سال 2023 کیلئے بینظیر کفالت پروگرام کی پہلی سہ ماہی قسط کا اجراء
باغی ٹی وی: بینظیر کفالت کی پہلی سہ ماہی قسط سوموار 9 جنوری سےجاری کی جا رہی ہے 77لاکھ سے زائد مستحق خاندانوں میں 7000 روپے فی خاندان تقسیم کئے جائیں گے پہلی سہ ماہی قسط کا کل تخمینہ 55 ارب روپے سے زائدلگایا گیا ہے۔
اسلام آباد ، پنجاب، سندھ اور بلوچستان میں حبیب بینک کے ذریعے رقم تقسیم کی جائے گی حبیب بنک مقرر کردہ ادائیگی مراکز یا بائیو میٹرک اے ٹی ایم سے رقم وصول کی جاسکے گی-
خیبر پختونخواہ، آزاد جموں کشمیر اور گلگت بلتستان میں بینک الفلاح کے ذریعے رقم تقسیم کی جائے گی بنک الفلاح کے مقرر کردہ ادائیگی مراکز یا بائیو میٹرک اے ٹی ایم سے رقم وصول کی جاسکتی ہے-
پاکستان اسٹاک ایکسچینج میں ہفتہ وار بنیادوں پر اتار چڑھاؤ کے باوجود تیزی رہی
شازیہ مری کا کہنا ہے کہ رقوم کی ترسیل میں شفافیت کو ہر قیمت پر یقینی بنایا جائیگا،مستحق خواتین اپنی پوری رقم وصول کریں اور رسید لینا ہرگز نہ بھولیں، ادائیگی کی کوئی فیس نہیں ہے۔
شازیہ مری نے کہا کہ شکایت کی صورت میں بی آئی ایس پی کی ٹول فری ہیلپ لائن 080026477 پر اطلاع کریں ، بی آئی ایس پی کا میسج صرف 8171 سے ہی آئیگا کسی بھی دوسرے نمبر سے پر موصول ہونے والے پیغام اعتبار نہ کیا جائے-