Baaghi TV

Tag: پشاور زلمی

  • پی ایس ایل7: پشاور زلمی کو 42 رنز سے شکست، ملتان سلطانز کی مسلسل چھٹی جیت

    پی ایس ایل7: پشاور زلمی کو 42 رنز سے شکست، ملتان سلطانز کی مسلسل چھٹی جیت

    https://twitter.com/thePSLt20/status/1491811050194309125?ref_src=twsrc%5Etfw%7Ctwcamp%5Etweetembed%7Ctwterm%5E1491811050194309125%7Ctwgr%5E%7Ctwcon%5Es1_&ref_url=https%3A%2F%2Furdu.dunyanews.tv%2Findex.php%2Fur%2FCricket%2F640696لاہور: پاکستان سپر لیگ (پی ایس ایل) کے ساتویں ایڈیشن کے دوسرے مرحلے کے پہلے میچ میں دفاعی چیمپئن ملتان سلطانز نے پشاور زلمی کو42 رنز سے شکست دیکر ایونٹ میں مسلسل چھٹی فتح اپنے نام کرلی ہے۔

    پشاور زلمی کے کپتان وہاب ریاض نے ٹاس جیت کر ملتان سلطانز کے قائد محمد رضوان کو پہلے بیٹنگ کی دعوت دی تھی۔

    پشاور زلمی اننگز

    183 رنز ہدف کے تعاقب میں پشاور زلمی کی جانب سے کامران اکمل اور حیدر علی نے اننگز کا آغاز کیا مگر دونوں بیٹر ہی جلد پویلین لوٹ گئے۔

    کامران اکمل 4، حیدر علی1، لیام لیونگسٹون24، شعیب ملک 44، حسین طلعت 4، ردرفورڈ 21، وہاب ریاض 1، محمد عمر صفر اور بین کٹنگ 23 رنز بناکر آؤٹ ہوئے۔

    فاتح ٹیم ملتان سلطانز کی جانب سے بلیسنگ موزاربانی اور خوشدل شاہ نے3،3 ، شاہنواز دھانی نے 2، عباس آفریدی اور عمران طاہر نے 1،1 وکٹ اپنے نام کی۔
    ملتان سلطانز اننگز

    پشاور زلمی کے خلاف ملتان سلطانز کی جانب سے کپتان محمد رضوان اور شان مسعود نے اننگز کا آغاز کیا۔

     

    ملتان سلطانز کے اوپنرز نے شروع ہی سے ذمہ دارانہ باری کھیلی اور وکٹ کے چاروں طرف حریف باؤلرز کی خوب درگت بنائی۔ تاہم محمد رضوان کی اننگزکا خاتمہ 13 اوورز میں ہوا جب کپتان 34 گیندوں پر 34 سکور بنا کر وہاب ریاض کا شکار ہو گئے۔

    شان مسعود کی اننگز 68 سکور پر ختم ہوئی، انہوں نے اپنی باری میں 8 چوکے اور ایک چھکا لگایا اور سلمان ارشاد کی گیند پر وہاب ریاض کو کیچ دے بیٹھے۔ ریلی روسو 15 سکور پر پویلین لوٹ گئے۔ ٹم ڈیوڈ نے 18 گیندوں پر 34 رنز کی جارحانہ باری کھیلی۔ وہ بھی کپتان وہاب ریاض کا شکار بن گئے۔

    خوشدل شاہ 11 اور انور علی 1 سکور بنا کر آؤٹ ہوئے، ملتان سلطانز نے مقررہ اوور میں 182 رنز بنائے۔ وہاب ریاض ، ثاقب محمود اور سلمان ارشاد نے دو دو وکٹیں حاصل کیں۔

    پشاور زلمی سکواڈ

    ملتان سلطانز کے خلاف میچ کیلئے پشاور زلمی کے سکواڈ میں کپتان وہاب ریاض، کامران اکمل، حیدر علی، شعیب ملک، لیام لیونگسٹون، شیرفین ردرفورڈ، حسین طلعت، بین کٹنگ، محمد عمر، ثاقب محمود اور سلمان ارشاد شامل تھے۔

    ملتان سلطانز سکواڈ

    پشاور زلمی کے خلاف میچ کے لئے ملتان سلطانز کے سکواڈ میں کپتان محمد رضوان، شان مسعود، صہیب مقصود، رائیلی روسو، ٹم ڈیوڈ، خوشدل شاہ، انور علی، عباس آفریدی، عمران طاہر، بلیسنگ موزاربانی اور شاہنواز دھانی شامل تھے۔

  • ہانیہ عامر اورفرحان سعید بھی پشاور زلمی کے برانڈ ایمبیسیڈر بن گئے

    ہانیہ عامر اورفرحان سعید بھی پشاور زلمی کے برانڈ ایمبیسیڈر بن گئے

    اداکارہ ماہرہ خان اور اداکار علی رحمان کے بعد اداکارہ ہانیہ عامر اور گلوکار و اداکار فرحان سعید بھی پشاور زلمی کے برانڈ ایمبیسیڈر بن گئے۔

    باغی ٹی وی : تفصیلات کے مطابق پشاور زلمی کی جانب سے ہر بار معروف شخصیات کو برانڈ ایمبیسیڈر بنانے کا سلسلہ برقرار ہے، اس بار انہوں ںے اداکارہ ہانیہ عامر اور گلوکار و اداکار فرحان سعید کو بھی اپنی فرنچائز کا ایمبیسیڈر مقرر کیا ہے۔


    سماجی رابطے کی ویب سائٹ ٹوئٹر پر پشاور زلمی کے ٹوئٹر ہینڈلر پر ٹوئٹس میں اعلان کیا گیا کہ ہمارے پاس آپ کے لیے مزید سرپرائزز ہیں ہانیہ عامراور فرحان سعید کے ساتھ ایچ بی ایل پی ایس ایل 7 میں پشاور زلمی کے برانڈ ایمبیسیڈر کے طور پر اپنی وابستگی جاری رکھنے پر ہمیں خوشی ہے۔آپ انہیں جلد ہی پیلی آندھی کی حمایت کرتے ہوئے دیکھیں گے۔


    قبل ازیں پشاور زلمی کی جانب سے ماہرہ خان اور اداکار علی رحمان کو پہلے ہی پشاور زلمی کا ایمبیسڈر بنایا جاچکا ہے اس میں اب اضافہ کیا گیا ہے۔

    پشاور زلمی کا آفیشل ترانہ ریلیز

    یاد رہے کہ حال ہی میں پاکستان سپر لیگ سیزن 7 کے لیے پشاور زلمی کا آفیشل ترانہ ’’آیا زلمی‘‘ ریلیز کیا گیا ہے ’’آیا زلمی‘‘ ترانے میں پشاور زلمی کی ایمبیسیڈر ماہرہ خان نے شاندار پرفارمنس پیش کی ہے جب کہ ویڈیو میں اداکار علی رحمان بھی نظر آئےپشاور زلمی ترانے کی آفیشل ویڈیو میں زلمی کے کپتان وہاب ریاض، شعیب ملک، کامران اکمل، حسین طلعت اور عثمان قادر بھی ان ایکشن نظر آرہے ہیں۔

    حریم شاہ نے اپنے ہونٹوں کی ادھوری سرجری کا ذمہ دار ایف آئی اے کو قرار دے دیا

    ترانہ معروف پشتو سنگر زر سنگا، سنی خان درانی، زارا مدنی، طیب رحمان اور زوہا زبیری نے گایا ہے جبکہ زلمی ترانے کو روحیل حیات نے پروڈیوس کیا ہے’آیا زلمی‘ میں نہ صرف پاپ موسیقی شامل ہے بلکہ اس میں دور حاضر کی ’ریپ‘ موسیقی کا تڑکا بھی شامل ہے اور گانے کے بول اردو کے علاوہ پشتو میں بھی ہیں جو کہ ٹیم کی ثقافتی شناخت کو ظاہر کرتے ہیں۔

    پی پی رہنما شرمیلا فاروقی نے اداکارہ نادیہ خان کو قانونی نوٹس بھجوادیا

  • پاکستان سپرلیگ 7:زلمی نے گلیڈی ایٹرز کو 5 وکٹوں سے شکست دے دی

    پاکستان سپرلیگ 7:زلمی نے گلیڈی ایٹرز کو 5 وکٹوں سے شکست دے دی

    کراچی: پاکستان سپرلیگ 7 کے دوسرے میچ میں پشاور زلمی نے ٹاس جیت کر کوئٹہ گلیڈی ایٹرز کو بیٹنگ کی دعوت دے دی۔

    باغی ٹی وی : کراچی کے نیشنل اسٹیڈیم میں آج ایچ بی ایل پی ایس ایل 7 کے دوسرے میچ میں پشاور زلمی نے کوئٹہ گلیڈی ایٹرز کو پانچ وکٹوں سے شکست دے دی پشاور زلمی نے مقررہ ہدف پانچ وکٹوں کے نقصان پر آخری اوور میں مکمل کیا ۔

    191 رنز کے ہدف کے تعاقب میں اوپنرز نے پشاور زلمی کو 21 گیندوں پر 43 رنز کا عمدہ آغاز فراہم کیا، لیکن اسی اسکور پر نوجوان یاسر خان 12 گیندوں پر 30رنز بنانے کے بعد آؤٹ ہو گئے ٹام کوہلر کیڈمور نے 22 رنز کی اننگز کھیلی لیکن نواز نے دوسرا شکار کرتے ہوئے انہیں بھی آؤٹ کر دیا-

    حیدر علی نے 21 گیندوں پر 19رنز کی اننگز کھیلی لیکن نواز نے اپنی ٹیم کو ایک اور کامیابی دلاتے ہوئے دائیں ہاتھ کے بلے باز کی وکٹ حاصل کر لی 77 رنز پر تین وکٹیں گرنے کے بعد حسین طلعت کا ساتھ دینے شعیب ملک آئے اور دونوں نے 81رنز کی شاندار شراکت قائم کی حسین نے صرف 29 گیندوں پر وو چھکوں اور 5 چوکوں کی مدد سے 52رنز کی اننگز کھیلی لیکن اس مرحلے پر جیمز فالکنر نے انہیں آؤٹ کر کے چوتھی کامیابی حاصل کی۔

    کوئٹہ گلیڈی ایٹرز کی قیادت سرفراز احمد جبکہ زلمی کی قیادت شعیب ملک نے کی دوسرے میچ میں پشاور زلمی کے کپتان شعیب ملک نے ٹاس جیت کر کوئٹہ گلیڈی ایٹرز کے کپتان سرفراز احمد کو پہلے بیٹنگ کی دعوت دی ہے۔

    کوئٹہ گلیڈی ایٹرز اوپنرز نے شاندار کھیل کا مظاہرہ کرتے ہوئے 155 رنز کی شراکت قائم کی تاہم اس موقع پر عثمان قادر کو چھکا مارنے کی کوشش میں باؤنڈری پر کیچ دے بیٹھے تاہم آؤٹ ہونے سے قبل 46 گیندوں پر 3 چھکوں اور 8 چوکوں کی مدد سے 73رنز بنائے ہیں۔

    ابھی گلیڈی ایٹرز اس نقصان سے سنبھلے بھی نہ تھے کہ بین ڈکٹ بغیر کوئی رن بنائے عثمان قادر کی دوسری وکٹ بن گئے افتخار احمد کچھ خاص نہ کر سکے اور 8رنز بنا کر پویلین لوٹ گئے۔

    نوجوان اسمیڈ نے شاندار بیٹنگ کرتے ہوئے 62 گیندوں پر 4 چھکوں اور 11 چوکوں کی مدد سے 97رنز کی اننگز کھیلی لیکن اننگز کی آخری گیند پر چھکا مارنے کی کوشش میں وہ باؤنڈری پر کیچ دے بیٹھے۔

    کوئٹہ گلیڈی ایٹرز نے مقررہ اوورز میں 4 وکٹوں کے نقصان پر 190رنز بنائے۔

    دونوں کھلاڑیوں نے شاندار بیٹنگ کرتے ہوئے پاور پلے میں ہی ٹیم کی نصف سنچری مکمل کرا دی انگلینڈ سے آئے اسمیڈ نے شاندار بیٹنگ کرتے ہوئے 35 گیندوں پر نصف سنچری مکمل کی جبکہ 11ویں اوور میں گلیڈی ایٹرز کے اوپنرز نے ٹیم کی سنچری بھی مکمل کرا دی۔

    دوسرے اوپنر احسن خان نے بھی شاندار بیٹنگ کرتے ہوئے 33 گیندوں پر نصف سنچری مکمل کی –


    ٹاس کے بعد گفتگو کرتے ہوئے پشاور زلمی کے کپتان شعیب ملک نے کہا کہ ’کل کے میچ کو مدنظر رکھتے ہوئے پہلے بولنگ کا فیصلہ کیا‘ جبکہ گلیڈی ایٹرز کے کپتان سرفراز احمد نے کہا کہ ہماری بولنگ لائن اچھی ہے بڑا ہدف دے کر کامیابی حاصل کرنے کی کوشش کریں گے۔

    پچ رپورٹ کے مطابق آج کے میچ کی وکٹ گزشتہ روز ملتان سلطانز اور کراچی کنگز کے درمیان کھیلے گئے میچ سے زیادہ خشک ہے اور اس وکٹ کے زیادہ ٹرن ہونے کا امکان ہے۔

    دونوں ٹیموں کے درمیان اب تک 18 میچز کھیلے گئے ہیں ججن میں سے آٹھ میچوں میں کوئٹہ گلیڈی ایٹرز اور 9 میں پشاور زلمی نے کامیابی حاصل کی جبکہ ایک میچ بے نتیجہ رہا۔

    میچ کے لیے دونوں ٹیمیں ان کھلاڑیوں پر مشتمل ہے۔

    کوئٹہ گلیڈی ایٹرز: سرفراز احمد(کپتان)، وِل اسمیڈ، احسن علی، بین ڈکٹ، افتخار احمد، محمد نوز، سہیل تنویر، جیمز فالکنر، عاشر قریشی، محمد حسنین، نسیم شاہ۔

    پشاور زلمی: شعیب ملک(کپتان)، ٹام کوہلر کیڈمور، یاسر خان، حیدر علی، حسین طلعت، شرفین ردرفورڈ، بین کٹنگ، سہیل خان، پیٹ براؤن، ثمین گل اور عثمان قادر

    واضح رہے کہ زلمی کے کپتان وہاب ریاض کورونا مثبت ہونے کی وجہ سے میچ کا حصہ نہیں ہیں جبکہ گلیڈی ایٹرز کے شاہد آفریدی بھی کورونا کے باعث میچ کا حصہ نہیں ہیں۔

  • وسیم اکرم سمیت پشاور زلمی کے دو کھلاڑی کورونا کا شکار ہوگئے

    وسیم اکرم سمیت پشاور زلمی کے دو کھلاڑی کورونا کا شکار ہوگئے

    کراچی: ایچ بی ایل پی ایس ایل کی فرنچائز کراچی کنگز کے صدر وسیم اکرم، پشاور زلمی کے کپتان وہاب ریاض اور حیدر علی کورونا وائرس کا شکار ہوگئے۔

    باغی ٹی وی : تفصیلات کے مطابق قومی کرکٹ ٹیم کے سابق کپتان اور ایچ بی ایل پی ایس ایل کی ٹیم کراچی کنگز کے صدر وسیم اکرم کے بھی کورونا وائرس میں مبتلا ہونے کی اطلاعات سامنے آئی ہیں-

    ممبر قومی اسمبلی مرتضی جاوید عباسی کورونا کا شکار :وزیراعظم نےکورونا کےباعث…

    تاہم اس حوالے سے کراچی کنگز کے ترجمان نے سابق قومی کپتان کے کورونا ٹیسٹ کے نتائج کی تصدیق یا تردید سےا نکار کرتے ہوئے مؤقف اختیار کیا ہے کہ یہ پی سی بی کا واحد استحقاق ہے۔

    جبکہ ذرائع کا کہنا ہے کہ کورونا رپورٹ مثبت آنے پر وسیم اکرم نے خود کو قرنطینہ کرلیا ہے۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام متحدہ

    دوسری جانب پشاور زلمی کے کپتان وہاب ریاض بھی مبینہ طور پر کورونا کا شکار ہوگئے جب کہ نوجوان بیٹسمین حیدر علی کا بھی ٹیسٹ مثبت آنے کی اطلاعات سامنے آئی ہیں۔

    یاد رہے کہ پی ایس ایل سیون کا آغاز 27 جنوری سے ہوگا جو 27 فروری تک جاری رہے گا۔ اس دوران ایونٹ کا پہلا مرحلہ کراچی میں کھیلا جائے گا جس میں شرکت کے لیے نیشنل اور انٹرنیشنل کھلاڑیوں کی آمد کا سلسلہ جاری ہے ایونٹ کے 15 میچز کراچی جبکہ 19 میچز لاہور میں کھیلے جائیں گے۔

    کورونا وبا:مزید 17 افراد جاں بحق،6 ہزار 357 کورونا کیسز رپورٹ

    گزشتہ روز پاکستان کرکٹ بورڈ (پی سی بی) نے پشاور زلمی کے 2 دیگر کھلاڑیوں کا کورونا ٹیسٹ مثبت آنے کی تصدیق کی تھی پی سی بی اعلامیے کے مطابق پشاور زلمی کے کامران اکمل اور ارشد اقبال کا کورونا ٹیسٹ مثبت آیا۔

    جہانگیر ترین بھی کرونا کا شکار

  • کامران اکمل کا پی ایس ایل 7 سے دستبرداری کا فیصلہ واپس لینے کا اعلان

    کامران اکمل کا پی ایس ایل 7 سے دستبرداری کا فیصلہ واپس لینے کا اعلان

    قومی کرکٹر کامران اکمل نے پاکستان سپر لیگ 7 سیزن سے دستبرداری کا فیصلہ واپس لے لیا۔

    باغی ٹی وی : پشاور زلمی کےکوچ اور ڈائریکٹر کرکٹ محمد اکرم کی کامران اکمل سے ملاقات ہوئی جس میں انہوں نے پی ایس ایل سے دستبرداری کا فیصلہ واپس لینے کا اعلان کیا ہے کہا کامران اکمل ہمیشہ ہمارے اہم کھلاڑی رہے ہیں کامران اکمل پی ایس ایل 7میں بھی پشاور زلمی کا حصہ ہوں گے ۔

    ادھر کامران اکمل نے کہا ہے کہ پشاور زلمی میری فیملی ہے پی ایس ایل 7 میں پشاور زلمی کی نمائندگی کروں گا۔

    پیسوں کی وجہ سے پی ایس ایل 7 سے دستبردار نہیں ہوا، کامران اکمل

    یادرہے کہ لاہورپریس کلب میں گفتگو کرتے ہوئے پاکستان ٹیم کے سابق کرکٹر کامران اکمل نے کہا تھا کہ پیسوں کی وجہ سے پی ایس ایل 7 سے دستبردار نہیں ہوا عزت اوروقار کے ساتھ دو سے تین سال مزید کھیلنا چاہتا ہوں پی ایس ایل کی ڈرافتٹنگ میں پلاٹنیم سے گولڈ اور پھر سلور میں پک ہونے کا بہت افسوس ہوا کیٹگریز میں تبدیلی کی وجہ بورڈ ہی بتا سکتا ہے۔

    پاکستان نے بھارت کوشکست دے دی

    کامران اکمل کا کہنا تھا کہ اپنے موقف پر قائم ہوں کہ سلور کیٹگری میں مجھے جیسے سینئر کھلاڑی کو نہیں کھیلنا چاہیے۔ سہیل تنویر سمیت جو بھی لڑکے اس کیٹگری میں کھیل رہےہیں وہ ان کا اپنا فیصلہ ہے۔ کامران اکمل پی ایس ایل کے ساتویں ایڈیشن کیلئے پشاور زلمی کی جانب سے سلورکیٹیگری میں منتخب ہونے پر پی ایس ایل سے دستبردار ہوگئے تھے۔

    دوسرا ٹی 20 میچ: پاکستان نے ویسٹ انڈیز کو شکست دے کر سریز اپنے نام کرلی:ریکارڈ…

    ان کا کہنا تھا کہ میرا سلور کیٹگری میں کھیلنے کا حق نہیں بنتا ہے۔ میری جگہ نوجوان کرکٹر کو موقع دیا جائے پشاور زلمی کی انتظامیہ میرے ساتھ اس وجہ سے ہمدردی نہ کرے کہ میں ان کے لیے 6 ایڈیشن کھیلے جب چھٹے ایڈیشن کے لیے مجھے پلاٹینیم سے گولڈ کیٹگری میں شامل کیا گیا تو یہ میرے لیے حیران کن تھا۔ میرا ٹریک ریکارڈ شاندار تھا لیکن پھر بھی میری تنزلی کی گئی میں نے اس پر صبر کیا اور پوری دلجمعی سے کھیلا۔ اب گولڈ سے مزید تنزلی کرتے ہوئے سلور کیٹگری میں شامل کرنا قابل قبول نہیں۔

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

  • پیسوں کی وجہ سے پی ایس ایل 7 سے دستبردار نہیں ہوا، کامران اکمل

    پیسوں کی وجہ سے پی ایس ایل 7 سے دستبردار نہیں ہوا، کامران اکمل

    لاہور: کامران اکمل کا کہنا ہے کہ پیسوں کی وجہ سے پی ایس ایل 7 سے دستبردار نہیں ہوا-

    باغی ٹی وی : تفصیلات کے مطابق لاہورپریس کلب میں گفتگو کرتے ہوئے پاکستان ٹیم کے سابق کرکٹر کامران اکمل نے کہا کہ پیسوں کی وجہ سے پی ایس ایل 7 سے دستبردار نہیں ہوا عزت اوروقار کے ساتھ دو سے تین سال مزید کھیلنا چاہتا ہوں پی ایس ایل کی ڈرافتٹنگ میں پلاٹنیم سے گولڈ اور پھر سلور میں پک ہونے کا بہت افسوس ہوا کیٹگریز میں تبدیلی کی وجہ بورڈ ہی بتا سکتا ہے۔

    کامران اکمل کا کہنا تھا کہ اپنے موقف پر قائم ہوں کہ سلور کیٹگری میں مجھے جیسے سینئر کھلاڑی کو نہیں کھیلنا چاہیے۔ سہیل تنویر سمیت جو بھی لڑکے اس کیٹگری میں کھیل رہےہیں وہ ان کا اپنا فیصلہ ہے۔

    پاکستان او ویسٹ انڈٰیز کا دوسراٹی ٹوئنٹی آج کراچی میں کھیلا جائے گا

    پاکستان کرکٹ بورڈ کے سربراہ رمیز راجہ کی طرف سے عمر کو جواز بنانے کی مخالفت کرتے ہوئے کامران اکمل کا موقف تھا کہ اس معاملے کو عمر کے لحاظ سے دیکھنا ٹھیک نہیں کیٹگریز پرفارمنس، سنیارٹی، فٹنس اور پرفارمنس کی بنیاد پر بنتی ہیں عمر کا اس سے کوئی تعلق نہیں-

    اس سے قبل کامران اکمل نے کہا تھا کہ انہیں پشاور زلمی کی ہمدردی نہیں چاہیے کامران اکمل نے کہا تھا کہ پشاور زلمی کی انتظامیہ میرے ساتھ اس وجہ سے ہمدردی نہ کرے کہ میں ان کے لیے 6 ایڈیشن کھیلے جب چھٹے ایڈیشن کے لیے مجھے پلاٹینیم سے گولڈ کیٹگری میں شامل کیا گیا تو یہ میرے لیے حیران کن تھا۔ میرا ٹریک ریکارڈ شاندار تھا لیکن پھر بھی میری تنزلی کی گئی میں نے اس پر صبر کیا اور پوری دلجمعی سے کھیلا۔ اب گولڈ سے مزید تنزلی کرتے ہوئے سلور کیٹگری میں شامل کرنا قابل قبول نہیں۔ یہ جونیئر کرکٹرز کی کیٹیگری ہے۔ بہتر ہے کہ اس میں جونیئرز کو ہی شامل کیا جائے میں نے پشاور زلمی سے کہا کہ پلیز مجھے ریلیز کر دیں، میں اس کیٹیگری میں کھیلنا ڈیزرو نہیں کرتا، کسی اور کو کھلا لیں وہ زیادہ بہتر ہے۔

    ٹی ٹوئنٹی کرکٹ: پاکستان کا نیشنل اسٹیڈیم میں منفرد ریکارڈ

    واضح رہے کہ قومی کرکٹ ٹیم کے کھلاڑی کامران اکمل نے پشاور زلمی کے طرف سے سلور کیٹیگری میں منتخب کیے جانے پر پی ایس ایل کے 7 ویں ایڈیشن سے دستبرداری کا اعلان کیا تھا اسٹار کرکٹر رنز کے اعتبار سے چھٹے ایڈیشن میں9ویں اور 5ویں ایڈیشن میں 12ویں نمبر پر رہے۔

    کامران اکمل اگرچہ پی ایس ایل کے 6 ایڈیشنز میں رنز کے اعتبار سے بابر اعظم کے بعد دوسرے نمبر پر ہیں لیکن گزشتہ دو ایڈیشنز میں ان کی اوسط درجے کی کارکردگی انہیں سلور کیٹیگری میں شامل کرنے کی وجہ بنی پی ایس ایل کے چھٹے ایڈیشن کے اعداد و شمار پر نظر دوڑائیں تو کامران اکمل رنز بنانے کے اعتبار سے 9ویں نمبر پر رہے انہوں نے 13 میچ کھیلے اور 283 رنز بنا سکے ان کی بیٹنگ اوسط 21 رنز فی اننگز سے کچھ زائد رہی۔ 13 میچوں میں وہ صرف دو بار چلے اور ففٹی پلس رنز بنائے۔ اپنی ہارڈ ہٹنگ کے لیے مشہور کامران اکمل 13 میچوں میں صرف 7 چھکے لگا پائے۔

    پاکستان کی ویسٹ انڈیز کے خلاف شان دار بیٹنگ اور باؤلنگ،پہلا ٹی ٹوئنٹی 65 رنز سےجیت…

    اس سے قبل پی ایس ایل کے 5ویں ایڈیشن میں بھی وہ زیادہ اچھی کارکردگی نہ دکھا سکے اور زیادہ رنز کے اعتبار سے 12ویں نمبر پر رہے۔ انہوں نے 5ویں ایڈیشن میں 9 میچ کھیلے اور ان میچوں میں 251 رنز بنا سکےاس ایڈیشن میں ان کی بیٹنگ اوسط 27 رنز رہی۔ انہوں نے ایک سنچری بنائی جب کہ کوئی ففٹی نہ بنا سکے اگر تمام 6 ایڈیشنز میں کارکردگی کی بات کی جائے تو انہوں نے 69 میچ کھیل رکھے ہیں اور رنز بنانے میں بابر اعظم کے بعد دوسرے نمبر پر ہیں۔ انہوں نے 27 کی اوسط سے 1820 رنز بنائے۔ ان کے پاس پی ایس ایل میں سب سے زیادہ 3 سنچریز کا اعزاز ہے جب کہ وہ 11 ففٹیز بنا چکے ہیں۔

    کشمیر کاز اور کشمیریوں کے حقوق کے لیے ہمیشہ کوشاں رہوں گا ، شاہد آفریدی

  • پشاور زلمی بمقابلہ ملتان سلطان میں جیت کس کی ہوئی؟؟

    پشاور زلمی بمقابلہ ملتان سلطان میں جیت کس کی ہوئی؟؟

    پشاور زلمی بمقابلہ ملتان سلطان پریکٹس میچ منعقد۔ پی ایس ایل پریکٹس میچ میں پشاور زلمی کے خلاف ملتان سلطان کی پانچ وکٹوں سے کامیابی ملی۔ پشاور زلمی نے پہلے بیٹنگ کرتے ہوئے چار وکٹوں پر ایک سو ستاسی رنز بنائے ہیں۔ شعیب ملک 50 اور امام الحق 35 رنز بنا کر نمایاں رہے۔ملتان سلطان نے ہدف آخری اوور میں پانچ وکٹوں پر حاصل کر لیا۔ملتان سلطان کے محمد رضوان نے 37 اور ایڈم لتھ نے 31 رنز بنائے۔ پشاور زلمی کے کپتان وہاب ریاض عماد بٹ اور محمد عرفان نے ایک ایک وکٹ حاصل کی۔

  • پشاور زلمی کو ملا نئے پارٹنر کا ساتھ!

    پشاور زلمی کو ملا نئے پارٹنر کا ساتھ!

    پشاور زلمی اور ایم جی موٹرز پاکستان اسپانسرشپ، یہ پاکستان سپر لیگ کی سب سے بڑی پارٹنرشپ ثابت ہوگی-

    پی ایس ایل 6 سے قبل پشاور زلمی اور دنیا کی معروف کار برانڈ ایم جی موٹرز کے درمیان ایم- او- یو پر دستخط ہوگئے ہیں- اس معاہدے کے تحت ایم جی موٹرز پی ایس ایل 6 کے لئے پشاور زلمی کا آفیشل آٹو موبائل پارٹنر بن گیا ہے-

    میڈیا اور برانڈ ویلیو کے لحاظ سے پاکستان سپر لیگ کی نمبرون فرنچائز ، پشاور زلمی کا 20 فروری 2021 سے شروع ہونے والے ٹورنامنٹ کے چھٹے ایڈیشن کے لئے دنیا کی معروف اور حالیہ عرصے میں پاکستان میں دھوم مچانے والی ایم جی موٹرز کے ساتھ اسپانسرشپ معاہدہ طے پاگیا۔۔ ایم جی موٹرز پی ایس ایل 6 کے لئے پشاور زلمی کا آفیشل آٹو موبائل پارٹنر بن گیا۔ چیئرمین پشاور زلمی جاوید آفریدی اور ایم جی موٹرز پاکستان کے محمد آصف نے ہائیر اینڈ ربا اکنامک زون لاہور میں اسپانسرشپ کے معاہدے پر دستخط کیے۔

    اس موقع پر پشاور زلمی کے چیئرمین جاوید آفریدی نے ایم جی موٹرز کے ساتھ اسپانسرشپ کے معاہدے پر خوشی کا اظہار کیا اور کہا کہ یہ پاکستان سپر لیگ میں سب سے بڑی پارٹنرشپ ہے۔ جاوید آفریدی نے کہا کہ دنیا کی معروف کار برانڈ ایم جی نے گزشتہ چند مہینوں میں پاکستان کی آٹو موبائل مارکیٹ میں دھوم مچائی ، پشاور زلمی اور ایم جی کی پارٹنرشپ پاکستان کے کرکٹ اور کار لورز کے لیے پرجوش موقع ہے یہ وننگ پارٹنرشپ مستقبل میں بھی جاری رہے گی-

  • پی ایس ایل سے قبل پشاور زلمی اور ائیر لنک کے مابین معاہدہ طے پا گیا