Tag: پی ایس ایل 10

پاکستان سپر لیگ (پی ایس ایل) کے دسویں ایڈیشن کے فائنل میں لاہور قلندرز نے کوئٹہ گلیڈی ایٹرز کو 6 وکٹوں سے شکست دے کر تیسری بار چیمپئن بننے کا اعزاز حاصل کر لیا۔

لاہور کے قذافی اسٹیڈیم میں کھیلے گئے سنسنی خیز مقابلے میں کوئٹہ گلیڈی ایٹرز نے پہلے بیٹنگ کرتے ہوئے 202 رنز کا ہدف دیا، جسے لاہور قلندرز نے عمدہ بیٹنگ کی بدولت آخری اوور میں 4 وکٹوں کے نقصان پر حاصل کر لیا۔لاہور قلندرز کی جانب سے بیٹرز نے شاندار کارکردگی دکھائی، لاہور قلندرز اس فتح کے ساتھ پی ایس ایل ٹائٹل تین مرتبہ جیتنے والی پہلی ٹیم بن گئی ہے۔

قذافی اسٹیڈیم لاہور میں کھیلے جانے والے اس بڑے مقابلے میں کوئٹہ گلیڈی ایٹرز نے ٹاس جیت کر پہلے بیٹنگ کا فیصلہ کیا اور 20 اوورز میں 8 وکٹوں کے نقصان پر 201 رنز اسکور کیے۔اننگز کی خاص بات حسن نواز اور فہیم اشرف کی جارحانہ بیٹنگ رہی، جنہوں نے ابتدائی اوورز میں ہی لاہور کی بولنگ پر دباؤ ڈال دیا۔ دونوں کھلاڑیوں نے عمدہ اسٹروک پلے کا مظاہرہ کرتے ہوئے شائقین کو خوب محظوظ کیا۔

لاہور قلندرز کے گیند بازوں نے درمیانے اوورز میں واپسی کی کوشش کی، تاہم کوئٹہ کے بیٹرز نے آخری اوورز میں ایک بار پھر تیز رفتاری سے اسکور کیا اور ٹیم کو ایک مضبوط مجموعے تک پہنچا دیا۔

ٹاس کے بعد سعود شکیل نے کہا کہ فائنل سے قبل ہمیں آرام کا موقع ملا، جس سے ہم مزید تازہ دم ہوگئے ہیں۔ان کا کہنا تھا کہ ہم لاہور قلندرز کی مضبوط باؤلنگ کے خلاف ایک بڑا اسکور بنانا چاہتے ہیں اور انہیں مشکل ہدف دینے کی کوشش کریں گے، جبکہ میں نے کھلاڑیوں کو یہی کہا ہے کہ یہ صرف ایک میچ ہے، فائنل کے دباؤ کو محسوس نہ کریں۔

ٹیم میں تبدیلی کے حوالے سے سعود شکیل نے بتایا کہ محمد وسیم مکمل فٹ نہیں تھے، اس لیے ان کی جگہ خرم شہزاد کو ٹیم میں شامل کیا گیا ہے۔لاہور قلندرز کے کپتان شاہین شاہ آفریدی نے کہا کہ ہم تسلسل سے اچھی کرکٹ کھیل رہے ہیں اور آج بھی اسی کارکردگی کو دہرانا چاہتے ہیں، تمام کھلاڑیوں کو اپنے کردار کا علم ہے۔

شاہین شاہ آفریدی نے بتایا کہ سکندر رضا کی ٹیم میں واپسی ہوئی ہے، جنہیں شکیب الحسن کی جگہ پلئنگ الیون کا حصہ بنایا گیا ہے۔

خیبر پختونخوا میں فورسز کی کارروائیاں،9 بھارتی حمایت یافتہ دہشت گرد مارے گئے

پاکستان سپر لیگ (پی ایس ایل) سیزن 10 کے فائنل میں پاک بحریہ کو بھرپور انداز میں خراجِ تحسین پیش کیا جائے گا۔

پاکستان کرکٹ بورڈ (پی سی بی) کے جاری کردہ اعلامیے کے مطابق اس سے قبل پی ایس ایل کے مختلف مراحل میں پاک فوج اور پاک فضائیہ کی خدمات کو سراہا جا چکا ہے، جب کہ اس بار فائنل میچ کے دوران پاک بحریہ کی قربانیوں کو خراج تحسین پیش کیا جائے گا۔پی سی بی حکام کے مطابق قذافی اسٹیڈیم لاہور میں فائنل میچ کے دوران اننگز کے وقفے میں ایک خصوصی تقریب کا اہتمام کیا جائے گا، جس میں پاک بحریہ کے نمایندگان بھی شریک ہوں گے۔

دوسری جانب پی ایس ایل سیزن 10 کے فائنل سے قبل قذافی اسٹیڈیم میں فائنلسٹ ٹیموں کے کپتانوں کا پی ایس ایل ٹرافی کے ساتھ فوٹو سیشن منعقد ہوا۔ لاہور قلندرز کے کپتان شاہین شاہ آفریدی اور کوئٹہ گلیڈی ایٹرز کے قائد سعود شکیل نے ٹرافی کے ہمراہ تصاویر بنوائیں۔

یاد رہے کہ پی ایس ایل سیزن 10 کا فائنل اتوار 26 مئی کی شام 7 بج کر 30 منٹ پر قذافی اسٹیڈیم لاہور میں کھیلا جائے گا، جب کہ پی سی بی نے کسی ممکنہ تاخیر یا بارش کی صورت میں اسی روز کو ریزرو ڈے کے طور پر مختص کیا ہے۔

دہشت گردی کے خلاف عزمِ راسخ ، تحریر:جان محمد رمضان

شام کے عبوری صدر احمد الشرع اچانک ترکی کے دورے پر پہنچ گئے

مقبوضہ کشمیر میں آپریشن بنیان مرصوص کے پوسٹرز لگ گئے

ادبی دنیا کا پہلا ایوارڈ.تحریر:کنزہ محمد رفیق

پاکستان سپر لیگ (پی ایس ایل) کے دسویں ایڈیشن کے 29ویں میچ میں لاہور قلندرز نے پشاور زلمی کو 26 رنز سے شکست دے کر پلے آف مرحلے کے لیے کوالیفائی کرلیا۔

راولپنڈی کرکٹ اسٹیڈیم میں کھیلا گیا یہ میچ بارش سے متاثر ہوا جس کے باعث اوورز کی تعداد 13،13 مقرر کی گئی۔میچ کا ٹاس تاخیر کا شکار ہوا اور ساڑھے 7 بجے شروع ہونے والا ٹاس رات 9 بج کر 30 منٹ پر ہوا۔ میچ کو محدود اوورز میں کھیلنے کا فیصلہ بارش کی شدت کے باعث کیا گیا۔

قلندرز نے پہلے کھیلتے ہوئے مقررہ 13 اوورز میں 149 رنز کا بڑا مجموعہ اسکور بورڈ پر سجا دیا۔فخر زمان نے شاندار بلے بازی کا مظاہرہ کرتے ہوئے 36 گیندوں پر 60 رنز کی دھواں دھار اننگز کھیلی، جس میں 3 چھکے اور 7 چوکے شامل تھے۔محمد نعیم نے 10 گیندوں پر جارحانہ 22 رنز بنائے۔دیگر بلے بازوں میں عبداللہ شفیق 5، کوشال پریرا 17، سکندر رضا 4 اور آصف علی 18 رنز بنا کر آؤٹ ہوئے۔

زلمی کی جانب سےاحمد دانیال، علی رضا اور ڈینئل سیمز نے شاندار بولنگ کرتے ہوئے 2،2 وکٹیں حاصل کیں۔ہدف کے تعاقب میں پشاور زلمی 123 رنز تک محدود رہی اور مقررہ اوورز میں ہدف حاصل کرنے میں ناکام رہی۔ لاہور قلندرز کی شاندار فیلڈنگ اور بولنگ نے زلمی کی بیٹنگ لائن پر دباؤ برقرار رکھا، جس کے باعث وہ میچ میں کم بیک نہ کر سکے۔لاہور قلندرز نے یہ اہم میچ 26 رنز سے جیت کر پلے آف مرحلے کے لیے کوالیفائی کرلیا۔

اس سے قبل پاکستان سپر لیگ (پی ایس ایل) سیزن 10 کے 29ویں میچ میں پشاور زلمی نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا ۔ مسلسل بارش اور خراب موسم کے باعث میچ کو 13 اوورز فی اننگز تک محدود کر دیا گیا ہے۔پاکستان سپر لیگ (پی ایس ایل) سیزن 10 کے ایک اہم میچ میں لاہور قلندرز اور پشاور زلمی کے درمیان گروپ مرحلے کا مقابلہ بارش کے باعث تاخیر کا شکار ہو گیا۔ شدید آندھی اور بارش کے باعث ٹاس میں تاخیر ہوئی اور بعد ازاں امپائرز نے گراؤنڈ کا معائنہ کرنے کے بعد میچ کو 13 اوورز فی اننگز تک محدود کرنے کا فیصلہ کیا۔

راولپنڈی اور اسلام آباد میں آنے والی تیز آندھی اور بارش کے سبب پچ کو کور کیا گیا، جس کے بعد گراؤنڈ اسٹاف نے پانی نکالنے اور حالات بہتر بنانے کی کوششیں کیں۔ امپائرز کی جانب سے موسم اور گراؤنڈ کی صورتحال کے جائزے کے بعد محدود اوورز کے میچ کا اعلان کیا گیا۔

غزہ پر اسرائیلی بمباری جاری، 214 گھنٹوں میں شہداء کی تعداد 125 ہوگئی

افغان ٹرانزٹ پر ناجائز منافع خوری روکنے کے لیے 10 فیصد پروسیسنگ فیس عائد

شاہد آفریدی کا لائن آف کنٹرول کا دورہ، کشمیری عوام اور پاک فوج کو خراجِ تحسین

کالعدم ٹی ٹی پی کا اہم کمانڈر عبدالواحد افغانستان میں فائرنگ سے ہلاک

پاکستان سپر لیگ (پی ایس ایل) 10 کے بقیہ میچز کے لیے غیر ملکی کھلاڑیوں کی پاکستان آمد کا سلسلہ جاری ہے۔ ابتدائی راؤنڈ میں دستیاب نہ ہونے والے متعدد بین الاقوامی کھلاڑیوں نے بھی باقی 8 میچز کے لیے شرکت پر آمادگی ظاہر کر دی ہے۔

باغی ٹی وی کے مطابق، شکیب الحسن (بنگلہ دیش)، بھانوکا راجا پاکسے (سری لنکا)، دنیش چندیمل، اویشکا فرنینڈو (سری لنکا)، گلبدین نائب (افغانستان)، جارج منسے (اسکاٹ لینڈ)، ایلکس ہیلز (انگلینڈ) اور رسی وین ڈر ڈیوسن (جنوبی افریقہ) جیسے کھلاڑی ابتدائی میچز کا حصہ نہیں تھے، تاہم اب یہ تمام کھلاڑی 17 مئی سے راولپنڈی میں میدان میں نظر آئیں گے۔

یاد رہے کہ پاک بھارت کشیدگی کے باعث پی ایس ایل 10 کو عارضی طور پر ملتوی کر دیا گیا تھا، اور تمام غیر ملکی کھلاڑیوں کو محفوظ طریقے سے وطن واپس روانہ کیا گیا تھا۔ تاہم اب پاکستان کرکٹ بورڈ (پی سی بی) نے ٹورنامنٹ کا نیا شیڈول جاری کر دیا ہے۔
🔹 بقیہ میچز کا شیڈول:
راولپنڈی کرکٹ اسٹیڈیم میں لیگ کے آخری 4 میچز کھیلے جائیں گے۔

قذافی اسٹیڈیم لاہور میں پلے آف اور فائنل سمیت باقی میچز ہوں گے۔

🔹 کھلاڑیوں کی ٹیموں میں شمولیت:
شکیب الحسن اور راجا پاکسے → لاہور قلندرز

گلبدین نائب، دنیش چندیمل، اویشکا فرنینڈو → کوئٹہ گلیڈی ایٹرز

جارج منسے → کراچی کنگز

الیکس ہیلز، رسی وین ڈر ڈیوسن، ڈیوڈ وارنر، بین میک ڈرموٹ، جیمز ونس، سکندر رضا، لیوک ووڈ، ٹام کوہلر کیڈمور، میکس برائنٹ، نجیب اللہ زدران اور کوشل مینڈس بھی پاکستان آمد کی تصدیق کر چکے ہیں۔

🔹 نیوزی لینڈ کے کھلاڑیوں کی شرکت؟
نیوزی لینڈ کے کھلاڑیوں کو این او سی (NOC) کے اجرا میں مشکلات کا سامنا ہے، تاہم پی سی بی کیوی کرکٹ بورڈ اور کھلاڑیوں سے مذاکرات میں مصروف ہے۔