Tag: پاکستان کرکٹ بورڈ

لاہور: پاکستان کرکٹ کے فاسٹ بولر محمد آصف نے کہا ہے عامر نےٹیسٹ کرکٹ سے ریٹائرمنٹ دے کر جلدبازی کی ہے، کھلاڑیوں کا زیادہ تر رجحان ٹی ٹوینٹی کی جانب ہو رہا ہے اس کی بڑی وجہ یہ ہے کہ وائٹ بال کرکٹ کے اس فارمیٹ میں ٹائم کم لگتا ہے اور پیسہ زیادہ ملتا ہے ، ٹی ٹوئنٹی میں آپ صرف 4 اوورز اچھے کرنے کی ضرورت ہوتی ہے اس کے برعکس ٹیسٹ کرکٹ آپ کا زور پانچ دن تک مانگتی ہے،
محمد آصف کا مزید کہنا تھا کہ عامر نے ورلڈ کپ میں اچھی باولنگ کی لیکن وہ اس سے بھی اچھی کرنے کی صلاحیت رکھتے ہیں اور اب محمد عامر نے ریٹائرمنٹ لے لی ہے تو نئے لڑکوں کو ضرور موقع ملنا چاہیے، ان کا مزید کہنا تھا کہ پاکستان کی ٹیسٹ کرکٹ اس وقت مشکلات کا شکار ہے اس کی بنیادی وجہ یہ ہے کہ پاکستان میں 150 کلومیٹر فی گھنٹہ کی رفتار سے باولنگ کرنے والا کوئی ایک بھی باولر نہیں،
کپتانی کے سوال پر محمد آصف کا کہنا تھا کہ بورڈ کو تینوں فارمیٹوں کا سکواڈ اور کپتان الگ الگ رکھنا چاہیے تاکہ لڑکوں پر بوجھ نہ پڑے،

محمد عامرنے27 سال کی عمر میں ٹیسٹ کرکٹ سے ریٹائرمنٹ کا اعلان کردیا، لیفٹ ہینڈڈ فاسٹ بولر وائٹ بال کرکٹ کھیلتے رہیں گے، محمد عامر نے 36 ٹیسٹ میچ کھیلے، اور30.47 کی اوسط سے 119 وکٹیں حاصل کیں
تفصیلات کیمطابق محمد عامر نے کہا ہے کہ وہ وائٹ بال کرکٹ میں مزید توجہ کیساتھ کھیلنا چاہتے ہیں اس لیے ٹیسٹ کرکٹ کو خیرآباد کہنے کا فیصلہ کیا، انہوں نے مزید کہا کہ وہ پاکستان کرکٹ بورڈ اور پاکستانی قوم کے مشکور ہیں کہ انہوں نے بے حد سپورٹ کی اور مجھے گولڈن سٹار سینے پر سجانے کا موقع ملا،