ایران نے اپنے ملک میں کرکٹ کے فروغ کیلئے پاکستان سے مدد مانگ لی۔24 نیوز کے مطابق کرکٹ ایران کے چئیرمین حسین علی سلیمان نے پاکستان کرکٹ بورڈ (پی سی بی)کی میجمنٹ کمیٹی کے سربراہ ذکاء اشرف سے ملاقات کی۔ کرکٹ ایران نے ملک میں کرکٹ کے فروغ اور کھلاڑیوں کی کوچنگ کے لیے پاکستان سے تعاون کی درخواست کرتے ہوئے کہا کہ خواہش ہے کہ پاکستان ایران میں کرکٹ کی بہتری اور کھلاڑیوں کی تربیت کے لیے مدد کرے ۔ چئیرمین پی سی بی ایم سی زکاء اشرف نے کرکٹ ایران کے چئیرمین کو مکمل تعاون کی یقین دہانی کروادی۔ ذکاء اشرف نے کہاکہ پاکستان ایران میں کرکٹ کو فروغ دینے اور کھلاڑیوں کی صلاحتیں بہتر کرنے میں معاونت کرے گا۔ کرکٹ ایران کے چئیرمین نے ذکاء اشرف کو پی سی بی کا سربراہ بننے پر بھی مبارکباد دی، جس پر ذکاء اشرف نے چئیرمین کا مبارکباد پر شکریہ ادا کیا۔
Tag: پی ایس بی
پاکستان نے کامن ویلتھ گیمز آف انڈیپینڈنٹ سٹیٹس میں شرکت کی دعوت قبول کر لی
وفاقی وزیربین الصوبائی رابطہ احسان مزاری سے بیلاروس کے سفیرآندرے میٹیلٹسا نے ملاقات کی،بیلاروس سفیر نے پاکستان کو کامن ویلتھ گیمز آف انڈیپینڈنٹ سٹیٹس میں شرکت کی دعوت دی، پاکستان نے کامن ویلتھ گیمز آف انڈیپینڈنٹ سٹیٹس میں شرکت کی دعوت قبول کر لی ۔کامن ویلتھ گیمز آف انڈیپینڈنٹ سٹیٹس 4سے 14اگست تک بیلاروس میں منعقد ہونگی،وفاقی وزیر احسان مزاری نے کہاکہ پاکستان میں کھیلوں کے فروغ کیلئے اقدامات کئے جارہے ہیں،بیلاروس کیساتھ کھیلوں اور دیگر شعبوں میں تعاون کو بڑھائیںگے۔بیلاروس کے سفیر نے وفاقی وزیر احسان مزاری کو گیمز میں شرکت کی خصوصی دعوت دی،وفاقی وزیر احسان مزاری نے بیلاروس سفیر کی دعوت قبول کرلی ،سی آئی ایس گیمز میں پاکستان باکسنگ،سوئمنگ،کراٹے ، ریسلنگ میں شرکت کرے گا۔
قومی ویمن فٹبال ٹیم کی سنگاپور روانگی کی تیاریاں شروع
پاکستان فٹبال فیڈریشن کی کوشیشں رنگ لے آئی بالاخر قومی ویمنز فٹبال ٹیم کو سنگاپور روانگی کا این او سی جاری ہو گیا وزارت داخلہ و خارجہ کی جانب سے ویمن فٹبالرز کو این او سی جاری کیے گئے
قومی ٹیم کی سنگاپور روانگی حکومتی اجازت سے مشروط تھی قومی ٹیم کی روانگی 13 جولائی کو شیڈول تھی،روانگی کا نیا شیڈول جلد جاری کردیا جائے گا واضح رہے پاکستان ویمن فٹبال ٹیم کی این او سی کےلیے ایک حکومتی عہدیدار بھی کوششیں کررہے تھے۔ تاہم ذرائع نے مزید بتایا کہ پاکستان اسپورٹس بورڈ نے شروع میں این او سی سے معذرت کے باوجود بھی سمری متعلقہ وزارت کو بھجوادی تھی، پی ایف ایف کے مطابق پاکستان فٹبال فیڈریشن نے این او سی کے لئے پر امید تھی، ، تاہم تاخیر سے این او سی ملنے پر صرف ایک میچ کھیلنے کا آپشن بھی زیر غور ہے۔ویمن فٹبال ٹیم کی سنگاپور روانگی ،سپورٹس بورڈ کا این او سی دینے سے انکار
قومی ویمن فٹبال ٹیم کی سنگاپور روانگی کے معاملے پر پاکستان سپورٹس بورڈ نے این او سی دینے سے انکار کردیا۔ باغی ٹی وی کے مطابق پاکستان اورسنگاپور کی ویمن فٹبال ٹیموں کے درمیان 15 اور 18 جولائی کو میچز شیڈول ہیں پی ایس بی زرائع کا کہنا ہے کہ شیڈول میچز کیلئے پاکستان ویمن فٹبال ٹیم کو 13 جولائی کو سنگاپور روانہ ہونا تھا۔ بورڈ حکام کا کہنا تھا کہ فیڈریشنز این او سی کیلئے تمام دستاویزات 6 ہفتے پہلے بھیجیں۔ باغی ٹی وی کے مطابق پی ایس بی نے وقت کی کمی کی وجہ سے این او سی کے اجرا سے معذرت کرلی ، پاکستان فٹبال فیڈریشن پی ایف ایف کو جواب میں کہا کہ عید تعطیلات کی وجہ سے پی ایس بی کو این او سی کی درخواست 3 جولائی کو ملی، درخواست تاخیر سے ملی، لہذا این او سی پر کام نہیں ہوسکتا۔
وفاقی حکومت نے پی سی بی منیجمنٹ کمیٹی کے دور کا خصوصی آڈٹ کروانے کا فیصلہ کرلیا
پاکستان کرکٹ بورڈ میں مبینہ بے ضابطگیوں کے معاملے میں وفاقی حکومت نے پی سی بی کے بارے میں بڑا قدم اٹھالیا۔
نجم سیٹھی کے دور کا آڈٹ کروانے کے لیے آڈیٹر جنرل پاکستان کو خط لکھ دیا گیا۔ خط میں آڈیٹر جنرل کو ہدایت کی گئی ہے کہ وہ پی ایس ایل 8 کا بھی فوری آڈٹ شروع کریں۔ اس کے ساتھ انہیں نجم سیٹھی دور میں ہونے والے اخراجات کا بھی مکمل آڈٹ کروانے کی ہدایت کی گئی ہےوفاقی حکومت نے پی سی بی مینیجمنٹ کمیٹی کے سربراہ نجم سیٹھی کے دور کا آڈٹ کرانے کیلئے آڈیٹر جنرل پاکستان کو خط لکھ دیا ہے۔ خط میں کہا گیا ہے کہ آڈیٹرجنرل 22 دسمبر 2022 سے 20 جون 2023 کا بلا تاخیر آڈٹ شروع کرے، ساتھ ہی آڈیٹر جنرل پی ایس ایل 8 کا بھی فوری آڈٹ شروع کرے۔
واضح رہے کہ وفاقی حکومت کوپی سی بی مینیجمنٹ کمیٹی کےغیرضروری اخراجات کی شکایات ملی تھیں جس کے بعد وفاقی حکومت نے دسمبر 2022 میں عارضی مینیجمنٹ کمیٹی تشکیل دی تھی۔
حکومت کا بڑا فیصلہ، پاکستان کرکٹ بورڈ مینجمنٹ کمیٹی ڈی نوٹیفائی
وفاقی حکومت نے ایک اور بڑا فیصلہ کرتے ہوئے پاکستان کرکٹ بورڈ منیجمنٹ کمیٹی کو ڈی نوٹیفائی کردیا۔ وزارت بین الصوبائی رابطہ نے نوٹیفکیشن جاری کردیا، جس کے مطابق 19 اور 20 جون کی درمیانی شب پی سی بی منیجمنٹ کمیٹی کی مدت مکمل ہوگئی، پی سی بی منیجمنٹ کمیٹی 19 جون شب 12 بجے سے ختم ہوگئ نوٹیفکیشن کے مطابق پی سی بی منیجمنٹ کمیٹی کے سربراہ نجم سیٹھی سمیت تمام ممبران غیرفعال ہوگئے، منیجمنٹ کمیٹی کو اب کوئی فیصلے کرنے کا اختیار نہیں ، خیال رہے کہ وزیراعظم شہباز شریف نے ذکاء اشرف اور مصطفیٰ رمدے کو پی سی بی گورننگ بورڈ کیلئے نامزد کیا ہے۔
سابق ہاکی لیجینڈز پر لگائے گئے الزامات اولمپیئن ناصر علی کے گلے پڑگئے
اولمپیئن اصلاح الدین نے لیگل نوٹس کا جواب نہ دینے پر ناصر علی پر ہتک عزت کا دعوی دائر کردیااصلاح الدین نے ناصر علی کو اسمگلنگ کا الزام لگانے پر 50 کروڑ روپے ہرجانے کا نوٹس بھیجا تھا،
لیگل نوٹس کے مطابق ناصر علی کو الزامات کے ثبوت دینے کیلئے 14 دن کی مہلت دی گئی تھی مہلت گزر گئی اولمپیئن ناصر علی نے نہ ہی ثبوت فراہم کئے اور نہ ہی معافی مانگی اولمپیئن اصلاح الدین نے کہا ناصر علی کے خلاف اب قانونی کارروائی کی جائیگی ، ناصر علی نے بے بنیاد الزام لگا کر میری شہرت کو نقصان پہنچایا ہے، اصلاح الدین نے کہا کہ مجھ پر لگائے گئے الزامات ناصر علی کو عدالت میں ثابت کرنا ہونگے، اصلاح الدین اولمپیئن اختر رسول اور اولمپیئن شہناز شیخ نے بھی ناصر علی کو الزمات لگانے پر لیگل نوٹس بھیجا تھا،
سابق ہیڈ کوچ سیگفریڈ ایکمین کو آدایئگی متوقع
باغی ٹی وی کے مطابق پاکستان ہاکی ٹیم کے سابق ہیڈ کوچ سیگفریڈ ایکمین کو واجبات آئندہ ہفتے ادا کیے جائینگے، ہیڈ کوچ کے واجبات سے متعلق پاکستان اسپورٹس بورڈ اور پاکستان ہاکی فیڈریشن کے معاملات طے پا گئے ہیں۔باغی ٹی وی کے مطابق پی ایس بی سیگفریڈ ایکمین کے معاوضے کا چیک پی ایچ ایف کے حوالے کرے گا۔ سیگفریڈ ایکمین 1 سال کے واجبات ادا نہ کیے جانے کی وجہ سے مستعفی ہو گئے تھے، انہوں نے گزشتہ ماہ اپنے عہدے سے استعفیٰ دیا تھا سیگفریڈ ایکمین کے کوچنگ کے لیے عمان سے معاملات طے پا رہے ہیں۔
پاکستان اسپورٹس بورڈ کو معاہدے کے تحت 2026 تک سیگفریڈ ایکمین ہاکی فیڈریشن کو اپنے خدمات پیش کرنے تھے لیکن پی ایس بی اور پی ایچ ایف کے درمیان تنازع کی وجہ سے واجبات وقت پر ادا نہ ہو سکے،
