Tag: پی ٹی آئی احتجاج

وزیرداخلہ محسن نقوی نے زخمی اے ایس پی محمد علیم کو فوری طور پر لاہورمنتقل کرنے کی ہدایت کی ہے۔

میڈیا رپورٹ کے مطابق گزشتہ روز تحریک انصاف کے احتجاج کے دوران شرپسندوں کے پتھراؤ کے نتیجے میں اے ایس پی کی آنکھ متاثر ہوئی تھی۔محسن نقوی نے کہا کہ اے ایس پی کی آنکھ بچانے کے لیے ہرممکن کوشش کی جائے گی اور بہترین ہسپتال میں علاج کرایا جائے گا، انہوں نے واضح کیا کہ زخمی اے ایس پی کو آج ہی لاہور شفٹ کیا جائے گا۔وزیرداخلہ نے پمز اسلام آباد میں زخمی اے ایس پی کی بھی عیادت کی اوران کی خیریت دریافت کی، انہوں نے ڈاکٹروں سے محمد علیم کے علاج کے بارے میں بھی دریافت کیا۔واضح رہے کہ گزشتہ روز مشتعل پی ٹی آئی کارکنوں نے پولیس پر شدید پتھراو اور شیلنگ کی تھی جس کے باعث درجنوں پولیس اہلکار زخمی ہوئے تھے جن کو اسلام آباد کے مختلف ہسپتالوں میں داخل کروایا گیا تھا.

ہم مستقبل کیلیے تیار سندھ تشکیل دے رہے ہیں، مراد علی شاہ

کرم:سیز فائر میں توسیع، قانون نافذ کرنے والے اداروں کی تعیناتی کا فیصلہ

بانی کی ہدایت نہ ماننے پر پی ٹی آئی کمیٹی کا اظہار تشویش

بیلاروس کے صدر کا قربانیوں پرپاک فوج کو خراج تحسین

سیاسی کمیٹی کےاجلاس میں سنگجانی میں پڑاؤکی بانی پی ٹی آئی کی ہدایت نہ ماننےپرکمیٹی نےاظہارتشویش کیا ہے۔

باغی ٹی وی کے مطابق اسلام آباد میں پاکستان تحریک انصاف کی سیاسی کمیٹی کا اجلاس ہوا ۔ پی ٹی آئی کے اجلاس کی اندرونی کہانی کے متعلق ذرائع نے بتایا کہ سیاسی کمیٹی ارکان نے ڈی چوک احتجاج کےمعاملےپرکُھل کراظہارخیال کیابانی پی ٹی آئی نےڈی چوک نہیں صرف اسلام آبادکی کال دی تھی۔ پارٹی رہنماؤں کا کہنا تھا کہ بانی پی ٹی آئی کی بات پرعملدرآمدکیوں نہیں کیاگیا،پی ٹی آئی کارکنوں کی مبینہ ہلاکتوں کےمعاملےپرقانونی چارہ جوئی پراتفاق کیا گیا ہے۔پی ٹی آئی کی سیاسی کمیٹی کے اجلاس میں کہا گیا ہے کہ پی ٹی آئی کارکنوں،سیکیورٹی اہلکاروں کی اموات پرجوڈیشل کمیشن بنانےکامطالبہ کریں گے،اجلاس میں پی ٹی آئی کی آئندہ کی حکمت عملی کے حوالےسےبھی مشاورت کی گئی ہے۔واضح رہے کہ بانی پی ٹی آئی کی ہدایت کے باوجود بشری بی بی اور دیگر رہنماوں نے ڈی چوک جانے کا اعلان کیا اور کارکنوں سمیت ڈی چوک جاکر پڑاو کیا تھا

بیلاروس کے صدر کا قربانیوں پرپاک فوج کو خراج تحسین

اٹک میں پی ٹی آئی رہنماوں وکارکنان کےخلاف 7 مقدمات درج

بشری بی بی کا پریس کانفرنس،گنڈاپور کے ساتھ جانے سے گریز

ذرائع نے انکشاف کیا ہے کہ بشری بی بی تاحال مانسہرہ میں موجود ہیں اور بابرسلیم سواتی کی بھانجی کی رہائشگاہ پرہیں۔

میڈیا رپورٹس کے مطابق بشری بی بی کو پشاور روانہ ہونا تھا لیکن وہ ہیلی کاپٹر کی عدم دستیابی کے باعث پشاور نہ جاسکیں، بشری بی بی نے ڈی چوک سے روانگی کے بعد کسی سے رابطہ نہ کیا۔اطلاعات کے مطابق کے پی کا بڑا ہیلی کاپٹر خراب ہے اور آئی جی سے کہا کہ چھوٹا ہیلی کاپٹر لے آئیں۔واضح رہے کہ کچھ دیر قبل ہی پی ٹی آئی بانی عمران خان کی اہلیہ کی بہن مریم ریاض وٹو نے ’بشریٰ عمران خان کہاں ہیں‘ کی ٹوئیٹ کی تھی۔سماجی روابط کی ویب سائٹ ایکس کہا کہ ’میں نے کہا تھا ناں کہ بشریٰ عمران خان پریس کانفرنس نہیں کریں گی، وہ اس لیے کہ وہ اپنی مرضی سے اسلام آباد سے گئیں ہی نہیں‘۔خیال رہے کہ اسلام آباد میں رینجرز اور پولیس کے آپریشن کے نتیجے میں پی ٹی آئی احتجاج ختم ہونے کے بعد وزیر اعلی خیبر پختونخوا علی امین گنڈاپور، پاکستان تحریک انصاف کے بانی چیئرمین عمران خان کی اہلیہ بشریٰ بی بی اور اپوزیشن لیڈر عمر ایوب اسلام آباد سے مانسہرہ پہنچ گئے تھے۔مانسہرہ پہنچنے کے بعدبتایا گیا تھا کہ علی امین گنڈا پور اور بشریٰ بی بی پریس نیوز کریں گے جس کے بعد میڈیا سمیت کارکنوں کی بڑی تعداد وہاں پہنچ گئی۔لیکن تین مرتبہ پریس نیوز کا وقت تبدیل ہوا اور آخر میں تقریباً ڈھائی بجے علی امین گنڈا پور اور عمر ایوب نے میڈیا سے بات کی۔ اس دوران بشریٰ بی بی نظر نہیں آئیں جس کے بعد سوشل میڈیا پر بشریٰ بی بی کی عدم موجودگی سے متعلق سوالات اٹھنے لگے تھے۔اس سے قبل شوکت یوسفزئی نے پی ٹی آئی احتجاج کی فائنل کال کو لے کر پی ٹی آئی لیڈر شپ پر مایوسی کا اظہار کیا تھا اور اپنے انٹرویو میں کہا تھاکہ بانی پی ٹی آئی سنجگانی میں احتجاج پر رضا مند تھے، بیرسٹرسیف کے مطابق بشریٰ بی بی نہیں مانیں، بشریٰ بی بی تو غیرسیاسی خاتون ہیں۔

فسادیوں اور ملک دشمنوں کو مزید موقع نہیں دینا، وزیراعظم

پی ٹی آئی پروپیگنڈےکو پمز اسپتال نے نقاب کردیا

9 مئی مقدمات،عمران خان کی ضمانت کی درخواستیں مسترد

سپریم کورٹ بار کا نقوی اور گنڈاپورسے مستعفی ہونے کا مطالبہ

اسلام آباد: پی ٹی آئی کے پروپیگنڈےکے حوالے سے پمز اسپتال کا وضاحتی بیان سامنے آگیا ہے۔

باغی ٹی وی کے مطابق پمز اسپتال کی انتظامیہ نے وضاحتی بیان جاری کرتے ہوئے پی ٹی آئی کے پرپیگینڈہ کو بے نقاب کردیا ہے۔پمز اسپتال کی انتظامیہ کا کہنا ہے کہ سوشل میڈیا پر مظاہرین کی اموات کے بارے میں چلنے والی خبروں میں کوئی صداقت نہیں۔اسپتال انتظامیہ نے بتایا کہ احتجاج کے دوران 66 قانون نافذ کرنے والے ادارے جب کہ 36 سویلینز کو ایمرجنسی میں لایا گیا تھا۔اسپتال انتظامیہ نے مزید بتایا کہ زیادہ تر افراد کو ابتدائی طبی امداد کے بعد ڈسچارج کر دیا گیا تھے جب کہ بقیہ کچھ افراد کی طبی امداد جاری ہے۔

فضل الرحمان کی اسلام آباد میں پرتشدد واقعات کی مذمت

ایف آئی اے چھاپہ، مینیجر سمیت 2 ملزمان گرفتار

جلا ہوا پی ٹی آئی کا کنٹینر لوگ دیکھنے پہنچ گئے

قوم منتشر،سیاستداوں کے کردار کی ضرورت.تجزیہ:شہزاد قریشی

سپریم کورٹ بار ایسوسی ایشن نے وفاقی وزیر داخلہ محسن نقوی اور وزیر اعلیٰ خیبرپختونخوا علی امین گنڈاپور سے مستعفی ہونے کا مطالبہ کردیا۔

باغی ٹی وی کے مطابق سپریم کورٹ بار ایسوسی ایشن کے صدر میاں رؤف عطا نے گزشتہ روز اسلام آباد کے ڈی چوک میں پاکستان تحریک انصاف کے مظاہرین کے خلاف گرینڈ آپریشن پر اعلامیہ جاری کرتے ہوئے کہا کہ سپریم کورٹ بار ایسوسی ایشن نے ہمیشہ قانون کی حکمرانی، بنیادی حقوق، سویلین بالادستی کی آواز اٹھائی، سپریم کورٹ بار سفاکانہ اور قابل مذمت اقدام کی طرف آنکھیں بند نہیں کر سکتی۔صدر سپریم کورٹ بار میاں روف عطا نے کہا کہ نہتے مظاہرین پر براہ راست گولیاں چلانے پر انتہائی تشویش ہے، اس طرح کی وحشیانہ طاقت کا استعمال وفاقی وزیر داخلہ کے حکم پر کیا گیا، محسن نقوی سے فی الفور مستعفی ہونے کا مطالبہ کرتے ہیں۔انہوں نے کہا کہ وفاقی وزیر داخلہ آمرانہ ذہنیت کے ساتھ ساری صورتحال کو غلط طریقے سے ہینڈل کر رہے تھے، اس بربریت کے نتیجے میں مارے جانے والے ہمارے پاکستانی شہری تھے۔ وفاقی وزیر داخلہ عوام کے منتخب نمائندے نہیں ہیں، بات چیت اور مذاکرات کے ذریعے جانی نقصان سے بچایا جاسکتا تھا، وفاقی حکومت سے وزیر داخلہ کا قلمدان کسی عوامی نمائندے کو سونپنے کا مطالبہ کرتے ہیں۔اعلامیہ میں کہا گیا کہ سپریم کورٹ بار وزیر اعلیٰ خیبر پختونخوا علی امین گنڈاپور سے بھی مستعفی ہونے کا مطالبہ کرتی ہے، مظاہرین اور قانون نافذ کرنے والے اداروں کے درمیان تصادم سے انسانی جانیں ضائع ہوئیں اور درجنوں افراد شدید زخمی ہوئے۔صدر سپریم کورٹ بار نے کہا کہ علی امین گنڈاپور نے بارہا وفاق پر حملہ کرنے کی کوشش کی، وہ غیر آئینی خواہشات کی تکمیل کے لیے حکومتی وسائل کو بے رحمی سے ضائع کر رہے ہیں۔انہوں نے کہا کہ وزیر اعلیٰ خیبر پختونخوا کا اپنا صوبہ بدامنی کا شکار ہے جب کہ گزشتہ روز دونوں طرف بے شمار جانیں ضائع ہوئیں، قانون نافذ کرنے والے اہلکاروں، عام شہریوں کا نقصان ہوا، بغیر کسی تاخیر کے معاملے کی جوڈیشل انکوائری کا مطالبہ کرتے ہیں۔انہوںنے کہاکہ ہمارے دل ان لوگوں کے اہل خانہ کے ساتھ ہیں جنہوں نے اپنے پیاروں کو کھویا ہے۔

بلوچستان اسمبلی ، پی ٹی آئی پر پابندی کی قرار داد کل پیش کی جائے گی

سبرامنیم سوامی کا اڈانی اسکینڈل پر مودی سے استعفے کا مطالبہ

بیلاروس کے صدر پاکستان کا دورہ مکمل کر کے وطن روانہ

عمران خان جیل میں ،ولیم ہیگ آکسفورڈ یونیورسٹی کے چانسلر منتخب

اسلام آباد: سپریم کورٹ کے آئینی بینچ نے پاکستان تحریک انصاف (پی ٹی آئی) کے پُرتشدد احتجاج کے دوران ہلاکتوں کے معاملے پر ازخود نوٹس لینے کی استدعا مسترد کردی-

باغی ٹی وی : جسٹس امین الدین خان کی سربراہی میں سپریم کورٹ کے 5 رکنی آئینی بینچ نے موسمیاتی تبدیلی اتھارٹی سے متعلق کیس کی سماعت کی، دوران سماعت ایڈیشنل ایڈووکیٹ جنرل خیبرپختوا ویڈیو لنک کے ذریعے عدالت میں پیش ہوئے-

ایڈیشنل ایڈووکیٹ جنرل خیبرپختوا نے گزشتہ روز تحریک انصاف کے بلیو ایریا میں احتجاج اور انتظامیہ کے گرینڈ آپریشن کا ذکر کرتے ہوئے کہا کہ گزشتہ روز دونوں اطراف سے ہلاکتیں ہوئیں، آئینی بینچ ازخود نوٹس لے سکتا ہے لہٰذا آئینی بینچ ان واقعات پر ازخود نوٹس لے۔

جسٹس مسرت ہلالی نے خیبرپختونخوا حکومت کے وکیل کی سرزنش کرتے ہوئے کہا کہ سپریم کورٹ میں پیش ہوکر سیاسی باتیں نہ کریں۔

آئینی بینچ کے سربراہ جسٹس امین الدین خان نے کہا کہ جو معاملہ ہمارے سامنے سرے سے ہے ہی نہیں اسے ہم نہیں دیکھ سکتے۔

جسٹس جمال خان مندوخیل نے کہا کہ یہ معاملہ ہمارے سامنے نہیں ہے، اس پر بات نہیں کرنا چاہتے۔

بعدازاں سپریم کورٹ آف پاکستان کے آئینی بینچ نے ایڈیشنل ایڈووکیٹ جنرل خیبر پختونخوا کی پی ٹی آئی کے احتجاج کے دوران ہلاکتوں پر ازخود نوٹس لینے کی زبانی استدعا مسترد کر دی۔

واضح رہے کہ پی ٹی آئی کے 24 نومبر سے شروع ہونے والے احتجاج میں قانون نافذ کرنے والے اداروں کے 4 اہلکاروں کی شہادتیں ہوچکی ہیں،دوسری جانب سوشل میڈیا پر چند لوگوں کی جانب سے جھوٹا پروپیگنڈا کیا جا رہا ہے کہ احتجاج کے دوران قانون نافذ کرنے والے اداروں کی شیلنگ سے کئی مظاہرین کی اموات ہوئی ہیں مظاہرین کی اموات کی خبر جھوٹی اور من گھڑت ہے۔ اپنی ناکامیوں اور کو تاہیوں کو چھپانے کے لیے ایک بار پھر من گھڑت اور جھوٹا پروپیگنڈا کیا جا رہا ہے۔ مظاہرین کی اموات کی خبروں میں کوئی صداقت نہیں۔ کل رات کے پولیس اور رینجرز آپریشن میں کسی قسم کے آتشی اسلحے کا استعمال نہیں کیا گیا۔