Tag: پاک بھارت جنگ بندی

بھارتی سیکرٹری خارجہ وکرم مسری نے دوٹوک الفاظ میں کہا ہے کہ پاکستان اور بھارت کے درمیان حالیہ جنگ بندی میں امریکی صدر ڈونلڈ ٹرمپ یا امریکا کا کوئی کردار نہیں رہا۔

بھارتی میڈیا رپورٹس کے مطابق وکرم مسری نے واضح کیا کہ یہ فیصلہ خالصتاً دوطرفہ تھا اور دونوں ممالک کے درمیان براہ راست مذاکرات سے ہی ممکن ہوا۔بھارتی پارلیمانی کمیٹی کو دی گئی بریفنگ میں وکرم مسری نے کہا کہ صدر ٹرمپ نے جنگ بندی میں ثالثی کے لیے ہم سے اجازت نہیں لی، وہ خود ہی بیچ میں آنے کی کوشش کرتے رہے۔ تاہم، عملی طور پر کسی امریکی مداخلت کا کوئی وجود نہیں تھا۔

وکرم مسری نے مزید انکشاف کیا کہ پاکستان کی طرف سے کسی بھی ایٹمی دھمکی یا عندیے کے شواہد موجود نہیں ہیں۔ ان کے مطابق حالیہ کشیدگی روایتی جنگ کی حدود میں رہی، اور اسلام آباد کی جانب سے ایٹمی ہتھیاروں کی بات یا اشارہ نہیں دیا گیا۔ پارلیمانی کمیٹی کی جانب سے بار بار سوال کیے گئے کہ حالیہ جنگ میں کتنے بھارتی جنگی طیارے تباہ ہوئے، تاہم سیکرٹری خارجہ نے "قومی سلامتی” کا بہانہ بنا کر تفصیلات دینے سے انکار کر دیا۔

دوسری جانب پاکستانی دفتر خارجہ نے بھارتی میڈیا کے ان دعوؤں کو مسترد کر دیا ہے جن میں کہا جا رہا تھا کہ پاکستان نے جنگ میں "شاہین میزائل” استعمال کیا۔دفتر خارجہ کے ترجمان کے مطابق بھارتی میڈیا کی خبریں بے بنیاد اور من گھڑت ہیں۔ بھارتی فوج نے بھی خود ان ویڈیوز کو ڈیلیٹ کیا، لیکن میڈیا نے جان بوجھ کر جھوٹا بیانیہ پھیلایا۔”

ترجمان نے مزید کہا کہ یہ پروپیگنڈا بھارت کی آپریشن سندور میں مکمل ناکامی کو چھپانے کی کوشش ہے، اور جنگ بندی پر جھوٹے بیانیے کے ذریعے عالمی رائے عامہ کو گمراہ کیا جا رہا ہے۔اس سے قبل آئی ایس پی آر کی جانب سے 12 مئی کو جاری پریس ریلیز میں جنگ میں استعمال ہونے والے ہتھیاروں کی تفصیلات دی گئی تھیں، جن میں فتح ایف ون اور ایف ٹو میزائل، جدید ڈرونز اور طویل فاصلے تک مار کرنے والی توپیں شامل ہیں.

واضح رہے کہ حالیہ پاک بھارت کشیدگی کے دوران عالمی میڈیا میں یہ دعوے گردش کر رہے تھے کہ امریکا نے پس پردہ سفارت کاری کرتے ہوئے جنگ بندی میں اہم کردار ادا کیا، تاہم بھارتی حکومت نے ان تمام دعوؤں کو "من گھڑت” قرار دے کر مسترد کر دیا ہے۔

بھارت کی دھمکیاں،چین نے مہمند ڈیم پر کام کی رفتار بڑھا دی

ٹرمپ کا روس-یوکرین فوری جنگ بندی مذاکرات شروع کروانے کا دعوی

سندھ حکومت کا 28 مئی کو عام تعطیل کا اعلان

ہیٹ ویو الرٹ,ملک بھر میں شدید گرمی کا امکان

برطانیہ، فرانس اور کینیڈا کی اسرائیل کو بڑی دھمکی

ریاض: سعودی عرب کے دارالحکومت ریاض میں جی سی سی امریکا سربراہی اجلاس سے ولی عہد محمد بن سلمان نے خطاب میں پاکستان اور بھارت کے درمیان ہونے والی جنگ بندی کا خیرمقدم کیا ہے۔

عرب میڈیا کے مطابق ولی عہد محمد بن سلمان نے پاک بھارت جنگ بندی کی حمایت کرتے ہوئے کہا کہ اس سے خطے میں کشیدگی میں کمی لانے اور امن بحال کرنے میں مدد ملے گی، ولی عہد محمد بن سلمان نے پاک بھارت سیز فائر کے لیے امریکی صدر ڈونلڈ ٹرمپ کی سفارتی کوششوں کو سراہا۔

سعودی ولی عہد نے کہا کہ جنوبی ایشیا میں امن کے فروغ کے لیے امریکی صدر ڈونلڈ ٹرمپ نے کلیدی کردار ادا کیا ہے ولی عہد محمد بن سلمان نے خطے میں امن کے لیے بھرپور حمایت کا اظہار کرتے ہوئے دونوں ممالک کے درمیان تنازعات کے پائیدار حل پر بھی زور دیا اس امید کا بھی اظہار کیا کہ دونوں ممالک جنگ بندی کا احترام کرتے ہوئے امن بحال رکھیں گے۔

آذربائیجان کے سفیر کی وزیراعظم سے ملاقات، بنیان المرصوص کی کامیابی پر مبارکباد

واضح رہے کہ امریکی صدر ڈونلڈ ٹرمپ اپنے دوسرے دور اقتدار کے مشرق وسطیٰ کے پہلے دورے میں سعودی عرب پہنچے تھےجہاں امریکی صدر نے ولی عہد محمد بن سلمان سے ملاقات کی اور ان کی موجودگی میں شام کے عبوری صدر احمد الشرع سے بھی بات چیت کی بعد ازاں صدر ڈونلڈ ٹرمپ قطر پہنچے اور قطری امیر تمیم بن حمد سے ملاقات کی، امریکی صد متحدہ عرب امارات بھی جائیں گے-

قطر اور امریکا کے درمیان بوئنگ طیاروں کا سب سے بڑا تاریخی معاہدہ