Tag: پیٹرولیم ڈیلرز

پیٹرولیم ڈیلرز نے حکومت کی جانب سے پیٹرولیم سیکٹر کو ڈی ریگولیٹ کرنے کے یک طرفہ فیصلے کو مسترد کردیا۔

باغی ٹی وی کےمطابق پیٹرولیم ڈیلرز نے اس فیصلے کے خلاف ملک بھر میں آج سے بینرز آویزاں کرنے کا فیصلہ کیا ہے۔چیئرمین پاکستان پیٹرولیم ڈیلرز ایسوی ایشن سمیع خان نے کہا کہ حکومت نے ڈی ریگولیشن کا یک طرفہ فیصلہ واپس نہ لیا تو ہڑتال سمیت ہر طرح کا احتجاج کیا جاسکتا ہے۔سمیع خان کا کہنا ہے کہ احتجاج سمیت تمام فیصلے آج ہنگامی اجلاس میں کیے جائیں گے جب کہ پیٹرولیم ڈیلرز نے مصدق ملک کو احتجاجی خط بھی لکھ دیا ہے۔ان کا کہنا تھا کہ ڈی ریگولیٹ کرنے سے ملاوٹ شدہ تیل میں نمایاں اضافہ ہوگا اور ایرانی پیٹرولیم مصنوعات کی اسمگلنگ دگنی ہوجائے گی، ہم اس اقدام کی شدید مخالفت کرتے ہیں اور فیصلے پر فوری نظرثانی کا مطالبہ کرتے ہیں۔

انہوں نے کہا کہ وزیر پیٹرولیم اس معاملے پر پی پی ڈی اے کے ایک وفد کے ساتھ میٹنگ بلائیں۔ پی ایس او ہاؤس میں ہونے والی پچھلی میٹنگ میں واضح طور پر بتایا گیا کہ ڈی ریگولیشن کی جانب کوئی بھی اقدام ڈیلرز سے مشاورت کے بغیر آگے نہیں بڑھے گا۔سمیع خان مزید کہتے ہیں کہ پاکستان بھر میں 15,000 سے زیادہ ڈیلرز اس فیصلے کو مسترد کرتے ہیں اور مذمت کرتے ہیں، یہ فیصلہ ہمارے ان پٹ کے بغیر کیا گیا ہے۔

کرم میں کشیدہ صورتحال کے پیش نظر انتظامی افسران کے تبادلے

عوام پاکستان سوچ اور فکر کی جماعت ہے،شاہد خاقان عباسی

عوام پاکستان سوچ اور فکر کی جماعت ہے،شاہد خاقان عباسی

پی ٹی آئی احتجاج کے نام پرانتشار پھیلا رہی ہے،بیرسٹرعقیل ملک

پاکستان پیٹرولیم ڈیلرز نے ڈی ریگولیشن پالیسی کو مسترد کرتے ہوئے ملک بھر میں پیٹرول پمپس بند کرنے کا اشارہ دے دیا ہے۔

باغی ٹی وی کے مطابق چیئرمین آل پاکستان پیٹرولیم ڈیلرز ایسوسی ایشن عبدالسمیع خان نے ویڈیو پیغام میں کہا ہے کہ پیٹرولیم مصنوعات کی قیمتوں پر ڈی ریگولیٹ فارمولے کو مسترد کرتے ہیں، ڈی ریگولیٹ فارمولا عائد ہونے سے پیٹرولیم اسمگلنگ اور ملاوٹ کا سلسلہ شروع ہو جائے گا۔ پیٹرولیم مصنوعات کی قیمتوں کو ڈی ریگولیٹ کرنے سے پیٹرول پمپ اپنی قیمت کا تعین خود کرے گا۔ سینڑل کمیٹی کا ہنگامی اجلاس طلب کر لیا ہے، آج ملک بھر میں احتجاجی بینرز آویزاں ہو جائیں گے۔

کوئٹہ میں دھماکہ،ایک شخص جاں بحق

عبدالسمیع خان نے کہا کہ وزارت پیٹرولیم کو ہنگامی خط میں ڈی ریگولیٹ فارمولے کی مخالفت اور مارجن بڑھانے کا مطالبہ کیا جائے گا۔ پیڑولیم ڈیلرز کا فی لیٹر مارجن 4 فیصد اضافے سے 13 روپے کیا جائے۔ اوگرا نے ڈی ریگولیٹ فارمولے پر پیٹرولیم ڈیلرز کی حمایت کی مگر منسٹری کے سامنے بولنے کی ہمت نہیں۔چیئرمین پی پی ڈی اے کا کہنا تھا کہ ایران سے پیٹرولیم اسمگلنگ پھر بڑھنا شروع ہوگئی، اسمگلنگ ختم کرنے کے لیے وفاق ایران سے لیگل ایگریمنٹ کرے۔ مصدق ملک نے پیٹرولیم ڈیلرز کو نظرانداز کیا، دعویٰ کرتا ہوں ڈی ریگولیشن سے عوام کو سستا پیڑول نہیں ملے گا۔

سونے کی قیمت تاریخ کی نئی بلند ترین سطح پر جا پہنچی

ایران کا دارالحکومت تہران سے منتقل کرنے کا فیصلہ

ویرات کوہلی بڑے اعزاز سےمحروم