وزیر اعظم شہباز شریف سے چینی ہم منصب لی کی چیانگ نے ٹیلیفونک رابطہ کیا –
باغی ٹی وی : چینی وزارت خارجہ سےجاری بیان کےمطابق چین کے وزیراعظم کاکہنا تھا کہ ان کا ملک ہمیشہ کی طرح قومی خود مختاری اورسلامتی کےدفاع میں پاکستان کی غیرمتزلزل حمایت کرےگا، چین پاکستان کی معاشی ترقی اورمالی استحکام کو برقراررکھنےمیں پاکستان کی مدد جاری رکھےگا۔
چینی وزیراعظم کا کہنا تھا کہ چین پاکستان کے ساتھ تزویراتی روابط کو مضبوط بنانے اوراقتصادی راہداری جیسے بڑے منصوبوں پر تعاون کو فروغ دینے کے لیے تیار ہے کراچی میں چینی شہریوں پر حالیہ حملے سے چین میں غم و غصہ پایا جاتا ہے، امید ہے پاکستان مجرموں کو جلد قرار واقعی سزا دےگا۔
شجاعت و شہادت ہماری افواج کی تابناک روایت ہے ،وزیراعظم
اس موقع پر وزیر اعظم شہباز شریف نے ایک بار پھر کراچی دہشت گردانہ حملے میں چینی شہریوں کی ہلاکت پر گہرے دکھ اور زخمیوں سے دلی ہمدردی کا اظہار کیا اور کہا کہ پاکستان دہشت گردی کی پرزور مذمت کرتا ہے، چینی شہریوں کی جانوں اور تحفظ کو قدر کی نگاہ سے دیکھتا ہے، اور ہم چینی متاثرین اور زخمیوں کو بلا تفریق اپنا ہم وطن سمجھتے ہیں۔