھ گئی، متعدد افراد ہلاک

روڈ ٹو مکہ پروگرام ، سعودی ٹیم کراچی پہنچ گئی

پاک بحریہ کا ایکشن، بھارتی بحری جہاز پسپا کر دیا

بھارتی اشتعال انگیزی،کراچی کا معذور نوجوان علاج سے محروم

لبنان میں مبینہ اسرائیلی ڈرون کی پروازیں