لاہور: پنجاب تعلیمی بورڈ نے 11 ویں جماعت کے 3 پیپرز کی نئی تاریخوں کا اعلان کردیا۔
باغی ٹی وی : محکمہ ہائر ایجوکیشن پنجاب کے مطابق 8 ،16 اور 18 جولائی کو ہونے والے پیپرز کی تاریخوں کو تبدیل کیا گیا ہے۔
محکمہ ہائر ایجوکیشن پنجاب کا کہنا ہے کہ عید کی تعطیلات اور 20 حلقوں میں ضمنی الیکشن کے باعث شیڈول تبدیل کیا گیا ہے جس کے بعد 8 جولائی کو ہونے والا امتحان اب 29 جولائی ،16 جولائی کو ہونے والا پرچہ اب 27 جولائی کو ہوگا جبکہ 18 جولائی کو ہونے والا پرچہ اب 28 جولائی کو ہوگا۔
دوسری جانب گورنر پنجاب بلیغ الرحمان نے پبلک سیکٹر جامعات میں وائس چانسلرز کی خالی آسامیوں کا نوٹس لے لیا گورنر پنجاب نے یونیورسٹیز کے انتظامی محکموں کو 6 ماہ قبل تعیناتی کا عمل شروع کرنے کی ہدایت کی علاوہ ازیں گورنر پنجاب کی وائس چانسلرز کی خالی آسامیوں پر تعیناتی کا عمل تیز کرنے کی ہداہت کی-
انہوں نے کہا کہ تعلیم اور صحت کے شعبوں میں ترقی حکومت کی ترجیحات میں ہے، یونیورسٹیوں کے امور میں بہتری کے لیے وائس چانسلرز کانفرنس جلد کیا جائے گا-