Tag: پرینیتی چوپڑا

بالی وڈ‌اداکارہ پرینیتی چوپڑا جو کہ پریانکا چوپڑا کی کزن بھی ہیں انہوں نے ہندی فلم انڈسٹری میں قدم رکھا تو دیکھتے ہی دیکھتے بالی وڈ کے افق پرچھا گئیں . ان کو آتے ہی بڑے بینرز کی فلمیں آفر ہوئیں. پرینیتی نے ثابت کیا کہ وہ ایک بہترین اداکارہ ہیں وہ ایک بڑی تعداد میں‌فین فالونگ رکھتی ہیں اور ان کے مداح ان کی فلموں‌کے منتظر رہتے ہیں. حال ہی میں اداکارہ نے انٹرویو دیا ہے اس میں انہوں نے کہا کہ جو وقت گزر گیا ہے میں اسکو بہت ہی زیادہ حیرانی کے ساتھ دیکھتی ہوں. میں‌ سمجھتی ہوں کہ جو وقت میری زندگی میں‌پیچھے گزرا ہے وہ بہت ہی اچھا تھا میں

نے اسے بہت زیادہ انجوائے کیا. پرینیتی چوپڑا نے کہا کہ انسان کی زندگی میں اسکی قسمت بہت اہم کردار ادا کرتی ہے میرا اس بات پر مکمل یقین ہے اس لئے میں‌کبھی بھی قسمت سے نہیں‌لڑتی. انہوں نے ایک سوال کے جواب میں‌ کہا کہ ہر انسان جب اپنا کیرئیر شروع کرتا ہے تو اس کے کچھ خواب ہوتے ہیں میں‌نے بھی جب کیرئیر شروع کیا تو میرے کچھ خواب تھے ، اور میں سمجھتی ہوں‌کہ میں آج جس بھی مقام پر ہوں اس سے مطمئن ہوں اور اسی مقام کا میں نے خواب دیکھا تھا.

ہندی فلم انڈسٹری پر تو جیسے زوال ہی آگیا ہے ، اس سال جتنی بھی اور جس بھی اداکار کی فلمیں ریلیز ہوئی ہیں ان کو شائقین کی جانب سے رد کر دیا گیا ہے ، یہاں تک کہ اس سال عامر خان اور اکشے کمار کی فلمیں بھی باکس آفس پر پٹ گئیں. تاہم صرف کارتک آریان اور عالیہ بھٹ جیسے اداکاروں نے باکس آفس پر راج کیا ہے. اس وقت ہندوستان میں جتنی بھی فلمیں بن رہی ہیں ان میں زیادہ تر سائوتھ کی بننے والی فلموں کا ری میک ہیں. اسی چیز کو دیکھتے ہوئے شاید ہندوستانی فنکار بھی سائوتھ کی فلمیں کرنے لگے ہیں اور جو فنکار صرف ہندی فلموں‌کی حد تک

محدود تھے اب وہ بھی سائوتھ کی فلموں‌ میں کام کرنا چاہتے ہیں‌. ایسی ہی خواہش حال ہی میں پرینیتی چوپڑا نے اپنے ایک انٹرویو میں کی ہے. انہوں نے کہا ہے کہ وہ چاہتی ہیں‌ کہ وہ سائوتھ کی فلموں میں کام کریں. سائوتھ میں بہت زبردست کام ہو رہا ہے ، میں تو سائوتھ کے اچھے سکرپٹ‌تلاش کررہی ہوں ، اچھا سکرپٹ‌، ڈائریکٹر ملاتو فورا ہاں کردوں گی بلکہ انہوں‌نے تو مذاق میں یہ بھی کہہ دیا کہ کوئی اگر کسی سائوتھ کے فلم میکر جو جانتا ہے تو میری سفارش کریں دیں تاکہ مجھے کام ملے اور میں سائوتھ کی فلموں میں کام کرنے کا شوق پورا کروں .

پرینیتی چوپڑا آج کل فلم اونچائی کے لئے مصروف ہیں اس فلم کو راج شری پروڈکشن کے تحت سورج برجاتیا نے ڈائریکٹ کیا ہے۔ اس فلم میں امیتابھ بچن، انوپم کھیر، بومن ایرانی اور ڈینی ڈینزونگپا نے چار دوستوں کے ساتھ نینا گپتا، ساریکا اور نفیسہ علی معاون کردار ادا کررہے ہیں. یہ فلم 11 نومبر 2022 کو ریلیز ہونے والی ہے۔پرینیتی چوپڑا جو کہ پریانکا چوپڑا کی کزن بھی ہیں ان کے ایک حالیہ انٹرویو میں ان سے پوچھا گیا کہ ان کی ایک فلم کون سی ہوگی وہ چاہیں گی کہ ان کی بھانجی بڑی ہونے کے بعد اسے دیکھے۔ اس پر، شدھ دیسی رومانوی اداکارہ نے کہا کہ اگر مالتی کو میری کوئی بھی فلم دیکھنا ہے، تو اسے ہنسی تو پھنسی دیکھنی ہوگی کیونکہ یہ میری بچوں کے لیے سب سے زیادہ دوستانہ فلم ہے۔ میں مالتی

کے ساتھ ساتھ سب بچوں کو کہوں گی وہ اس فلم کو ضرور دیکھیں. پرینیتی سے جب پوچھا گیا کہ کیا وہ ماسی بن کر خوش ہیں؟ اس پر اداکارہ نے جواب دیا، جی میں بہت زیادہ خوش ہوں اور مالتی بہت پیاری ہے بلکہ سب سے خوبصورتی بچی ہے. یاد رہے کہ پرینیتی کو آخری بار بائیوگرافیکل اسپورٹس ڈرامہ سائنا میں دیکھا گیا تھا، جو کہ بیڈمنٹن کھلاڑی سائنا نہوال کی زندگی پر مبنی تھی اور اسے امول گپتے نے ڈائریکٹ کیا تھا۔ اداکارہ اکشے کمار کے ساتھ 2019 کی فلم کیسری کے بعد ایک نئے پروجیکٹ کے لیے دوبارہ ایک ساتھ دکھائی دیں گی.

اپنی پہلی فلم سے ہی پرینیتی چوپڑا نے شائقین کی شاندار داد وصول کی . بالی وڈ اداکارہ مختلف کردار کرنے کےلئے اپنی ایک خاص پہچان رکھتی ہیں.تاہم انہیں جب سندیپ ریڈی وانگا کی ہدایتکاری میں بننے والی فلم اینیمل پیشکش کی گئی تو انہوں نے یہ اسے کرنے سے انکار کر دیا. اس فلم میں ان کے مقابلے میں اداکار رنبیر کپور تھے شائقین تک جب یہ خبر پہنچی تو وہ بے صبری سے ان دونوں‌کو ایک ساتھ دیکھنے کےلئے انتظار کرنے لگے. لیکن پرینیتی چوپڑا نے فلم اینیمل کی پیشکش کو رد کر دیا . ان کی جگہ رشمیکا مندنا فلم میں اہم خاتون کا کردار ادا کر رہی ہیں۔اپنے حالیہ انٹرویو میں پرینیتی چوپڑا نے بتایا کہ انہوں نے کیوں فلم اینیمل ٹھکرائی .انہوں نے کہا کہ جب آپ کو کوئی آفر آتی ہے تو یہ آپ کی مرضی ہوتی ہے کہ اسکو قبول کریں یا نہ کریں اور یہ ہمارا حق ہے کہ ہم کسی کردار کا انتخاب کریں یا نہ کریں اور

آپ اپنے لئے اسی چیز کا انتخاب کرتے ہیں‌جو آپ کو لگتا ہے کہ آپ کے لئے ٹھیک ہے مجھے لگا کہ یہ فلم نہیں کرنی چاہیے تو میں نے نہیں‌کی . یاد رہے کہ فلم اینیمل نہ صرف ہندی میں بلکہ دیگر علاقائی جنوبی زبانوں میں بھی ریلیز ہوگی۔ کہا جا رہا ہے کہ یہ فلم ایک گینگسٹر فیملی کے گرد گھومتی ہے اور اس کی شوٹنگ ممبئی اور دہلی میں بڑے پیمانے پر کی جا رہی ہے۔ رنبیر کپور،کبیر سنگھ اور ڈائریکٹر سندیپ ریڈی وانگا پہلی بار ایک ساتھ کام کررہے ہیں جبکہ رنبیر اور رشمیکا منڈنا بھی ایک دوسرے کے ساتھ پہلی بار کام کررہے ہیں.

بالی وڈ کی چلبلی اداکارہ پرینیتی چوپڑا 34 برس کی ہو گئیں ہیں اگرچہ وہ ہائی پروفائل اداکارہ پریانکا چوپڑا کی کزن ہیں لیکن انہوں نے کبھی بھی اسٹارڈم کے احساس کو اپنے عاجزانہ رویہ پر حاوی نہیں ہونے دیا۔ وہ فلم انڈسٹری کی سب سے زیادہ ورسٹائل اداکاراؤں میں سے ایک ہیں. انہوں نے ہسی تو پھنسی، گول مال اگین اور میری پیاری بندو جیسی فلموں میں اپنی اداکاری کے جوہر دکھائے. ان کی خدمات کے اعتراف میں انہیں فلم فیئر اور نیشنل فلم ایوارڈز دئیے جا چکے ہیں. پرینیتی 2013 میں فوربس انڈیا کی 100 مشہور شخصیات کی فہرست میں شامل ہوئیں۔2022 میں پرینیتی چوپڑا نے کلرز ٹی وی پر ریئلٹی شو ہنرباز دیش کی شان کو جج کر کے ٹیلی ویژن کی دنیا میں قدم رکھا۔ پرینیتی چوپڑا

نےمانچسٹر بزنس اسکول سے بزنس، فنانس اور اکنامکس میں ٹرپل آنرز کی ڈگری حاصل کی. پرینتی چوپڑا کا شمار بالی وڈ کی ان اداکارائوں میں ہوتا ہے جنہوں نے شائقین اور ناقدین دونوں سے داد وصول کی. پرینیتی چوپڑا کئی برینڈز کی ایمبیسیڈر بھی ہیں. اداکارہ جہاں بہت اچھی اداکاری کرتی ہیں وہیں وہ بہترین گلوکارہ بھی ہیں انہوں نے گلوکاری کا آغاز میری پیاری بندو سے "مانا کے ہم یار نہیں” سے کیا،انہیں اس گیت کو گانے کے بعد بہت پذیرائی ملی اس کے بعد انہوں نے تیری مٹی سمیت کئی دوسرے گانے گائے ہیں۔اداکارہ 34 سال کی ہونے کا جشن منا رہی ہیں.