Tag: پی پی

کراچی: چیئرمین پیپلزپارٹی بلاول بھٹو سے وزیراعلیٰ سندھ مزاد علی شاہ اور وزرا نے ملاقات کی ہے، جس میں ایم کیو ایم کو بلدیاتی اداروں میں حصہ دینے سے متعلق گفتگو ہوئی۔ وزیراعلیٰ مرادعلی شاہ نے بلاول بھٹو کو سندھ کی مجموعی سیاسی صورتحال, صوبہ میں پانی کی کمی اور بدترین لوڈشیڈنگ کی صورتحال سے آگاہ کیا۔

عمران خان نہیں رہناچاہیے:باقی آپ کی تمام خواہشات پوری کردی جائیں گی:ایم کیوایم…

ذرائع کے مطابق بلاول بھٹو کی سربراہی میں ہونے والے پارٹی اجلاس میں صوبے میں بلدیاتی انتخابات کے انعقاد اور نئے بلدیاتی نظام سے متعلق تبادلہ خیال کیا گیا۔

ایم کیوایم کے لوگ نہیں جانتے پیپلزپارٹی نےسندھ میں ان کیساتھ کیا سلوک کیا؟ قریشی

اجلاس میں ایم کیو ایم کو بلدیاتی اداروں میں حصہ دینے سے متعلق بات چیت ہوئی، وزیراعلیٰ نے بلاول بھٹو کو ایم کیوایم کے نئے مطالبات سے آگاہ کیا، ذرائع کا کہنا ہے کہ ایم کیوایم نے کراچی، حیدرآباد کیساتھ 3 اضلاع کی ایڈمنسٹریٹر شپ مانگ لی ہے، ایم کیوایم نے کراچی کے سینٹرل، ویسٹ اور ایسٹ کے ایڈمنسٹریٹر کا مطالبہ کیا ہے۔

پی ٹی آئی کےساتھ کھڑے ہیں اور کھڑے رہیں گے:ایم کیوایم کااعلان،شہبازشریف کی خواہشات…

بلاول بھٹو نے وزیراعلیٰ کو ایم کیو ایم کے ساتھ ملاقات کرکے معاملات حل کرنے کی ہدایت کردی ہے، انہوں نے کہا کہ صوبے میں متوازن اور اچھا بلدیاتی نظام فوری طور پر لایا جائے۔ذرائع کا کہنا ہے کہ ایم کیوایم کیساتھ مذاکرات کا اہم دور پیر کو دن 11 بجے وزیراعلیٰ ہاؤس میں ہوگا۔

اسلام آباد:پٹرول اور ڈیزل کی قیمتوں میں مزید 30 روپے فی لٹر اضافے کےلیے پاکستانی تیار رہیں،اطلاعات کے مطابق پاکستان پیپلز پارٹی کے سینیٹر مصطفیٰ نواز کھوکھر نے کہا ہے کہ پٹرول اور ڈیزل کی قیمتوں میں مزید 30 روپے فی لٹر اضافہ متوقع ہے۔

سماجی رابطے کی ویب سائٹ ٹوئٹر پر پیغام جاری کرتے ہوئے سینیٹر مصطفی نواز کھوکھر نے لکھا کہ پٹرول اور ڈیزل کی قیمتوں میں مزید 30 روپے فی لٹر اضافہ متوقع ہے، آئی ایم ایف شاید کئے گئے اضافہ سے مطمئن نہ ہو، سخت بجٹ بھی دینا پڑے گا۔

پٹرول اور ڈیزل کی قیمتوں میں مزید تیس روپے فی لیٹر اضافہ متوقع ہے۔ آئ ایم ایف شاید کئے گئے اضافہ سے مطمئن نہ ہو۔سخت بجٹ بھی دینا پڑے گا۔

سوال تو یہ ہے کہ عمران خان کی ناکامیوں اور ملک کو تباہی کے دہانے پر پہنچانے کا بوجھ اپنے سر لینے میں کیا حکمت ہے؟

— Mustafa Nawaz Khokhar (@mustafa_nawazk) May 27, 2022

اپنے ٹوئٹ میں انہوں نے لکھا کہ سوال تو یہ ہے کہ عمران خان کی ناکامیوں اور ملک کو تباہی کے دہانے پر پہنچانے کا بوجھ اپنے سر لینے میں کیا حکمت ہے؟۔

دوسری طرف پاکستان مسلم لیگ (ق) کے رہنما اور سپیکر پنجاب اسمبلی چودھری پرویز الٰہی نے پٹرولیم مصنوعات کی قیمتوں میں ہوشربا اضافہ پر تشویش کا اظہار کرتے ہوئے کہا کہ پٹرول اور ڈیزل کی شکل میں عوام پر ایک نہیں دو بم گرائے گئے، پہلے مہنگائی کیا کم تھی کہ اب ٹرانسپورٹ کی وجہ سے مہنگائی میں 50 فیصد سے زائد اضافہ ہوگیا ہے۔

چودھری پرویز الٰہی نے اپنے ردعمل میں کہا کہ نا اہل حکمرانوں نے عوام کو مہنگائی کی چکی میں پسنے کیلئے بے یارو مدد گار چھوڑ دیا ہے، حکمران سستا تیل روس سے کیوں نہیں لیتے،عمران خان نے روس سے سستے تیل کی ڈیل مکمل کر لی تھی، بھارت نے روس سے سستا تیل لے کر اپنی عوام کو ریلیف فراہم کیا۔

سپیکر پنجاب اسمبلی کا مزید کہنا تھا کہ عمران خان نے لانگ مارچ ختم نہیں کیا صرف 6 روز کیلئے حکومت کو مزید مہلت دی ہے، گرفتار کارکنوں کو فوری رہا کیا جائے، اعلیٰ عدلیہ نے بھی فوری رہائی کا حکم دیا ہے۔

اسلام آباد:بلاول بھٹو زرداری نے آج ایک اہم اجلاس کی صدارت کرتے ہوئے کہا ہے کہ عوام کے مسائل کے حل میں کوئی کوتاہی نہ کی جائے۔

پاکستان پیپلزپارٹی کے چیئرمین بلاول بھٹو زرداری کی سربراہی میں وفاقی کابینہ میں شامل پی پی پی کے وزراء کا اجلاس ہوا جس میں چیئرمین بلاول بھٹو زرداری کو پی پی پی سے تعلق رکھنے والے وفاقی وزراء نے اپنے اپنے محکموں کی کارکردگی پر بریفنگ دی گئی۔

اجلاس میں چیئرمین بلاول بھٹو زرداری کو پی پی پی سے تعلق رکھنے والے وفاقی وزراء نے اپنے اپنے محکموں سے متعلق مستقبل کے منصوبوں سے آگاہ کیا۔

اجلاس کی صدارت کرتے ہوئے پاکستان پیپلزپارٹی کے چیئرمین بلاول بھٹو زرداری نے کہا کہ عوام کے مسائل کے حل میں کوئی کوتاہی نہ کی جائے، آپ گزشتہ حکومت کی نااہلیوں کے سبب مشکلات میں گھرے عوام کے مسائل کو حل کریں۔

بلاول بھٹو زرداری نے یہ بھی کہا کہ مجھے بخوبی احساس ہے کہ عمران خان کی نااہل اور نالائق حکومت آپ کے لئے مسائل کا پہاڑ چھوڑ کرگئی ہے۔

پاکستان پیپلزپارٹی کے چیئرمین بلاول بھٹو زرداری نے مزید کہا کہ آگے بڑھیں اور اپنے کردار سے عوام کو پیغام دیں کہ خدمت ہی آپ کی سیاست ہے، پاکستان پیپلزپارٹی کا ہر وزیر بلاتفریق ہر پاکستانی کے مسائل حل کرنے کا پابند ہے۔

اسلام آباد: "میری جان کو خطرہ ہے،قتل کی سازش رچائی جارہی ہے”:شیخ رشید کا ہنگامی پیغام ،اطلاعات کے مطابق عوامی مسلم لیگ کے سربراہ شیخ رشید نے تہلکہ خیز انکشاف کیا ہے کہ میری جان کو خطرہ ہے، مجھے قتل کرنا چاہتے ہیں، اہم اداروں کو آگاہ کردیا ہے۔

تفصیلات کے مطابق عوامی مسلم لیگ کے سربراہ شیخ رشید نے اسلام آباد میں نیوز کانفرنس میں انکشاف کیا کہ یہ لوگ مجھے قتل کرنا چاہتے ہیں، اسلام آباد مارچ میں حادثہ کرنا چاہتے ہیں، میرا کل دو بار پیچھا کیا گیا، تھانہ سیکریٹریٹ اور کوہسار میں درخواست دے آیا ہوں۔

شیخ رشید نے کہا کہ آرمی چیف، ڈی جی آئی ایس آئی،ڈی جی آئی بی کو بھی درخواست دی ہے کہ یہ سات افراد میری جان کے در پے ہیں اور مجھے قتل کرنا چاہتے ہیں، اگر مجھے کچھ ہوا تو نوازشریف ،شہبازشریف ،حمزہ،سلیمان، سلمان نواز اور راناثنا ذمے دار ہونگے، تھانےمیں جمع کرائی درخواست کی کاپی عمران خان کو دینے جارہا ہوں۔

نیوز کانفرنس میں شیخ رشید نے ایک اور انکشاف کیا کہ امپورٹڈ حکومت مجھے لانگ مارچ سے قبل گرفتار کرنے کے درپے ہے، انہیں کہتا ہوں کہ مجھے گرفتار کرنے کا شوق پورا کرلیں، جیل تو میرے سسرال ہے۔

شیخ رشید نے واضح طور پر کہا کہ مقتدر حلقوں اور اسٹیبلشمنٹ سے کہتا ہوں رانا ثناءاللہ کو پٹہ ڈالا جائے، رانا ثناءاللہ ملک میں خانہ جنگی چاہتا ہے اگر عمران خان اور مجھے گرفتار کریں گے تو لوگ خود اسلام آباد آجائیں گے۔

عوامی مسلم لیگ کے سربراہ کا کہنا تھا کہ مقتدرحلقے کبھی خاموش نہیں رہتے انکی کمٹمنٹ پاکستان کیساتھ ہیں، مقتدر حلقوں کی آنکھ اور کان کھلےہیں، اس سے قبل مقتدرحلقوں کی باری آئے وہ اس ملک میں الیکشن کروادیں۔

شیخ رشید کا مزید کہنا تھا کہ پاکستان میں سیاسی عمل کو بے عمل کیاگیا، آصف زرداری یہی چاہتے تھےکہ پنجاب میں گند پھیلے،سب سے بڑےگندےآدمی راناثنااللہ کےذریعےگندڈالناچاہتےہیں۔

اسلام آباد:ن لیگ نے پی پی کومنالیا:شہبازشریف کی کابینہ میں شامل ہونے کا فیصلہ: کون کون شامل ہوگا؟فیصلہ ہوگیا ،اطلاعات کے مطابق شہبازشریف نئی کابینہ تشکیل دینے کیلئے متحرک، وفاقی کابینہ کی تشکیل کے لئے حتمی فیصلہ کر لیا گیا، وزیراعظم کی کابینہ میں مسلم لیگ (ن) کے 12 وزراء ہوں گے، پیپلزپارٹی کے7، جے یو آئی (ف) کے 3 اور ایک وزیر مملکت ہوگا۔

ذرائع کے مطابق وزیراعظم شہباز شریف کی کابینہ کے مطابق اسپیکرقومی اسمبلی پیپلزپارٹی سے ہوگا، راجہ پرویز اشرف سپیکر کیلئے مضبوط ترین امیدوار بن گئے جبکہ ڈپٹی اسپیکر قومی اسمبلی جے یو آئی سے ہوگا۔

ایم کیو ایم کو پورٹ اینڈ شپنگ کی وزرات اور ایک دوسری وزارت دی جائے گی، باپ پارٹی اور بی این پی مینگل کو بھی 2 ، 2 وزارتیں دی جائے گی، اے این پی کو وزارت مواصلات دی جائے گی جبکہ آزاد اراکین کو بھی وزارتیں دئیے جانے کا امکان ہے۔

ذرائع کے مطابق سندھ کا گورنر ایم کیو ایم اور پنجاب کا پیپلزپارٹی سے ہوگا جبکہ کے پی کے کا گورنر جے یو آئی اور بلوچستان کا بی این پی مینگل سے ہوگا۔

اسلام آباد : تحریک عدم اعتماد مسترد ہونے پر پیپلز پارٹی کے نیر بخاری نے سپریم میں درخواست دائر کردی۔جس میں کہا گیا ہے کہ ڈپٹی اسپیکرکےاختیارات ناجائزقرار دیئےجائیں

تفصیلات کے مطابق آج قومی اسمبلی میں اپوزیشن جماعتوں کی جانب سے وزیراعظم عمران خان کے خلاف تحریک عدم اعتماد پیش کی گئی جسے ڈپٹی اسپیکر قاسم سوری نے رولنگ کرتے ہوئے مسترد کردیا۔

اپوزیشن جماعتوں کی جانب سے ڈپٹی اسپیکر کے فیصلے کو غیر آئینی قرار دیا جارہا ہے جس پر اپوزیشن جماعت پیپلز پارٹی کی جانب سے عدالت عالیہ سے رجوع کیا گیا ہے۔

پیپلز پارٹی کی طرف سے نیر بخاری نے سپریم کورٹ میں درخواست دائر کی ہے، جس میں استدعا کی گئی ہے کہ ڈپٹی اسپیکر کا اقدام آرٹیکل 66،17،95 کی خلاف ورزی ہے۔

استدعا کی گئی ہے کہ ڈپٹی اسپیکر کے اقدام کو کالعدم قرار دیکر ڈپٹی اسپیکر کو دوبارہ عدم اعتماد پر ووٹنگ کرانے اور نتیجہ دینے کا حکم دیا جائے۔

درخواست میں صدر وزیراعظم کے پرنسپل سیکریٹری، اسپیکر، ڈپٹی اسپیکر سمیت دیگر کو فریق بنایا گیا ہے۔

کراچی :سیاسی پارہ کافی ہائی ہوچکا ہے لیکن کے اس کے دوران اخلاقی گراوٹ بھی بے قابو ہوچکی ہے اور ہوکوئی اپنی زبان سے ایسلے جملے نکال رہا ہے کہ سُننے والے اپنے کانوں میں ہاتھ دے رہے ہیں‌، سیکریٹری اطلاعات پیپلز پارٹی پارلیمنٹیرینز شازیہ مری نے توایک عورت ہونے کے باوجود ایسی زبان درازی کی ہے کہ لوگ بھی توبہ توبہ کراٹھے ہیں ، شازیہ مری نے کہا ہے کہ شیخ رشید ملک کے وزیر داخلہ ہیں یا گلی کے غنڈے؟

تفصیلات کے مطابق شازیہ مری نے شیخ رشید کی پریس کانفرنس پر ردِ عمل دیتے ہوئے کہا کہ شیخ رشید ملک کے وزیر داخلہ ہیں یا گلی کے غنڈے؟ سب کو پتہ ہے کہ یہ کتنے بڑے طرم خان ہیں۔

انہوں نے کہا کہ گیدڑ بھبکیاں نہ ماریں اور دھمکیاں اپنے گھر میں سنبھال کر رکھیں، کسی کو نہیں پتہ کہ شیخ رشید حالات کو تبدیل ہوتا دیکھ کر کب پتلی گلی سے نکل جائیں۔

ان کا کہنا تھا کہ شیخ رشید کی سیاست آمروں کے بوٹ پالش کرنے سے شروع ہو کر سلیکٹڈ کی جوتیاں اٹھانے پر ختم ہوتی ہے، کم کرسیاں اور جلسے میں عوام کی عدم دلچسپی کا بھانڈہ کیا پھوٹا، اب میڈیا کو کوریج کی اجازت ہی نہیں دی جارہی۔

سیکریٹری اطلاعات پیپلز پارٹی پارلیمنٹیرینز شازیہ نے مزید کہا کہ پی ٹی آئی پہلے سیاسی جماعت تھی نہ آج ہے، یہ چوں چوں کا باسی مربہ ہے۔

دوسری طرف شازیہ مری نے پی ٹی آئی ورکروں کی طرف سے خاتون رپورٹر کےساتھ ہونے والی سلوک پرسخت ردعمل دیتےہوئے کہا ہے کہ خاتون رپورٹر کے ساتھ اس رویے کی شدید مذمت کرتی ہوں‌۔ پہلے پی ٹی آئی نے پرائیویٹ میڈیا چینلز کو اپنے جلسے کی کوریج سے روکا اور اب وہ صحافیوں کو خاموش کرانے کے لیے حملہ کرنا چاہتے ہیں۔ حکومت پی ٹی وی کو جلسے کی کوریج کے لیے استعمال کر رہی ہے

Strongly condemn this fascist behaviour towards a female reporter. First PTI stopped private media channels from covering their jalsa and now they want to attack reporters to silence them. Government using PTV to cover the jalsa, same PTV PTI once attacked! https://t.co/I2OJptn1K3

— Shazia Atta Marri (@ShaziaAttaMarri) March 27, 2022

واضح رہے کہ اسلام آباد میں پریس کانفرنس کے دوران شیخ رشید نے کہا کہ گینگ آف تھری نے کرنل قذافی، صدام حسین ، اسامہ بن لادن کا مال نہیں چھوڑا، مال ان کا مائی باپ ہے ، اسی مال سے لوگوں کے ضمیر خریدے جارہے ہیں، ان کی جمہوریت کا معیار اس حد تک گر چکا ہے کہ قاتلوں کو بھی بلایا جارہا ہے۔

وفاقی وزیر نے کہا کہ ہم نے 28 مارچ کو جے یو آئی کو جلسے کی اجازت دی تھی اب مسلم لیگ (ن) کو بھی اجازت دے دی ہے۔

لندن:لندن سے بڑی خبرآگئی:اور”وہ” دیکھتے رہ گئے.اطلاعات کے مطابق برطانیہمیں پاکستان پیپلز پارٹی کے رہنما بیرسٹر افتخار احمد نے پاکستان تحریک انصاف میں شمولیت کا اعلان کر دیا ہے۔

ذرائع کے مطابق بیرسٹر افتخار احمد نے اپنے ایک بیان میں کہا ہے کہ پی ٹی آئی میں شمولیت کا اعلان کرتا ہوں، عمران خان مضبوط حکمران اور محبوب سیاسی رہنما ہیں۔

افتخار احمد نے کہا کہ ہمارے ملک پر کرپٹ مافیا حملہ آور ہے، ظلم کے خلاف حق کا ساتھ دینے کا وقت ہے، اپنے قائد کی دیانتدارانہ قیادت کا دفاع کروں گا۔

وزیر مملکت فرخ حبیب نے بیرسٹر افتخار احمد کی پاکستان تحریک انصاف میں شمولیت کا خیر مقدم کیا ہے۔ فرخ حبیب نے کہا ہے کہ وزیر اعظم عمران خان کی دیانت اور اصول پسندی دنیا بھر میں مثال بن چکی ہے۔

فرخ حبیب نے کہا کہ باشعور طبقہ وزیر اعظم عمران خان کے پیغام پر لبیک کہہ رہا ہے، 27 مارچ کا جلسہ قومی فساد کی سیاست کے خلاف فیصلہ دے گا۔

خیال رہے کہ رواں ماہ وزیر اعظم عمران خان کے سابق ترجمان ندیم افضل چن نے دوبارہ پاکستان پیپلز پارٹی میں شمولیت کا اعلان کیا تھا۔ ندیم افضل چن نے مؤقف اپنایا تھا کہ میں سمجھتا تھا کہ پی ٹی آئی عوامی جماعت ہے لیکن عوامی توقعات پر پورا اترنے میں مکمل ناکام رہی، اب پی ٹی آئی کا مقدر گھر جانا ہے۔

کراچی: عمران خان نہیں رہنا چاہیے:باقی آپ کی تمام خواہشات پوری کردی جائیں گی:پی پی ایم کیوایم میں بات چیت،اطلاعات کے مطابق پیپلز پارٹی کے شریک چیئرمین آصف زرداری اور چیئرمین بلاول نے ایم کیو ایم کے نکات مان لیے اور کہا سندھ کی ترقی اورخوشحالی کیلئے ملکر چلنا ہوگا۔

تفصیلات کے مطابق ایم کیو ایم کا وفد پیپلزپارٹی کی قیادت سے ملاقات کیلئے زرداری ہاؤس پہنچا ، ایم کیو ایم وفد کو زرداری ہاؤس کی گاڑیوں میں لایا گیا۔

ذرائع نے بتایا کہ ایم کیو ایم وفد میں خالد مقبول صدیقی، عامر خان ، امین الحق اور دیگر رہنما شامل تھے، ایم کیوایم اور پیپلز پارٹی کی انتہائی خوشگوار ماحول میں ملاقات ہوئی، آصف زرداری نے ایم کیو ایم وفد کے اعزاز میں ظہرانہ کا اہتمام کیا۔

ذرائع کا کہنا تھا کہ آصف زرداری اوربلاول نےایم کیو ایم کے نکات کو مان لیا اور اس حوالے سے پی پی اور ایم کیوایم کی جانب سے کمیٹیاں تشکیل دے دی گئیں ، کمیٹیاں نکات پرپیشرفت اورعمل کے لیے اقدامات اور روڈ میپ تیار کریں گے۔

ذرائع پیپلز پارٹی نے کہا کہ سندھ کی ترقی اورخوشحالی کیلئے ملکر چلنا ہوگا، آئینی طریقے سے جو چیزیں بہتر کی جاسکتی ہیں ان کو کیا جائے گا۔

ذرائع کے مطابق فضل الرحمان اور شہبازشریف نے پی پی اور ایم کیوایم میں مفاہمت کیلئے کردارادا کیا، ایم کیو ایم کے زیادہ مسائل سندھ خصوصاً شہری علاقوں سے متعلق تھے اور ایم کیو ایم کو بلدیاتی نظام اور اداروں سے متعلق شکایات تھیں۔

ذرائع نے بتایا کہ وزیراعلیٰ سندھ، صوبائی وزرا کو خصوصی طور پر ملاقات میں بلایا گیا تھا۔