Tag: پی ٹی آئی احتجاج

پاکستان تحریک انصاف لاہور کی قیادت کی نئی حکمت عملی سامنے آگئی ہے.

میڈیا رپورٹس کے مطابق صدر پی ٹی آئی لاہورنے کہا ہے کہ پنجاب حکومت جیسے ہی راستے کھولے گی، ہم ڈی چوک اسلام آباد کے لئے روانہ ہوجائیں گے۔ دوسری جانب لاہور میں سڑکیں کھلنا شروع ہوگئی ہیں۔شیخ امتیاز نے کہا کہ پنجاب حکومت کی جانب سے راستے آج کھلیں کل یا پرسوں، ہم اسلام آباد ضرور جائیں گے، پولیس نے بتی چوک سے ہمارے 700 کارکنان گرفتارکر لئے ہیں۔لاہور میں داتا دربار سے آزادی فلائی اوور کی جانب جانے والا راستہ کھول دیا گیا ہے، ناصر باغ سے آزادی فلائی اوور کی جانب جانے والے راستے پر سے نفری بھی واپس روانہ ہوگئی ہے۔خیال رہے کہ پاکستان تحریک انصاف کے احتجاج کے پیش نظر لاہور کے تمام داخلی وخارجی راستے بند ہیں، جس کے باعث شہریوں کو مشکلات کا سامنا کرنا پڑ رہا ہے ، لاہور لٹن روڈ پر پولیس اور پی ٹی آئی کارکنوں میں تصادم ہوا، جس کے بعد متعدد کارکنوں کو حراست میں لے لیا گیا۔ڈی آئی جی آپریشنز فیصل کامران نے بتایا کہ پولیس نے دفعہ 144 کی خلاف ورزی پر 150 سے پی ٹی آئی کے کارکنوں کو حراست میں لیا ہے۔جو بھی قانون کی خلاف ورزی کرے گا اسے حراست میں لیا جائے گا۔لاہور لٹن روڈ پر پولیس اور پی ٹی آئی کارکنوں میں تصادم ہوا ہے، پولیس نے متعدد پی ٹی آئی کارکنوں کو حراست میں لے لیا، پولیس نے حافظ ذیشان اور دیگر کارکنوں کو گرفتار کرلیا۔پولیس کی بھاری نفری موقع پر موجود ہے، پی ٹی آئی کے راہنماء ندیم عباس بارا موقع سے فرار ہونے میں کامیاب ہوگئے جبکہ لاہور پی ٹی آئی احتجاج میں بہت کم کارکن موجود تھے۔قبل ازیں پی ٹی آئی کے احتجاج کے پیش نظر صوبائی دارالحکومت لاہور کے داخلی اور خارجی راستوں پر بھی کنٹینرز لگ گئے، احتجاج کے باعث تمام رابطہ سڑکیں کنٹینرز لگا کر بند کردی گئی، لاہور سے دیگر شہروں کو جانے والی موٹرویز کو بند کر دیا گیا، بابو صابو کو بھی کنٹینرز اور بیریئرز لگا کر بند کرکے پولیس کی بھاری نفری تعینات کردی گئی۔شاہدرہ اور بتی چوک جانے والی سڑک کو بھی دونوں اطراف سے بند کیا گیا، آزادی فلائی اوور پر بھی کنٹینرز موجود ہیں، جس کے باعث شہری خوار ہورہے ہیں جبکہ آزادی فلائی آوور پر پولیس کی نفری ڈنڈے تھامے موجود ہے۔پی ٹی آئی کی جانب سے اعلان کیا گیا ہے کہ سلمان اکرم راجہ کی قیادت میں بتی چوک پر احتجاج کیا جائے گا۔پی ٹی آئی کی جانب سے کہا گیا کہ ارکان اسمبلی اور ٹکٹ ہولڈرز، پی ٹی آئی لاہور کی قیادت اور کارکنان بتی چوک پر احتجاج کریں گے۔پی ٹی آئی کا کہنا تھ اکہ جنرل سیکرٹری تحریک انصاف سلمان اکرم راجہ قیادت کریں گے، راستے کھلنے پر دیگرشہروں سےلوگ اسلام آباد کا رخ کریں گے۔پی ٹی آئی رہنما امتیاز شیخ نے کہاکہ عوام اور کارکنان دوپہر 12بجےتک بتی چوک پہنچیں، لاہور کے تمام قافلے بتی چوک میں اکٹھے ہوں گے۔دوسری جانب اس اعلان پر پولیس حرکت میں آگئی۔ ڈی آئی جی آپریشنز فیصل کا کہنا تھا کہ پاکستان تحریک انصاف نے پہلے 10 بجے کا ٹائم دیا اب 12 بجے کا دیا ہے لیکن ہم تیار ہیں، انہوں نے کہاکہ قانون کی خلاف ورزی پرقانون حرکت میں آئےگا، پی ٹی آئی کااحتجاج ہمیشہ سےپرامن نہیں رہا۔لاہور سے اسلام آباد جانے والی موٹر وے بھی بند ہے، بند روڈ پر واقع تمام بس اڈے بھی بند کردیے گئے جبکہ لاہور رنگ روڈ تمام انٹرجینجز سے ٹریفک کے لیے مکمل بند یے۔راوی پل، پرانا راوی پل، سگیاں راوی پل، ایسٹرن بائی پاس اور بابوصابو مکمل ان اور آؤٹ کے لیے بند ہیں، ٹھوکر نیاز بیگ سے ملتان روڈ پر ٹریفک آ اور جا سکتی ہے، رائے ونڈ روڈ، فیروز پور روز، گجومتہ ٹریفک کے لیے کھلے ہیں۔ترجمان ٹریفک پولیس لاہور شہر کے اندر ٹریفک معمول کے مطابق رواں دواں ہے۔یاد رہے کہ پنجاب میں 3 دن اور بلوچستان میں 15 روز کے لیے دفعہ 144 نافذ کردی گئی جس کے باعث ہر قسم کے احتجاج، جلسے، جلوس، ریلیوں اور دھرنوں پر پابندی عائد کردی گئی۔

پی ٹی آئی احتجاج: ٹرین سروس بھی بند کردی گئی

قوم نے احتجاج کے نام پر فساد کی کال کو مسترد کردیا،شازیہ مری

بھارت میں منکی پاکس وائرس کی تشخیص ،علاج کی نئی تکنیک دریافت

اسلام آباد میں احتجاج،رکاوٹیں،جرمن سفارتخانے کا بندش کا اعلان

پاکستان تحریک انصاف کے احتجاج کے پیش نظر لاہور، راولپنڈی اور پشاور کے درمیان ٹرین سروس بھی بند کردی گئی۔

میڈیا رپورٹس کے مطابق پاکستان ریلوے نے پی ٹی آئی کے احتجاج کے باعث صوبہ پنجاب کے دارالحکومت لاہور، راولپنڈی اور پشاور کے درمیان تمام ٹرینیں فوری طور بند کردی ہیں، پشاور سے راولپنڈی، لاہور سے راولپنڈی اور ملتان و فیصل آباد سے راولپنڈی کے درمیان چلنے والی تمام ٹرینیں فوری طور پر بند کردی ہیں۔ریلوے حکام کا کہنا ہے کہ اتوار 24 نومبر کی تمام 25 ٹرینوں کی بک کی جانے والی ٹکٹیں بھی منسوخ کر دی گئی ہیں، اتوار کی تمام گاڑیوں کے مسافروں کو ٹکٹوں کے پیسے فوری واپس کرنے کا حکم دیا گیا ہے، مسافروں کو سٹیشن کے عارضی ٹکٹ گھر سے بکنگ کے پیسے واپس کیے جائیں گے، ریلوے سٹیشن پر پولیس کی بھاری نفری تعینات کی گئی ہے، ریلوے سٹیشنوں پر مسافروں کا داخلہ مکمل بند کرکے سٹیشن سیل کردیئے گئے۔بتایا گیا ہے کہ پی ٹی آئی کے احتجاج کے پیش نظر حکومت نے اسلام آباد کے راستے بھی بند کر دیئے اس مقصد کے لیے وفاقی دارالحکومت کو جانے والے زيادہ تر راستوں پر کنٹیرز کھڑے کیے گئے ہیں، 26 نمبر چُونگی کو کنٹینر لگا کر مکمل سیل کرکے رینجرز کو تعینات کر دیا گیا، سری نگر ہائی وے زیرو پوائنٹ کے مقام پر بند کر دی گئی، ایکسپریس وے بھی کھنہ پل کے مقام پر دونوں طرف سے بند ہے۔معلوم ہوا ہے کہ ایئر پورٹ جانے والے راستے پر بھی کنٹینرز لگا دیئے گئے ہیں، فیض آباد سے اسلام آباد کا راستہ بھی بند ہے، جڑواں شہروں کا مرکزی رابطہ پل فیض آباد انٹرچینج ہر طرح کی ٹریفک کے لیے بند کیا گیا ہے، اسلام آباد ایکسپریس وے اور آئی جی پی روڈ کو مختلف مقامات پر بند کردیا گیا، مری روڈ کو فیض آباد سے صدر تک مختلف پوائنٹس سے بند کر دیا گیا۔علاوہ ازیں لاہور اور فیصل آباد سے وفاقی دارالحکومت کو آنے والے تمام راستے بند کر دیے گئے ہیں، تمام رابطہ سڑکیں کنٹینرز لگا کر بند کردی گئی ہیں، لاہور سے دیگر شہروں کو جانے والی موٹرویز کو بند کر دیا گیا، بابو صابو کو کنٹینرز اور بیریئرز لگا کر بند کرکے پولیس کی بھاری نفری تعینات کردی گئی، شاہدرہ اور بتی چوک جانے والی سڑک کو دونوں اطراف سے بند کیا گیا، آزادی فلائی اوور پر کنٹینرز موجود ہیں، لاہور سے اسلام آباد جانے والی موٹر وے بھی بند ہے، بند روڈ پر واقع تمام بس اڈے بند کردیئے گئے ہیں، لاہور رنگ روڈ تمام انٹرجینجز سے ٹریفک کے لیے مکمل بند ہے۔

بھارت میں منکی پاکس وائرس کی تشخیص ،علاج کی نئی تکنیک دریافت

اسلام آباد، مظاہرین پتھراؤ سے متعدد پولیس اہلکار زخمی

زمبابوے کی پاکستان کو 80 رنز سےشکست

لاہور: وفاقی وزیر منصوبہ بندی احسن اقبال نے کہاہے کہ بانی پی ٹی آئی کی رہائی کا واحد راستہ عدالتی و قانونی چارہ جوئی ہے،بانی پی ٹی آئی عدالتوں میں جا کر اپنی بے گناہی ثابت کردیں۔

باغی ٹی وی: احسن اقبال نے لاہور میں پریس کانفرنس میں کہا کہ ایک سیاسی جماعت بار بار پاکستان میں انتشار پھیلانا چاہتی ہے، پا کستان کوئی عام معمولی ملک نہیں ہے،پاکستان ایٹمی قوت رکھنے والا ملک ہے،حکومت یہ اقدامات خوشی سے نہیں اٹھا رہی ،نہوں نے حکومت کی نرمی کا ناجائز فائدہ اٹھایا، آخر اس فساد کو کرنے کی ضرورت کیاہے؟-

احسن اقبال نے کہا کہ نو مئی کے بعد اس گرو سے خیر کی توقع رکھنا رسک والی بات ہے، امید ہے ان کا دھرنا آج ناکام اور حالات ٹھیک ہوجائیں گے، بانی پی ٹی آئی کی گرفتاری انتظامیہ کی جانب سے نہیں کی گئی جو رہائی کا مطالبہ مان لیا جائے، ان کے مقدمات عدالت میں ہیں، حکومت کے پاس چھوڑنے کا اختیار نہیں ہے۔

انہوں نے کہاکہ بانی پی ٹی آئی آج عدالتی و قانونی مقدمات میں گرفتار ہیں،رہائی کا واحد راستہ عدالتی و قانونی چارہ جوئی ہے،بانی پی ٹی آئی عدالتوں میں جا کر اپنی بے گناہی ثابت کردیں،بانی پی ٹی آئی کو تمام مقدمات میں خود کو کلیئر کرانا ہوگا، مسلم لیگ ن کی قیادت بانی پی ٹی آئی کے انتقام کا نشانہ بنی، ہم نے کبھی برطانیہ جا کر کسی کے پاؤں نہیں پکڑے،ہم نے کسی بین الاقوامی پلیٹ فارم پر جاکر پاکستان کیخلاف نہیں بولا،ہم نے گھر کی جنگ گھر میں ہی لڑی-

احسن اقبال نے کہا کہ ہم نے اپنے کیس عدالتوں میں لڑے تھے،ان کے وکلا کی ٹیم مسلسل ان کے کیسز کے ٹرائل میں التوا کررہی ہے،بانی پی ٹی آئی کے وکلا پیش ہونے کے بجائے بہانے کرتے ہیں،بشریٰ بی بی بھی ضمانت لینے کے بعد عدالت میں پیش نہیں ہو رہیں،یہ وہی مہاتما ہیں جنہوں نے ایم پی ایز کو بنی گالہ بلا کر پی ٹی آئی کے پٹے ڈالے۔

انہوں نے مزید کہا کہ یہ وہی مہاتما ہے جو 2014 میں اسٹیبلشمنٹ کی وجہ سے حکومت میں آئے تھے اور اب ایمپائر کی طرف دیکھ رہے ہیں، جنہوں نے 2018 کے الیکشن میں اسٹیبلشمنٹ کے ساتھ مل کر آر ٹی ایس سسٹم بٹھایا تھا، آج بھی وہ اسٹیبلشمنٹ سے مذاکرات کرنا چاہتے ہیں، یہ کونسی آزادی کی جنگ ہے؟