Tag: پی ایس بی

وزیراعظم شہبازشریف سے جونیئرورلڈ چیمپئن اسکواش حمزہ خان کی ملاقات ہوئی ہے۔انہوں نے کی حمزہ خان کو تاریخی فتح پر مبارکباد دی۔وزیراعظم شہبازشریف نے حمزہ خان کو بطورانعام ایک کروڑروپے کا چیک دیا۔ ملاقات میں جونیئرورلڈ چیمپئن حمزہ خان کے والدین اور پی ایس بی کے وزیر بھی شریک تھے۔ حمزہ خان نے ورلڈ جونیئر اسکواش چیمپئن شپ جیت کر تاریخ رقم کی تھی ،آسٹریلیا کے شہرمیلبرن میں جاری چیمپئن شپ کے فائنل میں حمزہ نے مصر کے محمد ذکریا کو تین – ایک سے شکست دی تھی۔حمزہ خان کی جیت کا اسکور 12-10، 12-14، 3-11 اور 6-11 رہا، 37 سال بعد پاکستانی کھلاڑی ورلڈ جونیئرز جیتنے میں کامیاب ہوئے تھے۔
حمزہ خان کا اسلام آباد ائیر پورٹ پرپرتپاک استقبال آرمی اسپورٹس ڈائریکٹوریٹ ،اسپورٹس بورڈ اوراسکواش فیڈریشن حکام نے کیا۔

باغی ٹی وی،وفاقی حکومت نے پاکستان اسپورٹس بورڈ کے ڈیلی ویجز ملازمین کے لیے بڑا فیصلہ کرلیا، وفاقی وزیر احسان مزاری نے پاکستان اسپورٹس بورڈ کے ڈیلی ویجز ملازمین ریگولر کرنے کا اعلان کرتے ہوے ایشین گیمز کے لیے پاکستانی دستے کی منظوری دے دی۔پاکستان سپورٹس بورڈ کا اجلاس وفاقی وزیر بین الصوباٸی رابطہ احسان مزاری کی زیر صدارت ہوا جس میں وفاقی سیکرٹری بین الصوباٸی رابطہ احمد حنیف اورکزٸی ، ڈاٸریکٹر جنرل پاکستان سپورٹس بورڈ شعیب کھوسہ سمیت دیگر حکام نے شرکت کی۔اجلاس میں پاکستان کے کوالیفائیڈ کوچز کو بہتر مراعات دینے کے لیے پالیسی میں تبدیلی کا فیصلہ کیا گیا جس کے تحت غیر ملکی کوچز کی طرف پاکستانی کوالیفائیڈ کوچزکی مراعات کو بہتر بنایا جائے گا۔
باغی ٹی وی کے مطابق اجلاس میں پی ایس بی کے 77 ڈیلی ویجز ملازمین کو ریگولر کرنے اور پاکستان سپورٹس بورڈ کے ڈیڑھ ارب کے نان ڈویلپمنٹ بجٹ کی بھی منظوری دی گئی۔اجلاس میں ایشین گیمز میں شرکت کے لیے پاکستانی دستے کی منظوری دی جس کے تحت ایشین گیمز میں 285 رکنی دستہ شرکت کرے گا۔

وفاقی وزیر احسان مزاری نے کہا ہے کہ بھارت کی دوسری ٹیمیں جب پاکستان آ کر کھیل سکتی ہیں تو کرکٹ ٹیم کو کیا مسئلہ ہے۔ وفاقی وزیر برائے بین الصوبائی رابطہ احسان الرحمٰن مزاری نے 24 نیوز سے گفتگو کرتے ہوئے چبھتے سوالوں کے کھرے کھرے جواب دیئے، پاکستان کرکٹ بورڈ کو حکومت پاکستان کا ماتحت ادارہ اور جوابدہ قرار دیا ساتھ ہی بھارت کو آڑے ہاتھوں لیا۔انہوں نے مزید کہا کہ پاکستان کرکٹ بورڈ خود مختار نہیں، یہ آئی پی سی کے ماتحت ہے، جتنے بھی سٹیڈیم ہیں وہ حکومت پاکستان کے ہیں، پی سی بی ہمیں جوابدہ ہے، وزیر اعظم پی سی بی کے پیٹرن اِن چیف ہیں اس کو کیسے خود مختار کہہ سکتے ہیں، حکومت پاکستان نے ان کے آڈٹ اور دوروں کا فیصلہ کرنا ہوتا ہے، ٹھیک ہے کہ ان کا چیئرمین ہے لیکن اس کے لیے بھی وزیر اعظم ہی نامزد کرتے ہیں۔

ایشیا کپ کے حوالے سے ان کا کہنا تھا کہ میرا موقف ہے کہ بھارت کو یہاں آ کر کھیلنا چاہیے ورنہ ہم بھی ورلڈکپ ہائبرڈ ماڈل کھیلیں گے، وزیر اعظم نے وزیر خارجہ بلاول بھٹو زرداری کی سربراہی میں 14 رکنی کمیٹی بنا دی ہے، وہی فیصلہ کرے گی لیکن اگر میری رائے لی جائے گی تو میں اپنے تحفظات کا اظہار کروں گا، اگر انہیں اپنے کھلاڑیوں کی سیکیورٹی پر تحفظات ہیں تو ہمیں اپنے کھلاڑیوں کی بھی سیکیورٹی چاہیے۔

انہوں نے ورلڈ کپ اور ایشیا کپ تنازعے سے متعلق کہا کہ میں نے ذکا صاحب کو کہہ دیا ہے کہ اب ہم بھارتیوں سے مزید بلیک میل نہیں ہوں گے، بھارت کی دوسری ٹیمیں پاکستان آ سکتی ہیں تو کرکٹرز کو کیا مسئلہ ہے؟ یہاں پر نیوزی لینڈ سمیت دنیا بھر کی ٹیمیں اور اس سے پہلے پی ایس ایل میں غیر ملکی کھلاڑی اور کمنٹریٹر آ چکے ہیں، سب خوش گئے تو بھارت کو کرکٹ ٹیم یہاں بھیجنے میں کیا تکلیف ہے۔