Baaghi TV

Tag: پرویز الہی

  • اینٹی کرپشن پنجاب کا چوہدری پرویز الہیٰ کو 6 مئی تک گرفتار نہ کرنے کا فیصلہ

    اینٹی کرپشن پنجاب کا چوہدری پرویز الہیٰ کو 6 مئی تک گرفتار نہ کرنے کا فیصلہ

    لاہور: اینٹی کرپشن پنجاب نے ضمانتی دستاویزات وصول ہونے کے بعد چوہدری پرویز الہیٰ کو 6 مئی تک گرفتار نہ کرنے کا فیصلہ کیا ہے۔

    باغی ٹی وی: اینٹی کرپشن ذرائع کے مطابق پرویز الہیٰ کے وکلا کی جانب سے اینٹی کرپشن میں عدالت کی جانب سے ملنے والی ضمانت کے کاغذات جمع کرادیے گئے ہیں جس کی اینٹی کرپشن حکام نے تصدیق کرلی جس کے مطابق عدالت نے پرویز الہیٰ کو 6 مئی تک عبوری ضمانت دی ہے۔ اینٹی کرپشن کے ذرائع کا کہنا ہے کہ کاغذات موصول ہونے تک پی ٹی آئی کے صدر کو 6 مئی تک گرفتار نہ کرنے کا فیصلہ کیا ہے۔

    پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا …

    ذرائع نے بتایا کہ چوہدری پرویز الہیٰ کے خلاف اینٹی کرپشن پنجاب میں انویسٹی گیشن قانون کے مطابق جاری رہے گی سابق وزیر اعلی پنجاب کے گھر سے گرفتار ہونیوالے افراد پولیس کی حراست میں ہیں، حراست میں لیے گئے افراد کے خلاف پولیس اور اینٹی کرپشن ٹیم پر پیٹرول بم پھینکنے اور پتھراؤ کا مقدمہ درج ہے۔

    واضح رہے کہ چوہدری پرویز الہیٰ کے خلاف پولیس آپریشن لاہور ہائیکورٹ میں چیلنج کردیا گیا تھا پرویز الٰہی کے بیٹے راسخ الہی کی جانب سے لاہور ہائیکورٹ میں دائر درخواست میں پنجاب حکومت، اینٹی کرپشن اور پولیس کو فریق بنایا گیادرخواست میں موقف اختیار کیا گیا ہے کہ پرویز الٰہی کی لاہور ہائیکورٹ سے حفاظتی ضمانت منظور ہوچکی ہے۔ ضمانت کے باوجود ظہور الٰہی کے گھر پر آپریشن کیا گیا اور ہراساں کیا گیا۔

    پولیس پرویز الہٰی کو گرفتار کرنے میں ناکام،مخبری کس نے کی؟ چودھری سالک بول پڑے

    درخواست میں لاہور ہائیکورٹ سے چوہدری پرویز الہیٰ کی حفاظتی ضمانت کی معیاد مکمل ہونے تک ان کی گرفتاری روکنے، ظہور الہیٰ روڈ کلئیر کرنے اور پولیس کو ہٹنے کا حکم جاری کرنے کی استدعا کی گئی-

    دوسری جانب وفاقی وزیر خزانہ اسحاق ڈار نے تحریک انصاف کے وائس چیئرمین اور مذاکراتی ٹیم کے سربراہ شاہ محمود قریشی سے رابطہ کرکے چوہدری پرویز الہیٰ کے گھر پولیس کے حملے پر افسوس کا اظہار کیا ہے۔

    وزیر خزانہ اسحاق ڈار نے تحریک انصاف کے صدر چوہدری پرویز الٰہی کے گھر پر دھاوے اور چادر چار دیواری کی پامالی پر افسوس کا اظہار کرتے ہوئے واضح کیا کہ چوہدری پرویزالٰہی کے گھر پر حملے سے وفاقی حکومت کا کوئی تعلق نہیں، یہ کارروائی نگران پنجاب حکومت کی جانب سے کی گئی ہے، تحریک انصاف کے جذبات سے اپنی قیادت کو آگاہ کریں گے، اس سلسلے میں جلد تحریک انصاف سے دوبارہ رابطہ کریں گے۔

    عمران خان کی تین مئی تک عبوری ضمانت منظور

    جبکہ شاہ محمود قریشی نے وزیر خزانہ اسحاق ڈار کو چوہدری پرویز الٰہی کے گھر پر غیرقانونی حملے پر تحریک انصاف اور چوہدری پرویز الٰہی کے خاندان کے جذبات سے آگاہ کیا۔

  • پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

    پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

    باغی ٹی وی کی رپورٹ کے مطابق تحریک انصاف کے صدر پرویز الہیٰ کی رہائشگاہ پر پولیس نے چھاپہ مارا، رات گیارہ سے صبح تک پولیس موجود رہی ، پرویز الہیٰ عقبی دروازے سے فرار ہو گئے، گرفتاری نہ دی، اس ساری کاروائی کے دوران نہ تو تحریک انصاف کے رہنما پرویز الہیٰ کے گھر پہنچے اور نہ ہی کارکنان، پولیس چند افراد کو گرفتار کر کے لے گئی اور پرویز الہیٰ کی رہائشگاہ سے پولیس پر ہونے والے پتھراؤ ، پٹرول بم پھینکے جانے پر مقدمہ درج کر لیا،

    سوشل میڈیا پر صارفین سوال اٹھا رہے ہیں کہ عمران خان گرفتاری سے بچنے کے لئے کارکنان کو ڈھال بناتے ہیں، پرویزالہیٰ بھی عمران خان سے زیادہ بز دل نکلے، اگر انہوں نے کچھ غلط نہیں کیا تو گرفتاری دے دیں اور پھر عدالت سے ضمانت کروا لیں ، پولیس پہنچی تو پرویز الہیٰ نے خواتین اور ملازموں کو باہر بھیجا اور خود مبینہ طور پر عقبی دروازے سے نکلنے میں کامیاب ہو گئے، پولیس کو گھر کی خواتین نے ہی بتایا تھا کہ پرویز الہیٰ اندر موجود ہیں، اس بات کی گواہی سالک حسین نے بھی ٹویٹ کر کے دی ہے

    صحافی نجم ولی خان کہتے ہیں کہ اطلاعات کے مطابق چودھری پرویز الہی کی گرفتاری کا آپریشن چوہدری سالک حسین اور چوہدری شافع حسین کو پیشگی اطلاع ہی نہیں بلکہ باقاعدہ منظوری اور اتفاق سے کیا گیا۔

    نجم ولی خان کہتے ہیں کہ عزت دار لوگ عورتوں کو آگے کرتے ہی نہیں تھے۔ معذرت کے ساتھ پرویز الہی نے بھاگ کے اور عورتوں کو ڈھال بنا کے جٹوں کی عزت اور غیرت کا تصور ہی تباہ کر دیا ہے۔ یہاں لوگ دو دو سال جیل رہے مگر اپنی عورتوں تک پولیس نہیں آنے دی، یہ دو دن کی قید دیکھ کے عورتیں چھوڑ کے فرار ہو گئے؟ افسوس ہے ،چوہدری پرویزالہی کے گھر جو کچھ ہوا اس میں عقل اور فکر والوں کے لئے بڑی نشانیاں ہیں۔ FIR ٹھیکوں میں رشوت کی ہے جو کہ معمول کا معاملہ ہے مگر کبھی سوچا نہیں جا سکتا تھا کہ پرویزالہی کے گھر کا گیٹ بکتربند گاڑی توڑے گی۔ پرویزالہی فیملی کی محبت میں مارے گئے ورنہ کبھی ایسا نہ ہونے دیتے۔ جب پرویز مشرف اور عمران خان کے ادوار میں کہا جاتا تھا کہ ظلم نہ کرو تو جواب ملتا تھا کرپٹ لوگوں کی حمایت نہ کرو۔ ان کی گرفتاری درست، یہ عدالتوں میں خود کو بے گناہ ثابت کریں۔ اب پیپلزپارٹی اور نوازلیگ کے لئے فارمولہ پی ٹی آئی کے لئے کیسے غلط ہو گیا؟ کرپشن نہیں کی تو ڈرتے کیوں ہیں؟

    پولیس صبح واپس گئی اور اعلان کیا کہ گرفتار نہیں کر سکے تو تحریک انصاف کے رہنماؤں کی پرویز الہیٰ کے گھر نہ صرف آمد شروع ہو گئی بلکہ مزمتی بیانات آنا بھی شروع ہو گئے،سابق صوبائی وزیر بلدیات میاں محمود الرشید اور ابق ایم پی اے میاں اکرم عثمان کی پرویز الہی کے گھر آمد ہوئی، اس موقع پر میڈیا سے بات کرتے ہوئے تحریک انصاف کے رہنماؤں کا کہنا تھا کہ چادر اور چار دیواری کے تقدس کو پامال کیا گیا ،اس سے پہلے ملک کے سب سے بڑے اور مقبول لیڈر عمران خان کے گھر کو کرینوں سے توڑا گیا اب پرویز الہی کے گھر یہ کچھ ہوا ، انکا قصور صرف یہ ہے کہ انہوں نے اسمبلی کیوں توڑی ، جب تک ملک میں فیئر اور فری الیکشن نہیں ہوتے حالات بہتر نہیں ہوں گے ،ضمانت کے باوجود گھر پر ایسا دھاوا بولا گیا جیسے وہ کوئی دہشت گرد ہیں ،انہیں واضح طور پر اپنی شکست نظر آبرہی ہے اسی لیئے یہ الیکشن سے بھاگ رہے ہیں اگر الیکشن نہیں کرواتے تو اتنی بڑی موومنٹ چلائیں گے کہ اس کی نظیر نہیں ملتی تمام ورکرز اسلام آباد گئے ہوئے تھے جب یہ سب ہوا ، پرویز الہی گھر میں موجود نہیں ہیں

    سینیٹر اعجاز احمد چوہدری کا کہنا تھا کہ چوہدری پرویز الٰہی کے گھر پر پولیس گردی کی شدید الفاظ میں مذمت کرتے ہیں ۔پولیس نے گھر پر حملہ کر کے چادر چاردیواری کا تقدس پامال کیا ،پولیس نے ضمانت کے باوجود گھر پر حملہ کر کے عدالتی حکم کی خلاف ورزی کی نگران وزیر اعلی مسلسل غیر قانونی سرگرمیوں میں مصروف ہے،پی ڈی ایم نے ظلم و بربریت کا بازار گرم کر رکھا ہے ۔امپورٹڈ حکومت اتنا ظلم کرے جتنا کل کو برداشت کر سکے

    تحریک انصاف کی رہنما ڈاکٹر یاسمین راشد نے کہا ہے کہ پرویز الٰہی کے گھر پر حملے کی شدید الفاظ میں مذمت کرتے ہیں ،شہباز سرکار گھٹیا ترین انتقامی سیاست کرنے پر اترآئی ہے،امپورٹڈ حکومت نے ظلم و بربریت کی انتہا کر دی ہے پرویز الٰہی کے گھر پر حملہ کروانے والے حکمرانوں کو شرم سے ڈوب مرنا چاہیئے پنجاب پولیس شریف خاندان کی گھر کی باندی بن چکی ہے ، امپورٹڈ حکومت کی ایما پر پنجاب پولیس نے ظلم جبر اور ناانصافی کی تمام حدیں کراس کر لی ہیں،پنجاب پولیس نے رات کے اندھیرے میں ایک ظلم کی نئی داستان رقم کی ہے ، شہباز سرکار مسلسل چادر اور چار دیواری کا تقدس پامال کر رہی ہے، موجودہ سیاہ ترین دور حکومت میں ہر طرف ظلم کا دور دورہ ہے

    اس بار تو پولیس نے آپ پر ڈکیتی کی دفعہ بھی لگا دی ہے

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    پرویزالہٰی کی حفاظتی ضمانت پر تحریری فیصلہ 

    تحریک انصاف کے‌صدر چودھری پرویز الہیٰ کے خلاف ایک اور مقدمہ درج کر لیا گیا ،پولیس کی جانب سے سابق وزیراعلیٰ پنجاب پرویز الٰہی کے خلاف مقدمہ درج کیا گیا ہے، پرویز الہٰی کے گھر پر چھاپے کے دوران مزاحمت کرنے پر پولیس نے پرویز الہٰی سمیت 50 سے زائد نامعلوم افراد کے خلاف مقدمہ درج کرلیا مقدمہ انسپکٹر اینٹی کرپشن کی مدعیت میں درج کیا گیا،

  • پرویز الہیٰ عقبی راستے سے فرار ہوئے، ایک اور مقدمہ درج

    پرویز الہیٰ عقبی راستے سے فرار ہوئے، ایک اور مقدمہ درج

    باغی ٹی وی کی رپورٹ کے مطابق تحریک انصاف کے‌صدر چودھری پرویز الہیٰ کے خلاف ایک اور مقدمہ درج کر لیا گیا

    پولیس کی جانب سے سابق وزیراعلیٰ پنجاب پرویز الٰہی کے خلاف مقدمہ درج کیا گیا ہے، پرویز الہٰی کے گھر پر چھاپے کے دوران مزاحمت کرنے پر پولیس نے پرویز الہٰی سمیت 50 سے زائد نامعلوم افراد کے خلاف مقدمہ درج کرلیا مقدمہ انسپکٹر اینٹی کرپشن کی مدعیت میں درج کیا گیا، درج ایف آئی آر میں کہا گیا کہ پولیس گرفتار کرنے گئی تو پٹرول بم پھینکے گئے، پتھراؤ کیا گیا، ڈنڈوں سے پولیس پارٹی پر حملہ کیا گیا، پرویز الہیٰ ہنگامہ آرائی کا فائدہ اٹھاتے ہوئے عقبی دروازے سے فرار ہو گئے ، موقع پر موجود شرپسند عناصر کو گرفتار کیا گیا ہے. پرویز الہٰی کی ایما پر پولیس پر حملہ، جلاؤ گھیراؤ ،آگ سے جلانے کی کوشش کی گئی، ملزمان کے خلاف مقدمہ درج کر لیا گیا

    دوسری طرف سابق وزیراعلیٰ پنجاب پرویز الہٰی کی جانب سے پولیس آپریشن کے خلاف لاہور ہائیکورٹ سے رجوع کرنے کا فیصلہ کیا گیا ہے پرویز الہٰی نے قانونی ماہرین کی 7 رکنی ٹیم تشکیل دے دی جو عدالت سے رجوع کرے گی، 7 رکنی ٹیم میں ایڈوکیٹ سرمد غنی، عامر سعید، مظہر اقبال، طیب عثمان لیگل ٹیم کا حصہ ہوں گے۔ پرویز الہٰی کی قانونی ٹیم میں عاصم چیمہ، صفدر بوسال اور نادر دگل بھی شامل ہیں۔ قانونی ٹیم کچھ دیر میں لاہور ہائیکورٹ میں درخواست جمع کرائے گی

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

    اس بار تو پولیس نے آپ پر ڈکیتی کی دفعہ بھی لگا دی ہے

  • دو مرتبہ وزیراعلیٰ رہا، ماضی کو دیکھتے ہوئے فیصلہ کیا جائے،پرویز الٰہی

    دو مرتبہ وزیراعلیٰ رہا، ماضی کو دیکھتے ہوئے فیصلہ کیا جائے،پرویز الٰہی

    اینٹی کرپشن عدالت میں چوہدری پرویز الٰہی کی ضمانت کی درخواست پر سماعت ہوئی،

    پرویز الہی کی درخواست ضمانت پر فیصلہ محفوظ کر لیا گیا، پرویز الٰہی کی ساڑھے بارہ کروڑ روپے رشوت کیس میں درخواست ضمانت کیس میں پرویز الہی خود عدالت میں پیش ہوئے، وکیل پرویز الہی نے کہا کہ لاہور ہائیکورٹ نے بھی پرویز الٰہی کے خلاف درج مقدمہ خارج کر دیا تھا،مخالفین پر مقدمات کی لوٹ سیل لگی ہوئی ہے،ایک مقدمہ میں ضمانت کرواتے ہیں دوسرا درج کر دیا جاتا ہے،ان مقدمات میں سزا ہوتی ہے جن میں مجسٹریٹ گواہی دے کہ اس نے گفتگو سنی اور رقم لین دین دیکھا ،دو مرتبہ وزیر اعلیٰ رہا ہوں،اب تک کوئی ایسا کیس نہیں جس میں قومی خزانے کو نقصان پہنچایا ہو،میرے ماضی کو دیکھتے ہوئے دلائل پر فیصلہ کیا جائے،

    وکیل ایف آئی اے نے عدالت میں کہا کہ ملزم کو تحقیقات میں شامل ہونا ضروری ہوتا ہے ابھی تک یہ تحقیقات میں پیش نہیں ہوئے اس کیس کے حوالے سے ناقابل تردید ثبوت ہیں،عدالت نے دلائل کے بعد فیصلہ محفوظ کر لیا، ،اینٹی کرپشن کورٹ کے جج علی رضا نے سماعت کی ،پرویز الٰہی پر ایل ڈبلیو ایم سی غیر ملکی کمپنی کے معاہدہ میں رشوت کا الزام ہے دو ارب نوے کروڑ کی ادائیگی کے عوض ساڑھے بارہ کروڑ رشوت کا الزام ہے مقدمہ میں محمد خان بھٹی اور مونس الٰہی شریک ملزمان ہیں

    عدالت پیشی کے موقع پر پرویز الہی نے میڈیا سے بات کرتے ہوئے کہا کہ ہے کہ شریف خاندان کی ہسٹری ہے کوئی عقل کا کام نہیں کیاانہوں نے آٹا تقسیم نہیں کیا ہر جگہ اموات تقسیم کیں ،نگران حکومت کے پی اور پنجاب میں ن لیگ کی مشاورت سے بنی ن لیگ کی سوچ صرف انتقامی سیاست کی ہے عوام کی فلاح نہیں میں جب اقتدارِ میں رہا انکے خلاف ایک کیس بھی نہیں بنایا گران حکومت دو ماہ کے لیے آئی مقدمات کی بھر مار کردی میں نے رانا ثناءاللہ کو آموں کا تحفہ دیا تھا ہمارا تحریک انصاف میں شمولیت کا فیصلہ درست تھا استقاق کمیٹی نا ججز کو بلوا سکتی ہے نا انکے معاملات کو زیر بحث لاسکتی ہے

    پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

     پرویز الہیٰ عمران خان سمیت تحریک انصاف پر برس پڑے

     پرویز الہیٰ کے بیٹے مونس الہیٰ کی آڈیو لیک

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

  • پرویز الہیٰ کی درخواست ضمانت پر فیصلہ آ گیا

    پرویز الہیٰ کی درخواست ضمانت پر فیصلہ آ گیا

    پرویز الٰہی اور دیگر کیخلاف اربوں روپے کی کرپشن کا معاملہ ،کرپشن کیس میں سابق وزیر اعلی پرویز الٰہی کی عبوری ضمانت ہر سماعت ہوئی

    اینٹی کرپشن کورٹ نے پرویز الٰہی کی 27 اپریل تک عبوری ضمانت منظور کر لی ،عدالت نے اینٹی کرپشن حکام کو گرفتاری سے روک دیا ،عدالت نے ایک لاکھ کے ضمانتی مچلکے جمع کرانے کا حکم دیا ،اینٹی کرپشن کورٹ کے جج علی رضا نے سماعت کی ،پرویز الٰہی پر ایل ڈبلیو ایم سی غیر ملکی کمپنی کے معاہدہ میں رشوت کا الزام ہے دو ارب نوے کروڑ کی ادائیگی کے عوض ساڑھے بارہ کروڑ رشوت کا الزام ہے مقدمہ میں محمد خان بھٹی اور مونس الٰہی شریک ملزمان ہیں

    چوہدری پرویزالہی،مونس الہی، محمد خان بھٹی اور زبیر خان اینٹی کرپشن پنجاب کے ریڈار پرآ گئے،اینٹی کرپشن پنجاب نے سابق وزیراعلی پنجاب چوہدری پرویز الہی کے خلاف مقدمہ درج کرلیا-پرویز الہی اینڈ کمپنی نے لاہور ویسٹ مینجمنٹ کمپنی کے ذریعے ایک غیرملکی کمپنی کی واجب الادا رقم 2 ارب90کروڑ کی ادائیگی کے عوض ساڑھے بارہ کروڑ روپے رشوت وصول کی، چوہدری پرویز الہی کے خلاف مقدمہ ٹھوس شواہد کی بنا پر درج کیا گیا ہے سابق وزیراعلی پنجاب چوہدری پرویز الہی، مونس الہی اور محمد خان بھٹی کی ڈیل مونس الہی کے دوست زبیر خان نے کروائی- غیرملکی کمپنی کی واجب الادارقم کے عوض چوہدری پرویز الہی نے ساڑھے چھ کروڑ روپے وصول کئے- مونس الہی اور محمد خان بھٹی نے پانچ کروڑ جبکہ زبیر خان نے پچاس لاکھ روپے لئے- ملزمان پرویزالہی، مونس الہی، محمد خان بھٹی اور زبیر خان نے اختیارات کا ناجائز استعمال کرتے ہوئے سابق سی ای او چوہدری پرویز الہی نے لاہور ویسٹ مینجمنٹ کمپنی علی عنان قمر پر دباؤ ڈال کر 2 ارب 90کروڑ روپے کی فوری ادائیگی کروائی ،

    سرکاری خزانے کو 300 ارب کا نقصان سابق وزیر اعلی چوہدری پرویز الہی کے گرد گھیرا تنگ 

    پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

    پرویز الہیٰ کے پرنسپل سیکرٹری محمد خان بھٹی کی نئی ویڈیو،تہلکہ خیز انکشافات

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

  • خزانے کو 300 ارب کا نقصان، پرویز الہی کے گرد گھیرا تنگ

    خزانے کو 300 ارب کا نقصان، پرویز الہی کے گرد گھیرا تنگ

    لاہور کے ماسٹرپلان کی غیرقانونی منظوری میں سرکاری خزانے کو 300 ارب کا نقصان پہنچانے کا معاملہ ،نیب نے سابق وزیر اعلی چوہدری پرویز الہی کے گرد گھیرا تنگ کردیا

    نیب نے چوھدری پرویز الٰہی کے خلاف جاری ماسٹرپلان کی تحقیقات میں معاونت کیلئے ڈی جی ایل ڈی اے کو خط لکھ دیا۔ نیب نےلاہور کے ماسٹر پلان 2050 کی تحقیقات میں معاونت کیلئےگریڈ 18 کے افسر کو فوکل پرسن مقرر کرنے کی ہدایت کردی۔ خط کے متن مین کہا گیا ہے کہ ایل ڈی اے کافوکل پرسن نیب کے ڈپٹی ڈائریکٹر انویسٹی گیشن سے ٹھوکر نیاز بیگ کمپلیکس میں 12 اپریل سے قبل رابطہ کرے۔ ڈی جی ایل ڈی اے ماسٹر پلان کی منظوری میں کی گئی بے ضابطگیوں میں معاونت کریں، ماسٹر پلان لاہور،قصور ،شیخوپورہ اور ننکانہ کے لئے بنایا گیا اور اس پر 2020میں کام کا آغاز کیاگیا سابق وزیر اعلی کے دباو پر ماسٹر پلان میں لاہور کے مضافات میں لاکھوں ایکڑ زرعی رقبہ کو براؤن کرنے کا الزام ہے

    نیب ذرائع کے مطابق پچانوے مربع کلومیٹر زمین تعمیرات کے لئے اور نئی ہاوسنگ سوسائٹیز کے لئے مختص کرکے ڈویلپرز کو نوازا گیا ، سابق وزرائے اعلیٰ عثمان بزدار اور پرویز الہٰی پر بڑے رئیل اسٹیٹ ڈویلیپرز سے ملی بھگت کرکے گرین ایریاز کو براون میں تبدیل کروانے کا الزام ہے ،پرویز الٰہی پر موجودہ سکیمز سے بیٹرمنٹ فیس معاف کر کے قومی خزانے کو تین سو ارب کا نقصان پہنچانے کا الزام ہے
    Letter

  • حالات کیسے بھی ہوں کرپٹ مافیا کے خلاف باہر نکلنا ہو گا،پرویز الہیٰ

    حالات کیسے بھی ہوں کرپٹ مافیا کے خلاف باہر نکلنا ہو گا،پرویز الہیٰ

    سابق وزیراعلیٰ پنجاب ، تحریک انصاف کے صدر چودھری پرویز الہٰی سے راجہ محمد بشارت اور میاں محمود الرشید کی ملاقات ہوئی ہے

    اس موقع پر چودھری پرویز الہیٰ کا کہنا تھا کہ نا اہل حکمرانو ں کی غلط پالیسیوں کی وجہ سے پاکستان کی جگ ہنسائی ہو رہی ہے،آئی ایم ایف کے ترلے منتیں بھی کسی کام نہیں آ رہی ہیں،مفت آٹے کے حصول کیلئے قیمتی جانیں ضائع ہو رہی ہیں ،تحریک انصاف کو الیکشن مہم سے روکنے کیلئے گرفتاریاں کیا جارہی ہیں ،مریم نواز عدلیہ اور ججز کے خلاف مہم چلا رہی ہیں،نا اہل حکمران جو مرضی کر لیں عوام انہیں الیکشن سے بھاگنے نہیں دینگے،حالات کیسے بھی ہوں کرپٹ مافیا کے خلاف باہر نکلنا ہو گا،آئینی اور سیاسی حقوق کو پامال نہیں ہونے دینگے،

    دوسری جانب تحریک انصاف کے رہنما فرح حبیب نے کہا ہے کہ فاشسٹ حکومت عمران خان پر 100جعلی مقدمات کی سنچری مکمل کرچکی ہے پنجاب 84 اور اسلام آباد میں 43مقدمات ملاکے جعلی مقدمات کی 100ہوچکے ہیں،چیئرمین پی ٹی آئی عمران خان انتقامی کاروائیوں کا سامنا کررہے ہیں، عدلیہ چیئرمین پی ٹی آئی عمران خان کے خلاف جعلی مقدمات ختم کرے

    علاوہ ازیں تحریک انصاف کی رہنما یاسمین راشد کی زیرصدارت سینٹرل پنجاب کی گورننگ باڈی کا اجلاس ہوا.اجلاس میں جلسے کی تیاریوں کے حوالے سے تفصیلی تبادلہ خیال کیا گیا اجلاس میں جلسے کی سیکیورٹی سے متعلق منصوبہ بندی کی گئی، یاسمین راشد نے کہا کہ مینار پاکستان جلسے کے لیے قوم بے تاب ہے فاشسٹ حکومت نے شہریوں پر ظلم کی انتہاکی،مینار پاکستان پر تاریخی جلسہ ہو گا،حکومت جتنا دباؤ ڈالے گی اتنا ہی عوام عمران خان کا ساتھ دیں گے، الیکشن میں پی ڈی ایم کو بری طرح شکست ہو گی،مریم صفدر عمران خان فوبیا کا شکار ہیں،

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران خان سے ڈیل کی حقیقت سامنے آ گئی

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

  • پرویز الہیٰ کے پرنسپل سیکرٹری محمد خان بھٹی کی نئی ویڈیو،تہلکہ خیز انکشافات

    پرویز الہیٰ کے پرنسپل سیکرٹری محمد خان بھٹی کی نئی ویڈیو،تہلکہ خیز انکشافات

    تحریک انصاف کے صدر اور سابق وزیراعلیٰ پنجاب چودھری پرویز الہیٰ کے فرنٹ مین، پرنسپل سیکرٹری محمد خان بھٹی کی ایک نئی ویڈیو سوشل میڈیا پر سامنے آئی ہے جس میں محمد خان بھٹی کی گفتگو سے تہلکہ مچ گیا ہے، محمد خان بھٹی نے ویڈیو میں ہونے والی بات چیت میں ججز کے نام کے کر بات چیت کی ہے،

    ویڈیو میں محمد خان بھٹی کا کہنا ہے کہ سپریم کورٹ کے چیف جسٹس عمر عطا بندیال نہ تو مینج ہوتے ہیں او نہ ہی ان کے بارے میں ایسا کہا جا سکتا ہے ان کے ساتھ دو ججز ہیں، منیب اختر اور اعجاز الااحسن ان کی ذمہ داری پوری اٹھائی ہوئی ہے مظاہر نقوی صاحب نے ، مظاہر نقوی صاحب کا بیک گراﺅنڈ یہ ہے کہ ان کے دو بیٹے ہیںدونوں ان کے فرنٹ مین ہیں تو وہ ہر غلط کام میں مبتلا ہیں کرپشن کرتے ہیں ،ٹکا کر کرپشن کرتے ہیں، صبح سے رات تک کرپشن کرتے ہیں، تو پی ٹی آئی اور چوہدری صاحب بھی ان کے بارے میں یہ کہتے ہیں کہ بھئی یہ ہمارا عدالتوں میں بھی خیال کرتے ہیں فیصلے ہمارے حق میں دلواتے ہیں تو ان کا کوئی کام رکنا نہیں چاہیے وہ ٹرانسفریں، پوسٹنگ ہرکام میں وہ پیسے کماتے ہیں، اور ٹھیک ٹھاک پیسے کمارہے ہیں

    https://twitter.com/MuhammadUmarr21/status/1638070227186401282

    سامنے بیٹھے شخص نے محمد خان بھٹی سے سوال کیا کہ آپ لاہور ہائیکورٹ کو کیسے مینج کرتے ہیں ؟ جس پر محمد خان بھٹی نے جواب دیا کہ لاہور ہائیکورٹ دیکھیں یہ بھی ذمہ انہوں نے لیا ہوا تھا لیکن بیچ میںعلی افضل ساہی آ گئے،علی افضل ساہی نے کہا کہ میں یہ سارا مینج کرتا ہوں، علی افضل ساہی نے چیف جسٹس سے بات کر کے انہوں نے کہا کہ بینچ میں نے بنانا ہے،پی ٹی آئی کے خلاف کسی قسم کا کوئی فیصلہ نہیں آئے گا،ایک بھی فیصلہ پی ٹی آئی کے خلاف نہیں آئے گا،تو اس کے بارے میں وہ چیف جسٹس صاحب سے بھی اپنے فائدے شائدے اٹھاتے رہے ہیں،ٹھیک ٹھاک فائدے پی ٹی آئی کے کہنے پران کو ملتے رہے ہیں ،وہ بھی اپنے سارے کام نکلواتے رہے ہیں، اپنے داماد کیلئے بھی دس سے پندرہ ارب کے پیپر پراجیکٹ لیے ہیں ،ویڈیو میں موجود شخص نے سوال کیا کہ یہ پیپر پراجیکٹ کیا ہوتا ہے؟ جس کے جواب میں محمد خان بھٹی نے جواب دیا کہ اس پر آدھا کام ہوا ہوتا ہے اور باقی یہ بس کھاﺅ پیو پروگرام ہی ہوتا ہے،جیبوں میں جاتا ہے ،محمد خان بھٹی سے سوال کیا گیا کہ لاہور ہائیکورٹ میں اور لوگ ہیں کوئی جاننے والے آپ کے ؟ جس کا جواب دیتے ہوئے محمد خان بھٹی کا کہنا تھا کہ لاہور ہائیکورٹ میں ذاتی تعلق بھی ہے، مطلب جسٹس شاہد کریم ہے، جسٹس شاہد جمیل ہے، ان کے ساتھ ذاتی تعلق ہے،جسٹس فاروق حیدر سے بھی ذاتی تعلق ہے۔ان سے تعلق اس وقت کا ہے جب وہ وکیل تھے تب سے ان سے پرانے تعلق تھے اور میرا بچہ بھی ان کے بچوں کے ساتھ پڑھتا رہا ہے

    محمد خان بھٹی کی ویڈیو آنے کے بعد ن لیگی رہنما، وزیراعظم کے مشیر عطا تارڑ کا کہنا ہے کہ پرویز الہٰی کی آڈیو کو دبایا گیا، ہم کہتے رہے وہ چار کنال کا پلاٹ ہے،پہلے آڈیو آئی تھی، اب ویڈیو آگئی ہے، نام لے کر کہا جارہا ہے کہ دو بیٹے فرنٹ مین ہیں، اس کی منی ٹریل نہیں، ایک پلازہ ہے محمد خان بھٹی کہہ رہے ہیں، سپریم کورٹ میں مینج کرنا ان کی ذمہ داری تھی، جب 3 درخواستیں جمع کی گئیں، نوٹس نہ لیا جائے، تو ادارے پر سوالیہ نشان لگ جائے گا، کروڑوں روپے کی پراپرٹیز ہیں گوجرانوالہ اور لاہور میں اس کا جواب کس نے دینا ہے،کیا چیف جسٹس اس کا نوٹس نہیں لیں گے؟ محمد خان بھٹی اپنے روابط بھی بتارہے ہیں،ابھی الزام لگا ہے تو دودھ کا دودھ پانی کا پانی ہونا چاہیے،

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

  • علی بلال کی موت،تمام قصوار افراد کو کٹہرے میں لایا جائے،پرویز الہیٰ

    علی بلال کی موت،تمام قصوار افراد کو کٹہرے میں لایا جائے،پرویز الہیٰ

    تحریک انصاف کے صدر، سابق وزیراعلیٰ پنجاب چودھری پرویز الہیٰ نے کہا ہے کہ ماڈل ٹاؤن سانحہ میں رانا ثنااللہ جیسے لوگوں کو سزا ہو چکی ہوتی تو آج زمان پارک واقعہ نہ ہوتا،

    چودھری پرویز الہیٰ کا کہنا تھا کہ جوڈیشل انکوائری کے ملزمان میں سرفہرست محسن نقوی اور آئی جی پنجاب ہیں، جوڈیشل انکوائری کر کے قصور وار کو پھانسی دی جائے،آئی جی پنجاب، انتظامیہ اور پولیس علی بلال کی شہادت میں برابر کے قصور وار ہیں، ایسی مثال بنائی جائے تا کہ آئندہ انتظامیہ اپنے اختیارات اپنے گریبان تک رکھے، انتظامیہ کے تمام قصوار افراد کو کٹہرے میں لایا جائے

    دوسری جانب تحریک انصاف کے رہنما فرح حبیب کا کہنا ہے کہ ظل شاہ کو شہید کرواکر چہروں پرمسکراہٹیں ہیں،ارشد شریف ،عمران خان قاتلانہ حملہ ،ظل شاہ کی شہادت ، سب پرکوراپ چل رہا ہے،یہ تو کہتےتھے ظل شاہ گرفتار ہی نہیں ہوا قیدی وین کی ویڈیو پرانی ہے،قتل کی ایف آئی آر انتقامی کارروائی کے لیےعمران خان پر درج کیوں کی گئی؟

    واضح رہے کہ تحریک انصاف کے کارکن علی بلال کی موت پر تحریک انصاف کے چیئرمین عمران خان اور دیگر رہنما پولیس پر تشدد کا الزام لگاتے رہے تا ہم نگران وزیراعلیٰ پنجاب اور آئی جی پنجاب نے پریس کانفرنس کی اور حقائق سے قوم کو آگاہ کر دیا

    آئی جی پنجاب نے پریس کانفرنس کرتے ہوئے بتایا کہ تمام تکنیکی مسائل کو بروئے کار لارے ہوئے بیک ٹریک کیا گیا گاڑی کو 31 کیمروں کی مدد سے گلبہار سیکیورٹی کی بیسمنٹ سے ٹریک کیا گیا گاڑی کی بیک سیٹ پر ظل شاہ کا خون بھی موجود ہے،6 بجکر24 منٹ پر یہ گاڑی فورٹریس اسٹیڈیم کے قریب ظل شاہ سے ٹکرائی ،پنجاب پولیس تمام تفتیش انکے والد کے سامنے خود رکھے گی گاڑی میں جہانزیب اورعمر فرید نامی افراد تھے گاڑی کا مالک راجہ شکیل ہے اور یہ پی ٹی آئی کا سینٹرل پنجاب کے وائس پریزیڈنٹ ہیں

    زمان پارک میں عورتوں کے ساتھ زیادتی

    عمران خان کی جاسوسی، آلات برآمد،کس کا کارنامہ؟

    عمران ریاض کی گرفتاری اور تصویر کا دوسرا رخ،مبشر لقمان نے کہانی کھول دی

     قانون جو بھی توڑے گا وہ تیار رہے ریڈ لائن عبور نہیں کرنی چاہئے،

    مسلح افواج پر تنقید کی سزا پانچ سال قید،دو لاکھ جرمانہ، عمران ریاض خان کی اپنی ویڈیو وائرل

    زمان پارک بارے آڈیو لیک،مولانا فضل الرحمان بھی خاموش نہ رہ سکے

  • محمد خان بھٹی بلوچستان میں سرحد عبور کرکے فرار ہوتے ہوئے پکڑے گئے

    محمد خان بھٹی بلوچستان میں سرحد عبور کرکے فرار ہوتے ہوئے پکڑے گئے

    سابق وزیراعلی پنجاب پرویز الٰہی کے سابق پرنسپل سیکرٹری محمد خان بھٹی گرفتار کر لئے گئے

    ترجمان اینٹی کرپشن پنجاب کا کہنا ہے کہ محمد خان بھٹی بلوچستان میں سرحد عبور کرکے فرار ہوتے ہوئے پکڑے گئے،خان بھٹی اس وقت کوئٹہ پولیس کی تحویل میں ہیں،محمد خان بھٹی کو پنجاب واپس لانے کے لیے اینٹی کرپشن کی ٹیم تشکیل دی جا رہی ہے،

    محمد خان بھٹی کے خلاف اینٹی کرپشن میں 80 کروڑ روپے کی کرپشن کا مقدمہ درج ہےمحمد خان بھٹی کے خلاف تقرر و تبادلوں میں رشوت اور ترقیاتی منصوبوں میں بھاری کمیشن وصول کرنے کا الزام ہے اینٹی کرپشن نے محمد خان بھٹی کے خلاف درج مقدمہ میں سی اینڈ ڈبلیو کے ایکسئن رانا اقبال کو پہلے ہی گرفتار کررکھا ہے گرفتار ملزم رانا اقبال محمد خان بھٹی کے خلاف عدالت میں اعترافی بیان بھی ریکارڈ کروا چکے ہیں

    ایکسئین ہائی وے رانا محمد اقبال کے اعترافی بیان کے مطابق محمد خان بھٹی چودھری پرویز الٰہی اور مونس الٰہی کے فرنٹ کے طور پر کام کر رہے ہیں۔نامزد ملزم نے عدالت کو بتایا کہ مختلف افسران کی تعیناتیوں کے لیے مجموعی طور پر 2 کروڑ روپے رشوت لی گئی جبکہ محمد خان بھٹی نے پرنسپل سیکرٹری کی سیٹ پر تعیناتی کے بعد مختلف محکموں کا ترقیاتی کاموں کا بہت بڑا پیکیج بھی منظور کروایا اور ان کی ہدایت پر کام کے عوض 50کروڑ ان کے گھر پہنچائے، اس وقت چودھری مونس الٰہی ودیگر وہاں موجود تھے۔

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا