Tag: پیسکو

پشاور: رکن صوبائی اسمبلی فضل الہٰی نے رحمان بابا گرڈ اسٹیشن میں داخل ہوکر 10 فیڈرز کی بجلی بحال کردی۔

باغی ٹی وی :رکن اسمبلی اور ان کے ساتھی گرڈ اسٹیشن میں چارپائیوں پر لیٹ گئے کہتے ہیں کہ گرڈ سٹیشن پر ہی رہوں گا، بجلی بند نہیں کرنے دوں گا،ایم پی اے فضل الہٰی نے کہا کہ میں گرڈ اسٹیشن پرہی رہوں گا اور بجلی بند نہیں کرنےدوں گا، پیسکو اور ضلعی انتظامیہ نےلوڈشیڈنگ کا شیڈول دیا تھا، شیڈول کی خلاف ورزی پرگرڈاسٹیشن آکربجلی خود بحال کرنی پڑی۔

دوسری جانب پیسکو کے ایس ڈی او رشیدگڑھی سب ڈویژن نے اس معاملے پر رحمان بابا پولیس اسٹیشن کو مراسلہ تحریر کیا ہے۔

مستقبل میں ہمیں اسمارٹ فونز کی ضرورت نہیں ہوگی،ایلون مسک

مراسلے کے مطابق فضل الہٰی اور جمیل نے 45 افرادکے ہمراہ رحمان بابا گرڈ اسٹیشن پردھاوا بولا، ایم پی اے نے پولیس کی موجودگی میں زبردستی اخون آباد اور شلوزان فیڈر کی بجلی کھلوائی زبردستی فیڈر چلانے سے پیسکو کو 26 لاکھ 40 ہزار روپےکا نقصان ہوا،مراسلے میں ایم پی اے فضل الہٰی اور ساتھیوں کے خلاف ایف آئی آر درج کرنے کا مطالبہ کیا گیا ہے-

واضح رہے کہ پشاور، نوشہرہ، مردان اور کرک میں عید کے دوسرے روز بجلی کی لوڈشیڈنگ کے خلاف شہری سڑکوں پر آگئے اور نوشہرہ میں مظاہرین نے جی ٹی روڈ بند کردیا،دھر کرک میں بجلی کی لوڈشیڈنگ کے خلاف خواتین نے احتجاج کیا، شگئی روڈ بلاک کردیا جس سے ٹریفک کی روانی معطل رہی۔

12 کی بجائے 19 ماہ بعد سالگرہ منانے والا امریکی کروڑ پتی

خواتین مظاہرین کا کہنا ہےکہ علاقے میں 20 گھنٹے سےزیادہ لوڈشیڈنگ کی جارہی ہے پشاور میں کسٹم چوک باڑہ روڈ پر بجلی کی لوڈشیڈنگ کے خلاف مظاہرہ کیا گیا، ٹائر جلاکر روڈ بند کردیا ترجمان پیسکو کے مطابق آج سے شیڈول لوڈ شیڈنگ کی جا رہی ہے ، جہاں لائن لاسز زیادہ ہیں وہاں لوڈشیڈنگ بھی زیادہ ہے۔

مرزا جان کی قاتلانہ حملے میں شہادت حکومت اور اداروں کی کارکرد گی پر بدنما …

پشاور پیسکو چیف عارف محمود سدوزئی نے حیات آباد میڈیکل کمپلیکس کا دورہ کیا ہے، ترجمان پیسکو کے مطابق پیسکو چیف عارف محمود سدوزئی نے زخمی پولیس اہلکار کی عیادت کی۔ ترجمان پیسکو نے کہا کہ گزشتہ روز ہوئے پیسکو ٹیم اور پولیس اہلکار پر حملے کی شدید مذمت کی،واضح رہے کہ گزشتہ روز پیسکو ٹیم اور پولیس اہلکار پر فائرنگ کی گئی تھی جس کے نتیجہ میں ایک پولیس اہلکار زخمی ہوا تھا،پیسکو چیف نےحملہ آور کے خلاف سخت سے سخت قانونی کارروائی کرانے کی یقین دہانی کرائی ہے،

بجلی کی ترسیل کے ترقیاتی اور مرمتی کاموں کی وجہ سے سوات سرکل کے مختلف گرڈ سٹیشنز سے بجلی کی فراہمی 20 سے 31جولائی 2023 کے درمیان مختلف تاریخوں کو صبح سات بجے سے دوپہربارہ بجے تک معطل رہے گی۔ پیسکو کہ جانب سے جاری کردہ اعلامیے کے مطابق ٹرانسمیشن لائن کی سالانہ مرمت کی وجہ سے 132 کے وی جی ایس ایس امانکوٹ/مینگورہ، 132کے وی جی ایس ایس بریکوٹ، 132کے وی جی ایس ایس خوازہ خیلہ، 132کے وی جی ایس ایس مدین، 132کے وی جی ایس ایس بٹ خیلہ، 132کے وی جی ایس ایس چکدرہ،132کے وی جی ایس ایس تیمر گرہ/سادھو، 132 کے وی منڈہ،132 کے وی جی ایس ایس لال قلعہ، 66کے وی تیمر، 132 کے وی جی ایس ایس شانگلہ /بشام، 33کے وی تھا کوٹ اور 33کے وی پٹن سے بجلی کی فراہمی 20 سے 31جولائی 2023 کے درمیان مختلف تاریخوں کو صبح سات بجے سے دوپہربارہ تک معطل رہے گی۔

پشاور الیکٹرک سپلائی کمپنی (پیسکو) نے اعلان کیا ہے کہ شہر میں بجلی 5 روز بند رہےگی۔

باغی ٹی وی: پیسکو نے کہا ہے کہ پشاور میں ناگزیز مرمت کی وجہ سے رحمان بابا، کوہاٹ روڈ اور سٹی گرڈ سٹیشن سے بجلی فراہمی آج سے 17 جولائی تک صبح 7 سے دوپہر 12 بجے تک بند رہے گی ہزار خوانی، یکاتوت، چمکنی اور شریف آباداور دیگر مختلف علاقوں کے شہری بھی بجلی سے محروم رہیں گےاسی طرح نوتھیہ، بانہ ماڑی، کوہاٹ روڈ، سول کوارٹر،ہشتنگری، گلبہار، ریڈیو پاکستان، نشترآباد، ارمڑ سمیت مختلف علاقوں کے صارفین بھی متاثر رہیں گے مرمت کام مکمل ہوتے ہی بجلی کی فراہمی مذکورہ اوقات میں جاری رہے گی۔

دوسری جانب پشاور میں گرمی کی شدت میں اضافے سے بچے مختلف بیماریوں میں مبتلا ہو رہے ہیں۔ پشاور کے تینوں تدریسی اسپتالوں میں یومیہ 600 سے زیادہ ایسے بچوں کو لایا جا رہا ہے جو گیسٹرو اور ڈائیریا کا شکار ہیں، اسپتالوں میں گیسٹرو اور ڈائیریا کے امراض میں مبتلا بچوں کا رش بڑھ گیا ہے جس کے باعث لیڈی ریڈنگ اسپتال میں ایک بیڈ پر دو سے تین بچوں کو رکھا گیا ہے۔

دوسری جانب لیاری کے مکینوں نے بجلی کی لوڈ شیڈنگ کے خلاف شدید احتجاج کیا اور کے الیکٹرک کے ہیڈ آفس پر دھاوا بول دیا،لیاری کے علاقہ مکینوں نے پتھروں اور ڈنڈوں سے دفتر کے شیشے توڑ ڈالے، یہاں تک کہ دفتر کے باہر لگے سی سی ٹی وی کیمرے بھی توڑ دیے۔

کئی گھنٹے کے احتجاج کے بعد ادارے کی انتظامیہ نے مذاکرات کیے اور لوڈ شیڈنگ نہ ہونے کی یقین دہانی پر احتجاج ختم کیا گیا کے الیکٹرک کا مؤقف ہے کہ لیاری کا 38 فیصد علاقہ لوڈ شیڈنگ سے مستثنیٰ ہے جب کہ لیاری کے مختلف علاقوں کے نادہندگان پر10ارب روپے سے زائد کے واجبات ہیں۔

پشاور ہائی کورٹ میں چیف ایگزیکٹو افسر پیسکو کی تعیناتی کے خلاف کیس سماعت میں فاضل جج نے عدالتی احکامات کی عدم تعمیل کی صورت میں موجود چیف ایگزیکٹیو عارف سدوزئی کی تعیناتی ختم تصور قرار دی۔جسٹس اعجاز انور اور جسٹس شکیل احمد پر مشتمل دو رکنی بنچ نے یہ احکامات سابق چیف ایگزیکٹیو پیسکو گل نبی سید کی رٹ پر جاری کئے اور قرار دیا کہ اس قسم کے اہم عہدوں پر سٹاف گیپ کے تحت عارضی تقرری بہت سے مسائل کو جنم دیتی ہے عدالت نے سابق چیف ایگزیکٹیو آفیسر پیسکو انجینئر گل نبی کی رٹ کی سماعت کی ،سماعت کے دوران وکیل غلام محی الدین ملک ایڈوکیٹ نے عدالت کو بتایا کہ اس کے موکل کو 6 ستمبر 2022 کو تین سال کےلئے چیف پیسکو کے عہدے پر تعینات کیا گیا اور اس حوالے سے انہیں مختلف ٹاسک دیئے گئے جسے انہوں نے پورا کیا انہوں نے عدالت کو بتایا کہ جس وقت اس کو بطور چیف لایا جا رہا تھا اس وقت ریکوری بہت کم تھی جس پر درخواست گزار نے اپنے کوششیں جاری رکھی اور ریکوری کو بھی 95 فیصد تک پہنچا دیا، اس کے ساتھ ساتھ لائن لاسز 42 فیصد سے کم کرکے 36 فیصد تک لانے میں کامیاب ہوئے انہوں نے عدالت کو بتایا کہ اس ضمن میں انہوں نے مختلف شعبہ جات میں بہتری کےلئے اقدامات اٹھائے تاہم اسکی جگہ سیاسی بنیادوں پر انجینئر عارف سدوزئ کی تقرری کی گئی انہوں نے عدالت کو بتایا کہ انہیں تین ماہ کا وقت دیا گیا تھا کہ وہ اپنی کارکردگی کو بہتربنائیں تاہم یہ صرف بہانے ہیں کیونکہ حالیہ سیلابوں کےباعث انہوں نے ریکوری کی بجائے ری کنسٹرکشن پر توجہ دی اور صرف پیسکو کے ساتھ ساتھ دیگر ڈیسکو کو بھی ایسے مسائل کا سامنا ہے جس میں وہ اپنے مطلوبہ نتائج حاصل نہ کرسکے لیکن اس کی سب سے بڑی وجہ سیلاب کی تباہ کاریاں تھیں وکیل صفائی نے عدالت کو بتایا کہ اب اسلام آباد میں تعینات ایک انجینئرعارف محمود سدوزئی کو اس پوسٹ پر تعینات کر دیا گیا ہے کیونکہ وہ ایک سابق پیسکو چیف کے بھائی ہے اور ایک اعلی سیاسی شخصیت کے علاقے کے ہیں حالانکہ اس کا پیسکو کے ساتھ دور دور تک کوئی تعلق نہیں انہوں نے عدالت کوبتایا کہ اس اقدام سے پیسکو کے اپنے ملازمین میں بے چینی پھیلی ہے کیونکہ ایک پیراشوٹر کو کس طرح لاکر یہاں پر چیف ایگزیکٹیو تعینات کیا گیا جو کہ غیر ائینی اور غیرقانونی ہے عدالت نے دلائل مکمل ہونے پر وفاقی حکومت کو مستقل طور چیف ایگزیکٹیو پیسکو کی تعیناتی کے لئے دو ماہ کی مہلت دے دی اور انہیں تمام امور قانون اور رولز کے مطابق کرنے کا حکم جاری کردیا جبکہ عدم تعمیل کی صورت میں موجودہ چیف ایگزیکٹیو کی تقرری منسوخ تصور ہوگی۔اسکے ساتھ ساتھ عدالت نے یہ بھی حکم دیا کہ اس قسم کے اہم عہدوں پر عارضی تقرریوں سے اداروں کی کارکردگی متاثر ہوتی ہے۔