پاکستان نے غزہ میں جنگ بندی کے معاہدے کا خیرمقدم کرتے ہوئے اسے مشرق وسطیٰ میں دیرپا امن کے قیام کا تاریخی موقع قرار دیا۔
ترجمان دفتر خارجہ شفقت علی خان نے پریس بریفنگ میں کہا کہ پاکستان صدر ٹرمپ کی قیادت اور مذاکرات کے عمل کو سراہتا ہے، اور قطر، مصر اور ترکیہ کے رہنماؤں کی انتھک کوششوں کو بھی قدر کی نگاہ سے دیکھتا ہے۔انہوں نے فلسطینی عوام کی قربانیوں کو اجاگر کرتے ہوئے کہا کہ یہ نقصان دوبارہ نہ ہو اور پاکستان مسجد الاقصیٰ میں اشتعال انگیزی کی شدید مذمت کرتا ہے۔ انہوں نے عالمی برادری سے اسرائیل کی غیر قانونی کارروائیوں کا محاسبہ کرنے کا مطالبہ بھی کیا۔
ترجمان کے مطابق نائب وزیراعظم و وزیر خارجہ اسحٰق ڈار نے مصر اور سعودی وزرائے خارجہ کے ساتھ ٹیلی فونک رابطے میں غزہ کی موجودہ صورتحال، امن منصوبے اور امداد کی فراہمی پر تبادلہ خیال کیا۔پاکستان نے اسرائیل کے صمود فلوٹیلا پر حملے کی مذمت کی اور سابق سینیٹر مشتاق احمد کی رہائی و وطن واپسی کا خیرمقدم کیا۔
شفقت علی خان نے وزیر اعظم شہباز شریف کے حالیہ ملائیشیا دورے کے حوالے سے بتایا کہ دورے کے دوران دونوں ممالک نے تجارت، سرمایہ کاری، موسمیاتی تبدیلی، دفاع، تعلیم اور سیاحت کے شعبوں میں تعاون بڑھانے پر بات کی، اور پاکستان سے 20 کروڑ ڈالر کا حلال گوشت ملائیشیا کو فراہم کرنے پر بھی اتفاق کیا۔انہوں نے کہا کہ دونوں ممالک نے مسئلہ فلسطین پر مشترکہ حمایت کا بھی اعادہ کیا۔
پنجاب میں آٹزم کے شکار بچوں کے لیے مفت تھراپی اور تعلیم کا فیصلہ
ارشد ندیم کے کوچ کا جواب جمع، فیڈریشن پر الزامات اور وضاحتیں پیش