سینیٹ کا اجلاس ڈپٹی چیئرمین سینیٹ کی زیر صدارت ہوا
پی ٹی آئی سینیٹرز ڈپٹی چیئرمین کی نشست کے پاس پہنچ گئے،اور کہا کہ سینیٹر اعجاز چوہدری کو صدراتی انتخاب کیلئے پروڈکشن آرڈر جارہی کیے جائیں،سینیٹر علی ظفر نے کہا کہ رولز میں واضح ہے کہ اس طرح کی صورتحال میں ایوان کے ممبران کے پروڈیکشن آرڈر جارہی کیے جاسکتے ہیں،کل صدراتی انتخاب ہیں انکو ووٹ کرنا ہے انکا حق ہے ، اس اہم مرحلے پر سینیٹر اعجاز چوہدری کو رہا ہوکر یہاں ہونا چاہیے،ہائیکورٹ کے آرڈر موجود ہیں پروڈیکشن آرڈر کیلئے عدالتوں کا کیوں رخ کریں جب ہمارے پاس اختیارات یہاں ہیں،سینیٹر اعجاز چوہدری بیمار بھی ہیں انکے میڈیکل بورڈ متعلق بھی پمز میں اقدامات کیے جائیں،یہ کوئی ذاتی معاملہ نہیں،سب ایوان متفق ہوگا،ڈپٹی چیئرمین سینیٹ نے سینیٹر اعجاز چوہدری کے پروڈکشن آرڈر جارہی کرنے کی ہدایت کردی، ڈپٹی چیئرمین سینیٹ نے کہا کہ صدارتی انتخابات میں ووٹ ڈالنا اعجاز چوہدری کا حق ہے ،
پی ٹی آئی ارکان نےڈیسک بجا کر ڈپٹی چیئرمین سینیٹ کو خراج تحسین پیش کیا
عمران خان سیاسی قیدی رہا کیا جائے، مشاہد حسین سید
سینیٹ اجلاس کے دوران مسلم لیگ ن کے سینیٹر مشاہد حسین سید نے اظہار خیال کرتے ہوئے کہا کہ عمران خان کو رہا کیا جائے، وہ سیاسی قیدی ہیں، انہیں عام معافی دی جائے،پی ٹی آئی کا حق ہے کہ مخصوص نشست انہیں ملنی چاہئیں،اداروں کے ساتھ سیاسی لوگوں کے تعلقات ٹھیک ہونے چاہئیں۔
جب ملک معاشی ترقی کرنے لگتا ہے معلوم نہیں کیوں کوئی ٹانگ کھینچ لیتا ہے ،اسحاق ڈار
سابق وفاقی وزیر خزانہ، ن لیگی رہنما اسحاق ڈار نے ایوان میں اظہار خیال کرتے ہوئے کہا کہ میثاق جمہوریت تاریخی سنگ میل ہے،سینیٹ میں چاروں صوبوں کی برابر نمائندگی موجود ہے،حکومت اور اپوزیشن ایک ہی گاڑی کے دو پہیے ہیں،حکومت اور اپوزیشن کو مسائل کے حل کے لئے مل کر چلنا ہوگا،ان ساتھیوں میں شامل ہوں جنہوں نے ریٹائر ہونا ہے،یہ ایوان بارہ مارچ سے غیر فعال ہو جائے گا، کارکردگی کی ایک لمبی داستان ہے،آج کے دور میں دو ہزار دو سے پہلے سے زیادہ اشتعال ہے، پارلیمنٹری تاریخ میں اس ایوان نے بہت حصہ ڈالا ہے، سینٹ کی کمیٹیوں کو اچھے کام پر سراہتا ہوں، نوازشریف کہہ چکے ہیں کہ تمام سیاسی جماعتوں کو مل کر کام کرنا ہوگا، سینیٹ میں مسلسل احتجاج کی روایت سے دنیا میں اچھا تاثر نہیں جاتا، معاشی استحکام کیلئے چارٹر آف اکانومی کیا جائے ، چارٹر آف ڈیموکریسی اور چارٹر آف اکانومی وقت کی ضرورت ہے ، معاملات افہام و تفہیم سے آگے چلتے ہیں، ہماری ذاتی دشمنیاں نہیں ہونی چاہئے، اس ایوان کا تھوڑا خیال رکھنا چاہیے ، 2013 میں ملک دیوالیہ ہونے جارہاتھا، اس کے بعد ن لیگ کی حکومت آئی، ملک کی جی ڈی پی بڑھی مہنگائی کم ہوئی، پھر ملک کو کس کی نظر لگ گئی، کس کی سازش تھی، پیشگوئی تھی کہ ملک جی 20 میں جارہاہے ، ہمیں دنیا کی 24 ویں بڑی معیشت ڈکلیئر کیا گیا تھا، 2014 میں دھرنے کے کلاف ساری جماعتیں متحد ہوئیں، وہ جمہوریت کی کامیابی تھی ، اس ملک میں پاناما کا ڈراما رچایا گیا، اس سازش کو پراجیکٹ 2011 کہتاہوں، ملک کو اکیلے کوئی جماعت طاقتور نہیں بنا سکتی، ہم سب کو مل کرکام کرنا ہوگا،، تین سال میں ن لیگ کی حکومت نے چوبیسویں معاشی طاقت بنایا، مشاہد حسین سید جانتے ہیں ہم نے کیسے ایف سولہ کے پیسے واپس لیے تھے ، میں آنکھوں میں آنکھیں ڈال کر بات کرنے کا عادی ہوں ، جب ملک معاشی ترقی کرنے لگتا ہے معلوم نہیں کیوں کوئی ٹانگ کھینچ لیتا ہے .قومی اسمبلی سے کوئی بل پاس ہوکر آتا ہے تو سینیٹ میں سب کی نمائندگی ہے، کسی بل میں کوئی کمی ہوتی ہے تو سینیٹ کے ذریعے ترامیم کی جاتی رہی ہیں،
کمیٹیوں کے سربراہ سے جب پوچھو تو وہ دبے انداز سے مسکرا دیتے ہیں،طاہر بزنجو
سینیٹر طاہر بزنجو نے ایوان میں اظہار خیال کرتے ہوئے کہا کہ چیئرمین سینیٹ کے خلاف تحریک عدم اعتماد میں 64کیسے 50میں تبدیل ہوا،بلاول، شہباز شریف نے اعلان کیا کہ منحرف ارکان کو نشان عبرت بنائیں گے، دونوں بڑی جماعتوں نے تحقیقاتی کمیٹی بنائی،ان کمیٹیوں کے سربراہ سے جب پوچھو تو وہ دبے انداز سے مسکرا دیتے ہیں، منحرف میں سب سے بڑی تعداد پیپلز پارٹی اور مسلم لیگ ن کے ارکان کی تھی،سب کو معلوم تھا کن سینیٹرز نے مخالف ووٹ ڈالا،ان میں چند ریٹائرہو گئے، چند انتقال کر گئے اور چند ابھی بھی ایوان میں ہیں،ایسے انتخابات میں مضبوط حکومت بنے گی جب نتائج اپنی مرضی سے بنائے گئے ہیں؟
خواتین کا عالمی دن، سینیٹر فیصل جاوید کا قید خواتین کو رہا کرنے کا مطالبہ
سینیٹر فیصل جاوید نے ایوان میں اظہار خیال کرتے ہوئے کہا کہ رضا ربانی صاحب ہمیشہ آئین کی کتاب لے کر آتے تھے لیکن 2 سال ہوگئے انہوں نے آئین کی کتاب نہیں کھولی، 90 دن میں الیکشن نہیں ہوئے آئین کی کتاب نہیں کھلی، خواتین کے عالمی دن پر یاسمین راشد، عالیہ حمزہ اور دیگر بے گناہ قید خواتین سے اظہار یکجتہی کرتے ہیں،سینیٹر فیصل جاوید نے سینیٹ میں تمام قید خواتین کے ساتھ خواتین کے عالمی دن کے موقع پر اظہار یک جہتی کرتے ہوئے عمران خان بشری بی بی اور دیگر کی رہائی کا مطالبہ کر دیا.
ڈپٹی چیئرمین کی زیرصدارت ہونے والے سینیٹ اجلاس میں خواتین سے متعلق قرار داد سیمی ایزدی ، ثانیہ نشتر، ثنا جمالی نے پیش کی۔ سینیٹ اجلاس میں قرارداد متفقہ طور پر منظور کی گئی ہے۔ قرار داد میں کہا گیا ہے کہ حکومت خواتین کی معیشت میں شمولیت کے فروغ کو یقینی بنائے۔ مؤثر تعلیمی اور ہنر سکھانے کے پروگرامزکو فروغ دیا جائے، منصوبہ بندی اور تعلیمی اصلاحات سے فیصلہ سازی میں خواتین کی شمولیت کو یقینی بنایا جائے۔
سینیٹ کے 52 ارکان 11 مارچ کو ریٹائر ہو جائیں گے
سینیٹ اجلاس، گرفتار خواتین کو رہا کرو، پی ٹی آئی کا احتجاج،جے یو آئی کا بھی مطالبہ
پارلیمنٹ کا مشترکہ اجلاس،33 بل منظور،زیادتی کے مجرم کو سرعام پھانسی کی ترمیم مسترد
ریپ ملزموں کو سرعام پھانسی دینے سے متعلق بل سینیٹ سے مسترد
پیپلز پارٹی مسلم لیگ ن کو قربانی کا بکرا بنا رہی ہے،سینیٹر مشتاق احمد
نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ
موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق
چیئرمین سینیٹ صدارتی انتخابات میں ووٹ نہیں ڈال سکیں گے
سوشل میڈیا پر پابندی کے حوالے سے بہرامند تنگی نے اپنی قرارداد واپس لے لی
