Tag: پی ٹی ای

کرپشن کے چمپئن شہباز شریف کے ہونہار سپوت عدالت سے باعزت بری نہیں ہوئے۔
لاہور: ترجمان پنجاب حکومت مسرت جمشید چیمہ نے کہا ہے کہ کرپشن کے میوزیکل چیئرکا کھیل بند کراناوزیر اعظم عمران خان کی سب سے بڑی کامیابی ہے ،کرپشن کے چمپئن شہباز شریف کے ہونہار سپوت عدالت سے باعزت بری نہیںہوئے بلکہ ان کی کرپشن کی وارداتوں کا کیس ابھی احتساب عدالت میں زیر سماعت ہے ،بلدیاتی انتخابات میں شفافیت کیلئے اوپن بیلٹنگ اور دیگر اصلاحات زیرغور ہیں۔اپنے ایک بیان میں انہوں نے کہا کہ مریم نواز صبح وشام،سوتے جاتے اور اٹھتے بیٹھتے وزیر اعظم بننے کے خواب دیکھتی ہیں لیکن انہیں اپنا یہ خواب شرمندہ تعبیر ہونے کی کوئی راہ نظر نہیں آتی ۔ انہوں نے کہا کہ مسلم لیگ (ن) او رپیپلز پارٹی نے کئی دہائیوں سے اقتدارمیں آ کر کرپشن سے مال بنائو اور جب اقتدار سے باہرہو تواسی ما ل کو اپنے مفادات کیلئے پانی کی طرح بہائوکا فارمولہ اپنایا ہوا تھا لیکن اب کرپشن کے میوزیکل چیئرمین کا کھیل بندہو چکا ہے ۔ مسرت جمشید چیمہ نے کہا کہ پردہ سکرین کے پیچھے مریم صفدر بیرون ملک جانے کیلئے جس طرح کے جتن کرتی ہیں اسے بھی قوم کے سامنے لایا جائے گا ، اب ان کے راستے محدود ہو گئے ہیں اور ان کی سیاست بند گلی میں داخل ہو چکی ہے جہاں سوائے تاریکی کے کچھ نہیں ہے

ننکانہ صاحب: وفاقی وزیر انسداد منشیات اعجاز احمد شاہ کا پاکستان تحریک انصاف کی جانب سے ایک ارب 6 کروڑ روپے کی لاگت سے سوئی گیس فراہمی کے منصوبے کا باقاعدہ اعلان کیا ۔
اعجاز احمد شاہ کا کہنا ہے کہ عوام نے اپوزیشن کا اصل چہرہ دیکھ لیا ہے،3 مارچ کو سینٹ الیکشن کے نتائج سے ان کی مقبولیت کا پتہ چل جائے گا- ڈسکہ میں ضمنی انتخاب دوبارہ ہو نے جا رہا ہے جس میں پی ٹی آئی دوبارہ کامیابی حاصل کرے گی۔ پاکستان تحریک انصاف کی حکومت نے ضلع ننکانہ صاحب کی عوام سے کیا ہوا ایک اور وعدہ پورا کر دیا،بچیکی شہر اور گردونواح کے 26دیہات کے لئے ایک ارب 6 کروڑ روپے کی لاگت سے سوئی گیس کی فراہمی کے منصوبے کا اعلان کر دیا،وفاقی وزیر انسداد منشیات اعجازاحمد شاہ نے بچیکی کے مقامی شادی ہال میں منعقدہ عوامی اجتماع سے خطاب کے دوران سوئی گیس فراہمی کے منصوبے کا اعلان کیا،اس موقع پر سابق ایم پی اے و تحصیل صدر پی ٹی آئی ننکانہ صاحب رائے اسلم خاں کھرل،ریجنل مینجر سوئی نادرن گیس شیخوپورہ ریجن احسان اللہ بھٹی،پی ٹی آئی رہنماء رائے علی رضا کھرل،رائے منظور قادر بھٹی اور حاجی وحید ہمایوں بھٹی سمیت سیاسی و سماجی رہنماؤں اور شہریوں کی کثیر تعداد نے شرکت کی اس موقع پر خطاب کرتے ہوئے اعجاز احمد شاہ نے کہا کہ این اے 118 کی عوام باالخصوص بچیکی کو سابقہ ادوار حکومت میں بنیادی سہولیات سے فراہم رکھا گیا جس کی وجہ علاقہ ترقی نہ کر سکا،اب عوام کو یہ فیصلہ کر لینا چاہئے کہ انہوں نے ایماندار اور جذبہ خدمت سے سرشار لوگوں کو ہی اپنا نمائندہ منتخب کرنا ہو گا انہوں نے کہا کہ سچے اور جھوٹے انسانوں میں فرق کئے بغیر ہم اچھے انسان نہیں بن سکتے اس لئے ہمیں ہمیشہ سچے اور مخلص انسان کا ہی ساتھ دینا چاہئے،انہوں نے اعلان کیا کہ بچیکی،موڑ کھنڈا اور مانگٹانوالہ کے گردونواح کے36 دیہات میں بہت جلد سوئی گیس کی فراہمی کا منصوبہ مکمل کر لیا جائے گا جس کے لئے سروے کا آغاز کل سے ہی کر دیا جا ئے گا، وفاقی وزیر نے کہا کہ ننکانہ صاحب شہر اور گردونواح میں اب تک ایک ارب روپے کے فنڈز سے مختلف ترقیاتی منصوبے مکمل کئے جا چکے ہیں، پنجاب حکومت نے بابا گورونانک یونیورسٹی کے اگلے مرحلے کے لئے 2 ارب 10 کروڑ روپے کے فنڈز کی منظوری دے دی ہے جس پر کام کا بہت جلد آغاز ہو جا ئے گا، تقریب سے سابق ایم پی اے رائے اسلم خاں کھرل نے بھی خطاب کیا اور عوامی فلاح کے اس بڑے منصوبے کے اعلان پر وزیر اعظم عمران خان اور فاقی وزیر اعجاز احمد شاہ کا شکریہ کیا،بعد ازاں میڈیا سے گفتگو کرتے ہوئے وفاقی وزیر نے کہا کہ عوام نے اپوزیشن کا اصل چہرہ دیکھ لیا ہے،3 مارچ کو سینٹ الیکشن کے نتائج سے ان کی مقبولیت کا پتہ چل جائے گا،ایک سوال کے جواب میں انہوں نے کہا کہ ڈسکہ میں ضمنی انتخاب دوبارہ ہو نے جا رہا ہے جس میں پی ٹی آئی دوبارہ کامیابی حاصل کرے گی۔

‏ترجمان مسلم لیگ ن مریم اورنگزیب کا وزیراعظم اوروزیراعلیٰ پنجاب کےخلاف کارروائی کا مطالبہ‏ کیا۔

مریم اورنگزیب‏ کا کہنا ہے کہ ووٹ اورالیکشن کمیشن کےعملے کی چوری کے اصل ذمے دارعمران صاحب ہیں، ووٹ چوری کےاصل سرغنہ کےخلاف کارروائی تک احتساب نامکمل رہے گا،تمام حقائق اور شواہد بتارہے ہیں ووٹ کی امانت میں خیانت عمران صاحب نےکی،اصل مجرموں کےخلاف کارروائی تک انصاف کے تقاضے پورے نہیں ہوں گے۔2018 کی ووٹ چوری کی پیداوار2021 میں واردات دہراتےپکڑےگئے۔عمران خان،عثمان بزدارکےخلاف کارروائی بغیرالیکشن کمیشن کا فیصلہ نامکمل ہے۔چارحلقوں کا شورمچانےوالا ایک حلقہ کھلنےپراپیل سپریم کورٹ لےجارہا ہے۔

سبطین خان کا کہنا ہے کہ ہارس ٹریڈنگ کا دور گزر چکا، 3 مارچ کو جمہوریت اور کرپشن کا مقابلہ ہوگا۔ سینٹ الیکشن تحریک انصاف کا، پی ڈی ایم کو ٹف ٹائم دیں گے۔
نیا بلدیاتی نظام عمران خان کے ویژن کے عین مطابق اور عوامی نظام ہوگا۔ صوبائی وزیر سردار محمد سبطین خان اور مختلف اضلاع کے اراکین اسمبلی کے مابین گذشتہ روز اہم ملاقاتیں ہوئیں جن میں باہمی دلچسپی کے امور، سیاسی معاملات اور بالخصوص سینیٹ الیکشن پر تبادلہ خیال کیا گیا۔ اس موقع پر سینیٹ انتخابات بارے لائحہ عمل پر بھی غور کیا گیا۔ اراکین اسمبلی سے گفتگو کرتے ہوئے سبطین خان نے کہا ہے کہ سینیٹ الیکشن تحریک انصاف کا ہے۔ 3 مارچ کو جمہوریت اور کرپشن کا مقابلہ ہوگا جس میں جمہوریت ہی فتح یاب ہوگی۔ انہوں نے کہا کہ 3 مارچ کو کسی کو الیکشن خریدنے نہیں دیا جائے گا۔ پی ڈی ایم کو ٹف ٹائم دیں گے اور اپوزیشن اتحاد کی ہر سازش کو ناکام بنائیں گے۔ سبطین خان نے مزید کہا کہ اپوزیشن اوپن بیلٹ انتخاب سے خوفزدہ ہے۔ انہیں معلوم ہو چکا کہ اوپن بیلٹ میں ان کی دال نہیں گلے گی۔ انہوں نے کہا کہ ہارس ٹریڈنگ کا دور گزر چکا، اب پاکستان کو کرپشن اور کرپٹ عناصر سے پاک کرنے، نئی روایات اور ایمانداری کے کلچر کے پنپنے اور عملی ترقی کی راہ پر گامزن کرنے کا وقت ہے۔ عمران خان کی قیادت میں اس جانب سفر شروع ہے۔ اراکین اسمبلی عمران خان کی قیادت پر اعتماد کرتے ہیں۔ سبطین خان نے کہا کہ عمران خان ہی کی قیادت میں کرپشن کا بوریا بستر گول کرکے اس ملک کو حقیقی معنوں میں ریاست مدینہ بنایا جائے گا۔ اس موقع پر سبطین خان اور اراکین اسمبلی کے مابین بلدیاتی انتخابات پر بھی گفتگو ہوئی جس میں صوبائی وزیر نے بتایا کہ نیا بلدیاتی نظام وزیر اعظم عمران خان کے منشور اور ویژن کے مطابق اختیارات کی نچلی سطح منتقلی اور مقامی سطح پر مسائل کے حل میں معاون ثابت ہونے والا ہے۔ انہوں نے اس امید کا بھی اظہار کیا گیا کہ بلدیاتی انتخابات میں بھی جمہوریت اور خدمت کو فتح ملے گی

ترجمان ن لیگ مریم اورنگزیب کا کہنا ہے کہ سازش کے تحت 20 پولنگ اسٹیشنز کو فوکس کیا گیا، باقی 340 پولنگ اسٹیشنز پر ڈاکہ ڈالا گیا، حکومت دھاندلی کی پیداوار اور دھاندلی کی سردار ہے، آٹا،بجلی،گیس اور ادویات چوری کرنا ہی ان کی کارکردگی ہےسامنے سے کہتے ہیں چور دوسرا ہے اور پیچھے سے وارداتیں ڈالتے ہیں، پرویز رشید کے کاغذات نامزگی مسترد ہونے ان مریم اورنگزیب نے کہا کہ پرویز رشید کی جگہ کوئی نہیں لے سکتا، پرویز رشید سینیٹ کی نشست کےمرہون منت نہیں وہ ایک نظریے کا نام ہیں، پرویز رشید کی جگہ پارٹی ٹکٹ کس کو دینا ہےقیادت فیصلہ کرے گی۔ کل براڈشیٹ کو45 لاکھ روپے شریف خاندان کو دینا پڑے، براڈشیٹ کے بعد جے آئی ٹی کو بھی کالعدم قرار دینا چاہیئے.

پاکستان مسلم لیگ ن کے نائب صدرفضل اللہ داﺅدزئی نے کہاہے کہ ضمنی انتخابات میں حکمران جماعت کوبدترین شکست کاسامناکرناپڑاہے پی ٹی آئی کواب اپنی حیثیت کاانداز ہ پتہ لگ چکاہے اس کی الٹی گنتی شروع ہوچکی ہے اب جہاں کہیں بھی الیکشن ہونگے عوام اس نااہل حکومت کے خلاف اپنی رائے دینگے۔ صوبائی وزیرشوکت یوسفزئی کے بیان کے ردعمل میں فضل اللہ داﺅدزئی نے کہاکہ نوشہرہ میں پی ٹی آئی امیدوارکی ناکامی دراصل عوا م کاحکومت کے خلاف نفرت کااظہاراورریفرنڈم تھاملک میں ضمنی انتخابات کے موقع پر حکومتی وسائل کااستعمال،وزیروں کی مداخلت،پولنگ رکوانا،الیکشن کمیشن کی خاموشی اوردیگرعوامل کے باوجود عوام نے حکومت کےخلاف بھرپوراپنے ردعمل کااظہارکیا نوشہرہ میںایک گھرسے کئی افرادکی پارلیمان میں موجودگی اورپی ٹی آئی کاگڑھ ہوتے ہوئے بھی عوام کاعدم اعتماداس بات کاثبوت ہے کہ لوگ مہنگائی،کرپشن اواس نااہل حکومت سے متفرہوچکے ہیں انہوں نے کہاکہ صوبائی صدرامیرمقام کی قائدانہ صلاحیتوں کی بدولت اختیارولی نوشہرہ سے بھاری اکثریت کےساتھ جیتنے میں کامیاب ہوئے انہوں نے کہاکہ نوشہرہ میں پی ٹی آئی ورکرزنے حکومت کےخلاف مہم چلائی لیاقت خٹک کوخراج تحسین پیش کرتے ہیں کہ انہوں نے حق کاساتھ دیا ہمیں امیدہے کہ وہ مستقبل میں بھی پی ٹی آئی کانوشہرہ سے جنازہ نکالنے میں ہماراساتھ دینگے۔