Baaghi TV

Tag: پینشن

  • پنشن اسکیم بحالی مطالبہ؛ حکومت کیخلاف مہم جوئی تیز

    پنشن اسکیم بحالی مطالبہ؛ حکومت کیخلاف مہم جوئی تیز

    پرانی پنشن اسکیم کی بحالی کا مطالبہ کرتے ہوئےمرکزی اور ریاستی حکومتوں کے کئی لاکھ ملازمین نے دارالحکومت کے رام لیلا میدان میں مظاہرہ کیا جبکہ دی ٹیلی گراف کی رپورٹ کے مطابق اتر پردیش کے اٹاوہ سے یہاں پہنچے ٹیچر لیڈرسنیل باجپئی نےکہا کہ انڈمان اور لداخ سمیت ملک بھر سے 8 سے 10 لاکھ ملازمین جمع ہوئے تھے۔

    تاہم مرکزی اور ریاستی سرکاری ملازمین کی تنظیم نیشنل موومنٹ فار اولڈ پنشن اسکیم ے احتجاجی مظاہرے کی کال دی تھی اور این ایم او پی ایس مرکز اور زیادہ تر ریاستوں کے ذریعے نئی پنشن اسکیم (این پی ایس) کے آغاز کے بعد بھرتی کیے گئے ملازمین کے لیے پرانی پنشن اسکیم (او پی ایس) کی بحالی کے لی بھارت میں ملک گیر تحریک کی قیادت کر رہا ہے۔

    پرانی پنشن اسکیم ایک ملازم کو ان کی آخری تنخواہ کے 50 فیصد کے برابر پنشن کا حقدار بناتی ہے 2004 میں مرکز کی طرف سے متعارف کرائی گئی اور زیادہ تر ریاستوں کے ذریعے اپنائی گئی نئی پنشن اسکیم میں ایک ملازم کو اپنی پنشن کے لیے سرکار کے مساوی شراکت کی ضرورت ہوتی ہے۔ اس اسکیم میں شراکت کی سب سے زیادہ شرح پربھی حتمی پنشن پرانی پنشن اسکیم کے مقابلے میں بہت کم ہے۔
    مزید یہ بھی پڑھیں؛
    وزیراعلیٰ محسن نقوی کی شہید ہارون الرشیدکی والدہ، اہلیہ، بچوں اوربھائیوں سے ملاقات
    36گھنٹوں میں پاکستان میں زلزلہ، خطرناک پیشین گوئی،مریم نواز کی جلسی ناکام

    مذہبی ہم آہنگی کے فروغ کیلیے اسلامی نظریاتی کونسل کو مزید متحرک ہونا ہو گا،وزیراعظم
    نومبر یا مارچ میں الیکشن کرایا جائے ، مولانا عبدالواسع
    امریکی ڈالر کے مقابلے روپیہ کی قدر میں مزید بہتری
    واضح رہے کہ این ایم او پی ایس کے رکن باجپائی نے کہا کہ مرکز کے ریلوے، دفاع اور ڈاک کے محکموں اور ریاستی حکومت کے تمام محکموں کے ملازمین نے اس میں حصہ لیا اور انہوں نے کہا کسان لیڈر راکیش ٹکیت اور اپوزیشن لیڈر جیسے کانگریس کے ادت راج، عام آدمی پارٹی سے سنجے سنگھ اور سماج وادی پارٹی کے کلدیپ یادو سمیت کئی لیڈروں نے احتجاج میں حصہ لیا۔

    جبکہ باجپئی نے کہا کہ میٹنگ میں فیصلہ کیا گیا ہے کہ این ایم او پی ایس اگلے چند دنوں تک حکومت کے جواب کا انتظار کرے گی اور ان کا کہنا تھا کہ اگر کوئی مثبت جواب نہیں ملتا ہے، تواین ایم او پی ایس تمام ریاستوں میں بی جے پی کے خلاف مہم چلائے گی اور لوگوں سے کہے گی کہ وہ 2024 کے عام انتخابات میں پارٹی کو ووٹ نہ دیں۔

  • پینشن حاصل کرنےکیلئےبیوی کی لاش 5 سال تک گھرکےفریزرمیں چھپاکررکھنےوالاشوہرگرفتار

    پینشن حاصل کرنےکیلئےبیوی کی لاش 5 سال تک گھرکےفریزرمیں چھپاکررکھنےوالاشوہرگرفتار

    بیوی کی پینشن حاصل کرنے کے لیے اس کی موت کے بعد 5 سال تک لاش گھر کے فریزر میں چھپاکر رکھنے والے شوہر کو پولیس نے گرفتار کرلیا۔

    باغی ٹی وی: غیر ملکی میڈیا رپورٹس کے مطابق سوئیڈن کی ایک عدالت نے ناروے کے شہری کو اس کیس میں ساڑھے تین سال قید کی سزا سنائی جس میں پولیس کو اس کی مردہ بیوی کی لاش فریزر سے ملی،جسے اس نے اس کی پنشن جمع کرنے کے دوران اسے رکھا تھا۔

    رپورٹس کے مطابق 57 سالہ شخص کی 60 سالہ اہلیہ کی موت 2018 میں کینسر سے ہوگئی تھی، خاتون کے گھر والوں نے اس کے ساتھ رابطہ ختم ہونے کے بعد اس کی گمشدگی کی اطلاع پولیس کو دی جب کہ شوہر سے جب خاتون کے گھر والے بات کرانے کا کہتے تو وہ یہ کہہ کر ٹال دیتا کہ وہ سو رہی ہے یا گھر میں نہیں ہے، بعدازاں اس نے کہا کہ وہ اپنے گھر والوں سے بات ہی نہیں کرنا چاہتی۔

    انتخابی عمل کو پاکستان کے قوانین کے مطابق آگے بڑھایا جائے،امریکا

    پولیس کو ایک اطلاع کے بعد مارچ میں خاتون کی لاش ملی، بعد ازاں شوہر نے اعتراف کیا کہ اس نے بیوی کی موت کی خبر اور لاش چھپا رکھی تھی ابتدائی طور پر شوہر نے دعویٰ کیا کہ اس نے موسم بہار کا انتظار کرنے کے لیے ایسا کیا تھا تا کہ وہ اپنے فارم کے قریب لاش دفن کر سکے ایک رپورٹ میں دعویٰ کیا گیا ہے کہ اس شخص نے اپنی اہلیہ کی لاش کو فریزر میں رکھنے کے لیے اسے کاٹ بھی لیا تھا، جہاں اس نے کھایا ہوا کھانا بھی محفوظ کررکھا تھا۔

    اس عرصے کے دوران وہ بیوی کے نام کی پینشن لیتا رہا ، پولیس کی تفتیش کے دوران اس نے انکشاف کیا کہ پینشن حاصل کرتے رہنے کے لیے اس نے بیوی کی لاش چھپانے کا فیصلہ کیا تھا۔

    لیبیا میں طوفان سے تباہی،ہلاکتیں 20 ہزار ہونے کا خدشہ

    ایک پراسیکیوٹر نے دلائل دیتے ہوئےکہا کہ اس شخص نے فریزر کو دوسرے مقاصد کے لیے بھی استعمال کیا، جس کا مطلب یہ ہے کہ جب بھی اس شخص نے فریزر کھولا اور بند کیا، تو میت کی قبر کے تقدس کو پامال کیا گیا، جو کہ ایک تشویشناک صورت حال ہے-

  • پی سی بی کا کھلاڑیوں کی پینشن میں فی کس ایک لاکھ روپے اضافے کا اعلان

    پی سی بی کا کھلاڑیوں کی پینشن میں فی کس ایک لاکھ روپے اضافے کا اعلان

    لاہور:پاکستان کرکٹ بورڈ نےپلیئرز ویلفیئر پالیسی کے تحت تمام کٹیگریز میں شامل کھلاڑیوں کی پینشن میں فی کس ایک لاکھ روپے اضافے کا اعلان کردیا ہے۔

    اس اضافے کے بعد اب دس یا اس سے کم ٹیسٹ میچز میں پاکستان کی نمائندگی کرنے والے ریٹائرڈ کھلاڑیوں کو ماہوار ایک لاکھ 42 ہزار روپے پینشن ملے گی۔ گیارہ سے بیس ٹیسٹ میچز میں پاکستان کی نمائندگی کرنے والے ریٹائرڈ کھلاڑی اب ماہوار ایک لاکھ 48 ہزار روپے ماہوار پینشن وصول کریں گے۔ اسی طرح 21 یا اس سے زائد ٹیسٹ میچز میں پاکستان کی نمائندگی کرنے والے ٹیسٹ کرکٹرز کی ماہوار پینشن 52 ہزار روپے سے بڑھا کر ایک لاکھ 52 ہزار روپے کردی گئی ہے۔

    پی سی بی ویلفیئر پالیسی میں ترمیم کے بعد اب کسی بھی سابق ٹیسٹ کرکٹر کی وفات کے بعد ان کی پینشن ان کی اہلیہ کو پی سی بی سے وصول کرنے کا اختیار ہوگا۔ اس سے قبل کرکٹر کی وفات کے بعد ان کے قانونی ورثاء کو صرف ایک مرتبہ ہی پینشن وصول کرنے کا حق تھا، جو ان کی کٹیگری کی بریکٹ کے مطابق 12 ماہ کے برابر تھی۔

    پی سی بی کی ویلفیئر پالیسی آخری مرتبہ جنوری 2019 میں اپ ڈیٹ کی گئی تھی۔لہٰذا پی سی بی نے آئندہ مہنگائی کی شرح کے مطابق ریٹائرڈ کھلاڑیوں کی پینشن میں سالانہ اضافےکا اعلان بھی کردیا ہے۔

    رمیز راجہ، چیئرمین پی سی بی:

    چیئرمین پی سی بی رمیز راجہ کا کہنا ہے کہ کھلاڑیوں کی پینشن کی میں اضافے اورپی سی بی ویلفیئر پالیسی میں دیگر ترامیم کا اعلان کرتے ہوئے انہیں بہت خوشی محسوس ہورہی ہے۔ ایک سابق کرکٹر کی حیثیت سے پاکستان کرکٹ کے امور کی سربراہی ملنے پران سے توقع تھی کہ وہ ہمیشہ موجودہ اور سابق کرکٹرز کے مفادات کی حفاظت اور ان کی فلاح کے لیے عملی اقدامات کریں گے ۔ انہیں خوشی ہے کہ وہ اپنا ایک اور وعدہ پورا کرنے میں کامیاب رہے اور ان ترامیم کے بعد اب کھلاڑیوں کی پینشن میں سالانہ اضافہ بھی ہوا کرے گا۔

    رمیز راجہ نے مزید کہا کہ پینشن میں اضافے کے علاوہ پی سی بی نےسابق کھلاڑیوں کے انتقال کے بعد ان کی بیواؤں کی حفاظت کو بھی یقینی بنایا ہے۔ ایک سابق کرکٹر کی حیثیت سےوہ جانتے ہیں کہ کھلاڑیوں کے اہلخانہ کتنی قربانیاں دیتے ہیں ۔ یقین ہے کہ یہ ترامیم کرکٹرز کے ساتھ ساتھ ان کی شریک حیات کے لیے بھی اطمینان کا سبب بنیں گی۔

    انہوں نے کہا کہ پی سی بی ایک ایسا ادارہ ہے جو اپنے کرکٹرز کو قدر کی نگاہ سے دیکھتا ہے۔ پی سی بی پلیئرز ویلفیئر پالیسی میں یہ ترامیم پی سی بی کےان عزائم کا منہ بولتا ثبوت ہیں ۔ وہ یقین دلانا چاہتے ہیں کہ وہ ان کی حمایت جاری رکھیں گے ۔ اس کے علاوہ سابق کھلاڑیوں کی فلاح و بہبود کے لیے پی سی بی کا بینوولنٹ فنڈ پہلے ہی موجود ہے۔

    پی سی بی پلیئرز ویلفیئر پالیسی میں تازہ ترین تبدیلیاں یکم جولائی 2022 سے نافذ العمل ہوں گی ۔ 60 سال یا اس سے زائد عمر کے کرکٹرز اس پالیسی سے مستفید ہو سکیں گے۔

     

  • اوکاڑہ میں واضع حکومتی اعلان کے باوجود بھی ملازمین کو تاحال تنخواہیں نہ مل سکیں

    اوکاڑہ میں واضع حکومتی اعلان کے باوجود بھی ملازمین کو تاحال تنخواہیں نہ مل سکیں

    اوکاڑہ(علی حسین مرزا) یکم سے تین مئی تک بینکوں میں مسلسل تین چھٹیوں کیوجہ سے ملازمین اور پینشنرز کو تنخواہ اور پینشن 30 اپریل کو دینے کے واضع حکومتی اعلان کے باوجود تنخواہیں اور پینشنز نہیں ملی۔ پورے ضلع اوکاڑہ میں لوگ 30 اپریل کو تنخواہوں اور پینشنوں سے محروم رہے۔