چیف آف دی نیول اسٹاف ایڈمرل نوید اشرف نے کہا ہے کہ پاک بحریہ علاقائی امن و استحکام اور بحری سلامتی کے لیے کلیدی کردار ادا کر رہی ہے اور سمندری سرحدوں کے ہر انچ کے دفاع کے لیے مکمل طور پر تیار ہے۔
اسلام آباد میں نیول ہیڈ کوارٹرز میں پاک بحریہ کی کمانڈ اینڈ اسٹاف کانفرنس منعقد ہوئی، جس کی صدارت ایڈمرل نوید اشرف نے کی۔مسلح افواج کے شعبہ تعلقات عامہ (آئی ایس پی آر) کے مطابق نیول چیف نے روایتی اور غیر روایتی بحری چیلنجز سے نمٹنے کے لیے جنگی تیاری برقرار رکھنے کی اہمیت پر زور دیا۔آئی ایس پی آر کے مطابق فورم میں آپریشنل تیاریوں، جاری منصوبوں اور آئندہ سرگرمیوں کا تفصیلی جائزہ لیا گیا، جب کہ پاکستان انٹرنیشنل میری ٹائم ایکسپو اینڈ کانفرنس کی تیاریوں پر بھی غور کیا گیا۔
بیان میں کہا گیا کہ میری ٹائم ایکسپو پاکستان کی بحری صلاحیتوں کو اجاگر کرنے اور علاقائی تعاون کو فروغ دینے کا اہم پلیٹ فارم ہے۔ کمانڈ اینڈ اسٹاف کانفرنس پاک بحریہ کا اعلیٰ سطحی فیصلہ ساز فورم ہے.
کرم میں 7 مبینہ بھارتی حمایت یافتہ دہشتگرد ہلاک، کیپٹن نعمان سمیت 6 جوان شہید
جنگ بندی کے باوجود اسرائیلی بمباری، 100 سے زائد فلسطینی شہید