Tag: پنجاب اسمبلی

لاہور : پنجاب اسمبلی میں ڈرائیونگ لائسنس کے لئے عمر کی حد کم کرنے کی ایک اہم قرارداد جمع کرائی گئی ہے۔

یہ قرارداد اپوزیشن کے رکن شیخ امتیازمحمود نے پیش کی، جس میں تجویز دی گئی ہے کہ موجودہ 18 سال کی حد کے بجائے نوجوان 16 سال کی عمرمیں ڈرائیونگ لائسنس حاصل کرسکیں،قرارداد میں کہا گیا ہے کہ پاکستان میں نوجوانوں کی شرح میں تیزی سے اضافہ ہو رہا ہے اور نوجوانوں کو تعلیم اور روزگار کے سلسلے میں خود مختار بنانے کیلئے ڈرائیونگ کی عمرکم کرنا ضروری ہے۔

متوقع طور پر یہ اقدام نوجوانوں کی نقل و حمل میں آسانی پیدا کرے گا اورانہیں زندگی کے اہم مواقع سے زیادہ فعال طور پر مستفید ہونے کا موقع دے گا،قرارداد میں عالمی تجربات کی مثال بھی دی گئی ہے، کینیڈا کے بیشتر صوبوں میں نوجوان 16 سال کی عمر میں ڈرائیونگ کر سکتے ہیں جبکہ جرمنی میں یہ حد 17 سال ہے، اس سے ظاہر ہوتا ہے کہ دنیا کے دیگر ممالک میں نوجوانوں کو جلدی سے ڈرائیونگ کی اجازت دی جاتی ہے۔

پنجاب اسمبلی نے تمام سرکاری اور نجی اسکولوں میں طلبا کے موبائل فون کے استعمال پر مکمل پابندی عائد کرنے کی قرارداد منظور کرلی۔

یہ قرارداد حکومتی رکن راحیلہ خادم حسین نے ایوان میں پیش کی تھی۔ قرارداد میں کہا گیا کہ بچے قوم کا مستقبل ہیں اور ان کی ذہنی و سماجی تربیت حکومت کی اولین ذمہ داری ہے، تاہم موبائل فون اور سوشل میڈیا کے بڑھتے استعمال سے بچوں کے ذہن اور اخلاقی اقدار بری طرح متاثر ہو رہے ہیں۔ایوان نے مطالبہ کیا کہ اس مسئلے کے حل کے لیے حکومت جامع لائحہ عمل تیار کرے۔ ابتدائی اقدام کے طور پر تمام اسکولوں میں موبائل فون کے استعمال پر پابندی لگائی جائے اور بچوں کے سوشل میڈیا اکاؤنٹس سے متعلق قانون سازی بھی کی جائے۔

قرارداد کی منظوری کے بعد حکومت پر زور دیا گیا کہ وہ فوری اور مؤثر اقدامات کرے تاکہ تعلیمی اداروں میں طلبا کی تربیت اور اخلاقی معیار پر منفی اثرات کو روکا جا سکے۔

لالچی مالکن کی وجہ سے 5.3 بلین ڈالرز کا منصوبہ تاخیر کا شکار

جعلی فٹبال ٹیم بنا کر 17 نوجوانوں کو جاپان بھجوانے کا انکشاف، اسمگلر گرفتار

ٹی ٹوئنٹی ایشیاء کپ: پاکستان کی پریس کانفرنس منسوخ، ریفری تنازع برقرار

ٹی ٹوئنٹی ایشیاء کپ: پاکستان کی پریس کانفرنس منسوخ، ریفری تنازع برقرار

پاکستان تحریک انصاف کے رہنما اور سابق اپوزیشن لیڈر پنجاب اسمبلی ملک احمد خان بھچر نے ضمنی الیکشن سے دستبردار ہونے اور اپنی اہلیہ کے کاغذات واپس لینے کا اعلان کر دیا۔

ملک احمد خان بھچر نے ایکس پر جاری ویڈیو بیان میں کہا کہ عمران خان کی ہدایت تھی کہ ان ضمنی انتخابات کو قانونی جواز فراہم نہیں کرنا، اسی فیصلے کے تحت میں الیکشن سے دستبردار ہو رہا ہوں اور اپنی اہلیہ کے کاغذات بھی واپس لے رہا ہوں۔انہوں نے کہا کہ میرے خاندان سے کوئی بھی الیکشن نہیں لڑے گا۔ مجھ پر جھوٹے مقدمات بنائے گئے جن میں سے ایک میں سزا بھی سنائی گئی، جو سب کے سامنے ہے۔

پی ٹی آئی رہنما نے اپنے حلقے میانوالی کے ساتھیوں کا شکریہ ادا کرتے ہوئے کہا کہ انہوں نے 8 فروری کو مجھے پنجاب اسمبلی کا ممبر منتخب کیا، میں ہمیشہ اپنی جماعت اور میانوالی کے سپوت عمران خان کے ساتھ کھڑا رہوں گا۔

ختمِ نبوت اور دینی مدارس کے تحفظ کی جدوجہد جاری رہے گی،مولانا فضل الرحمٰن

اسرائیلی آرمی چیف کا بیرون ملک موجود حماس قیادت کو بھی نشانہ بنانے کا اعلان

اسرائیلی آرمی چیف کا بیرون ملک موجود حماس قیادت کو بھی نشانہ بنانے کا اعلان

قومی اسمبلی اجلاس کا ایجنڈا جاری، سیلاب اور قانون سازی زیرِ غور

لاہور: پنجاب اسمبلی میں اپوزیشن لیڈر کا عہدہ خالی ہونے کا نوٹیفکیشن جاری کر دیا گیا۔

پنجاب اسمبلی میں قائد حزب اختلاف ملک احمد خان بھچر کو انسداد دہشت گردی کی خصوصی عدالت سے 9 مئی 2023 کے مقدمے میں سزا سنائے جانے کے بعد پنجاب اسمبلی میں اپوزیشن لیڈر کا عہدہ خالی ہونے کا نوٹیفکیشن جاری کر دیا گیا، نوٹیفکیشن میں کہا گیا ہے کہ پنجاب اسمبلی میں اپوزیشن لیڈر کا عہدہ خالی ہوچکا ہے، قائد حزب اختلاف کی ذمہ داری ڈپٹی اپوزیشن لیڈر انجام دے رہے ہیں،آئندہ اجلاس کے دوران حزب اختلاف کو اپوزیشن لیڈر کا انتخاب کرنا ہوگا۔

واضح رہے کہ 22 جولائی کو انسداد دہشت گردی عدالت سرگودھا نے 9 مئی 2023 کو میانوالی میں احتجاج کے مقدمے میں اپوزیشن لیڈر پنجاب اسمبلی ملک احمد بچھر اور دیگر ملزمان کو 10،10 سال قید کی سزا سنائی تھی،سرگودھا کی انسدادِ دہشت گردی عدالت نے سانحہ 9 مئی 2023 کے حوالے سے میانوالی کے تھانہ موسیٰ خیل میں درج مقدمہ نمبر 72 کا فیصلہ سنایا تھا۔

انسداد دہشت گردی عدالت نے اپوزیشن لیڈر پنجاب اسمبلی ملک احمد خان بچھر اور رکن قومی اسمبلی احمد چٹھہ سمیت پی ٹی آئی کے 32 رہنماؤں اور کارکنوں کو 10، 10 سال قید کی سزا سنادی تھی،سزا پانے والوں میں سابق ایم این اے بلال اعجاز بھی شامل ہیں، ملزمان پر پُرتشدد احتجاج، جلاؤ گھیراؤ اور دیگر سنگین الزامات عائد کیے گئے تھے۔

پنجاب اسمبلی میں شدید ہنگامہ آرائی، گالم گلوچ اور ہاتھا پائی کے بعد صورتحال ایوان کی حدود سے نکل کر اسمبلی کے احاطے تک جا پہنچی، جہاں حکومتی اور اپوزیشن ارکان ایک بار پھر آمنے سامنے آ گئے۔

واقعے کے بعد اسمبلی سیکریٹریٹ نے دو اپوزیشن ارکان کی رکنیت آئندہ 15 اجلاسوں کے لیے معطل کر دی۔ذرائع کے مطابق، ایوان میں جھڑپ کے بعد جب اپوزیشن ارکان پریس ہال سے باہر نکل رہے تھے، تو دو نامعلوم افراد ان سے مبینہ طور پر ٹکرا گئے اور بعد ازاں انہیں گالیاں دیں۔ اس ناخوشگوار صورتحال کے دوران اسمبلی سیکیورٹی فوری موقع پر پہنچی اور دونوں گروپوں کو علیحدہ کر دیا گیا۔

اپوزیشن کے مطابق، واقعے میں رکن اسمبلی احمد مجتبیٰ کو خاص طور پر نشانہ بنایا گیا جبکہ اسامہ نامی رکن بھی زد میں آئے۔ اپوزیشن کا دعویٰ ہے کہ گالیاں دینے والے افراد مبینہ طور پر حکومتی ارکان کے اسٹاف سے تعلق رکھتے تھے۔بعد ازاں جب حکومتی وزرا پریس کانفرنس کر رہے تھے تو اپوزیشن رکن اعجاز شفیع اچانک پریس ہال میں داخل ہوئے اور بلند آواز میں سوال کیا: "وہ دو افراد کون تھے جنہوں نے ہمارے ایم پی ایز کو گالیاں دیں؟” اس پر دوبارہ شور شرابا شروع ہو گیا اور وزرا نے انہیں خاموش کروانے کی کوشش کی۔

وزیر ذیشان رفیق اور بلال اکبر نے بعد میں اپوزیشن ارکان کو ساتھ لے کر ایوان کا رخ کیا اور انہیں یقین دہانی کروائی کہ واقعے کی مکمل تحقیقات کی جائیں گی اور گالیاں دینے والے افراد کے خلاف کارروائی کی جائے گی۔ تاہم اعجاز شفیع کا کہنا تھا کہ چونکہ قائم مقام اسپیکر موجود نہیں تھے، اس لیے فوری کارروائی ممکن نہیں ہو سکی۔اسی ہنگامہ آرائی کے بعد پنجاب اسمبلی کے قائم مقام اسپیکر ظہیر اقبال چنڑ کے حکم پر اپوزیشن ارکان خالد زبیر نثار اور شیخ امتیاز محمود کی رکنیت 15 نشستوں کے لیے معطل کر دی گئی ہے۔

اسمبلی سیکریٹریٹ کی جانب سے جاری نوٹیفکیشن کے مطابق، خالد زبیر نثار نے رکن اسمبلی محمد احسان ریاض پر حملہ کیا، جبکہ شیخ امتیاز محمود نے اسپیکر کی اتھارٹی کو چیلنج کیا۔ نوٹیفکیشن میں کہا گیا ہے کہ رول 210 کے تحت دونوں ارکان کی رکنیت معطل کی جاتی ہے۔

پنجاب اسمبلی میں ہاتھا پائی: اپوزیشن رکن کا حکومتی رکن کو تھپڑ

متحدہ عرب امارات کا بڑا اقدام، لاکھوں فلسطینیوں کیلئے صاف پانی کی فراہمی شروع

پنجاب اسمبلی کا اجلاس اُس وقت شدید بدنظمی کا شکار ہو گیا جب اپوزیشن اور حکومتی ارکان کے درمیان تلخ کلامی نے ہاتھا پائی کی شکل اختیار کر لی۔

جھگڑے کے دوران پاکستان تحریک انصاف کے رکن خالد نثار ڈوگر نے مسلم لیگ (ن) کے رکن احسان ریاض کو تھپڑ رسید کر دیا، جس پر ایوان میں شور شرابا شروع ہو گیا اور اجلاس کو 5 منٹ کے لیے ملتوی کرنا پڑا۔ ڈپٹی اپوزیشن لیڈر معین قریشی اور قائم مقام اسپیکر ظہیر اقبال چنڑ کے درمیان گفتگو جاری تھی کہ اسی دوران پی ٹی آئی رکن خالد نثار اپنی نشست سے اٹھ کر احسان ریاض کے پاس گئے اور اچانک انہیں منہ پر تھپڑ مار دیا، جس کے بعد ایوان کا ماحول مزید کشیدہ ہو گیا۔

واقعے کے دوران صوبائی وزیر ذیشان رفیق بھی ہاتھا پائی میں شامل ہو گئے جبکہ وزیر قانون صہیب بھرتھ، عاشق کرمانی اور دیگر ارکان معاملہ رفع دفع کروانے کی کوشش کرتے رہے لیکن کشیدگی برقرار رہی۔قائم مقام اسپیکر ملک ظہیر اقبال چنڑ نے کئی بار ارکان کو تحمل اور صبر سے کام لینے کی تلقین کی، تاہم صورتحال کنٹرول نہ ہونے پر انہوں نے اجلاس 5 منٹ کے لیے ملتوی کرنے کا اعلان کر دیا۔

یاد رہے کہ جون میں وزیراعلیٰ پنجاب مریم نواز کی تقریر کے دوران اپوزیشن کے شدید احتجاج پر اسپیکر پنجاب اسمبلی ملک احمد خان نے پی ٹی آئی کے 26 ارکان اسمبلی کو معطل کر دیا تھا، اور ان کے خلاف ڈی سیٹ کرنے کی کارروائی بھی شروع کر دی گئی تھی۔بعدازاں حکومت اور اپوزیشن کے درمیان ہونے والے مذاکرات کے نتیجے میں 22 جولائی کو ان تمام معطل ارکان کی رکنیت بحال کر دی گئی تھی۔ قائم مقام اسپیکر ظہیر اقبال چنڑ کی جانب سے اس حوالے سے نوٹیفکیشن بھی جاری کیا گیا تھا۔

صوبائی وزیر خزانہ مجتبیٰ شجاع الرحمٰن نے مذاکرات کے بعد میڈیا سے گفتگو کرتے ہوئے کہا تھا کہ ایوان میں نازیبا زبان کے استعمال سے گریز پر اتفاق ہوا ہے، اور یہ بھی طے پایا کہ ایتھکس کمیٹی کے فیصلے حتمی تصور ہوں گے۔ ان کا کہنا تھا کہ اپوزیشن کو احتجاج کا حق ہے، لیکن یہ آئینی حدود میں رہ کر ہونا چاہیے۔

ننکانہ صاحب: میٹرک میں تیسری پوزیشن لینے والے فیضان رضا نے ایک دن کیلئے ڈپٹی کمشنر کا چارج سنبھالا

الیکشن کمیشن نے سینیٹ ضمنی انتخابات کے لیے سیاسی جماعتوں، امیدواروں اور ووٹرز کے لیے کوڈ آف کنڈکٹ جاری کر دیا، جس میں متعدد اہم پابندیاں عائد کی گئی ہیں۔

تفصیلات کے مطابق پنجاب اسمبلی میں سینیٹ کی خالی نشست پر ضمنی الیکشن کل (پیر) کو ہورہا ہے، اس سلسلے میں الیکشن کمیشن نے ضابطہ اخلاق طے کیا ہے اور امیدواروں سمیت سیاسی جماعتوں، ایجنٹس اور ووٹرز کے لیے کوڈ آف کنڈکٹ جاری کر دیا ہے۔

الیکشن کمیشن کے ضابطہ اخلاق کے مطابق پولنگ اسٹیشنز میں موبائل فون یا الیکٹرانک ڈیوائس لے جانے پر پابندی ہوگئی جبکہ بیلٹ پیپرز کی تصاویر لینا بھی سختی سے ممنوع قرار دیا گیا ہے امیدوار یا ان کے حامی کسی سرکاری ملازم یا عہدیدار سے مدد نہیں مانگ سکتے اور کوئی سرکاری ملازم یا عہدیدار بھی کسی امیدوار کی حمایت یا مخالفت نہیں کر سکتا۔

پی ٹی آئی کی رکاوٹیں ناکام : مخصوص نشستوں پر ارکان کی حلف برداری آج شام کرنے کا فیصلہ

کوڈ آف کنڈکٹ میں واضح کیا گیا ہے کہ ضمنی الیکشن میں سرکاری وسائل استعمال نہیں ہوں گے جبکہ صدر مملکت اور گورنرز انتخابی مہم میں حصہ نہیں لے سکیں گے، اداروں کی توہین یا مذاق اڑانا بھی ممنوع ہے، خلاف ورزی پر الیکشن ایکٹ کے تحت توہین عدالت کا نوٹس لیا جا سکتا ہے۔

واضح رہے کہ پنجاب اسمبلی سے سینیٹ کی جس نشست پر ضمنی الیکشن ہو رہا ہے، وہ مسلم لیگ ن کے سابق سینیٹر پروفیسر ساجد میر کے انتقال کے باعث خالی ہوئی تھی،ضمنی الیکشن میں مسلم ن کی جانب سے عبدالکریم جب کہ خدیجہ صدیقی، عبدالستار اور اعجاز حسین آزاد حیثیت میں امیدوار ہیں۔

پاکستانی پاسپورٹ میں والدہ کا نام بھی شامل کرنے کا فیصلہ