پاکستان تحریک انصاف (پی ٹی آئی) نے میئر کراچی کے حمایت یافتہ سٹی کونسل کے 32 ارکان سے باضابطہ طور پر لاتعلقی کا اعلان کر دیا ہے۔
اس حوالے سے پی ٹی آئی کراچی کے جنرل سیکرٹری ارسلان خالد کی جانب سے میئر کراچی کو ایک خط ارسال کیا گیا، جس میں مؤقف اختیار کیا گیا کہ ان منحرف ارکان کی بنیادی رکنیت پہلے ہی ختم کی جا چکی ہے۔خط میں کہا گیا ہے کہ مذکورہ ارکان کا تحریک انصاف سے کوئی تعلق نہیں، لہٰذا عوامی یا سرکاری سطح پر ان کا تعلق پارٹی سے نہ جوڑا جائے۔
ارسلان خالد نے خط میں مزید وضاحت کی کہ یہ مراسلہ کسی بھی قسم کی غلط فہمی سے بچنے کے لیے ارسال کیا گیا ہے۔پی ٹی آئی نے مطالبہ کیا ہے کہ ان 32 ارکان کو سٹی کونسل میں آزاد اراکین کے طور پر شمار کیا جائے اور سرکاری خط و کتابت یا عوامی حلقوں میں انہیں پی ٹی آئی کا نمائندہ نہ سمجھا جائے
پی ٹی آئی آزاد کشمیر کا منحرف ارکان کیخلاف ریفرنس دائر کرنے کا فیصلہ
پاکستانی میزائل تجربات: دفاعی صلاحیتوں میں اضافہ اور جوہری توازن برقرار رکھنے کی کوشش
محمد رضوان نے سینٹرل کنٹریکٹ پر دستخط سے انکار کر دیا
پاکستان کی جنوبی افریقہ کے خلاف پہلے ٹی20 میں ٹاس جیت کر فیلڈنگ