Tag: پاک بھارت مذاکرات

لاہور:پاکستان کے وزیر خارجہ شاہ محمود قریشی نے ایک نجی ٹی وی گفتگو کرتے ہوئے کہا ہے کہ بھارت کی موجودہ قیادت مذاکرات کیلیے تیار نہیں .شاہ محمود قریشی نے کہا کہ وزیراعظم نے نریندر مودی کی کامیابی پر خط لکھا اور مبارکباد دی جو ایک روایت ہے .شاہ محمود قریشی نے گفتگو کرتے ہوئے کہا کہ بشکک میں محسوس ہوا بھارت ذہنی طور پرابھی بھی الیکشن کےدورسےباہرنہیں نکلا.شاہ محمود قریشی نے بھارت قیادت کو خطے میں حالات کا ذمہ دار قرار دیتے ہوئے کہا ہے کہ بھارتی قیادت پاکستان سے مذاکرات میں مخلص نہیں ہے

شاہ محمودقریشی نے کہا کہ پاکستان سمجھتا ہے خطے میں غربت کا مقابلہ کرناہے تو امن ضروری ہے
بھارتی رویے پر قریشی نے کہا کہ تالی ہمیشہ دونوں ہاتھوں سے بجتی ہے اس کے باوجود پاکستان نے امن کے لیے مذاکرات میں ہمیشہ پہل کی ہے پاکستان کا موقف ہر باشعور ملک اور طبقےنےسمجھ لیاہے.پاکستان کے وزیر خارجہ نے نجی ٹی وی میں گفتگو کرتے ہوئے کہا ہے کہ خطے میں ترقی کرنےاورغربت کےخاتمےکیلیےامن ضروری ہےجس کے لیے دونوں ملکوں کی قیادت کو سوچنا ہوگا اور اس مقصد کے لیے آگے آنا ہوگا.پاکستان اور بھارت کے درمیان امن کا قیام خطے میں خوشحالی کی ضمانت ہوگا. پاکستان بھارت سے خطے میں امن کے لیے ہر وقت بات چیت کرنے کے لیے تیار ہے.