پتوکی:(نمائندہ باغی ٹی وی) تھانہ سٹی پتوکی کی حدود میں زرعی ترقیاتی بینک کے قریب دن دیہاڑے ڈکیتی کی واردات ہوگئی ہے۔
باغی ٹی وی کی رپورٹ کے مطابق موٹرسائیکل سوار دو مسلح ڈاکو کار سوار سے 14 لاکھ روپے لوٹ کرفرار ہوگئے۔ جبکہ پولیس کی روایتی بےحسی برقرار ہمیشہ کی طرح آدھے گھنٹے کی تاخیر سے پہنچی ہے۔ ڈاکوؤں کی فائرنگ سے گاڑی کے ٹائر برسٹ ہوگئے جبکہ گاڑی سوار معجزانہ طور پر محفوظ رہے۔ تاحال ڈاکوؤں کا کوئی سراغ نہیں مل سکا اور نہ ہی کوئی کارروائی کی گئی ہے۔ پولیس تفتیش کے لیے مصروف عمل ہے۔
قصور (پتوکی):-
پتوکی کا رہائشی محمد اکرم 18 جون صبح 5 بجے رکشہ لیکر گھر سے نکلا تھا اور ابھی تک گھر واپس نہیں پہنچ سکا ہے۔
باغی ٹی وی کی رپورٹ کے مطابق محمد اکرم نامی رکشہ ڈرائیور 2 روز قبل رکشہ سمیت روزگار کی تلاش میں گھر سے گیا تھا تاہم ابھی تک گھر واپس نہیں لوٹا ہے۔
ورثاء کی جانب سے تھانہ پتوکی میں ایف آئی آر درج کروائی گئی ہے لیکن ابھی تک پولیس کی طرف سے کوئی کاروائی عمل میں نہیں لائی گئی اور نہ ہی گم شدہ اکرم کی تلاش کے لیے کوئی اقدامات کیے گئے ہیں۔
محمد اکرم کے ورثہ نے اعلی احکام سے نوٹس لینے کی اپیل کی ہے۔محمد اکرم کو جلد از جلد ڈھونڈ کر ہمارے ہم تک پہنچایا جائے۔