متحدہ عرب امارات (یو اے ای) کی مقامی انتظامیہ نے رواں ماہ شارجہ میں شروع ہونے والی تین ملکی ٹی 20 سیریز کے دوران اسٹیڈیم میں نظم و ضبط قائم رکھنے کے لیے خصوصی سیکیورٹی پلان تشکیل دے دیا ہے۔
یہ پلان ماضی میں افغان شائقین کی جانب سے پاکستانی فینز پر حملوں کے واقعات کے تناظر میں تیار کیا گیا ہے۔شارجہ کرکٹ اسٹیڈیم میں پاکستانی اور افغان شائقین کو الگ الگ انکلوژرز میں بٹھایا جائے گا۔انٹری پوائنٹس، انکلوژرز اور گیٹس بھی دونوں ممالک کے شائقین کے لیے الگ الگ ہوں گے۔کسی بھی فین کو قانون ہاتھ میں لینے کی اجازت نہیں ہوگی۔شائقین کو ایک دوسرے کے انکلوژرز میں جانے یا گیٹس کراس کرنے کی اجازت نہیں دی جائے گی۔اسٹیڈیم کے اندر اور باہر سیکیورٹی سخت کر دی جائے گی۔
پاکستان اور افغانستان کے درمیان دو میچز 29 اگست اور 2 ستمبر کو شارجہ میں کھیلے جائیں گے۔ایشیا کپ 2022 (شارجہ) میں افغان شائقین نے اسٹیڈیم کے اندر اور باہر پاکستانی فینز پر حملے کیے۔ورلڈکپ 2019 (لیڈز) میں شکست کے بعد افغان شائقین نے کھلاڑیوں پر حملے کی کوشش کی۔نیوزی لینڈ دورے کے دوران افغان فینز نے خوشدل شاہ کو نازیبا الفاظ کہے۔چیمپئنز ٹرافی کراچی میں افغان فینز نے اسٹیڈیم کی کرسیاں توڑ دیں۔
انتظامیہ نے کہا ہے کہ ایسے واقعات کی دوبارہ روک تھام کے لیے اس بار مکمل پلاننگ کی گئی ہے تاکہ شائقین امن و سکون کے ساتھ کرکٹ سے لطف اندوز ہو سکیں۔
برطانیہ: اسٹڈی ویزا پر آ کر سیاسی پناہ ، یونیورسٹیوں پر ممکنہ پابندیاں
بحریہ ٹاؤن میں ایف آئی اے کا چھاپہ، اہم فنانشل ریکارڈ برآمد
جمشید دستی کی نشست پر ضمنی انتخاب کا شیڈول معطل
پنجاب و سندھ اسمبلیوں میں بھارتی اقدامات کے خلاف مذمتی قراردادیں منظور