پاکستان ریلوے کی جانب سے ٹرین حادثے کے جاں بحق افراد کے لواحقین کیلئے 15 لاکھ روپے فی کس امداد کا اعلان کیا گیا ہے ۔
باغی ٹی وی : تفصیلات کے مطابق ترجمان پاک ریلوے کے مطابق حادثے میں زخمی ہونے والوں کو ان کی انجریز کے مطابق 50 ہزار سے تین لاکھ روپے ادا کئے جائیں گے انتظامیہ نے حادثے کے متاثرین کے ہنگامی بنیادوں پر کوائف جمع کرنا شروع کر دیے ہیں ۔
ترجمان پاک ریلوے کے مطابق متاثرین میں جلد امدادی رقوم کی فراہمی کا عمل شروع کر دیا جائے گا۔
واضح رہے کہ حادثہ آج صبح پیش آیا جب ملت ایکسپریس کی بوگیاں ڈہرکی کے قریب پٹری سے اتر گئیں جبکہ سرسید ایکسپریس آکر ملت ایکسپریس سے ٹکرا گئی ، حادثے میں 40افراد جاں بحق اور متعدد زخمی ہو گئے کراچی، سکھر، فیصل آباد اور راولپنڈی میں ہیلپ سینٹر قائم کردیئے گئے ہیں سکھر, گھوٹکی, میرپور ماتھیلو کے ہسپتالوں میں ایمرجنسی نافذ ہے پاک فوج،رینجرز،ریسکیو،پولیس اور ضلعی انتظامیہ امدادی کارروائیوں میں مصروف ہیں-
ریتی کے قریب سرسید ایکسپریس اور ملت ایکسپریس میں تصادم کے باعث 30 افراد جاں بحق اور درجنوں مسافر زخمی
خطرناک ٹرین حادثہ ، سکھر, گھوٹکی, میرپور ماتھیلو کے ہسپتالوں میں ایمرجنسی نافذ
وزیراعلیٰ سندھ کا کمشنر سکھرکومسافروں کی عارضی رہائشی اور میتوں کوآبائی علاقےمنتقل کرنےکےانتظام کی ہدایت
وزیر ٹرانسپورٹ سندھ کا تحقیقاتی اداروں سے ٹرین حادثے کی تحقیقات کا مطالبہ
ٹرین حادثے میں 2 ریلوے اور 2 پولیس اہلکار بھی جاں بحق