پایا شوربہ سوپ
وقت: 4سے 4½ گھنٹے
5 سے 6 کپ
اجزائے ترکیبی مقدار
مٹن کے پائے 5ٹکڑے
تیل 1چوتھائی کپ
تیپیاز (باریک کٹاہوا) 1کپ
ادرک لہسن کا پیسٹ 2کھانے کے چمچ
نمک حسب ذائقہ
سرخ مرچ پاؤڈر 1چائے کا چمچ
کشمیری لال مرچ پاؤڈر 1½ چائے کا چمچ
ہلدی پاؤڈر 1چائے کا چمچ
کالی مرچ (ثابت) 10سے 12 عدد
لونگ 3سے 4عدد
تیزپات 2درمیانے
زیرہ 1چائے کا چمچ
دار چینی 1درمیانی
موٹی الائچی 2عدد
چھوٹی الائچی 3عدد
سجاوٹ کے لئے :
SNPگرم مصالحہ پاؤڈر 1چائے کا چمچ
ہرا دھنیا کٹا ہوا 2کھانے کے چمچ
طریقہ کار:
بڑے برتن میں دو لیٹر پانی لی اسے ابلنے تک پکائیں اورابلتے ہوئے پانی میں مٹن پائے شامل کردیں۔ دو منٹ تک ابالیں پانی ضائع کردیں اور پائے الگ نکال لیں۔ بڑے برتن میں تیل گرم کریں اور پیاز کو ہلکا براؤن ہونے تک پکائیں۔ ادرک لہسن کا پیسٹ شامل کرکے تمام مصالحے بھی ڈال دیں۔ تھوڑی مقدار میں پانی شامل کریں۔ ایک سے دو منٹ تک پکائیں۔ اب اس میں پائے اور 3سے 4 لیٹر پانی شامل کردیں۔ برتن کو اچھی طرح ڈھک کر ہلکی آنچ پر 3½ سے 4گھنٹے تک پکائیں۔ اب چولہے سے اتار کر کمرے کے ٹمپریچر میں ٹھنڈا کرلیں۔ اب پائے الگ کرلیں اور یخنی الگ کرلیں۔ پکے ہوئے پائے الگ کھائے جاسکتے ہیں۔ دوسرے برتن میں یخنی ڈال کر 8سے 10 منٹ تک پکائیں یہاں تک کہ وہ گاڑھی ہو جائے۔ سجاوٹ کے لئے گر م مصالحہ اورہرا دھنیا چھڑک کر گرم گرم پیش کریں۔