Baaghi TV

Tag: پناجب

  • لاہور میں ٹرک سے 1600 کلو خراب گوشت، ایکسپائر مکھن اور پنیر برآمد

    لاہور میں ٹرک سے 1600 کلو خراب گوشت، ایکسپائر مکھن اور پنیر برآمد

    لاہور:ڈی جی فوڈ اتھارٹی نے لاہور میں ٹرک سے 1600 کلو خراب گوشت برآمد کر لیا-

    باغی ٹی وی : ڈی جی فوڈ اتھارٹی نے علی الصبح خفیہ اطلاع پر کارروائی کرکے گوشت اور مکھن سے بھرا چلر ٹرک پکڑ لیا چلر ٹرک سے 1600 کلو خراب گوشت، 150 کلو ایکسپائر مکھن، 20کلو پنیر برآمد ہوئی۔

    لاہور: ڈی جی فوڈ اتھارٹی کی ٹیم کے ہمراہ کاروائی،کولڈ اسٹور سے تین سال پرانا 7 ہزار کلو گوشت برآمد

    ڈی جی فوڈ اتھارٹی نے بتایا کہ بھبھتیاں چوک پر واقع کولڈ اسٹور سے ناقص مال نکال کر سپلائی کرنے کی کوشش کی جا رہی تھی، نیلےرنگ کے بدبودار گوشت کی موجودگی اور ریکارڈ کی عدم دستیابی پائی گئی۔


    مدثر ریاض ملک نے کہا کہ ٹرک ڈرائیور سے تحقیقات کر کے کولڈ اسٹور کیخلاف کارروائی کا آغاز کر دیا گیا ہے، ایکسپائر اسٹاک کو تازہ اشیاء کے ساتھ سپلائی یافروخت کرنا دھوکہ دہی اور سنگین جرم ہے۔

    انہوں نے کہا کہ عوام کی صحت سے کھیلنے والوں کی انڈسٹری میں کوئی جگہ نہیں، معمولی خلاف ورزیوں پر اصلاح کریں گے، ملاوٹ یا جعلسازی ہرگز برداشت نہیں۔

    پنجاب میں 12 ہزارگندے انڈے:فوڈ اتھارٹی نے اپنا کام کردکھایا


    علاوہ ازیں ڈی جی فوڈ اتھارٹی کی سربراہی میں کاروائی کی گئی جس میں فیکٹری کی پروڈکشن بند کر دی گئی بچوں کے پسندیدہ سنیکس میں کیڑوں کی بھرمار پائی گئی۔7400 کلو ناقص مال برآمد، 17000 کلو کا خام مال اور پیکنگ برآمد کر کے تلف کر دی گئی-


    پنجاب فوڈ اتھارٹی کا کہنا ہے کہ بچوں کی اشیاء کی تیاری میں ملاوٹی اور ناقص اجزاء کی مکسنگ!ممنوعہ اورزائدالمیعاد خام مال کا استعمال سنگین جرم ہے۔اپنے اردگرد کڑی نظر رکھیں، گلی محلوں میں خوراک تیار کرنے والے یونٹس کی اطلاع دیں

  • حکومت کو حکومت کرنے دی جائے:مولانا فضل الرحمان

    حکومت کو حکومت کرنے دی جائے:مولانا فضل الرحمان

    اسلام آباد:سربراہ جمعیت علماء اسلام مولانا فضل الرحمان کا کہنا ہے کہ حکومت کو حکومت کرنے دی جائے۔اداروں کی سیاست میں مداخلت سے ریاست کمزور ہورہی ہے

    اسلام آباد میں میڈیا سے گفتگو میں مولانا فضل الرحمان کا کہنا تھا کہ عدالت کو بڑے فورم پر فیصلہ کرنے کی درخواست کررہے ہیں، ہم عدالتوں سے فیصلوں کا اختیار نہیں چھین رہے۔ پی ڈی ایم و جمعیت علماء اسلام (جے یو آئی) کے سربراہ مولانا فضل الرحمن نے کہا ہے کہ ہم دستور کی بقا کے لیے ہر جدوجہد کریں گے۔

    سپریم کورٹ میں زیر سماعت مقدمات:پی ٹی آئی کی سیاسی کمیٹی نے اہم فیصلے کرلیے

    تفصیلات کے مطابق جمعیت علماء اسلام (جے یو آئی) کے سربراہ فضل الرحمان نے پریس کانفرنس کرتے ہوئے کہا کہ فوری درخواست اور فوری سماعت احساس دلا رہی ہے کہ عدالت یا دباو یا اپنی دلچپسی سے سب کر رہی ہے، جے یو آئی اس مقدمے میں فریق بننے کا اعلان کرتی ہے۔

    ان کا کہنا تھا کہ دستور کی بقا کے لیے ہم ہر جدوجہد کریں گے، نئی نئی باتیں عدالتی ماحول سے عام آدمی کے کانوں میں پڑتی ہیں، پارٹی لیڈر ہی آخری فیصلوں کا اختیار رکھتا ہے، پوری دنیا میں وزیر اعظم یا پارٹی صدر ہی آخری فیصلہ کرتا ہے، آج نئی بحث چھیڑ دی گئی ہے کہ پارلیمانی پارٹی لیڈر ہی سب کچھ ہے۔

    انہوں نے کہا کہ بعض اوقات پارٹی سربراہ ایوان سے باہر ہوتا ہے مگر نگرانی وہی کرتا ہے، تین یا پانچ رکنی بنچ قابل قبول نہیں ہو گا، عمران خان بیانیہ جھوٹا ہے۔

    عمران خان کے پریشر گروپوں کے ذریعہ اداروں کو ڈرانے کا سلسلہ بند ہونا چاہیے۔خ

    جے یو آئی کے سربراہ کا یہ بھی کہنا تھا کہ اس بات کی سمجھ ججوں کو نہیں آرہی، فل کورٹ اس کیس کو سنیں، تین یا پانچ نہیں فل کورٹ چاہیے، ریاست کمزور ہو رہی ہے۔

    ان کا کہنا تھا کہ اپنے اداروں کی سیاست میں مداخلت سے ریاست کمزور ہو رہی ہے، حکومت کو حکومت کرنے دیں، ہم نے مشکل چیلنج قبول کیا ہے، اگر ابہام رہے گا تو کچھ بھی درست کام نہیں کرے گا۔انہوں نے کہا کہ ادارے کو ایک پارٹی کے لئے کچھ لوگ استعمال کرتے ہیں۔

  • وفاق کے بعد پنجاب میں بھی سیاسی گہما گہمی عروج پر:دونوں گروپ اپنی اپنی کامیابی کے دعوے کرنے لگے

    وفاق کے بعد پنجاب میں بھی سیاسی گہما گہمی عروج پر:دونوں گروپ اپنی اپنی کامیابی کے دعوے کرنے لگے

     

    قومی اسمبلی میں تحریک عدم اعتماد کی کامیابی کے بعد اپوزیشن اتحاد حمزہ شہباز کو وزیراعلی پنجاب منتخب کروانے کے لئے سرگرم ہوگیا ہے۔

    اپوزیشن اتحاد کے ایم پی ایز لاہور کے لگژری ہوٹل میں مقیم ہیں، اراکین اسمبلی کو وزیراعلی پنجاب کے لئے ہونے والی ووٹنگ تک اکٹھے ہوٹل میں ہی روکنے کی ہدایت کی گئی ہے۔

    ادھر ن لیگی ذرائع کے مطابق پنجاب میں حکومت سازی کا محاذ گرم ہے متحدہ اپوزیشن کے ارکان پنجاب اسمبلی کی رائل سوئس ہوٹل میں افطار پرمشاورتی ملاقات ہوئی ہے حمزہ شہباز نے متحدہ اپوزیشن کے ارکان اسمبلی کے اعزاز میں افطار ڈنر دیا، جس میں‌ مسلم لیگ ن ،ترین گروپ ،اسد کھرکھر گروپ ،علیم خان گروپ کے ارکان اسمبلی شریک ہوئے

    اپوزیشن اتحاد نے پنجاب میں حکومت سازی کے لیے 200 سے زائد ارکان کی حمایت کا دعویٰ کیا ہے۔ اپوزیشن اتحاد کو پنجاب میں جہانگیر ترین اور علیم خان گروپ کے ارکان اسمبلی کی بھی حمایت حاصل ہے۔

    پاکستان مسلم لیگ (ن) پنجاب کی رہنما کا کہنا ہے کہ پی ٹی آئی کے مزید ارکان بھی ہمارے ساتھ رابطے کر رہے ہیں۔

    دوسری جانب پاکستان تحریک انصاف کے چیئرمین اور سابق وزیراعظم عمران خان اور اسپیکر پنجاب اسمبلی چوہدری پرویزالٰہی کے درمیان ٹیلی فونک رابطہ ہوا ہے۔ دونوں سیاسی رہنماؤں کے درمیان ٹیلی فونک گفتگو میں کے دوران ملک کی موجودہ سیاسی صورتحال اور دیگر امور پر تفصیلی تبادلہ خیال کیا گیا۔

    سابق وزیراعظم عمران خان اور اسپیکر پنجاب اسمبلی پرویز الہیٰ نے ایک دوسرے کو مکمل حمایت کی یقین دہانی کرائی ہے۔

    واضح رہے کہ پنجاب میں وزارت اعلیٰ کے لیے اپوزیشن اتحاد نے حمزہ شہباز کو امیدوار بنایا ہے جب کہ ان کے مدمقابل مسلم لیگ (ق) کے چوہدری پرویز الہیٰ ہیں

    ادھر فیاض الحسن چوہان نے کہا ہے کہ پی ٹی آئی کے نامزد امیدوار چوہدری پرویز الٰہی کے نمبر پورے ہیں۔

    ترجمان پنجاب اسمبلی فیاض الحسن چوہان نے اپنے ایک بیان میں کہا کہ ن لیگ کا پنجاب میں دو سو سے زائد ممبران کی حمایت کا دعویٰ جھوٹ اور فریب ہر مبنی ہے۔

    انہوں نے کہا کہ وفاق کی طرح پنجاب میں بھی ن لیگ اراکین اسمبلی کر خرید و فروخت میں مصروف ہے۔

    ترجمان پنجاب اسمبلی کا کہنا تھا کہ جمہوری عمل کو ناپاک بنانے کا کوئی موقع ن لیگ نے ہاتھ سے جانے نہیں دیا، حکومت ہو یا اپوزیشن، پاکستان تحریکِ انصاف عمران خان کے پیچھے کھڑی ہے۔

    فیاض الحسن چوہان کا یہ بھی کہنا تھا کہ پی ٹی آئی کے نامزد امیدوار چوہدری پرویز الٰہی کے نمبر پورے ہیں،16 اپریل کو پرویز الٰہی بھرپور طریقے سے الیکشن میں کامیاب ہونگے۔

    ترجمان پنجاب اسمبلی فیاض الحسن چوہان کا مزید کہنا تھا کہ پاکستان تحریکِ انصاف کے پاس اس وقت 189 ووٹ موجود ہیں، آرٹیکل 63 اے کے تناظر میں پی ٹی آئی کے منحرف اراکین کے ووٹ تسلیم نہیں کیے جائیں گے