Baaghi TV

Tag: پکستان

  • پاکستانی کرکٹرز سے فراڈ، کھلاڑیوں اور کمپنی کے مالک کا ردعمل آ گیا

    پاکستانی کرکٹرز سے فراڈ، کھلاڑیوں اور کمپنی کے مالک کا ردعمل آ گیا

    پاکستانی کرکٹرز کے ساتھ مبینہ فراڈ کی خبروں پر کھلاڑیوں اور کمپنی کے مالک کا ردعمل سامنے آ گیا ہے۔

    پاکستان کے سابق اور موجودہ کرکٹرز کے ساتھ مبینہ فراڈ کی خبروں پر کھلاڑیوں نے کہا کہ ہم نے کمپنی میں انویسٹمنٹ کی تھی ہمارے ساتھ کوئی فراڈ نہیں ہوا، کمپنی ہم سے رابطے میں ہے، تمام پیمنٹ مارچ تک کلیئر کرنے کا کہا گیا ہے، صرف 2 چیک باؤنس ہوئے ہیں۔

    دوسری جانب انویسٹمنٹ کرنے والی کمپنی کے مالک نے اپنے ردعمل میں کہا کہ کھلاڑیوں کی 2023 سے میرے ساتھ انویسٹمنٹ ہے، میرا کھلاڑیوں کے ساتھ مکمل تحریری معاہدہ موجود ہے تمام کھلاڑیوں کے پاس میری کمپنی کے گارنٹی چیک بھی موجود ہیں، تمام الزامات کی تردید کرتا ہوں،میں کبھی امریکا نہیں گیا نہ ہی میرے پاس امریکا کا ویزا ہے۔

    ان کا کہنا تھا کہ میں دبئی میں ہوں اور تمام کھلاڑیوں سے رابطے میں ہوں، انہوں نے کہا کہ پہلی بار ادائیگیاں تاخیر کا شکار ہوئی ہیں، چند دنوں میں تمام ادائیگیاں کلیئر کر دی جائیں گی،میں پاکستانی ہوں اور میرا خاندان پاکستان میں ہے، کھلاڑیوں کے علاوہ میرے پاس مزید انویسٹرز بھی ہیں۔

  • ورلڈکپ افتتاحی میچ؛ دوپہر 1 بج کر 30منٹ پر شروع ہوگا

    ورلڈکپ افتتاحی میچ؛ دوپہر 1 بج کر 30منٹ پر شروع ہوگا

    کرکٹ کا عالمی میلہ چار برس کے بعد آج سے بھارت میں سجنے کو ہے، دُنیا کی 10 بہترین ٹیمیں چمچماتی ٹرافی حاصل کرنے کے لیے مقابلہ کریں گی جبکہ اس ایونٹ کی 10 ٹیموں کو ایک دوسرے سے کھیلنا ہوگا جس میں سے 4 ابتدائی پوزیشنز حاصل کرنے والی ٹیمیں سیمی فائنلز میں جگہ بنائیں گی اور اس ورلڈ کپ کا افتتاحی میچ آج جمعرات کو پچھلے میگا ایونٹ کی دفاعی چیمپئن انگلینڈا ور رنرز اپ نیوزی لینڈ کے درمیان احمد آباد کے نریندر مودی اسٹیڈیم میں کھیلا جائے گا۔

    اتفاق سے ون ڈے کرکٹ میں دونوں ٹیمیں اعداد وشمار کے لحاظ سے برابر ہیں، انگلینڈ اور نیوزی لینڈ نے آپس میں 95 ون ڈے میچز کھیلے ہیں، دونوں نے 44 ، 44 مقابلوں میں فتح سمیٹی ہے، 3 میچ ٹائی رہے جبکہ 4 کا کوئی نتیجہ نہیں نکل سکا تاہم اس کے علاوہ ورلڈ کپ مقابلوں میں بھی دونوں ٹیمیں فتح کے اعتبار سے برابر ہیں، ان کے درمیان اب تک 10 میچز ہوئے ہیں اور دونوں نے 5 ، 5 میچز میں کامیابی سمیٹی ہے، البتہ احمد آباد جہاں یہ میچ ہوگا ، نیوزی لینڈ کا انگلینڈ کے خلاف پلڑا بھاری ہے جس نے 1996 کے ورلڈ کپ کے گروپ میچ میں انگلش ٹیم کو 11 رنز سے مات دی تھی۔

    آج ورلڈکپ کا افتتاحی میچ پاکستانی وقت کے مطابق دوپہر 1 بج کر 30منٹ پر شروع ہوگا جبکہ بدھ کو ورلڈکپ میں شرکت کرنے والی تمام ٹیموں کے کپتان احمد آباد میں اکھٹے ہوئے، کیپٹنز ڈے میں پاکستانی کپتان بابر اعظم اور بھارتی کپتان روہت شرما کی ایک ساتھ انٹری ہوئی، اس موقع پر بابر اعظم نے کہا کہ ورلڈ کپ میں سو فیصد دیں گے اور اس کے لیے محنت کی ہے، اگر پاکستانی فینز بھی بھارت آسکتے تو اور اچھا ہوتا۔
    مزید یہ بھی پڑھیں؛
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    تاہم دوسری جانب بھارتی کپتان روہت شرما نے کہا کہ ٹف ٹورنامنٹ ہوگا،انجوائے کریں گے، اس کے علاوہ آسٹریلوی کپتان پیٹ کمنز بولے کہ جیت کا تسلسل جاری رکھنے کی کوشش کریں گے جبکہ نیوزی لینڈ اور بنگلا دیش کے کپتان ایونٹ میں اچھی کارکردگی دکھانے کیلئے پُرعزم دکھائی دیے جبکہ واضح رہے کہ 5 اکتوبر سے شروع ہونے والا ایونٹ 19 نومبر تک جاری رہے گا۔

  • کراچی میں صبح 8 سے رات 10 بجے تک گیس کے پریشر میں کمی ہوگی

    کراچی میں صبح 8 سے رات 10 بجے تک گیس کے پریشر میں کمی ہوگی

    کراچی میں سوئی سدرن گیس کمپنی (ایس ایس جی سی) کے انفرا اسٹرکچر کی اَپ گریڈیشن کے سبب ضلع شرقی اور ملیر کے متعدد علاقوں میں آج گیس بند رہے گی۔ ترجمان ایس ایس جی سی کے مطابق اتوار کی صبح کراچی ٹرمینل پر گیس انفرا اسٹرکچر کی اپ گریڈیشن کے سبب بحالی کی سرگرمی کے دوران شہر کے مختلف علاقوں میں صبح 8 بجے سے رات 10 بجے تک گیس کے پریشر میں کمی ہوگی یا گیس کی فراہمی بند ہو جائے گی۔

    شہر کے جو علاقے اس دوران متاثر ہوں گے ان میں گلشن بلاک 3، 4، 6 اور 7، ابوالاصفہانی روڈ، میٹروول 3، ملک سوسائٹی، کنیز فاطمہ سوسائٹی، کے ڈی اے سوسائٹی، الآصف اسکوائر، کوئٹہ ٹاؤن، ایف بی ایریا انڈسٹریل ایریا، سہراب گوٹھ اور فیڈرل بی ایریا کے 14 سے 21 بلاک شامل ہیں۔

    مزید یہ بھی پڑھیں؛
    راجن پور: این اے 193 میں ضمنی الیکشن کیلئے پولنگ کا وقت ختم
    یہ وہی بینچ ہے جس نے عمران خان کےخلاف فیصلہ دیا،پھرشورشرابہ کیوں؟پرویز الہٰی

    دوسری طرف لوگوں کا کہنا ہے کہ گیس بھی اب بجلی کی لوڈ شیڈنگ والا معاملہ کررہا ہے اور گیس بارے اس طرح کہنا عوام کو دھوکہ دینا ہے علاوہ ازیں ناصرف کراچی بلکہ ملک بھر میں یہ مسئلہ بنا ہوا ہے لیکن حکومت کو عوام کی کوئی پرواہ نہیں ہے

  • مصطفیٰ نواز کھوکھر کا پیپلزپارٹی چھوڑنےکا اعلان

    مصطفیٰ نواز کھوکھر کا پیپلزپارٹی چھوڑنےکا اعلان

    اسلام آباد:مصطفیٰ نواز کھوکھر کا پیپلزپارٹی چھوڑنے کا اعلان،اطلاعات کے مطابق سابق سینیٹر مصطفیٰ نواز کھوکھر نے پاکستان پیپلزپارٹی چھوڑنے کا اعلان کردیا،

    مصطفیٰ‌ نواز کھوکھر نے کہا کہ ڈیڑھ دو سال سے پارٹی کے ساتھ کچھ ایشوز چل رہے تھے، یہی وجہ ہے بطور ترجمان پارٹی بھی عہدے سے استعفی دیا تھا، بعد میں مجھ سے سینیٹ انسانی حقوق کمیٹی کی چیئرمین شپ واپس لی گئی۔

    مصطفیٰ نواز کھوکھر کا کہنا ہے کہ سینیٹ نشست واپس کرنے کا کہا گیا تو میں نے استعفیٰ دے دیا، اب پارٹی چھوڑنے کا فیصلہ کرچکا، لیکن ابھی پارٹی کو باضابطہ خط نہیں لکھا۔

    خیال رہے کہ 8 نومبر کو پاکستان پیپلز پارٹی(پی پی پی) کے سینیٹر مصطفیٰ نواز کھوکھر نے کہا تھا کہ میں بخوشی سینیٹ کی رکنیت سے مستعفی ہونے پر رضامند ہوں کیونکہ پارٹی کے سینئر رہنما نے مجھے بتایا کہ پارٹی کی قیادت میرے ’سیاسی مؤقف‘ سے خوش نہیں ہے۔

    سماجی رابطے کے ویب سائٹ ٹؤئٹر پر جاری پیغام میں مصطفیٰ نواز کھوکھر نے کہا تھا کہ آج پارٹی کے سینئر رہنما سے ملاقات ہوئی اورانہوں نے پیغام دیا کہ پارٹی قیادت میرے مؤقف سے خوش نہیں ہے اور سینیٹ کی رکنیت سے میرا استعفیٰ چاہتی ہے، میں بخوشی مستعفی ہونے کا اعلان کرتا ہوں۔ان نے مزید کہاتھا کہ بطور سیاسی کارکن مجھے عوامی مفاد کے معاملے پر اپنی رائے کے اظہار کا حق ہے۔

    سینیٹر مصطفیٰ نواز کھوکھر نے کہا تھا کہ پارٹی قیادت کا مشکور ہوں، جنہوں نے مجھے سندھ سے سینیٹ کی نشست دی، اختلافات اپنی جگہ، ان کے ساتھ سفر شان دار رہا اور ان کے لیے نیک خواہشات کا اظہار کرتا ہوں۔