Tag: پاک بھارت حالیہ کشیدگی

کیا مٹھائی بھی مذہب کی بنیاد پر تقسیم ہو سکتی ہے؟ بھارت میں انتہا پسند عناصر نے پاکستان سے نفرت کا ایک اور نیا مظاہرہ کرتے ہوئے مٹھائیوں کے نام سے لفظ "پاک” ہٹا کر "شری” رکھ دیا۔

باغی ٹی وی کے مطابق پاکستان کے خلاف آپریشن بُنیان مرصوص کی ناکامی کے بعد مودی حکومت اور اس کے حامیوں کو اب پاکستان کے نام سے جڑی مٹھائیاں بھی ناگوار گزرنے لگی ہیں، جس کی وجہ سے بھارت میں مٹھائیوں کے روایتی ناموں کو بھی تبدیل کیا جا رہا ہے۔بھارتی میڈیا کے مطابق راجستھان کے شہر جے پور کی ایک مشہور مٹھائی کی دکان نے اپنی برسوں پرانی مٹھائیوں جیسے "موتی پاک، میسور پاک، آم پاک، گوند پاک” کے نام تبدیل کر دیے ہیں۔

دکان کے مالک کا کہنا ہے کہ پاک بھارت حالیہ کشیدگی کے بعد کچھ افراد نے مٹھائیوں کے ان ناموں پر اعتراض کیا، جس کے بعد سیکیورٹی خدشات کے باعث یہ اقدام اٹھایا گیا۔اب ان مٹھائیوں کے نئے نام "موتی شری، میسور شری، آم شری، گوند شری” رکھ دیے گئے ہیں، اور دکاندار کے مطابق خریدار بھی اس تبدیلی پر مطمئن ہیں۔جب ان سے سوال کیا گیا کہ ’پاک‘ ایک عمومی اصطلاح ہے اور اس کا مطلب صرف پاکستان نہیں ہوتا تو انہوں نے جواب دیا کہ اب صرف نام کے ساتھ ’شری‘ لگا دیا گیا ہے۔

ممکنہ طور پر یہ تبدیلی اس وقت دیکھی گئی جب چند دن قبل بھارتی شہر حیدرآباد میں موجود تاریخی "کراچی بیکری” پر انتہا پسندوں نے حملہ کیا اور اس کا نام تبدیل کرنے کا مطالبہ کیا تھا۔واضح رہے کہ "کراچی بیکری” کو تقسیمِ ہند کے بعد کراچی سے ہجرت کر کے آنے والے ہندو خاندان نے قائم کیا تھا، اور یہ بھارت بھر میں اپنی منفرد پہچان رکھتی ہے، تاہم انتہا پسند عناصر اس کے نام پر بھی معترض ہیں۔

ایف آئی اے کی کارروائی: انسانی اسمگلنگ میں ملوث 4 بدنام زمانہ ملزمان گرفتار

پی ٹی اے اور سائبر کرائم ایجنسی کا کلون شدہ موبائل فونز کے خلاف کریک ڈاؤن، 6 افراد گرفتار

ٹرمپ کا بڑا فیصلہ؛ یورپی یونین کی مصنوعات پر 50 فیصد ٹیرف نافذ ہوگا

بھارتی ایئر فورس کے ایئر مارشل اے کے بھارتی نے پاک بھارت حالیہ کشیدگی کے دوران رافیل طیارے گرائے جانے سے متعلق صحافی کے سوال پر کوئی واضح جواب دینے سے گریز کرتے ہوئے کہا ہے کہ "نقصانات لڑائی کا حصہ ہیں، اصل سوال یہ ہونا چاہیے کہ کیا ہم نے اپنے اہداف حاصل کیے؟”

باغی ٹی وی کے مطابق پریس بریفنگ کے دوران ایک صحافی نے جب رافیل طیاروں کی تباہی اور بھارتی نقصانات سے متعلق سوال کیا تو ایئر مارشل اے کے بھارتی کا کہنا تھ اکہ ہم جنگی حالت میں ہیں، اور میں اس وقت نقصانات پر کوئی تبصرہ نہیں کروں گا کیونکہ اس سے دشمن کو فائدہ ہو سکتا ہے۔ان کا مزید کہنا تھا ہم نے دہشت گردوں کے ٹھکانے تباہ کرنے کا ہدف حاصل کیا ہے، اور یہی اصل مقصد تھا۔ نتائج پوری دنیا دیکھ سکتی ہے۔”

ایئر مارشل نے دعویٰ کیا کہ تمام بھارتی پائلٹ بحفاظت واپس آ چکے ہیں اور بھارت کی کارروائی دہشت گردوں کے خلاف تھی، پاکستان کی فوجی اسٹیبلشمنٹ کے خلاف نہیں۔یاد رہے کہ بین الاقوامی میڈیا میں یہ دعوے گردش کر رہے ہیں کہ پاکستان نے جوابی کارروائی میں بھارت کے کئی قیمتی جنگی اثاثے، جن میں رافیل طیارے اور ایس-400 سسٹم بھی شامل ہیں، تباہ کر دیے ہیں، تاہم بھارت کی جانب سے اب تک اس کی واضح تردید یا تصدیق سامنے نہیں آئی۔

پاکستان کی تاریخی دفاعی فتح پر عالمی میڈیا حیران

ایس-400 کی تباہی پاک بھارت کشیدگی کا سب سے بڑا واقعہ قرار

ہندوستانی خارجہ سیکریٹری اور بیٹیوں پر ہندوتوا ٹرولز حملہ، ایکس اکاؤنٹ پرائیویٹ کرنا پڑ گیا

ایرانی وزیر خارجہ کے خلاف بھارتی سابق فوجی افسر کا نازیبا تبصرہ، تہران کا شدید ردعمل

اعلی عسکری حکام کی پریس کانفرنس کا وقت پھر تبدیل، بریفنگ بھی متوقع