وزیر اعلیٰ پنجاب کے چیف سیکیورٹی آفیسر سمیت 7 پولیس افسران کے تقرر و تبادلے، نوٹیفیکیشن جاری-
باغی ٹی وی :نوٹیفیکیشن کے مطابق آئی جی پنجاب راؤ سردار کی جانب سے عارف شہباز خان وزیر کو ڈی پی او اٹک جبکہ وہاں سے شعیب محمود کو سینٹرل پولیس آفس رپورٹ کرنے کا حکم دیا گیا ہے-
کامران ممتاز کو ڈی پی او جہلم جبکہ ڈی پی او جہلم رانا طاہر رحمان کو سینٹرل پولیس آفس رپورٹ کرنے کی ہدایت کی گئی ہے جبکہ تقرری کے منتظر عطاءالرحمان کو ڈی پی او گجرات اور عمران احمد ملک کو وزیراعلیٰ کا چیف سکیورٹی آفیسر لگایا گیا ہے۔
نوٹیفیکیشن کے مطابق فرقان بلال کو ایس ایس پی ٹیکنیکل سی ٹی ڈی لاہور تعینات کیا گیا ہے۔
قبل ازیں لاہور ہائیکورٹ نے پنجاب کی ماتحت عدالتوں کے ججز کے تقرر و تبادلے کئے تھے ہائیکورٹ نے 11 سیشن ججز جبکہ 54 ایڈیشنل سیشن ججز سمیت ایک سول جج کے تقرر تبادلے کئے تھے سیشن جج ملتان مشتاق اوجلہ کو اٹک تعینات ہوئے سیشن جج اٹک محمد اکرم کو خانیوال میں جبکہ سیشن جج ابراہیم کو راجن پور سے لیہ میں جبکہ سیشن جج شاہد اسلام کو بھکر ،شوکت کمال کو وہاڑی تعینات ہوئے-
سیشن جج لیہ غفار مہتاب کی ٹوبہ ٹیک سنگھ میں ایڈیشنل سیشن جج دلدار شاہ کی خانیوال سے فیروز والا جبکہ ایڈیشنل سیشن جج ثاقب فاروق کی وہاڑی سے فیصل آباد تعیناتی ہوئی-
قبل ازیں وزیر اعظم شہباز شریف اور وزیر اعلیٰ پنجاب میاں حمزہ شہباز نے ملاقات کے دوران پنجاب بھر میں بیورو کریسی میں بڑے پیمانے پرتبادلے کا فیصلہ کیا تھاجس کے مطابق فیصل آباد، ملتان، سیالکوٹ، گجرات سمیت دیگر اضلاع میں کمشنر، ڈپٹی کمشنرز تبدیل کیے جائیں گے آئی جی پنجاب اور کمشنر لاہور کو فوری طور پر تبدیل نہ کرنے کا فیصلہ کیا گیا تھا کام نہ کرنے والے محکموں کے سیکرٹریز کو تبدیل کیا جائیگا، ہر محکمے کی ہفتہ وار رپورٹ وزیراعلیٰ خود لیں گے-
