راولپنڈی: پاکستان تحریک انصاف کے سابق چیئرمین عمران خان کی بہن علیمہ خان نے چیف جسٹس سے استدعا کی وہ جلدی سے ہماری پٹیشن سن لیں تاکہ بانی چیئرمین الیکشن لڑ سکیں ہیں-
باغی ٹی وی : راولپنڈی اڈیالہ جیل کے باہر میڈیا سے گفتگو کرتے ہوئے سابق وزیراعظم عمران خان کی بہن علیمہ خان نے کہا کہ آج کورٹ روم میں ایک واقعہ ہوا، عمران خان میڈیا سے اڈیالہ جیل میں بات کررہے تھے جب سپرنٹنڈنٹ اڈیالہ جیل نے سابق چیئرمین پی ٹی آئی سے بدتمیزی کی، میرے پوچھنے پر سپرنٹنڈنٹ نے کہا کہ بانی چیئرمین نے مجھے تم کہہ کر مخاطب کیا، بانی پی ٹی آئی ہمیشہ اچھے انداز میں بات کرتے اور جیل میں رہے، حمزہ شہباز کی یہ ملازمت کرتے ہیں، جو انہیں چلتے چلتے دھیے دیتا ہے پولیس حکام سابق وزیراعظم کے ساتھ جیل میں بدتمیزی کرتے ہیں تو عام انسانوں کے ساتھ ان کا رویہ کیسا ہوگا؟۔
آرکٹک میں زومبی وائرسز کسی نئی عالمی وبا کا باعث بن سکتے ہیں،ماہرین
علیمہ خان نے کہا کہ جج دلاور نے فیصلہ دیا تھا لیکن ہائیکورٹ نے معطل کردیا تھا، سپریم کورٹ میں 3 ہفتے سے درخواست لگی ہے، چیف جسٹس سے استدعا ہے آپ جلدی سے ہماری پٹیشن سن لیں تاکہ بانی چیئرمین الیکشن لڑ سکیں ہیں اپیل کرتے ہیں عمران خان کے خلاف سزا معطلی کی درخواست سن لیں تاکہ سابق چیئرمین پی ٹی آئی کی نااہلی ختم ہوسکے اور الیکشن لڑیں، ہم چاہتے ہیں یہ اپیل سنی جائے اور پورا ملک اس سماعت کو دیکھے۔