Baaghi TV

Tag: پاکستان کرکٹ ٹیم

  • پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    تین ٹی ٹونٹی میچز کی سیریز کے پہلے مقابلے میں پاکستان نے زمبابوے کیخلاف ٹاس جیت کر پہلے بیٹنگ کرنے کا فیصلہ کیا ہے۔

    اس سے قبل زمبابوے کے خلاف پہلے ٹی 20 میچ کے لیے گیارہ رکنی ٹیم کا اعلان کر دیا گیا۔ سلمان علی آغا قومی ٹیم کی قیادت کریں گے جب کہ دیگر کھلاڑیوں میں صائم ایوب، عمیر بن یوسف ،عثمان خان، طیب طاہر، محمد عرفان خان، جہانداد خان ، محمد عباس آفریدی، حارث رؤف، ابرار احمد اور سفیان مقیم شامل ہیں۔پریس کانفرنس کے دوران کپتان سلمان علی آغا نے کہا ہے کہ سیریز میں نئے چہرے نظر آئیں گے۔ ان کا کہنا تھا کہ سب سے پہلی ترجیح تو سیریز جیتنا ہے، ہم اپنی بینچ اسٹرینتھ کو دیکھنا چاہتے ہیں ۔ انہوں نے کہا کہ اس سیریز میں ہمیں اپنے نوجوان کھلاڑیوں کو زیادہ سے زیادہ موقع دینا ہے، ہم نے ون ڈے سیریز جیتی اب بھی ہدف ٹی ٹونٹی سیریز جیتنا ہے۔ٹی20 ٹیم کے کپتان نے مزید کہا کہ ٹی ٹونٹی سیریز میں نئے چہرے نظر آئیں گے، یہ بھی وائٹ بال سیریز ہے ہمیں کچھ ایڈجسٹ ہونا پڑتا ہے۔ ان کا کہنا تھا کہ ٹی ٹونٹی سیریز میں اپنا مومینٹم برقرار رکھیں گے، اسکواڈ میں ہمارے پاس اچھے اسپنر ہیں، ہم جارحانہ انداز میں کھیلنے کی کوشش کریں گے۔

    روس نے امریکا کو نیوکلیئر ہتھیاروں کی جنگ کے تباہ کن اثرات سے خبردار کردیا

  • زمبابوے کی پاکستان کو 80 رنز سےشکست

    زمبابوے کی پاکستان کو 80 رنز سےشکست

    بلاوائیو میں کھیلی جارہی سیریز کے پہلے ون ڈے میچ میں 206 رنز ہدف کے تعاقب میں زمبابوے کے خلاف پاکستان کے 6 کھلاڑی پویلین لوٹ گئے، بارش کے باعث میچ روک دیا گیا، تاہم، ڈک ورتھ لوئس کے تحت پاکستان کو 80 رنز سے شکست ہوئی۔

    رپورٹ کے مطابق بارش سے قبل پاکستان نے 21 اوورز میں 6 وکٹوں کے نقصان پر 60 رنز بنائے، محمد رضوان اور عامر جمال کریز پر موجود تھے۔پاکستان نے ہدف کے تعاقب میں بیٹنگ شروع کی تو اوپنر عبداللہ شفیق 11 کے مجموعی اسکور پر وکٹ گنوا بیٹھے جبکہ صائم ایوب 17 کے اسکور پر آؤٹ ہوگئے۔ عبداللہ شفیق نے ایک رن اور صائم ایوب نے 11 رنز بنائے۔اس سے قبل میچ میں سیریز کے پہلے ون ڈے میچ میں زمبابوے کے اوپنرز نے جارحانہ کھیل پیش کرنے کی کوشش کی تاہم 40 کے مجموعی اسکور پر جویلورڈ گمبی 15 کے انفرادی اسکور پر عبداللہ شفیق کے ہاتھوں رن آؤٹ ہوگئے جبکہ ڈیون مائرز 8 رنز کے مہمان ثابت ہوئے۔کپتان کریگ ایروائن 6 اور تادیوانشے مارومانی 29، شان ولیمز 23، برائن بینیٹ 20، برینڈن ماوتا ایک جبکہ بلیسنگ مزربانی صفر پر پویلین لوٹ گئے۔ آٹھویں وکٹ کی شراکت میں سکندر رضا اور رچرڈ نگروا نے 62 رنز کی پارٹنرشپ قائم کی تاہم رضا 39 رنز بناکر فیصل اکرم کا شکار بنے۔رچرڈ نگروا نے ٹیم کیلئے 48 رنز کی مزاحمتی اننگز کھیلی جس میں 5 چوکے اور ایک چھکا شامل تھا۔پاکستان کی جانب سے سلمان آغا اور فیصل اکرم نے 3، 3 جبکہ حارث رؤف، عامر جمال اور محمد حسنین نے ایک ایک وکٹ حاصل کی۔قبل ازیں قومی ٹیم کے کپتان محمد رضوان نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش کریں میزبان ٹیم کو کم ازکم اسکور پر آؤٹ کریں اور دورے کا فاتحانہ آغاز کریں۔اس موقع پر زمبابوین ٹیم کے کپتان کریگ ایروائن نے کہا کہ ہوم گرؤنڈ پر پاکستان کیخلاف جیت کیلئے پُرعزم ہیں۔

    زمبابوے کا اسکواڈ
    کپتان کریگ ایروائن، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز

    پاکستان کا اسکواڈ
    کپتان محمد رضوان، صائم ایوب، عبداللہ شفیق، کامران غلام، حسیب اللہ خان، سلمان علی آغا، محمد عرفان خان، عامر جمال، حارث رؤف، محمد حسنین، اور فیصل اکرم

  • عاقب جاوید قومی وائٹ بال کرکٹ ٹیم کے ہیڈ کوچ مقرر

    عاقب جاوید قومی وائٹ بال کرکٹ ٹیم کے ہیڈ کوچ مقرر

    قومی کرکٹ ٹیم کے دورہ زمبابوے کیلئےسلیکٹر عاقب جاوید کو قومی وائٹ بال کرکٹ ٹیم کے ہیڈ کوچ مقرر کردیا گیا ۔

    ذرائع کے مطابق ہیڈ کوچ گیری کرسٹن کے مستعی ہونے پر جیسن گلیسپی کو وائٹ بال ٹیم کی اضافی ذمہ داری سونپی گئی تھی تاہم اب قومی کرکٹ ٹیم کے ہیڈ کوچ کی زمہ داری عاقب جاوید کو سونپی گئی ہے۔سابق ٹیسٹ کرکٹر اور پاکستان سپر لیگ (پی ایس ایل) میں 2 بار کی چیمپئن ٹیم کے 52 سالہ ہیڈکوچ عاقب جاوید دورئہ زمبابوے اور جنوبی افریقہ میں کوچنگ کے فرائض نبھائیں گے۔ عاقب جاوید ماضی میں قومی ٹیم کے باؤلنگ کوچ کے فرائض انجام دے چکے ہیں، عاقب جاوید کی تقرری کا باقاعدہ اعلان جلد متوقع ہے۔ یاد رہے کہ ماضی میں جب مصباح الحق نے سلیکشن اور کوچنگ کی ذمہ داریاں ساتھ سنبھالی تھیں تو ان کے سب سے بڑے ناقد عاقب جاوید ہی تھے۔ البتہ دونوں میں نمایاں فرق کوچنگ کے تجربے کا ہے، عاقب گزشتہ 20 سالوں سے مختلف ٹیموں کی کوچنگ کررہے ہیں۔

    ٹرمپ نے اسرائیل نواز کابینہ نامزد کرکے مسلمان حامیوں کو مایوس کیا

    دفاعی نمائش آئیڈیاز 2024ء 19 تا 22 نومبر تک کراچی میں ہوگی

    پاکستان کی ترقی کا واحد راستہ تعلیم ہے،خالدمقبول صدیقی

    چیمپئنز ٹرافی: براڈ کاسٹرز کا طے شدہ رقم میں کمی کا الٹی میٹم

  • ملتان ٹیسٹ کی فتح پاکستان کرکٹ کے لیے ایک ٹرن ہوگا؟

    ملتان ٹیسٹ کی فتح پاکستان کرکٹ کے لیے ایک ٹرن ہوگا؟

    عظیم انگلش کھلاڑی جیفری بائیکاٹ نے ایک بار کہا تھا، "آپ کی اہمیت صرف آپ کی آخری کارکردگی تک محدود ہے۔” یہ بیان جزوی طور پر پاکستان کی انگلینڈ کے خلاف دوسرے ٹیسٹ میچ کی کارکردگی کے لیے درست ہو سکتا ہے۔اگرچہ اسکور بورڈ میزبان ٹیم کے لیے متاثر کن نظر آ سکتا ہے، لیکن گزشتہ ایک سال سے زیادہ عرصے کے بری کارکردگی کے بعد، ورلڈ کپ میں تباہ کن کارکردگی اور بنگلہ دیش کے خلاف ہوم ٹیسٹ سیریز میں شکست کے بعد، اس سیریز میں پاکستان کی کرکٹ نے کوئی خاص تاثر نہیں چھوڑا۔ملتان ٹیسٹ میں، جہاں دس دن کے وقفے میں ایک ہی پچ پر دو ٹیسٹ میچز کھیلے گئے، مقابلہ ہمیشہ اسپنرز کے لیے سازگار تھا، اور انگلش بیٹسمینوں کے لیے ایک ڈراؤنا خواب۔دلچسپ بات یہ ہے کہ ساجد خان اور نعمان علی کی اسپن بولنگ کے علاوہ، پاکستان کے کسی بھی بولر نے کوئی خطرہ پیدا نہیں کیا۔ وہ ملک جو کبھی تیز گیند باز پیدا کرنے میں مشہور تھا، آج ایک ایسے حقیقی فاسٹ بولر کو میدان میں اتارنے میں مشکلات کا سامنا کر رہا ہے جو ایک باؤنسر کو سائیڈ اسکرین تک پہنچا سکے۔کرکٹ سے محبت کرنے والی قوم نے ایک خوبصورت فتح کا جشن منایا جس نے کھلاڑیوں کا مورال بلند کیا، لیکن سوال یہ ہے کہ کیا راولپنڈی میں ہونے والے فیصلہ کن میچ میں پچ کیورٹر کا کردار اہم ہو گا؟. پاکستان نے بابر اعظم، شاہین آفریدی اور نسیم شاہ کو "آرام دینے” کا فیصلہ کیا ہے، جبکہ میں پختہ طور پر کہتا ہوں کہ انہیں ان کی ناقص کارکردگی کی وجہ سے ڈراپ کیا گیا ہے۔ اصل امتحان تیسرے ٹیسٹ اور آگے کے میچز میں ہو گا جہاں تمام وکٹیں دو اسپنرز نہیں لیں گے اور نہ ہی ہر پچ ملتان کی طرح اسپنرز کے لیے سازگار ہو گی۔اگرچہ پاکستان کے کیمپ میں کارکردگی کے مسائل اور کھلاڑیوں کے اختلافات موجود ہیں لیکن اس میں ایک مثبت بات عاقب جاوید کی بطور چیف سلیکٹر تقرری ہے۔ ان کی تقرری تازہ ہوا کا جھونکا ہے کیونکہ ان کا ریکارڈ صرف میرٹ کی بنیاد پر ناقابل سمجھوتہ انتخاب، اقربا پروری کے خلاف زیرو ٹالرنس، اور کوچنگ میں دو دہائیوں کا ثابت شدہ تجربہ ہے، چاہے وہ نچلی سطح کی ٹیمیں ہوں یا بین الاقوامی ٹیمیں۔آخر کار، ہم امید کر سکتے ہیں کہ پاکستان کی میرٹ پالیسی محفوظ ہاتھوں میں ہے، لیکن یہ کب تک قائم رہتی ہے، یہ دیکھنا باقی ہے۔

  • پاکستانی ٹیم کا بدترین شکست کا باعث بننے والی بیٹنگ لائن کو برقرار رکھنے کا فیصلہ

    پاکستانی ٹیم کا بدترین شکست کا باعث بننے والی بیٹنگ لائن کو برقرار رکھنے کا فیصلہ

    پاکستان اور انگلینڈ کے درمیان تین ٹیسٹ پر مشتمل سیریز کا پہلا ٹیسٹ میچ کےلیے بنگلادیش کے خلاف ٹیسٹ سیریز ہارنے والی بیٹنگ لائن کو ہی کھلانے کا فیصلہ کیا گیا ہے۔

    باغی ٹی وی کی رپورٹ کے مطابق پاکستان کے خلاف ٹیسٹ سے دو دن قبل انگلینڈ نے اولی پاپ کی قیادت میں کھیلنے والی 11 ارکان پر مشتمل ٹیم کا اعلان کردیا ہے۔البتہ شان مسعود کی قیادت میں کھیلنے والی پاکستان ٹیم کے 11 کھلاڑیوں کے نام ٹاس سے پہلے سامنے آئیں گے۔ملتان سے موصولہ اطلاعات کے مطابق ہیڈ کوچ جیسن گلیسپی اور کپتان شان مسعود نے بنگلادیش کے خلاف 2 ٹیسٹ کھیلنے والی بیٹنگ لائن اپ کو ایک اور موقع دینے کا فیصلہ کیا ہے۔بنگلادیش کے خلاف 2 ٹیسٹ میں پاکستان نے 13 کھلاڑیوں کو موقع دیا تھا، البتہ دونوں ٹیسٹ میں ایک سے نمبر سات تک بیٹنگ لائن اپ میں تبدیلی نہیں کی گئی تھی۔بنگلادیش کے خلاف 2 ٹیسٹ کی 4 اننگز میں وکٹ کیپر بیٹر محمد رضوان 98.00 کی اوسط سے 294 رنز بنا کر سر فہرست رہے تھے۔

    نائب کپتان سعود شکیل نے سیریز میں محمد رضوان کے علاوہ قومی ٹیم کے لیے دوسری سنچری بنائی تھی، تاہم راولپنڈی ٹیسٹ کی پہلی اننگز میں 141 رنز کی اننگز کھیلنے والے بائیں ہاتھ کے بیٹر اگلی تین اننگز میں صرف 18 رنز بنا سکے تھے۔سابق کپتان اور تجربے کار بلے باز بابر اعظم چار اننگز میں صرف 64 رنز اسکور کر سکے تھے۔کپتان شان مسعود نے ایک نصف سنچری کے ساتھ 105، آغا سلمان نے 120 اور بائیں ہاتھ کے جارح مزاج اوپنر صائم ایوب نے 2 نصف سنچریوں کیساتھ 135 رنز اسکور کیے تھے۔سب سے مایوس کن پرفارمنس 24 سال کے عبداللّٰہ شفیق کی رہی تھی، جنہوں نے 2، 37، 0، 3 کی چار باریوں کیساتھ سیریز میں صرف 42 رنز بنائے تھے۔مینجمنٹ نے انگلینڈ کے خلاف ملتان ٹیسٹ میں ابتدائی سات نمبروں کےلیے عبداللّٰہ شفیق، صائم ایوب، شان مسعود، بابر اعظم، سعود شکیل، محمد رضوان اور آغا سلمان کیساتھ جانے کا ہی فیصلہ کیا ہے۔

    جے شنکر نے دورہ پاکستان کے دوران بات چیت کے امکان کو مسترد کردیا

    مرکزی مسلم لیگ کراچی کے تحت بچوں کی غزہ کانفرنس 7 اکتوبر کو ہوگی

  • بابراعظم نے کپتانی کیوں چھوڑی اندرونی کہانی سامنے آگئی

    بابراعظم نے کپتانی کیوں چھوڑی اندرونی کہانی سامنے آگئی

    پاکستان کرکٹ ٹیم کے کپتان بابراعظم کی ایک بار پھر کپتانی چھوڑنے کی اندرونی کہانی سامنے آگئی.

    باغی ٹی وی کو موصول اطلعات کے مطابق بابر اعظم نے صرف ون ڈے کی قیادت تک محدود رکھنے پر استعفیٰ دیا۔ذرائع کے مطابق بابراعظم کو صرف ون ڈے ٹیم کی کپتانی جاری رکھنے کا کہا گیا، وائٹ . بال کے ہیڈ کوچ گیری کرسٹن ٹی ٹونٹی کا نیا کپتان لانے کے خواہش مند ہیں۔کنکشن کیمپ کے دوران کوچ گیری کرسٹن انہیں قائل کرتے رہے لیکن بابر اعظم نے پیشکش قبول نہیں کی اور انہوں نے پاکستان ٹیم کی کپتانی سے استعفی دے دیا۔ذرائع کا کہنا ہے کہ وائٹ بال ٹیم کی قیادت کیلیے محمد رضوان مضبوط امیدوار ہیں۔دوسری جانب شائقین کرکٹ نے پاکستان ٹیم کے کپتان بابراعظم کے کپتانی چھوڑنے کو اچھا فیصلہ دیا۔شائقین نے کہا کہ بابر اعظم نے بہت دیر کی، انہیں ٹی 20 ورلڈ کپ کے بعد ہی کپتانی چھوڑ دینی چاہیئے تھی، امید ہے ان کی بیٹنگ میں پرفارمنس اب بہتر ہوجائے گی۔

    حکومت سندھ نے کتے کی قبر کو محفوظ ورثہ قرار دینے کی منظوری دیدی

  • محمد عامر کی باؤلنگ میں پہلے جیسی سوئنگ نہیں رہی: محمد آصف

    محمد عامر کی باؤلنگ میں پہلے جیسی سوئنگ نہیں رہی: محمد آصف

    لاہور: پاکستان کرکٹ کے فاسٹ بولر محمد آصف نے کہا ہے عامر نےٹیسٹ کرکٹ سے ریٹائرمنٹ دے کر جلدبازی کی ہے، کھلاڑیوں کا زیادہ تر رجحان ٹی ٹوینٹی کی جانب ہو رہا ہے اس کی بڑی وجہ یہ ہے کہ وائٹ بال کرکٹ کے اس فارمیٹ میں ٹائم کم لگتا ہے اور پیسہ زیادہ ملتا ہے ، ٹی ٹوئنٹی میں آپ صرف 4 اوورز اچھے کرنے کی ضرورت ہوتی ہے اس کے برعکس ٹیسٹ کرکٹ آپ کا زور پانچ دن تک مانگتی ہے،
    محمد آصف کا مزید کہنا تھا کہ عامر نے ورلڈ کپ میں اچھی باولنگ کی لیکن وہ اس سے بھی اچھی کرنے کی صلاحیت رکھتے ہیں اور اب محمد عامر نے ریٹائرمنٹ لے لی ہے تو نئے لڑکوں کو ضرور موقع ملنا چاہیے، ان کا مزید کہنا تھا کہ پاکستان کی ٹیسٹ کرکٹ اس وقت مشکلات کا شکار ہے اس کی بنیادی وجہ یہ ہے کہ پاکستان میں 150 کلومیٹر فی گھنٹہ کی رفتار سے باولنگ کرنے والا کوئی ایک بھی باولر نہیں،
    کپتانی کے سوال پر محمد آصف کا کہنا تھا کہ بورڈ کو تینوں فارمیٹوں کا سکواڈ اور کپتان الگ الگ رکھنا چاہیے تاکہ لڑکوں پر بوجھ نہ پڑے،

  • ناٹنگھم:بنگلا دیش کی ٹیم مقررہ اوورز میں 8 وکٹ پر 333 رنز بناسکی ،آسٹریلیا میچ جیت گیا

    ناٹنگھم:بنگلا دیش کی ٹیم مقررہ اوورز میں 8 وکٹ پر 333 رنز بناسکی ،آسٹریلیا میچ جیت گیا

    ناٹنگھم:بنگلا دیش کی ٹیم مقررہ اوورز میں 8 وکٹ پر 333 رنز بناسکی.مشفیق الرحیم 102 رنز بھی بنگلہ دیش کو شکست سے نہ بچا سکے.آسٹریلیا نے 382 رنز کا ہدف دیا تھا جس کو بنگلہ دیشی ٹیم پانے میں ناکام رہی. آسڑیلیا کے 6 میچ کے بعد 10 پوائنس جبکہ بنگلہ دیش کی ٹیم 6 میچ کھیل کر 5 پوائنٹ حاصل کرسکی. آسڑیلیا کی طرف سے ڈیوڈ وارنر نے 5 چھکے اور 14 چوکوں کی مدد سے 166 رنز بنائے جبکہ عثمان خواجہ 89 ، ایرون فنچ 53 اور گلین میکسویل کے 32 رنزبنگلہ دیش کی جانب سے سومیا سرکار نے 3 وکٹیں حاصل کیں.

    شکیب الحسن 41 اور لٹن داس 20 رنز بناکر آؤٹ ہوئے.محمود اللہ 69 اور تمیم اقبال 62 رنز بناکر نمایاں رہے. دوسری طرف پاکستانی ٹیم جنوبی افریقہ سے میچ کھیلنے کے لیے پریکٹس میچ کھیل رہی ہے.ورلڈ کپ میں پاکستان ٹیم کی خراب کارکردگی پر ملک بھر سخت تنقید کی جارہی ہے.

    6 10 .
    48
    382 bnuay