لاہور: پاکستان سپر لیگ (پی ایس ایل) 7 کے فائنل میں جیتنے والی ٹیم کو ٹرافی کے علاوہ 8 کروڑ روپے بھی دیئے جائیں گے-

باغی ٹی وی : تفصیلات کے مطابق پی ایس ایل کے ساتویں ایڈیشن میں پاکستان سپر لیگ کا فائنل ہارنے والی ٹیم کے حصے میں 3 کروڑ 20 لاکھ روپے آئیں گے جبکہ پلیئر اف دی ٹورنامنٹ کے 30 لاکھ روپے کا چیک دیا جائے گا جبکہ بہترین بیٹر اور سب سے زیادہ وکٹیں لینے والا بولر، بہترین فیلڈر، کیپر، ایمرجنگ، آل راؤنڈر اور امپائر آف دی لیگ کو بھی 35،35 لاکھ روپے کے چیک پیش کیے جائیں گے۔

شاہنواز دھانی کی کارکردگی سے شاہد آفریدی بھی متاثر

پاکستان کرکٹ بورڈ کی جانب سے اسپرٹ آف کرکٹ ایوارڈ بھی دیا جائے گا جس کی مالیت بھی 35 لاکھ روپے ہوگی۔

پاکستان سپر لیگ 7 کا فائنل کل ملتان سلطانز اور لاہور قلندرز کے درمیان کھیلا جائے گا ایونٹ کا فائنل پاکستانی وقت کے مطابق شام 7:30 بجے قذافی اسٹیڈیم میں کھیلا جائے گا۔

اس سے قبل دونوں ٹیمیں پی ایس ایل 7 میں 2 مرتبہ ایک دوسرے کے مدمقابل آچکی ہے ان مقابلوں میں ایک میچ لاہور قندرز اور دوسرا ملتان سلطانز نے جیتا۔

دوسری جانب لاہور قلندرز کے خلاف فائنل سے قبل ملتان سلطانز کو بڑی خوشخبری ملی ہے کیونکہ آل راؤنڈر ٹیم ڈیوڈ نے ٹیم کو جوائن کر لیا ہے۔

حارث رؤف کی جانب سے کامران غلام کو تھپڑ مارنے کا واقعہ،پی سی بی حکام نے نوٹس لے…

ذرائع کے مطابق آسٹریلوی کرکٹر ٹیم ڈیوڈ کورونا سے صحت یاب ہو چکے ہیں اور وہ کل کے میچ کے لیے ٹیم کو دستیاب ہوں گے ٹیم ڈیوڈ کورونا ٹیسٹ مثبت آنے کے باعث کوالیفائر نہیں کھیل سکے تھے۔

It would’ve been great to be part of @lahoreqalandars and play alongside lads in @thePSLt20 final.
I won’t be able to make it for the finals due to National Duty which is always a first priority.I wish my captain @iShaheenAfridi @sameenrana and team GOOD LUCK INSHALLAH ❤️ 🤲🏻

— Rashid Khan (@rashidkhan_19) February 26, 2022

ادھر افغانستان کے لیگ اسپنر راشد خان نے پاکستان سپر لیگ (پی ایس ایل) 7 کا فائنل کھیلنے کی خبروں کی تردید کر دی ہے اپنی ٹوئٹ میں انہوں نے کہا کہ میرے لیے یہ بہت خوشی کی بات ہوتی اگر میں بھی لاہور قلندرز کی ٹیم کا حصہ ہوتا اور فائنل کھیلتا نیشنل ڈیوٹی کی وجہ سے میں پی ایس ایل کا فائنل کھیلنے سے قاصر ہوں، قومی ٹیم سے کھیلنا میری پہلی ترجیح ہے۔

پی ایس ایل 7: فخر زمان نے بابراعظم کا ریکارڈ اپنے نام کرلیا

لاہور قلندرز کے اوپنر فخر زمان نے کراچی کنگز کے کپتان بابراعظم کا ریکارڈ اپنے نام کرلیا۔

باغی ٹی وی : پاکستان سپر لیگ (پی ایس ایل) سیزن 7 کے پلے آف مرحلے کے پہلے میچ میں لاہور قلندرز کو ملتان سلطانز کے خلاف شکست کا سامنا کرنا پڑا تاہم رواں ایڈیشن میں انہوں نے سب سے زیادہ رنز اور ففٹیز بنانے کا ریکارڈ بھی اپنے نام کرلیا ہے۔

لاہور قلندرز کے اوپنر نے اس سیزن میں 8 مرتبہ ففٹیز پلس اسکور کیے، جو پی ایس ایل کے کسی بھی ایڈیشن میں کسی پلئیر کی جانب سے ایک ریکارڈ ہے رواں پی ایس ایل میں فخر زمان اب تک 7 نصف سینچریاں اور ایک سینچری بناچکے ہیں۔

ان سے قبل گزشتہ سال بابراعظم کراچی کنگز کی نمائندگی کرتے ہوئے مسلسل 11 اننگز میں 7 مرتبہ ففٹی پلس اسکور کیے تھے فخر زمان نے اس سیزن میں 11 میچز کھیل کر 584 رنز اسکور کرکے ایونٹ میں ٹاپ رن اسکورر ہیں جبکہ گزشتہ سیزن میں بابراعظم نے اتنے ہی میچز میں 554 رنز اسکور کیے تھے-

دورہ پاکستان: آسٹریلیا نے ون ڈے اور ٹی ٹوئنٹی اسکواڈ کا اعلان کر دیا

واضح رہے کہ پاکستان سپر لیگ (پی ایس ایل) 7 کے کوالیفائر میچ میں ملتان سلطانز نے لاہور قلندرز کو 28 رنز سے شکست دے کر ٹورنامنٹ کے فائنل میں رسائی حاصل کر لی لاہور قلندرز نے ملتان سلطانز کے خلاف ٹاس جیت کر فیلڈنگ کا فیصلہ کیا۔

قذافی اسٹیڈیم میں کھیلے گئے میچ میں ملتان سلطانز کی جانب سے دیا گیا 164 رنز کا ہدف حاصل کرنے میں ناکام رہی اور مقررہ اوورز میں 9 وکٹوں کے نقصان پر 135 رنز بنا سکی۔

لاہور قلندرز کی جانب سے فخر زمان نے 45 گیندوں پر 63 رنز کی اننگز کھیلی، جب کہ کامران غلام نے 20 رنز بنائے ملتان سلطانز کے شاہنواز دھانی نے عمدہ بولنگ کا مظاہرہ کیا اور رنز دے کر وکٹیں حاصل کیں۔

پاکستانی ٹیم کےآسٹریلوی باؤلنگ کوچ شان ٹیٹ کے والد انتقال کر گئے

ملتان سلطانز کی جانب سے محمد رضوان نے 53 ، رائلی روسوو نے 65 جب کہ عامر عظمت نے 33 رنز کی اننگز کھیلی لاہور قلندرز کے محمد حفیظ اور سمیت پٹیل نے ایک ایک کھلاڑی کو آؤٹ کیا۔

خیال رہے کہ لاہور قلندرز نے اہم میچ کے لیے ٹیم میں دو تبدیلیاں کیں عبد اللہ شفیق اور سمیت پٹیل کو سہیل اختر اور فواد احمد کی جگہ ٹیم میں شامل کیا گیا تھا ملتان سلطانز نے فارم میں موجود ٹم ڈیوڈ کی جگہ جانسن چارلس کو شامل کیا تھا ٹم ڈیوڈ کورونا کے باعث ٹیم سے باہر ہو گئے ہیں۔

پی ایس ایل 7 :2 کمنٹیٹرز کا بھی کورونا ٹیسٹ مثبت آ گیا

لاہور: پشاور زلمی نے سپر اوور میں لاہور قلندرز کو شکست دے دی-

باغی ٹی وی : قذافی اسٹیڈیم لاہورمیں کھیلے گئے ایچ بی ایل پی ایس ایل 7 کے آخری لیگ میچ میں پشاور زلمی نے سپر اوور میں لاہور قلندرز کو شکست دے دی۔ فاتح ٹیم نے ایک اوور میں چھ رنز کا ہدف بغیر کوئی وکٹ گنوائے دوسری گیند پر حاصل کرلیا۔ لاہور قلندرز نے پہلے بیٹنگ کرتے ہوئے سپر اوور میں بغیر کسی نقصان کے پانچ رنز اسکور کیے تھے۔

اس سے قبل ایچ بی ایل پی ایس ایل 7 کے تیسویں میچ میں لاہور قلندرز نے شاہین شاہ آفریدی کی شاندار بلے بازی کی بدولت پشاور زلمی کے خلاف میچ برابر کردیا تھا۔شاہین شاہ آفریدی نے میچ کے آخری اوور میں 23 رنز اسکور کرکے میچ برابر کیا تھا۔

اس میچ شکست کے باوجود لاہور قلندرز کی ٹیم ایچ بی ایل پی ایس ایل 7 کے پہلے کوالیفائر میں ملتان سلطانز کے مدمقابل آئے گی۔ دونوں ٹیموں کہوے مابین مقابلہ 23 فروری بروز بدھ کو قذافی اسٹیڈیم لاہور میں کھیلا جائے گا۔پشاور زلمی کی ٹیم ایونٹ کے پہلے ایلیمنٹر میں 24 فروری بروز جمعرات کو اسلام آباد یونائیٹڈ کے مدمقابل آئے گی۔

مطلوبہ ہدف کے تعاقب میں لاہور قلندرز کے ان فارم بیٹر اور ٹورنامنٹ میں چھ نصف سنچریاں اسکور کرنےوالے اوپنر فخر زمان اننگز کی پہلی گیند پر کھاتہ کھولے بغیر پویلین واپس لوٹے تو ان کی ٹیم دباؤ کا شکار ہوگئی اورمحمد حفیظ کے علاوہ ان کا کوئی بھی کھلاڑی زیادہ دیر کریز پر نہ ٹھہرسکا۔ تجربہ کار بیٹر بھی 44گیندوں پر 49 رنز بناکر آؤٹ ہوئے۔

لاہور قلندرز کو جیت کے لیے آخری 12 گیندوں پر 30 رنز درکار تھےتاہم وہاب ریاض نے اننگز کے انیسویں اوور کی پہلی گیند پر سیٹ بیٹر محمد حفیظ اور نئے آنے والے بیٹر حارث رؤف کی وکٹیں حاصل کرنے کے علاوہ صرف چھ رنزدے کر میچ میں پشاور زلمی کی گرفت مزید مضبوط کردی تاہم شاہین شاہ آفریدی نے میچ کے آخری اوور میں محمد عمر کو ایک چوکا اور تین چھکے لگا کر اسکور برابر کردیا۔

فاسٹ باؤلرز وہاب ریاض اور ارشد اقبال نے دو دو وکٹیں حاصل کیں۔شعیب ملک، عماد بٹ، محمد عمر اور خالد عثمان نے ایک ایک کھلاڑی کو آؤٹ کیا۔

پشاور زلمی کے کپتان وہاب ریاض نے ٹاس جیت کر پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 158 رنز بنائےتھے۔ ان فارم اوپنر محمد حارث کے 6 کے انفرادی اسکور پر آؤٹ ہونے کے بعد حضرت اللہ ززائی نے کامران اکمل کے ہمراہ 36 رنز کی شراکت قائم کرکے مزاحمت کی کوشش کی تاہم وہ بھی 20 اسکور بناکر آؤٹ ہوگئے۔ کامران اکمل نے 18 رنز اسکور کیے۔

اس کے بعد تجربہ کار بیٹر شعیب ملک نے نوجوان کرکٹر حیدر علی کے ہمراہ 60 رنز کی پارٹنرشپ قائم کی۔ یہ پشاور زلمی کی اننگز کی سب سے لمبی پارٹنرشپ تھی۔ شعیب ملک 32 رنز بناکر پشاور زلمی کے سب سے نمایاں بیٹر رہے۔ حیدر علی نے 25 رنز اسکور کیے۔اختتامی اوورز میں خالد عثمان 19 اور حسین طلعت 17 رنز بناکر ناٹ آؤٹ رہے۔

فواد احمد نے 26 رنز کے 2 کھلاڑیوں کو آؤٹ کیا۔ محمد حفیظ، ڈیوڈ ویزے، حارث رؤف اور شاہین شاہ آفریدی نے ایک ایک وکٹ حاصل کی۔

پی ایس ایل 7: پلے آف مرحلے سے پہلے پشاور زلمی کو بڑا جھٹکا لگ گیا۔

باغی ٹی وی : تفصیلات کے مطابق پشاور زلمی سے متعلقہ پانچ لوگوں کے کورونا ٹیسٹ مثبت آگئے ہیں فرنچائز کے کھلاڑیوں عثمان قادر، بین کٹنگ اور کوچ ہاشم آملہ سمیت دیگر دو لوگوں کے کورونا ٹیسٹ مثبت آئے ہیں جس کے باعث انہیں قرنطینہ کردیا گیا ہے۔

خیال رہے کہ پی ایس ایل کا پلے آف مرحلہ 23 فروری سے شروع ہوگا ۔ ملتان سلطانز، لاہور قلندرز، پشاور زلمی اور اسلام آباد یونائیٹڈ کی ٹیمیں اگلے مرحلے کیلئے کوالیفائی کرچکی ہیں۔

وزیراعظم کی ازدواجی زندگی بارے بے بنیاد درخواست پر نجم سیٹھی کو جرمانہ

دوسری جانب ہ قذافی اسٹیڈیم لاہور میں پی ایس ایل 7 کا 30 واں میچ لاہور قلندرز اور پشاور زلمی کی ٹیموں کے مابین جاری ہے دونوں ٹیمیں پہلے ہی پلے آف راونڈ کے لیے کوالیفائی کر چکی ہیں۔

پی ایس ایل 7 کے 30 ویں میچ میں پشاور زلمی نے لاہور قلندرز کو جیت کے لیے 159 رنز کا ہدف دے دیا قذافی اسٹیڈیم میں کھیلے جا رہے میچ میں پشاور زلمی نے لاہور قلندرز ٹاس جیت کر پہلے بیٹنگ کرنے کا فیصلہ کیا پشاور زلمی کی جانب سے شعیب ملک نے 32، حیدر علی نے 25 جب کہ خالد عثمان نے 19 رنز کی اننگز کھیلی۔

لاہور قلندرز کی جانب سے فواد احمد نے 2 جب کہ شاہین، حارث، ویزے اور حفیظ نے ایک ایک کھلاڑی کو آؤٹ کیا۔

حارث رؤف کی جانب سے کامران غلام کو تھپڑ مارنے کا واقعہ،پی سی بی حکام نے نوٹس لے لیا

لاہور قلندرز اور پشاور زلمی کے درمیان جاری میچ کے دوران حارث رؤف نے کامران غلام کو تھپڑ مارے جانے کے واقعے کا نوٹس لے لیا ۔

باغی ٹی وی :ذرائع کےمطابق حارث رؤف کی جانب سے کامران غلام کو تھپڑ مارے جانے کے واقعے پر پاکستان کرکٹ بورڈ (پی سی بی) کے حکام سخت نالاں ہیں۔ میچ ریفری علی نقوی نے بھی معاملے کا نوٹس لے لیا ہے۔

ذرائع کا کہنا ہے کہ حارث رؤف نے میچ کے دوران ساتھی کھلاڑی کو تھپڑ مار کر پی سی بی کے قوانین کی خلاف ورزی کی، ان کے خلاف کارروائی کا امکان ہے۔

پاکستان سپر لیگ (پی ایس ایل) 7 میں پشاور زلمی کے خلاف میچ کے دوران حضرت اللہ زازئی کا کیچ چھوڑنے پر لاہور قلندرز کے فاسٹ بولر حارث رؤف نے ساتھی کھلاڑی کامران غلام کو تھپڑ جڑ دیا۔

پشاور زلمی اور لاہور قلندرز کے درمیان میچ کھیلا گیا اور پہلے اوورز میں حارث رؤف کی گیند پر زلمی کے حارث کیچ آؤٹ ہوئے وکٹ لینے پر جشن کے دوران حارث رؤف نے ساتھی کھلاڑی کامران غلام کو تھپڑ جڑ دیا۔

Wreck-it-Rauf gets Haris! #HBLPSL7 l #LevelHai l #LQvPZ pic.twitter.com/wwczV5GliZ

— PakistanSuperLeague (@thePSLt20) February 21, 2022

سوشل میڈیا پر وائرل ہونے والی ویڈیو میں دیکھا جا سکتا ہے کہ حارث رؤف اگلی گیند پر وکٹ لینے کے بعد جب سب کھلاڑی انہیں مبارک باد دینے آتے ہیں تو وہ پچھلی گیند پر کیچ ڈراپ کرنے پر کامران غلام کو تھپڑ جڑ دیتے ہیں تھپڑ کھا کر کامران غلام ہنستے رہے، جبکہ حارث رؤف انہیں غصے سےگھورتے رہے۔

خیال رہے کہ قذافی اسٹیڈیم لاہور میں پی ایس ایل 7 کا 30 واں میچ لاہور قلندرز اور پشاور زلمی کی ٹیموں کے مابین جاری ہے دونوں ٹیمیں پہلے ہی پلے آف راونڈ کے لیے کوالیفائی کر چکی ہیں۔

پی ایس ایل 7 کے 30 ویں میچ میں پشاور زلمی نے لاہور قلندرز کو جیت کے لیے 159 رنز کا ہدف دے دیا قذافی اسٹیڈیم میں کھیلے جا رہے میچ میں پشاور زلمی نے لاہور قلندرز ٹاس جیت کر پہلے بیٹنگ کرنے کا فیصلہ کیا پشاور زلمی کی جانب سے شعیب ملک نے 32، حیدر علی نے 25 جب کہ خالد عثمان نے 19 رنز کی اننگز کھیلی۔

لاہور قلندرز کی جانب سے فواد احمد نے 2 جب کہ شاہین، حارث، ویزے اور حفیظ نے ایک ایک کھلاڑی کو آؤٹ کیا۔

کراچی کنگز نے روایتی حریف لاہور قلندرز کو شکست دے کر ٹورنامنٹ میں پہلی کامیابی حاصل کرلی-

باغی ٹی وی: ایچ بی ایل پی ایس ایل 7 کے چھبیسویں میچ میں کراچی کنگز نے لاہور قلندرز کو 22 رنز سے ہرا کر ٹورنامنٹ میں پہلی کامیابی حاصل کرلی ہے۔ میچ میں شکست کے باوجود لاہور قلندرز کی ٹیم دس پوائنٹس کے ساتھ ایونٹ کے پلے آف مرحلے میں رسائی حاصل کرچکی ہے۔

قذافی اسٹیڈیم لاہور میں کھیلے گئے میچ میں لاہور قلندرز کی ٹیم 150 رنز کے تعاقب مقررہ بیس اوورز میں 9 وکٹوں کے نقصان پر 127 رنز ہی بناسکی۔ فاتح ٹیم کے میرحمزہ نے شاندار باؤلنگ کرتے ہوئے 27 رنز دے کر 4 کھلاڑیوں کو پویلین کی راہ دکھائی۔

مطلوبہ ہدف کے تعاقب میں فخر زمان اور عبداللہ شفیق پر مشتمل لاہور قلندرز کی ان فارم اوپننگ جوڑی متاثرکن کارکردگی کا مظاہرہ نہ کرسکی اور محض 10 کے مجموعی اسکور پر دونوں اوپنرز آؤٹ ہوکر پویلین واپس لوٹ گئے۔دونوں بیٹرز کو میر حمزہ نے آؤٹ کیا۔

جس کے بعد تجربہ کار بیٹر محمد حفیظ نے لاہور قلندرز کی کمان سنبھالی اور تیسری وکٹ کے لیے کامران غلام کے ہمراہ 42 رنز کی شراکت قائم کرکے ٹیم کو سنبھالادینے کی کوشش کی تاہم وہ بھی 33 کے انفرادی اسکور پر رن آؤٹ ہوگئے۔ کامران غلام نے13 رنز اسکور کیے۔ لاہور قلندرز کی آدھی ٹیم 64 رنز پر پویلین واپس لوٹ چکی تھی۔ایسے میں ڈیوڈ ویزے اور ہیری بروک نے چھٹی وکٹ کے لیے 55 رنز کی شراکت قائم کی۔

لاہور قلندرز کو جیت کے لیے آخری 12 گیندوں پر 31 رنز درکار تھے تاہم میرحمزہ نے ایک ہی اوور میں دو سیٹ بیٹرز ڈیوڈ ویزے اور ہیری بروک کو آؤٹ کرکے میچ میں کراچی کنگز کی پوزیشن مزید مستحکم کردی۔ڈیوڈ ویزے 31 اور ہیری بروک 26 رنز بناکر آؤٹ ہوئے۔

میرحمزہ نے چار جبکہ کرس جارڈن نے دو وکٹیں حاصل کیں۔

اس سے قبل کراچی کنگز کی پوری ٹیم نوجوان فاسٹ باؤلر زمان خان اور لیگ اسپنر راشد خان کی نپی تلی باؤلنگ کی بدولت 19.5 اوورز میں 149 رنز بناکر آؤٹ ہوگئی تھی۔ اوپنر شرجیل خان 39رنز بناکر نمایاں رہے۔ڈبل فگرز میں داخل ہونے والے باقی چار بیٹرز لوئس گریگری 27، قاسم اکرم 26 اور روحیل نذیر 18 رنز بناکر آؤٹ ہوئے۔

زمان خان اور راشد خان نے بالترتیب 16 اور 17 رنز کے عوض چار چار کھلاڑیوں کو پویلین کی راہ دکھائی۔محمد حفیظ اور شاہین شاہ آفریدی نے ایک ایک وکٹ حاصل کی۔

پاکستان سپر لیگ (پی ایس ایل) 7 کے 25 ویں میچ میں ملتان سلطانز نے کوئٹہ گلیڈی ایٹرز کو 118 رنز سے شکست دے دی-

باغی ٹی وی : قذافی اسٹیڈیم لاہور میں کھیلے گئے میچ میں کوئٹہ ٹیم کی ملتان کی جانب سے دیا گیا 246 رنز کا ہدف حاصل کرنے میں ناکام رہی اور پوری ٹیم 130 رنز بنا کر آؤٹ ہو گئی۔

کوئٹہ کی جانب سے عمراکمل 50 اور جیسن روے 38 رنز بنا کر نمایاں رہے، ملتان کے دھانی، ڈیوڈ ولی، آصف آفریدی اور خوش دل شاہ نے بالترتیب دو دو کھلاڑیوں کو آؤٹ کیا۔

اس سے پہلے ملتان سلطانز نے کوئٹہ گلیڈی ایٹرز کے خلاف ٹاس جیت کر بیٹنگ کا فیصلہ کیا ملتان سلطانز کے کپتان محمد رضوان نے اپنی شاندار فارم کا تسلسل جاری رکھا اور ناقابل شکست 83 رنز کی اننگز کھیلی ان کے علاوہ شان مسعود نے 57 جب کہ رائلی روسوو نے 71 رنز بنائے۔ کوئٹہ کی جانب سے عرفان، نسیم اور غلام مدثر نے ایک ایک وکٹ حاصل کی۔

کوئٹہ گلیڈی ایٹرز کے کپتان سرفراز احمد نے کہا تھا کہ ٹاس جیت جاتے تو ہم بھی بولنگ ہی کرتے،کوشش کریں گے کہ ملتان سلطانز کو کم اسکور تک محدود کریں انہوں نے بتایا کہ ہم نے اپنی ٹیم میں دو تبدیلیاں کی ہیں، جیمز ونس اور خرم شہزاد کی جگہ احسن علی اور محمد عرفان کو ٹیم میں شامل کیا ہے۔

دوسری جانب ملتان سلطانز کی ٹیم میں آج کے میچ کے لیے ایک تبدیلی کی گئی بلیسنگ موزربانی کی جگہ ڈیوڈ ولے کی واپسی ہوئی-

واضح رہے کہ پی ایس ایل 7 کے پوائنٹس ٹیبل میں ملتان سرفہرست ہے، اس کے 8 میچز میں 14 پوائنٹس ہیں، سلطانز پہلے ہی پلے آف مرحلے کے لیے کوالیفائی کرچکے ہیں جبکہ کوئٹہ گلیڈی ایٹرز کے 8 میچز میں 6 پوائنٹس ہیں اور وہ ٹیبل پر پانچویں پوزیشن پر ہے۔

لاہور: پی ایس ایل کے اہم میچ میں اسلام آباد یونائیٹڈ نے کراچی کنگز کو سنسنی خیز مقابلے کے بعد ایک رنز سے شکست دے دی-

باغی ٹی وی: تفصیلات کے مطابق پاکستان سپرلیگ (پی ایس ایل) 2022 کے میچ میں اسلام آباد یونائیٹڈ نے کراچی کنگز کو فتح کے لیے 192رنز کا ہدف دیا ہے۔

لاہور کے قذافی اسٹیڈیم میں پاکستان سپر لیگ کے سیزن سیون کا 21 واں ٹی ٹوئنٹی میچ کراچی کنگز اور اسلام آباد یونائیٹڈ کے درمیان کھیلا جا رہا ہے ٹورنامنٹ میں اب تک فتح سے محروم کراچی کنگز کے کپتان بابر اعظم نے ٹاس جیت کر باؤلنگ کا فیصلہ کیا۔

یونائیٹڈ کے اوپنرز نے دھواں دار آغاز ضرور کیا لیکن صرف 12 رنز کی شراکت بنا پائے رحمٰن اللہ گرباز 5 گیندوں پر 2 چھکوں کی مدد سے 12 رنز بنا کر عماد وسیم کی گیند پر بابراعظم کا کیچ بنے۔

محمد اخلاق بھی جلد ہی 26 کے اسکور پر صرف 2 رنز جوڑ کر میر حمزہ کی گیند پر آؤٹ ہوئے الیکس ہیلز نے کپتان شاداب خان کے ساتھ مل کر اسکور 69 رنز تک پہنچایا اور 25 رنز کی اننگز کھیل کر آؤٹ ہوئے.

شاداب خان نے ایک چھکے اور تین چوکوں کی بدولت 34رنز کی اننگز کھیلی لیکن 87 کے مجموعے پر عماد نے ان کی اننگز کے آگے فل اسٹاپ لگا دیا۔

اسکور 107 تک پہنچا ہی تھا کہ لیام ڈاسن بھی صرف 15 رنز بنا کر ہم وطن جورڈن تھامسن کی وکٹ بن گئے۔

اس مرحلے پر اعظم خان کا ساتھ دینے آصف علی آئے اور دونوں نے پانچویں وکٹ کے لیے 30رنز جوڑے، اعظم خان ایک مرتبہ پھر وکٹوں کے درمیان غلط فہمی کے نتیجے میں 22رنز بنا کر رن آؤٹ ہو گئے۔

آصف علی 11 گیندوں پر تین چھکوں اور ایک چوکے کی مدد سے 29رنز کی اننگز کھیلنے کے بعد آؤٹ ہوئے۔

اختتامی اوورز میں فہیم اشرف نے جارحانہ کھیل پیش کیا جس کی بدولت اسلام آباد یونائیٹڈ نے 20 اوورز میں 7 وکٹوں کے نقصان پر 191رنز بنائے، فہیم نے 10 گیندوں پر 2 چھکوں اور تین چوکوں کی مدد سے 29رنز بنائے۔

کراچی کنگز کی جانب سے عماد وسیم نے 2 وکٹیں حاصل کیں جبکہ میر حمزہ، عمید آصف ، جورڈن تھامسن اور کرس جورڈن کے نام ایک، ایک وکٹ رہی۔

دوسری جانب ہدف کے تعاقب میں کراچی کنگز کو اننگز کے آغاز میں ہی بابر اعظم صرف 13 رنز بنانے کے بعد نوجوان ذیشان ضیر کا شکار بن گئے تاہم ایک گیند بعد ہی ذیشان انجری کا شکار ہو کر میدان سے باہر چلے گئے لیکن ان کی جگہ اوور مکمل کرنے کے لیے آنے والے لیام ڈاسن نے پہلی ہی گیند پر جو کلارک کو آؤٹ کر دیا-

بعد ازاں شاداب خان بھی انجری کے سبب میدان سے باہر چلے گئے اور پوری اننگز میں باؤلنگ نہ کر سکے اس کے بعد شرجیل خان کا ساتھ دینے صاحبزادہ فرحان آئے اور دونوں نے تیسری وکٹ کے لیے 59رنز کی شراکت قائم کی، اس سے قبل کہ یہ شراکت خطرناک ثابت ہوتی، صاحبزادہ فرحان 21 گیندوں پر 17رنز بنا کر چلتے۔

29 گیندوں پر 44 رنز بنا کر شرجیل خان بھی چھکا مارنے کی کوشش میں باؤنڈری پر کیچ دے بیٹھے اسی اوور میں آصف علی کی ایک گیند پربولڈ ہو گئے، جب نبی آؤٹ ہوئے تو 11 اوورز میں کنگز کی آدھی ٹیم 80رنز پر ڈھیر ہو چکی تھی تاہم عماد وسیم اور نوجوان قاسم اکرم نے عمدہ شراکت اور جارحانہ بیٹنگ سے میچ کا نقشہ بدل دیا دونوں کھلاڑیوں نے ذمے دارانہ کھیل پیش کرنے کے ساتھ ساتھ جارحانہ بیٹنگ کی عماد وسیم اور قاسم نے صرف 52 گینوں پر 108رنز کی شراکت قائم کی اور اپنی ٹیم کو فتح کی دہلیز تک پہنچا دیا۔

جب عماد وسیم میچ کے آخری اوور میں 28 گیندوں پر 55 رنز بنا کر آؤٹ ہوئے تو کراچی کنگز کو تین گیندوں پر فتح کے لیے چار رنز درکار تھے وقاص نے نئے بلے باز جورڈن تھامسن کو بولڈ کردیا اور اس طرح آخری گیند پر کنگز کوفتح کے لیے دو رنز درکار تھے آخری گیند پر کرس جورڈن نے سنگل رن لینے کی کوشش کی لیکن گیند واپس باؤلر کے پاس گئی جنہوں نے براہ راست تھرو پر انگلش بلے باز کو آؤٹ کر کے اپنی ٹیم کو فتح سے ہمکنار کرادیا قاسم اکرم نے 26 گینوں پر 51 رنز کی اننگز کھیلی-

میچ کے لیے دونوں ٹیمیں ان کھلاڑیوں پر مشتمل ہیں۔

اسلام آباد یونائیٹڈ: شاداب خان (کپتان)، ایلکس ہیلز، رحمٰن اللہ گرباز، محمد اخلاق، اعظم خان، آصف علی، لیام ڈاسن، فہیم اشرف، حسن علی، وقاص مقصود، ذیشان ضمیر

کراچی کنگز: بابراعظم (کپتان)، شرجیل خان، جو کلارک، جورڈن تھامسن، محمد نبی، صاحبزادہ فرحان، قاسم اکرم، عماد وسیم، کرس جورڈن، عمید آصف، میر حمزہ

کراچی کنگز اسکور ٹیبل پر سب سے آخر میں ہے جب کہ اسلام آباد یونائیٹڈ نے ٹورنامنٹ کا آغاز اتنا اچھا نہیں کیا تھا تاہم اب وہ سنبھلتے ہوئے نظر آرہے ہیں اور 6 پوئنٹس حاصل کرچکے ہیں۔

کراچی کنگز کے کپتان بابر اعظم نے ٹیم میں کوئی تبدیلی نہیں کی ہے تاہم اسلام آباد یونائیٹڈ نے وسیم جونئیر کی جگہ وقاص مقصود کو ٹیم میں شامل کیا ہے۔

کراچی کنگز کے کپتان کا کہنا تھا کہ آج کا میچ جیت کر فائنل فور میں رہنے کی کوشش کریں گے،کوشش ہوگی کہ اسلام آباد یونائیٹڈ کو جلد آؤٹ کریں۔

کراچی کنگز اسکور ٹیبل پر سب سے آخر میں ہے جب کہ اسلام آباد یونائیٹڈ نے ٹورنامنٹ کا آغاز اتنا اچھا نہیں کیا تھا تاہم اب وہ سنبھلتے ہوئے نظر آرہے ہیں اور 6 پوئنٹس حاصل کرچکے ہیں۔

کراچی کنگز کے کپتان بابر اعظم نے ٹیم میں کوئی تبدیلی نہیں کی ہے تاہم اسلام آباد یونائیٹڈ نے وسیم جونئیر کی جگہ وقاص مقصود کو ٹیم میں شامل کیا ہے۔

کراچی کنگز کے کپتان کا کہنا تھا کہ آج کا میچ جیت کر فائنل فور میں رہنے کی کوشش کریں گے،کوشش ہوگی کہ اسلام آباد یونائیٹڈ کو جلد آؤٹ کریں۔

پاکستان سُپر لیگ کے 17 ویں میچ میں ملتان سلطانز کے کپتان محمد رضوان اور لاہور قلندرز کے کپتان شاہین شاہ آفریدی کا ایک چھوٹا سا ویڈیو کلپ اس وقت سوشل میڈیا پر وائرل ہو رہا ہے-

باغی ٹی وی : گزشتہ رات پی ایس ایل 7 کے میچ کے دوران ایک ایسا لمحہ آیا جس نے شائقین کرکٹ کے دل جیت لئے ملتان سلطانز کے کپتان محمد رضوان میچ میں جب شاہین شاہ آفریدی کا سامنا کرنا کررہے تھے تو لاہور قلندرز کے کپتان نے رن آؤٹ کرنے کے لیے غصے میں انہیں ڈرایا۔

پی ایس ایل7: لاہور قلندرز نے ناقابل شکست ملتان سلطانز کو 52 رنز سے ہرادیا

شاہین شاہ کے غصے کےجواب میں محمد رضوان نے غصہ کرنے کے بجائے اشارہ کیا کہ آجاؤ گلے لگتے ہیں، اور تصوراتی طور پرانہیں ہنستے ہوئے گلے بھی لگایا۔

سوشل میڈیا پر محمد رضوان کے اس اقدام کو خوب سراہا جارہا ہے، اور مختلف تعریفی و مزاحیہ تبصرے کیے جارہے ہیں۔

“Aisay na mujhe tum dekho, seenay se lagaaa loonga” pic.twitter.com/mEjBLGiiG2

— Faizan Lakhani (@faizanlakhani) February 11, 2022

Bowler stares down Mohammad Rizwan. He responds with the offer of a hug #PSL7 #MSvsLQ pic.twitter.com/1cVeYNbONm

— Saj Sadiq (@SajSadiqCricket) February 11, 2022

It was more like… https://t.co/biY5zjz2Pl

— finewhining 🤧🥂 (@hhamnaaa) February 11, 2022

https://twitter.com/taimoorze/status/1492178069976760337?s=20&t=i0FxEDasc8Sy7NWmqWNM_w

the way Rizwan gave Shaheen this cute little virtual hug was everything. 🥺♥️ pic.twitter.com/USEbNYlih8

— Humna. (@Humnayyy) February 11, 2022

پی ایس ایل:لاہور قلندرز کا ملتان سلطانز کو جیتنے کے لیے 183 رنزکا ہدف

واضح رہے کہ گزشتہ رات میچ میں لاہور قلندرز نے ملتان سلطانز کو 52 رنز سے شکست دے دی قذافی اسٹیڈیم میں لاہور میں کھیلے گئے میچ میں ملتان سلطانز کی ٹیم لاہور قلندرز کی جانب سے جیت کے لیے دیا گیا 183 رنز کا ہدف حاصل کرنے میں ناکام رہی اور پوری ٹیم 131 رنز پر ڈھیر ہو گئی۔

عامر لیاقت کی دوسری اہلیہ طوبیٰ نے تہمت سے متعلق آیت شیئر کر دی

ملتان کی جانب سے صہیب مقصود 29 اور ٹم ڈیوڈ 24 رنز بنا کر نمایاں رہے، لاہور قلندرز کے شاہین، راشد خان، حارث رؤف اور زمان خان نے دو دو کھلاڑیوں کو آؤٹ کیا پی ایس ایل 7 میں ملتان سلطانز کی یہ پہلی شکست ہے، رضوان کی قیادت میں کھیلنے والی ملتان کی ٹیم پوائنٹس ٹیبل پر پہلے نمبر پر موجود ہے۔

اظہاررائےکامطلب بدتمیزی،الزام تراشی اورذاتیات پرحملے نہیں:پیمرا نےنفرت پھیلانےوالوں کونوٹس…

لاہور قلندرز کی جانب فخر زمان نے ایک مرتبہ بھر شاندار بیٹنگ کا مظاہرہ کیا اور 60 رنز کی اننگز کھیلی ان کے علاوہ محمد حفیظ 43، کامران غلام 42 جب کہ فل سالٹ نے 26 رنز بنائے۔ انور علی، دھانی، عباس اور عمران طاہر نے ایک ایک کھلاڑی کو آؤٹ کیا۔