Tag: پنجاب حکومت

لاہور: پاکستان تحریک انصاف کی جیل بھرو تحریک آج لاہور سے شروع ہوگی-

باغی ٹی وی: پی ٹی آئی ذرائع کے مطابق جیل بھرو تحریک آج لاہور سے شروع ہوگی، جہاں شاہ محمود قریشی دیگر رہنماؤں اور دو سو کارکنوں کے ساتھ گرفتاری دیں گے پہلے مرحلے میں عمر سرفراز چیمہ، سینیٹر ولید اقبال، مراد راس کارکنوں کے ساتھ گرفتاریاں دیں گے۔

پاکستان تحریک انصاف کے وائس چیئرمین شاہ محمود قریشی نے کہا کہ اگر لاہور پولیس نے گرفتار نہ کیا تو پھر ملتان سے گرفتاری دوں گا۔

دوسری جانب پی ٹی آئی خیبرپختونخوا نے بھی جیل بھرو تحریک کے تحت گرفتاریاں دینے کا شیڈول تیار کرلیا۔ جس کے تحت پہلے مرحلے میں چار سابق ارکان صوبائی اسمبلی، ایک ایم این اے اور 100 کارکنان گرفتاریاں دیں گے۔

قبل ازیں پاکستان تحریک انصاف کے رہنما فواد چوہدری نے کہا تھا کہ پی ٹی آئی کے وائس چیئرمین شاہ محمود قریشی جیل بھرو تحریک کے پہلے روز ہی گرفتاری دیں گے۔

لاہور میں حماد اظہر کے ہمراہ مشترکہ پریس کانفرنس کرتے ہوئے فواد چوہدری نے کہا تھا کہ جیل بھرو تحریک کا آغاز بائیس فروری سے ہوجائے گا، جس کے بعد سیکڑوں کارکن گرفتاریاں دیں گے۔ انہوں نے کہا کہ شاہ محمود قریشی بھی رضاکارانہ طور پر گرفتاری پیش کریں گے پاکستان تحریک انصاف کی سینئر قیادت بھی جیل بھرو تحریک کے لیے مکمل تیار ہے۔

حماد اظہر نے کہا کہ الیکشن کمیشن انتخابات کی تاریخ کا اعلان کرے ہم تیار ہیں، ہمارے امیدواروں نے قومی اسمبلی کی نشستوں پر ضمنی انتخابات کے لیے کاغذات نامزدگی جمع کرائے جبکہ اپنا نگراں سیٹ اپ ہونے کے باوجود مسلم لیگ ن کے کسی بھی امیدوار نے کاغذات جمع نہیں کرائے کیونکہ انہیں معلوم ہے کہ عوام کیا حال کریں گے۔

دوسری جانب پاکستان تحریک انصاف( پی ٹی آئی) کی جیل بھرو تحریک کے حوالے سے پنجاب حکومت نے بھی حکمتِ عملی طے کر لی-

ذرائع پنجاب حکومت کے مطابق لاہور کی جیلوں میں مزید قیدیوں کی گنجائش نہیں ، اس لیے گرفتار شدگان کو میانوالی اور ڈیرہ غازی خان کی جیلوں میں منتقل کرنا پڑے گا۔

ذرائع پنجاب حکومت کا کہنا ہے کہ قانون نافذ کرنے والے تمام اداروں کو متحرک کر دیا گیا ہے،گرفتاری دینے والوں کے کرمنل ریکارڈ کے علاوہ ٹیکس اور بینک ریکارڈ کی بھی جانچ کی جائے گی اگر کوئی بدعنوانی یا کرمنل کیسز میں ملوث پایا گیا تو اس کے خلاف فوری کارروائی کی جائے گی۔

اس کے علاوہ وفاقی وزیر داخلہ کی زیرِصدارت اجلاس میں فیصلہ کیا گیا کہ جیل بھرو تحریک میں خواتین اور غریب کارکنوں کی گرفتاری سے گریز کیا جائے ۔

وفاقی وزیرِ اطلاعات مریم اورنگزیب کا کہنا ہے کہ دنیا کی پہلی جیل بھرو تحریک ہے جس کا آغاز لیڈر اپنی حفاظتی ضمانت سے کررہا ہے ۔

چئیرمین تحریک انصاف عمران خان سے پنجاب اسمبلی کے آزاد حیثیت میں منتخب ہونے والے ایم پی اے بلال وڑائچ کی ملاقات ہوئی ہے

ملاقات میں بلال وڑائچ کی جانب سے تحریک انصاف کے وژن کی تائید اور وزیراعلی چوہدری پرویز الہی کو ووٹ دینے کا اعلان کیا گیا،ملاقات میں مرکزی سینئر نائب صدر تحریک انصاف فواد چوہدری اور سینئر صوبائی وزیر میاں اسلم اقبال سمیت دیگر رہنماوں بھی شریک تھے، تحریک انصاف کے رہنما کا کہنا تھا کہ آج زمان پارک میں پنجاب اسمبلی کے آزاد ممبر بلال وڑائچ نے چئیرمین عمران خان سے ملاقات کی،بلال وڑائچ چوہدری پرویز الہٰی کو اعتماد کا ووٹ بھی دیں گے، آزاد ایم پی اے بلال وڑائچ اس سے قبل حمزہ شہباز کے کیمپ میں موجود تھے اور انکو ووٹ دیا تھا، بلال وڑائچ نے عمران خان سےملاقات کے بعد تحریک انصاف کے وژن پر مکمل اعتماد کا اظہار کیا وڑائچ فیملی بہت جلد تحریک انصاف میں باقاعدہ شمولیت اختیار کر رہی ہے، بلال وڑائچ کے آنے سے پنجاب اسمبلی میں ہمارے مزید 1 ووٹ کا اضافہ ہو گیا ہے

اس موقع پر آزاد ممبر صوبائی اسمبلی بلال وڑائچ نے تحریک انصاف کے نظریے پر عمل پیرا ہونے کا عزم بھی کیا،اور کہا کہ میرے لئے خوش آئند بات ہے کہ تحریک انصاف میں شامل ہو رہا ہوں،انشااللہ عمران خان کے وژن کے مطابق سیاست کریں گے،تحریک انصاف کے نظریے کو اپناتے ہوئے وزیر اعلیٰ پرویز الہی کو ہی ووٹ دوں گا،تحریک انصاف کی تمام قیادت کا خوش آمدید کہنے پر تہہ دل سے شکر گزار ہوں

اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

 ارشد شریف کا لیپ ٹاپ ، تحریک انصاف کے چیئرمین عمران خان کے قریبی ساتھی کے پاس ہے

ارشد شریف قتل کیس، رپورٹ میں ایسا کیا ہے جو سپریم کورٹ میں جمع نہیں کرائی جا رہی؟ سپریم کورٹ

اینٹی سموگ مہم،لاہور میں 4 کروڑ 32 لاکھ، دیگر اضلاع میں 3 کروڑ 41 لاکھ روپے جرمانہ
وزیر تحفظ ماحول پنجاب محمد بشارت راجہ کو محکمے کی طرف سے دی گئی بریفنگ میں بتایا گیا ہے کہ اینٹی سموگ سگواڈز نے لاہور میں اگست سے جنوری تک 1136 اور پنجاب کے دیگر اضلاع میں 1980انسپکشنز کیں۔

لاہور میں 679 اور دیگر اضلاع میں 775 کارخانے سیل کئے گئے جبکہ لاہور میں 4 کروڑ 32 لاکھ، دیگر اضلاع میں 3 کروڑ 41 لاکھ روپے جرمانہ کیا گیا۔ سیکرٹری محکمہ تحفظ ماحول (ای پی ڈی) عثمان علی خان نے بریفنگ دی۔ اس موقع پر ڈائریکٹر جنرل ادارہ تحفظ ماحول (ای پی اے) سکندر ذیشان بھی موجود تھے۔ سیکرٹری ماحولیات نے بتایا کہ سموگ پھیلانے پر لاہور میں 9 اور دیگر اضلاع میں 167 ایف آئی آرز درج ہوئیں۔ پنجاب بھر میں فصلی باقیات جلانے پر اکتوبر سے جنوری تک 1768 ایف آئی آرز کا اندراج کیا گیا۔ کوڑا جلانے پر لاہور میں اکتوبر تا دسمبر 375 چالان اور 50 مقدمات درج کئے گئے۔ اسی طرح فصلی باقیات جلانے پر 2 کروڑ 20 لاکھ جبکہ کوڑا جلانے پر 10 لاکھ 71 ہزار روپے جرمانہ کیا گیا۔ بریفنگ میں بتایا گیا کہ اینٹی سموگ مہم کے دوران دھواں پھیلانے پر ستمبر سے دسمبر 11853 گاڑیوں کا چالان کیا گیا، 2230 گاڑیاں بند کی گئیں جبکہ ایک کروڑ 76 لاکھ روپے جرمانہ کیا گیا۔

وزیر تحفظ ماحول پنجاب محمد بشارت راجہ کی زیر صدارت اجلاس میں پنجاب کے 6 ڈویژنل ہیڈکوارٹرز میں اینوائرنمنٹل کمپلیکس بنانے کی منظوری دی گئی جو لاہور، راولپنڈی، ساہیوال، ڈیرہ غازی خان، بہولپور اور فیصل آباد میں تعمیر کئے جائیں گے۔ انہوں نے سیکرٹری ای پی ڈی کو منصوبے پر جلد کام شروع کرنے کی ہدایت کی۔ محمد بشارت راجہ نے کہا کہ لاہور میں 2500 ملین روپے کی لاگت سے ای پی ڈی کے لئے سٹیٹ آف دی آرٹ گرین بلڈنگ بنائی جائے گی۔ اس کے علاوہ صنعتی شہر شیخوپورہ اور فیصل آباد میں انڈسٹریل اینوائرنمنٹل مانیٹرنگ سنٹر بنائیں گے۔ اس موقع پر سیکرٹری ای پی ڈی عثمان علی خان نے بتایا کہ اس وقت پنجاب میں 8 جاری اور 17 نئی ترقیاتی سکیموں پر کام جاری ہے۔ 25 ماحولیاتی سکیموں پر 12861 ملین روپے لاگت آئے گی۔ انہوں نے کہا کہ اٹھاوریں آئینی ترمیم کے تحت محکمہ تحفظ ماحول کا نیا نام تحفظ ماحول و ماحولیاتی تبدیلی رکھا جا رہا ہے۔

نیب میں اکثر سوالوں کے جواب میں شہباز شریف نے کہا مجھے نہیں پتہ ،ارشاد بھٹی

سموگ سے بچاؤ،چار ماہ میں 1730 مقدمے درج، نوکروڑ جرمانہ

راہ چلتی طالبات کو ہراساں اور آوازیں کسنے والا اوباش گرفتار

پنجاب کابینہ کی امور قانون سازی کمیٹی نے بارڈر ملٹری پولیس (بی ایم پی)، بلوچ لیوی کے سروس رولز میں ترمیم، صوبائی پیرول بورڈ کی ازسرِنو تشکیل اور وائلڈ لائف کی مختلف اقسام کے شیڈول تبدیل کرنے سمیت متعدد فیصلوں کی منظوری دی ہے۔

کابینہ کمیٹی کے اجلاس کی صدارت صوبائی وزیر پارلیمانی امور، تحفظ ماحول و کوآپریٹوز محمد بشارت راجہ نے کی۔ وزیر قانون خرم شہزاد ورک، سیکرٹری قانون اختر جاوید، سیکرٹری ہائیر ایجوکیشن احمد رضا سرور اور سیکرٹری فاریسٹ، وائلڈ لائف و فشریز شاہد زمان بھی موجود تھے۔ اجلاس میں فیصلہ کیا گیا کہ بارڈر ملٹری پولیس اور بلوچ لیوی ڈی جی خان کے سروس رولز میں ترمیم کر کے دیگر محکموں کی طرح سپرنٹنڈنٹ کو 17 واں، اسسٹنٹ کو 16 واں اور سٹینوگرافر کو 14 واں سکیل دیا جائے۔ محکمہ داخلہ کی جانب سے کابینہ کمیٹی کو بتایا گیا کہ گزشتہ سال پیرول پر رہائی کے لئے 400 افراد نے درخواستیں دائر کی تھیں تاہم عرصہ قید اور اچھے طرزعمل کی بنا پر صوبائی پیرول بورڈ نے 80 قیدیوں کی رہائی کی درخواست پر غور کر کے 34 قیدیوں کی رہائی کی سفارش کی۔

چیئرمین کمیٹی محمد بشارت راجہ نے صوبائی پیرول بورڈ کی کارکردگی بہتر بنانے کی ہدایت کرتے ہوئے کہا کہ پنجاب کی 43 جیلوں میں دوبارہ پیرول سروے کرایا جائے۔ مقررہ حد تک سزا کاٹنے اور اچھے کنڈکٹ والوں کو پیرول پر رہائی ملنی چاہیئے۔ انہوں نے کہا کہ یہ تاثر نہیں ملنا چاہیئے کہ صرف بااثر افراد کو پیرول پر رہائی ملتی ہے بلکہ اس قانونی سہولت سے خطرناک جرائم کے مرتکب افراد کے علاوہ سب کو فائدہ پہنچنا چاہیئے تاکہ جیلوں پر بوجھ کم کیا جاسکے۔ کمیٹی نے صوبائی پیرول بورڈ کو متحرک کرنے کا بھی فیصلہ کیا۔ اجلاس میں چنکارہ، ہرن، نیل گائے اور اڑیال کو پہلے شیڈول میں شامل کرنے کی منظوری دی گئی۔ جنگلی سؤر کو شکار کے فورتھ شیڈول سے پہلے شیڈول، 29 پرندوں کو تھرڈ شیڈول میں ڈالنے اور کار پرمٹ کے اجرا کی فیس میں تبدیلی کی بھی منظوری دی۔

واضح رہے کہ فرسٹ شیڈول میں وہ جنگلی حیات شامل ہے جس کا گورنمنٹ نوٹیفیکیشن کے بعد سارا سال شکار کیا جا سکتا ہے۔ سیکنڈ شیڈول میں ٹرافی ہنٹنگ والے جانور شامل ہوتے ہیں، تھرڈ شیڈول ایسے پروٹیکٹڈ برڈز پر مشتمل ہوتا ہے جن کا شکار منع ہے جبکہ فورتھ شیڈول میں ایسے جانور شامل ہوتے ہیں جنہیں کسی قسم کا تحفظ حاصل نہیں۔ اجلاس میں وائلڈ لائف کنزرویشن اینڈ مینجمنٹ ایکٹ میں ترمیم، اری گیٹڈ فاریسٹ اینڈ ایکو ٹورازم بل اور ایکواکلچر ڈویلپمنٹ کارپوریشن بل اور نئے قائم ہونے والے خان پور کیڈٹ کالج، رحیم یار خان کو فعال کرنے کی بھی منظوری دی گئی۔

جیل حکام خواتین قیدیوں کی عزتیں تارتارکرتے ہیں، پیدا ہونے والے بچوں کوقتل کردیا جاتا ہے،لاہورجیل سے خاتون قیدی کی ویڈیووائرل

جیلوں میں قید خواتین کو ریلیف فراہم کرنے کے حوالے سے سفارشات پر مبنی رپورٹ وزیراعظم کو پیش

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

محبت کا ڈرامہ رچا کر لڑکی کی غیر اخلاقی تصاویر بنا کر بلیک میل کرنیوالا گرفتار

جعلی قیدی بن کر جیل میں 3 سال گزارنے والا قیدی عدالت میں پیش

وزیر اعلیٰ پنجاب چودھری پرویز الٰہی سے یونائیٹڈ نیشن پاپولیشن فنڈ کے کنٹری نمائندہ ڈاکٹر لوئے شبانا کی ملاقات ہوئی ہے

ملاقات میں پاپولیشن ویلفیئر خصوصاً فیملی پلاننگ کیلئے باہمی اشتراک کو مزید موثر بنانے پر اتفاق کیا گیا، وزیراعلیٰ چودھری پرویز الٰہی نے محکمہ پاپولیشن ویلفیئر کی منظور شدہ خالی آسامیوں پر بھرتی کا اعلان بھی کر دیا، وزیراعلیٰ پنجاب چودھری پرویز الہیٰ کا کہنا تھا کہ محکمہ پاپولیشن ویلفیئر کو مکمل سپورٹ کریں گے۔ مربوط اور مشترکہ کاوشوں کے ذریعے ہی فیملی پلاننگ کے اہداف حاصل کئے جا سکتے ہیں دیہات کے ساتھ شہروں کے پسماندہ علاقوں میں بھی فیملی پلاننگ کی اہمیت سے روشناس کرایا جائے گا۔ فیملی ہیلتھ کلینکس اور فلاحی مراکز کو مزید فعال کیا جائے گا۔ فیملی پلاننگ کے اقدامات کی تحصیل اور ضلع کی سطح پر باقاعدہ مانیٹرنگ کی جائے گی پنجاب حکومت نے فیملی پلاننگ اختیار کرنے والے خاندانوں کو خصوصی پیکیج دینے کا فیصلہ کیا ہے خصوصی پیکیج پنجاب احساس پروگرام کے تحت دیا جائے گا۔آبادی کے ساتھ تیزی سے بڑھتے مسائل کرہ ارض پر انسانی بقاء کے لئے خطرہ ہیں۔ آبادی میں بے ہنگم اضافہ صحت، تعلیم اور روزگارکے مسائل کو ترویج دیتا ہے آبادی سے متعلقہ مسائل پر قابو پانے کے لئے حکومتی کاوشوں کے ساتھ عوام کا تعاون ناگزیر ہے۔ آبادی پر قابو پا کر عوام کے معیار زندگی کو بہتر بنایا جا سکتا ہے۔ سماج میں بہبود آبادی کا شعور بیدار کرنا معاشرے کے ہر فرد کی ذمہ داری ہے۔

وزیر اعلیٰ پنجاب چودھری پرویز الٰہی سے یونائیٹڈ نیشن پاپولیشن فنڈ کے کنٹری نمائندہ ڈاکٹر لوئے شبانا (Dr. Luay Shabaneh) کی ملاقات#baaghitv #pakistan #punjab @ChParvezElahi pic.twitter.com/lq0EVxEYYM

— Baaghi TV باغی ٹی وی (@BaaghiTV) January 4, 2023

ڈاکٹر لوئے شبانا کا کہنا تھا کہ وزیراعلیٰ پنجاب چودھری پرویز الٰہی کی قیادت میں پنجاب حکومت پاپولیشن ویلفیئر کیلئے مثالی اقدامات کر رہی ہے۔ہمیں خوشی ہے کہ وزیراعلیٰ چودھری پرویز الٰہی کے پاپولیشن ویلفیئر کیلئے پروگرامز کے حوصلہ افزا نتائج سامنے آ رہے ہیں پاپولیشن ویلفیئر کے حوالے سے پنجاب حکومت کے ساتھ قریبی اشتراک سے مزید کام جاری رکھیں گے۔ چیف سیکرٹری عبداللہ خان سنبل، سیکرٹری پاپولیشن ویلفیئر سلمان اعجاز، سیکرٹری پرائمری و سیکنڈری ہیلتھ ڈاکٹر ارشاد، ڈی جی پاپولیشن ویلفیئر ثمن رائے، پروگرام اینڈ ٹیکنیکل سپیشلسٹ شعیب احمد شہزاد، ٹیکنیکل سپیشلسٹ جینڈرثانیہ درانی ا ور متعلقہ حکام بھی اس موقع پر موجود تھے

نور مقدم کیس، شاطر دماغ چل گیا،بڑی پلاننگ ہو گی

پارلیمنٹ ہاؤس میں جلد سے جلد بیوٹی پارلر قائم کرنے کی ہدایت