Tag: پیرس

وزیر اعظم شہباز شریف نے پاکستان انٹرنیشنل ایئر لائن کی پیرس کی پروازوں کے آغاز کے حوالے سے شائع کردہ ’ ’احمقانہ اشتہار‘ کی تحقیقات کا حکم دے دیا۔

میڈیا رپورٹس کے مطابق یہ بات نائب وزیراعظم اور وزیر خارجہ سینیٹر اسحٰق ڈار نے سینیٹ اجلاس کے دوران وقفہ سوالات میں ایک سوال کا جواب دیتے ہوئے بتائی۔چیئرمین سینیٹ یوسف رضا گیلانی کی زیر صدرات ہونے والے اجلاس میں پیپلز پارٹی کی سینیٹر شیری رحمٰن نے کا کہنا تھا کہ پی آئی اے نے یورپ کے لیے پروازوں کے آغاز کے لیے جو اشتہار جاری کیا، اس کی وجہ سے جگ ہنسائی ہوئی، انہوں نے جہاز دکھایا کہ وہ سیدھا ایفل ٹاور میں جا رہا ہے۔ اشتہار میں کہا گیا کہ ’پیرس وی آر کمنگ‘، یہ ایک نادانستہ غلطی ہوسکتی ہے لیکن بہت سارے تجزیہ کاروں نے، خاص طور پر یورپی تجزیہ کاروں اور سیکیورٹی ماہرین نے بھی اس پر کہا ہے کہ پی آئی اے کی طرف سے یہ کہا جا رہا ہے۔انہوں نے سوال اٹھایا کہ یہ کونسی اشتہاری ایجنسی ہے اور کون ہے وہ ذمے دار اہلکار جنہوں نے اس طرح کا اشتہار ڈالا، اتنی مشکلوں سے سسک، سسک کر یہ ایئرلائن یورپ کی طرف چلی ہے، اس کے ساتھ کیا کیا جا رہا ہے، اس کی نجکاری کیوں نہیں ہو پارہی، ایئرلائن کو اس طرح سے ڈانوا ڈول کیا ہوا ہے کہ میری کچھ سمجھ نہیں آرہا۔اس پر جواب دیتے ہوئے سینیٹر اسحٰق ڈار نے کہا کہ حکومتی اقدامات سے یورپ کے لیے پی آئی اے کی پروازیں بحال ہوئیں، گزشتہ حکومت کے وزیر ہوا بازی کے ایک بیان نے اربوں روپے کا معیشت کو نقصان پہنچایا، کابینہ اجلاس میں جب یہ معاملہ زیرِ بحث آیا تو ایک کمیٹی میری سربراہی میں بنائی گئی۔ یورپی یونین نے جو پابندی لگائی تھی، اب ختم ہوچکی ہے، پی آئی اے نجکاری کا عمل شفاف ہوا، اس کی کی نجکاری ہو گی، بہتر ہے پاکستان کا کارپوریٹ سیکٹر اس کو لے۔اسحٰق ڈار نے کہا کہ پی آئی اے نجکاری پر تیزی سے کام ہو رہا ہے، یو کے سے پی آئی اے پرواز بحالی کی کوشش کر رہے ہیں، انہوں نے کہا ہے کہ ان کی ٹیم جنوری کے اینڈ تک آئے گی، امید ہے کہ مارچ اپریل میں برطانیہ کے لیے پرواز بحال ہو جائے گی۔نائب وزیر اعظم کا کہنا تھا کہ ہم سفارتی سطح پر بھی کام کر رہے، اس بیان سے 87 ارب کا سالانہ نقصان ہوا ، کابینہ میں آج کہا ہے پی آئی اے سے متعلق بیان کے معاملے پر پر انکوائری ہونی چاہیے، اس سے پاکستانی پائلٹس کو نقصان ہوا ، بہتر ہو گا پی آئی اے کی نجکاری ہو جائے۔اسحٰق ڈار نے کہا کہ پی آئی اے کے متنازع اشتہار پر ہم نے کابینہ میں اور وزیراعظم نے بھی پی آئی اے کے اشتہار سے متعلق انکوائری کا آرڈر دے دیا ہے کہ کس نے اس اشتہار کے بارے میں سوچا، یہ تو بیوقوفی ہے کہ آپ ایفل ٹاور دکھا رہے ہیں، آپ جہاز اس کے اوپر بھی دکھا سکتے ہیں۔2013 میں پی آئی اے کی نجکاری ہونے جا رہی تھی لیکن 2018 کے بعد وہ نہیں ہوئی ، پی آئی اے کی نجکاری میں اس پر امید ہے اچھی دلچسپی آئے گی۔یاد رہے کہ گزشتہ دنوں ایکس پر اپنی ایک پوسٹ میں پی آئی اے نے اپنا ایک طیارہ ایفل ٹاور کی طرف اڑتے ہوئے دکھایا، پوسٹ میں فرانس کے جھنڈا کا رنگ دھندلے انداز میں آسمان پر پھیلا دکھایا، یا کم از کم اتنا کہا جا سکتا ہے کہ مشہور تاریخی مقام کے سامنے سرخ پرچم کی طرف ہوائی جہاز اڑتا ہوا دکھایا گیا جو دیکھنے میں تھوڑا پریشان کن لگتا ہے۔

کراچی، پولیس کا ضلع شرقی میں کومبنگ اور سرچ آپریشن

کراچی، پولیس کا ضلع شرقی میں کومبنگ اور سرچ آپریشن

بانی پی ٹی آئی کیخلاف اوپن اینڈ شٹ کیس ہے، مرتضی وہاب

اسلام آباد: پاکستان انٹرنیشنل ایئر لائنز (پی آئی اے) کی تقریباً ساڑھے 4 سال کے عرصے کے بعد پیرس کے لیے پہلی پرواز کل بروز جمعہ روانہ ہوگی-

باغی ٹی وی : ترجمان پی آئی اے کے مطابق پہلی پرواز جمعہ 10 جنوری کو اسلام آباد سے پیرس کے لیے 12 بج کر 10 منٹ پر روانہ ہوگی جبکہ پیرس آنے اور جانے والی پہلی اور دوسری پروازوں کے لیے فلائٹ بکنگ فل ہو چکی ہے جو کہ بہت خوش آئند ہے، پی آئی اے نے انٹرانیٹ وائرلیس انٹرٹینمنٹ سسٹم کے ذریعے ان فلائٹ انٹرٹینمنٹ کے لیے بھی خصوصی انتظامات کیے ہیں، مسافر اپنے موبائل فون، ٹیبلٹ یا لیپ ٹاپ کمپیوٹر کے ذریعے ان فلائٹ انٹرٹینمنٹ استعمال کر سکیں گے-

ترجمان پی آئی اے کے مطابق مسافروں کی جانب سے فلائٹ پر مثبت ردعمل سے ہم مستقبل میں مزید بہتر لوڈز کی توقع رکھتے ہیں، پیرس کی پروازیں اب فرا نس اور پاکستان میں پاکستانیوں کی دیرینہ خوائش کو پورا کرتی ہیں، پی آئی اے کی جانب سے مسافروں کو وقت کی بچت کی سہولت کے ساتھ سستے داموں ٹکٹ مل رہے ہیں۔

پاکستان کی قومی ایئر لائن پی آئی اے پر یورپ اور برطانیہ میں پروازوں پر پابندی رواں ماہ ختم ہونے کا امکان ہے، اس لئے پی آئی اے نے پروازوں کی تیاری شروع کر دی ہے

یورپ میں پی آئی اے سمیت پاکستانی طیاروں پر پابندی کے معاملے پر حکومتی اعلیٰ سطح وفد سیکرٹری ایوی ایشن کی سربراہی میں اتوار کو برسلز روانہ ہوگا،ڈپٹی ڈی جی سول ایوی ایشن سمیت دیگرافسران وفد میں شامل ہیں، حکومتی وفد یورپی کمیشن کے اجلاس میں شرکت کرے گا،یورپی سیفٹی ایجنسی ایاساکاسیفٹی ریویوبورڈکا اجلاس 14مئی کو برسلزمیں ہوگا، سی اے اے اور پی آئی اے کے اہم شعبوں کی آڈٹ سے متعلق رپورٹ پیش کی جائے گی،ترجمان سول ایوی ایشن کا کہنا ہے کہ ایاسا کے اہم شعبوں جانچ پڑتال میں کامیابی حاصل کی ، اجلاس میں پاکستان سے پابندی ہٹنے کے امکانات ہیں

پی آئی اے کی انتظامیہ نے پیرس کو اپنے یورپی فلائٹ آپریشن کے لیے حب بنانے کا فیصلہ کیا تھا، پی آئی اے کے اعلیٰ افسران کی ٹیم پیرس کا دورہ بھی کر چکی ہے،پی آئی اے انتظامیہ نے چار سال کے انتظار کے بعد یورپی ملکوں کے لیے فضائی آپریشن شروع کرنے کی منصوبہ بندی تیز کر دی ہے،پی آئی اے انتظامیہ کو یقین ہے کہ مئی کے وسط میں ہونے والے یورپی ایئر سیفٹی کمیٹی اجلاس میں پی آئی اے کو یورپی فضائی آپریشن بحال کرنے کی اجازت مل جائے گی،

پی آئی اے اگلے ماہ پیرس کے لیے اپنی براہ راست پروازیں بحال کرنے کی تیاری کر رہی ہے،اسلام آباد میں کونسل آف اکنامک اینڈ انرجی جرنلسٹس کے ایک وفد سے بات کرتے ہوئے، پی آئی اے کے چیئرمین عبداللہ حفیظ نے انکشاف کیا کہ قومی کیریئر کو رواں ماہ IASA سے اہم کلیئرنس ملنے کی امید ہے،”جیسے ہی ہمیں کلیئرنس مل جائے گی، ہم جون تک پیرس کے لیے پروازیں شروع کر دیں گے، جس کے بعد 14 اگست کو پاکستان سے برطانیہ کے ہیتھرو ہوائی اڈے کے لیے براہ راست پروازیں دوبارہ شروع ہو جائیں گی،”

یورپی اور برطانوی روٹس کی تیاری کے لیے، پی آئی اے نے اپنے بوئنگ 777 طیاروں کے بیڑے کی دیکھ بھال اور اوور ہال کے عمل کو تیز کر دیا ہے۔ فی الحال، سات بوئنگ 777 طیارے کام کر رہے ہیں، اور دو مزید اگلے دو ماہ کے اندر بیڑے میں شامل ہونے کی توقع ہے، جس سے پی آئی اے کو کل نو بوئنگ 777 طیاروں کے ساتھ یورپ اور برطانیہ کے لیے پروازیں چلانے کے قابل بنایا جائے گا۔ پاکستان کے دنیا بھر کے 97 ممالک کے ساتھ فضائی خدمات کے معاہدے ہیں۔ تاہم، طیاروں کی کمی اور مالی مجبوریوں کی وجہ سے، بین الاقوامی فلائٹ آپریشنز کو فی الحال صرف 14 مقامات تک محدود کر دیا گیا ہے،

پاکستان سے برطانیہ کے لیے براہ راست پروازیں 2020 میں معطل کردی گئی تھیں جب یورپی یونین ایوی ایشن سیفٹی ایجنسی (EASA) نے پی آئی اے پر یورپ اور برطانیہ کے لیے پروازوں پر پابندی عائد کردی تھی۔ یہ پابندی 2020 میں کراچی میں ایک المناک حادثے کے بعد لگائی گئی تھی جس میں تقریباً 100 افراد ہلاک ہوئے تھے اور پائلٹ لائسنس اسکینڈل سامنے آیا تھا، جس سے حفاظتی خدشات پیدا ہوئے تھے۔

توقع ہے کہ یورپی یونین اور برطانیہ کے لیے براہ راست پروازوں کی بحالی سے پی آئی اے کے آپریشنز کو نمایاں فروغ ملے گا اور بیرون ملک مقیم پاکستانیوں کے لیے آسان سفر کی سہولت ملے گی،

کونسی کمیٹی اپوزیشن کو جائے گی، کونسی حکومت کو ،ملکر طےکرتے ہیں،سپیکر قومی اسمبلی

متروکہ وقف املاک کی 14 سو47 ایکڑ زمین پر قبضہ ہے،وزیر قانون

عمران خان کی سابق معاون خصوصی کو حکومت میں عہدہ مل گیا

پی ٹی آئی کو ایک اور دھچکا، دوبارہ کروائے گئے انٹرا پارٹی انتخابات پر اعتراض عائد

ضمنی انتخابات میں مریم نواز کا جادو کیسے چلا؟ اہم انکشافات

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری