Baaghi TV

Tag: چائنہ

  • ون چائنہ پالیسی پاکستان کی خارجہ پالیسی کا اہم حصہ ہے،صدر مملکت

    ون چائنہ پالیسی پاکستان کی خارجہ پالیسی کا اہم حصہ ہے،صدر مملکت

    اسلام آباد: صدر مملکت آصف علی زرداری نے کہا ہے کہ پاکستان ون چائنہ پالیسی کی حمایت جاری رکھے گا،ون چائنہ پالیسی پاکستان کی خارجہ پالیسی کا اہم حصہ ہے-

    باغی ٹی‌وی: صدر مملکت آصف علی زرداری نے چین کے صدر شی جن پنگ کو خط لکھا ہے جس میں صدر آصف علی زرداری نے چینی سال نو اور موسم بہار کے تہوار کے موقع پر چینی ہم منصب کو مبارکباد پیش کی ہے۔

    آصف زرداری نے خط میں پاکستان اور چین کے مابین "آہنی دوستی” مضبوط بنانے کے عزم کا اعادہ کرتے ہوئے کہا ہے کہ دوطرفہ تعاون مضبوط بنانے اور دوستی کے بندھن کو آگے بڑھانے کیلئے بیجنگ میں چینی صدر سے تبادلہ خیال کا منتظر ہوں۔

    ملٹری ٹرائل کس بنیاد پر چیلنج ہو سکتا ہے؟جسٹس جمال مندوخیل کا خواجہ حارث سے استفسار

    انہوں نے کہا ہے کہ پاکستان ون چائنہ پالیسی کی حمایت جاری رکھے گا، ون چائنہ پالیسی پاکستان کی خارجہ پالیسی کا اہم حصہ ہے، دونوں ممالک کے درمیان سدا بہار تزویراتی تعاون کی شراکت داری ہے، دونوں ممالک کی قیادت کی پے در پے نسلوں کی انتھک کوششوں نے بین الریاستی تعلقات کے اس منفرد اور مثالی بندھن کو پروان چڑھایا اور مضبوط کیا۔

    صدر مملکت نے خط میں پاک چین تعلقات اور پاک چین اقتصادی راہداری کو آگے بڑھانے میں چینی صدر کی بصیرت انگیز قیادت کا شکریہ ادا کیا اور کہا کہ چین نے سال 2024 میں مختلف شعبوں میں نمایاں پیش رفت کی۔

    امریکا کے جدید ترین فائٹر جیٹ ایف 35 کو خوفناک حادثہ،پائلٹ محفوظ+

    آصف زرداری نے خط میں پاکستان اور چین کے درمیان پائیدار اور مسلسل بڑھتی ہوئی دوستی کو سراہا اور صدر شی جن پنگ کی صحت، چینی عوام کی مسلسل ترقی اور خوشحالی کے لیے نیک خواہشات کا اظہار بھی کیا۔

  • تائیوان کو ہتھیاروں کی فروخت، چین کی 13 امریکی کمپنیوں پر پابندیاں

    تائیوان کو ہتھیاروں کی فروخت، چین کی 13 امریکی کمپنیوں پر پابندیاں

    چین نے تائیوان کو ہتھیاروں کی فروخت پر 13 امریکی دفاعی کمپنیوں اور 6 ایگزیکٹوز پر پابندیاں عائد کر دی ہیں.

    میڈیا رپورٹ کے مطابق چین کی وزارت خارجہ کے اعلان کے مطابق ان پابندیوں کا اطلاق 5 دسمبر سے کر دیا گیا ہے. چین کی طرف سے بلیک لسٹ میں شامل امریکی افراد اور اداروں کے اثاثے منجمد کر دیئے جائیں گے اور ان کے ساتھ کاروبار کرنا ممنوع ہو گا چینی وزارت خارجہ نے تصدیق کی کہ بلیک لسٹ میں شامل امریکی ایگزیکٹوز کے چین میں داخل ہونے کی اجازت نہیں دی جائے گی، چینی وزارت خارجہ نے کہا کہ امریکا نے حال ہی میں چین کے علاقے تائیوان کو مزید ہتھیاروں کی فروخت کی منظوری دی ہے. چین کی طرف سے بلیک لسٹ کی گئی امریکی کمپنیوں میں سائبرلکس کارپوریشن، نیروس ٹیکنالوجیز، ہیوک اے آئی ، کراٹوس ان مینڈایریئل سسٹمز، فائرسٹارم لیبز، سینیکسس، شیلڈاے آئی، ریڈ سکس سلوشنز، ریپڈ فلائٹ، برنک ڈرونز، ٹیلی ڈائن بران انجینئرنگ، ڈومو ٹیکٹیکل کمیونیکیشنز، اور گروپ ڈبلیو شامل ہیں.اس کے علاوہ ریتھیان کے ذیلی ادارے کے دو عہدیداران باربرا بورگونووی اور گیرارڈ ہوبر، بی اے ای سسٹمز کے سی ای او چارلس وڈبرن، یونائیٹڈ ٹیکنالوجیز یونٹ کے سینئر عہدیدار رچرڈ کرافورڈ ، ڈیٹا لنک سلوشنز کے صدر بیتھ ایڈلراوربرنک ڈرونز کے سی ای او بلیک ریسنک پر بھی پابندیاں عائد کی گئی ہیں. واضح رہے کہ اکتوبر میں امریکی محکمہ دفاع نے تائیوان کے لئے تقریبا 2 بلین ڈالر مالیت کے ہتھیاروں کے پیکج کی منظوری دی تھی جس میں نیشنل ایڈوانسڈ سرفیس ٹو ایئر میزائل سسٹم (این اے ایس اے ایم ایس) اور ریڈار سسٹم شامل ہیں.چینی وزارت خارجہ کا کہنا تھا کہ یہ اقدام ون چائنا کے اصول اور چین امریکا کے تین مشترکہ اعلامیوں کی صریح خلاف ورزی ہے اورامریکا ایسے اقدامات سے چین کے اندرونی معاملات میں مداخلت کر رہا ہے اور ملک کی خودمختاری اور علاقائی سالمیت کو نقصان پہنچا رہا ہے.

    حکومت اور افواج دہشت گردی کے خاتمے کیلئے پرعزم ہیں، وزیراعظم

    روسی ہیکرز کا حملوں کے لیے پاکستانی ہیکرز کے سرورز کو ہائی جیک کرنے کا انکشاف

    سندھ حکومت نےغریب طلبا کو اسکالر شپ کے کروڑوں روپے جاری کر دیے

    پاک بحریہ کے جہاز پی این ایس معاون کا کینیا کا خیر سگالی دورہ

  • آرمی چیف سے چین کے نائب وزیر خارجہ کی ملاقات

    آرمی چیف سے چین کے نائب وزیر خارجہ کی ملاقات

    راولپنڈی : آرمی چیف جنرل سید عاصم منیر سے چین کے نائب وزیر خارجہ سن ویڈونگ نے ملاقات کی، جس میں باہمی دلچسپی کے امور اور دوطرفہ دفاعی تعاون کو مزید فروغ دینے کے اقدامات پر تبادلہ خیال کیا گیا-

    باغی ٹی وی : پاک فوج کے شعبہ تعلقات عامہ (آئی ایس پی آر ) کے مطابق پاکستان کے دورے پر آئے ہوئے چین کے نائب وزیر خارجہ سن ویڈونگ نےجنرل ہیڈکوارٹرز (جی ایچ کیو) راولپنڈی کا دورہ کیاجہاں انہوں نے آرمی چیف جنرل سید عاصم منیر سے ملاقات کی۔
    https://x.com/PakistanFauj/status/1749420479709171755?s=20
    آئی ایس پی آر کے مطابق ملاقات میں باہمی دلچسپی کے امور اور دوطرفہ دفاعی تعاون کو مزید فروغ دینے کے اقدامات پر تبادلہ خیال کیا گیا، چینی نائب وزیر خارجہ نے کہا کہ پاکستان اور چین ہر موسم کے اسٹریٹجک شراکت دار ہیں، انہوں نے علاقائی امن و استحکام کے لیے پاکستان کی کوششوں کا اعتراف کیا اور سی پیک منصوبوں کے لیے سیکیورٹی انتظامات پر چین کے اطمینان سے بھی آگاہ کیا۔

    آئی ایس پی آر کے مطابق آرمی چیف جنرل سید عاصم منیر نے چینی نائب وزیر خارجہ کے جذبات کا شکریہ ادا کرتے ہوئے کہا کہ پاکستان اور چین کے باہمی تعلقات دونوں ممالک کے عوام کے لیے علاقائی امن، استحکام اور خوشحالی کے لیے خصوصی اہمیت رکھتے ہیں، پاکستان اور چین کے درمیان تعلقات علاقائی امن و استحکام کی مشترکہ سوچ پر قائم ہیں۔

  • وزیراعظم شہبازشریف اور چین کے وزیراعظم لی کی چیانگ کی ملاقات

    وزیراعظم شہبازشریف اور چین کے وزیراعظم لی کی چیانگ کی ملاقات

    وزیراعظم شہبازشریف اور چین کی سٹیٹ کونسل کے وزیراعظم جنا ب لی کی چیانگ کی آج نئے عالمی مالیاتی معاہدے سے متعلق سربراہی اجلاس کے موقع پر پیرس میں ملاقات ہوئی۔ رواں سال مارچ میں وزارت عظمی کی ذمہ داری سنبھالنے کے بعد وزیراعظم لی کی چیانگ کی وزیراعظم شہبازشریف سے یہ پہلی ملاقات تھی۔

    ملاقات پاکستان اور چین کی سدابہار آزمودہ کوآپریٹو شراکت داری کی روایتی خیرسگالی اور پرجوش ماحول میں ہوئی۔ ملاقات کے دوران دونوں قائدین نے پاکستان چین اقتصادی راہداری (سی پیک) سمیت دوطرفہ تعلقات کے تمام پہلووں اور دوطرفہ معاشی تعاون پر تفصیلی بات چیت کی۔ کلیدی موضوعات پر چین کی حمایت کا اعادہ کرتے ہوئے وزیراعظم شہبازشریف نے پاکستان کی جغرافیائی سالمیت، خودمختاری اور سماجی ومعاشی ترقی کے لئے چین کی پختہ ومسلسل حمایت کا شکریہ ادا کرتے ہوئے کہاکہ جموں وکشمیر کے متنازعہ خطے میں جی 20 کا اجلاس بلانے کی چین کی طرف سے بھرپور مخالفت اقوام متحدہ کی قراردادوں اور عالمی قانون کی بالادستی کے چین کے اصولی موقف کا مظہر ہے۔

    وزیراعظم لی کی چیانگ نے کہاکہ پاکستان اور چین کی دوستی منفرد اور دونوں ممالک کی عوام کے درمیان موجود گہرے برادرانہ جذبات پر استوار ہے جو وقت اور حالات کی تبدیلی سے بے نیاز ہے۔ انہوں نے کہاکہ قریبی ہمسایہ اور آئرن برادر پاکستان چین کی ہمسایوں سے متعلق سفارت کاری میں خصوصی درجہ رکھتا ہے۔ چین کے وزیراعظم نے کہاکہ چین پاکستان کے کلیدی مفادات کے تحفظ، معاشی ترقی اور پاکستان کے عوام کی خوش حالی کے لئے اپنی کوششیں جاری رکھے گا۔

    پاکستان میں سی پیک منصوبوں کی مستحکم انداز میں ترقی کے عمل پر اطمینان کا اظہار کرتے ہوئے دونوں اطراف نے اس امر پر اتفاق کیا کہ سی پیک پاکستان کی سماجی ومعاشی ترقی میں مرکزی اہمیت رکھتا ہے۔ دونوں ممالک کے مشترکہ مفادات کے حصول کے لئے مل کر کام جاری رکھنے کے پختہ عزم کا اظہار کیاگیا۔ دونوں قائدین نے رواں سال سی پیک کی کامیابی کے دس سال مکمل ہونے کی خوشی بھرپور انداز میں منانے پر اتفاق کیا۔ وزیراعظم شہبازشریف اور وزیراعظم لی کی چیانگ نے پاکستان اور چین کے درمیان اعلی سطح کے رابطوں کی رفتار برقرار رکھنے پر اتفاق کیا۔ وزیراعظم شہبازشریف نے چین کے اپنے ہم منصب کو جلد پاکستان کا دورہ کرنے کی دعوت دی جو وزیراعظم لی کی چیانگ نے قبول کرلی۔

    وزیراعظم شہبازشریف کی جرمن چانسلر سے بھی ملاقات ہوئی،

    وزیراعظم شہبازشریف کی جرمن چانسلر اولاف شولز سے ملاقات ہوئی دونوں قائدین نے نئے عالمی مالیاتی معاہدے سے متعلق سربراہی اجلاس کے موقع پر ملاقات کی وزیراعظم نے پاکستان کے سیلاب متاثرین کے لئے جرمنی کی امداد پر شکریہ ادا کیا ،وزیراعظم نے 163 ملین یورو کی معاشی معاونت کی فراہمی پر بھی جرمن حکومت کا شکریہ ادا کیا ،وزیراعظم نے گفتگو کرتے ہوئے کہا کہ بے نظیر انکم سپورٹ پروگرام کے لئے 27 ملین یورو کی اضافی رقم سیلاب متاثرین کی مدد اور خوراک کی فراہمی کے لئے استعمال ہوئی، جرمنی کی ترقی کو ہمیشہ ایک مثال کے طورپر پیش کیا ہے، جرمنی نے جس طرح محنت سے اپنا مقام بنایا ہے، وہ ترقی پزیر ممالک کے لئے ایک عمدہ مثال ہے، ذاتی طورپر جرمنی کی ترقی، جرمن قوم کی محنت اور عزم کا گرویدا ہوں،امید کرتے ہیں کہ موسمیاتی تبدیلی سے خطرات اور معاشی دباﺅ جیسے مسائل میں جرمنی ترقی پزیر ممالک کی آواز بنے گا،ترقی پزیر ممالک سے مالیاتی دباﺅ میں کمی سے وہاں کے عوام کو ریلیف دینے میں مدد ملے گی،

    وزیراعظم نے پاکستان میں جرمن کمپنیوں اور این جی اوز کی خدمات کو سراہا ،دونوں قائدین نے پاکستان اور جرمنی میں تجارت، سرمایہ کاری، توانائی سمیت مختلف شعبوں میں تعاون بڑھانے پر اتفاق کیا،جرمن چانسلر نے وزیراعظم شہبازشریف کے لئے خیرسگالی کا پیغام میں کہا کہ آپ سے مل کر بہت خوشی ہوئی، جرمن چانسلرنے پاکستان کی حکومت اور عوام کے لئے نیک تمناﺅں کا اظہارکیا

    سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

    قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    بلاول بھٹو زرداری کی روضہ امام حسین آمد

  • پی پی ہو یا ن لیگ دور حکومت دونوں نے ایک ہی پالیسی پر کام کیا ،مولانا فضل الرحمان

    پی پی ہو یا ن لیگ دور حکومت دونوں نے ایک ہی پالیسی پر کام کیا ،مولانا فضل الرحمان

    باغی ٹی وی کی رپورٹ کے مطابق جے یو آئی کے قائد، پی ڈی ایم کے سربراہ مولانا فضل الرحمان نے کہا ہے کہ پی پی ہو یا ن لیگ دور حکومت دونوں نے ایک ہی پالیسی پر کام کیا ،

    تقریب سے خطاب کرتے ہوئے مولانا فضل الرحمان کا کہنا تھا کہ چین کے ساتھ پاکستان کی دوستی لازوال ہے ، اسی پالیسی کے تحت سی پیک شروع ہوا ،انڈسٹریل زونز بنے مغربی دنیا نے امریکی سربراہی میں ایک تیسری قوت پیدا کی ، پاکستان اس تیسری قوت کو دیا جس کا ایجنڈا سی پیک روکنا تھا ،چین نے مختلف شعبوں میں یقین دہانی کرائی ہے ، ڈی آئی خان اور بنوں میں بھی انڈسٹریل زونز بنیں گے ، چین کا وژن اپنی تجارت کو پوری دنیا میں فروغ دینا تھا،ہم نے ٹریڈ بائے پاکستان کا تصور پیش کیا، ایک ہفتہ گفتگو کے بعد انہوں نے ہماری سوچ کو قبول کیا، چین کے ساتھ پاکستان کی دوستی غیر متنازع ہے، ریلوے لائن اور دیگر پروجیکٹ سی پیک سے جڑے ہیں، تیسری قوت پیدا کی گئی جس کا ایجنڈا سی پیک روکنا تھا،

    مولانا فضل الرحمان کا کہنا تھا کہ ملکی معیشت اتنی گر چکی کہ اس کو اگلی حکومت کیسے اٹھائے گی یہ ایک چیلنج ہے، پاکستان اسوقت معاشی بحران سے دوچار ہے، اس حالات میں جو بجٹ پیش کیا گیا، وفاقی بجٹ اس کو متوازن قرار دیا گیا، معیشت کی بحالی ہمارا ہدف ہو گا، ہم حکومت کی کاوشوں کی سمت اس جانب موڑ دیں جہاں‌ جلد سے جلد عام آدمی کو ریلیف مہیا کیا جا سکے

    عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    عثمان بزدار اور انکے بھائیوں سمیت انکے مبینہ فرنٹ مین طور بزدار کے خلاف انٹی کرپشن میں انکوائری شروع

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

  • حدیقہ کیانی کا گانا بوہے باریاں کئی سال گزرنے کے بعد بھی چائنہ میں مقبول

    حدیقہ کیانی کا گانا بوہے باریاں کئی سال گزرنے کے بعد بھی چائنہ میں مقبول

    پاپ گلوکارہ حدیقہ کیانی نہ صرف ملک بلکہ ملک سے باہر بھی مقبول ہیں۔ حدیقہ نے کچھ عرصہ پہلے اداکاری کا بھی باقاعدہ آغا کر دیا ہے۔ ماضی قریب میں ان کا ڈرامہ دوبارہ اختتام پذیر ہوا ہے اس میں ان کی اداکاری نے شائقین کے دل موہ لئے۔ حدیقہ کیانی کے گائے ہوئے گیت آج بھی مقبول ہیں اس کی مثال ان کا کئی سال پہلے گایا ہوا گیت ” بوہے باریاں نالے کنداں ٹپ کے“ ہے اس گانے کو ایک چائنیز ٹیچر نے گایا ہے ۔تفصیلا ت کے مطابق چین میں موجود پاکستانی سفارت خانے کی جانب سے پاکستان کی 75 ویں یوم آزادی کے موقع پر پاکستان فوڈ اینڈ کلچرل فیسٹیول کی تقریب کا اہتمام کیا گیا تھاجس میں چینی ٹیچر مس وکی نے شاندار پرفارمنس دی۔اس پرفارمنس کی وڈیو سوشل میڈیا پر بہت زیادہ وائرل ہو رہی ہے ۔چائنیز ٹیچر

    حدیقہ کیانی کا گانا بہت ہی پرفیکٹ انداز میں گا رہی ہیں یہاں تک کہ وہ لفظوں کی ادائیگی بھی بہترین انداز میں کررہی ہیں۔یاد رہے کہ بوہے باریاں گانا نوے کی دہائی میں ریلیز کی گیا تھا یہ گانا آج اتنے سال گر جانے کے بعد بھی مقبول ہیں اور حدیقہ کیانی مسلسل اپنے فن سے لوگوں کو محظوظ کررہی ہیں.حدیقہ نے کم عمری میں گانے کا آغاز کیا ان کے بھائی عرفان کیانی بھی کمپورز اور گلوکار ہیں.

  • سعودی عرب کا مبینہ طور پر تیل کی فروخت ڈالر کی بجائے یوآن سے کرنے پرغور

    سعودی عرب کا مبینہ طور پر تیل کی فروخت ڈالر کی بجائے یوآن سے کرنے پرغور

    سعودی حکومت مبینہ طور پر تیل کی فروخت ڈالر کی بجائے یوآن سے کرنے پرغور کر رہی ہے-

    باغی ٹی وی : غیر ملکی خبررساں ادارے کے مطابق وال سٹریٹ جرنل نے منگل کو اس حوالے سے ذرائع کا حوالہ دیتے ہوئے اپنی رپورٹ میں بتایا کہ سعودی اور چینی حکام کے درمیان خلیجی ممالک کے تیل کی فروخت کی قیمت ڈالر یا یورو کے بجائے یوآن میں کرنے کے لیے بات چیت جاری ہے-

    دونوں ممالک نے چھ سال تک اس معاملے پر وقفے وقفے سے بات چیت کی، لیکن مبینہ طور پر بات چیت 2022 میں بڑھ گئی، کیونکہ ریاض امریکہ کے ایران کے ساتھ جوہری مذاکرات اور پڑوسی ملک یمن میں سعودی عرب کی فوجی کارروائی کے لیے اس کی حمایت نہ کرنے پر ناراض تھا۔

    جریدے کے مطابق، تقریباً 80 فیصد عالمی تیل کی فروخت کی قیمت ڈالر میں ہے، اور 1970 کی دہائی کے وسط سے سعودیوں نے امریکی حکومت کے ساتھ سیکیورٹی معاہدے کے تحت تیل کی تجارت کے لیے خصوصی طور پر ڈالر کا استعمال کیا ہے۔

    یہ بات چیت بیجنگ کی جانب سے بین الاقوامی تیل کی منڈیوں میں اپنی کرنسی کو قابل تجارت بنانے اور خاص طور پر سعودیوں کے ساتھ اپنے تعلقات کو مضبوط بنانے کےلئے کی جارہی ہے چین نے اس سے قبل ریاض کی بیلسٹک میزائلوں کی تعمیر اور جوہری توانائی پر مشاورت میں مدد کی تھی۔

    اس کے برعکس، سعودی-امریکہ حالیہ برسوں میں تعلقات تیزی سے خراب ہو گئے ہیں سعودی ولی عہد شہزادہ محمد بن سلمان نے ابتدائی طور پر خواتین کے حقوق اور مجرمانہ انصاف سے متعلق ملک کی پالیسیوں کو آزاد کرتے ہوئے ایک مصلح کے طور پر عوامی امیج پیش کیا۔

    تاہم، 2018 میں منحرف صحافی جمال خاشقجی کا قتل ولی عہد کے تعلقات عامہ اور واشنگٹن کے ساتھ تعلقات دونوں کے لیے تباہ کن رہا ہے صدر بائیڈن کے اقتدار سنبھالنے کے بعد یہ دراڑ مزید شدت اختیار کر گئی-

    روس نے کینیڈین وزیراعظم ، صدر جوبائیڈن سمیت دیگر امریکی حکام پر پابندیاں عائد کر دیں

    اسی عرصے کے دوران، چین کے سعودی عرب کے ساتھ اقتصادی تعلقات قریب تر ہوئے ہیں، جس میں مملکت نے 2021 میں ملک کو یومیہ 1.76 ملین بیرل تیل فراہم کیا، چین کے جنرل ایڈمنسٹریشن آف کسٹمز کا حوالہ دیتے ہوئے،وال سٹریٹ جنرل نے بتایا جب کہ ملک اپنی تیل کی تجارت کے لیے ڈالر کو برقرار رکھنے کا ارادہ رکھتا ہے، سعودیوں کی جانب سے تبدیلی چین کے دوسرے بڑے تیل فراہم کنندگان، جیسے روس، انگولا اور عراق کے لیے ڈومینو اثر پیدا کر سکتی ہے۔

    سعودی عرب نے پہلے 2019 میں تیل کو دیگر کرنسیوں میں فروخت کرنے کی دھمکی دی تھی کہ اگر کانگریس نے ایک ایسا بل منظور کیا جس سے اوپیک کے اراکین کے لیے عدم اعتماد کی ذمہ داری کی اجازت دی جائے گی۔ یہ بل، جو کئی سالوں میں متعدد بار پیش کیا جا چکا ہے، اس سال پھر ناکام ہو گیا۔

    منگل کو یہ رپورٹ بھی سامنے آئی ہے امریکہ نے سعودیوں سے اپیل کی ہے کہ وہ یوکرین پر روس کے حملے اور امریکہ کی طرف سے روس کے تیل کی درآمدات میں کٹوتی کی وجہ سے گیس کی بڑھتی ہوئی قیمتوں کو پورا کرنے کے لیے مزید تیل فراہم کریں۔

    عالمی منڈی میں خام تیل کی قیمت میں ریکارڈ کمی

  • کشمیر و بھارت میں مسلمانوں پر ظلم کی انتہا کرنے والے مودی کو لداخ میں چینی قبضے پر سانپ سونگھ گیا از طہ منیب

    تین دن قبل چائنہ نے پانچ ہزار فوج کے ساتھ پانچ اطراف شمالی سکم، گولان ، ناکولا پاس سے بھارت پر چڑھائی کی اور تقریباً پانچ کلو میٹر تک لداخ اندر گھسنے کے بعد قبضہ کرتے ہوئے اسی خیمے گاڑ دئیے ، پچاس کے قریب بھارتی فوجی گرفتار کیے ھو بعد ازاں انڈین آفیشلز کے رونے دھونے پر چھوڑ دئیے گئے، چینی فوج نے گولیاں بارود پھونکنے کی بجائے کنگ فو ، کراٹے، مارشل آرٹس کا مظاہرہ کرتے ہوئے ، مکوں ، گھونسوں ، ٹھڈوں ، دھکوں اور ڈنڈوں سے پیچھے دکھیلا جبکہ گالیوں ، ڈانٹ ڈپٹ کی بھی وارفئر اس بار دیکھنے میں آئی جب چینی فوج میں موجود ایک فوجی نے ارناب گوسوامی کے انداز میں بھارتی افسر کو سمجھایا جو منتوں ترلوں سے سمجھانے آیا تھا کہ کچھ صبر لیں ہمارے بڑے آ رہے ہیں وہ مل بیٹھ کر بات کر لیں گے وغیرہ وغیرہ ، اسی طرح ایک جگہ ہند کی بہادر آرمی آنگلش و چینی زبان میں ایک بینر اٹھائے کھڑی تھی کہ جس جگہ آپ کھڑے ہیں یہ معاہدہے کے مطابق یہ جگہ ہماری ہے تو آپ پلیز گو بیک۔ چائنہ نے ایک قدم آگے بڑھتے ہوئے ٹھیک اگلے دن اپنے شہریوں کو بھارت چھوڑنے کا اعلان کر دیا۔

    آج کی اطلاعات کے مطابق چائنہ نے مزید اپنے مزید پانچ ہزار فوجی بڑھا کر کل دس ہزار تعداد کر دی ہے جنہوں نے پیش قدمی کرتے ہوئے لداخ کی ایک پوری وادی ملکیت کا دعویٰ کر دیا ہے ، اسی طرح سیٹلائیٹ تصاویر کے مطابق لداخ کے قریب چینی سائڈ پر موجود ائر بیس پر چائنہ بڑی تعداد میں تعمیرات کر رہا ہے جس چائنہ کے لداخ سے متعلق مستقبل کی پلاننگ واضح ہوتی ہے۔

    کشمیر کی متنازعہ حیثیت کا خاتمہ ، بلوچستان میں دہشتگردی ، گلگت بلتستان میں فنڈنگ امریکی ایماء پر بھارت کی پاکستان و چین کے مشترکہ پراجیکٹ سی پیک کے خلاف بڑی سازش کو منطقی انجام تک پہنچانے یا کسی حد تک بھارت کو لداخ میں محدود کرنے کی چینی پلاننگ ہو سکتی ہے۔

    چائنہ سے مار کھانے، منتیں ترلے، درخواستیں اور جواب کے بجائے بینر اور احتجاج کرنے والی یہ فوج وہی ہے جس کے سربراہ مودی ڈھاکہ میں کھڑا ہوکر اعتراف کرتا ہے کہ ہم نے رت بہایا تو تمہیں پاکستان سے آزادی ملی،یہ وہی فوج ہے نے کشمیر میں میں ستر سالوں سے جاری ظلم و ستم میں شدت پیدا کی، آرٹیکل 370 کو ختم کرکے نو ماہ تک بدترین لاک ڈاؤن رکھا ، یہ وہی مودی کا بھارت ہے جس نے کشمیر کی امتیازی حیثیت کو ختم کرنے کے بعد بابری مسجد کا یکطرفہ فیصلہ کروا کر رام مندر کی تعمیر کا فیصلہ کروایا ، یہ وہی امت شاہ کا انڈیا ہے جس نے سیٹیزن شپ امینڈمنٹ ایکٹ لگا کر سینہ ٹھونک کر کہا ہم نے جو کہا کیا ، اور ہر بار کشمیر میں عسکریت پسندی کی ہوئی کسی کاروائی پر چون انچ کا سینہ پھلا کر پاکستان کو ٹکڑے ٹکڑے کرنے کے دعویدار مودی کو چائنہ کی لداخ میں پیشقدمی اور بھارتی ذلت پر سانپ سونگھ گیا ہے، دہلی خاموش ہے، کسی قسم کی سرجیکل اسٹرائک ، گھس کر مارنے کی بھڑک تاحال سامنے نہیں آسکی۔ تاہم بھارتی متشدد دفاعی تجزیہ جنرل ر بخشی نے احتجاجاً اپنی ایک سائڈ کی مونچھیں کٹوا لی ہیں۔ دیکھتے ہیں کہ بھارت کے جنونی عوام، چیختے چنگھاڑتے اینکرز اور بھڑکیں مارتے وزرا کیا پالیسی اپناتے ہیں۔

  • کرونا وائرس کتنا خطرناک ہے؟ اس سے کیسے بچا جا سکتا ہے ؟

  • چائنہ ایک بار پھر پاکستان کیلئے میدان میں آگیا

    چائنہ ایک بار پھر پاکستان کیلئے میدان میں آگیا

    اسلام آباد:باغی ٹی وی(ویب ڈیسک) چائنہ کی آٹھ کمپنیوں نے پاکستان کے ٹیکسٹائل سیکٹر میں سرمایہ کاری کی خواہش ظاہر کی ہے،
    بروز جمعہ آٹھ کمپنیوں کے وفد نے شنگھائی کی یوآنی کمپنی کے چیف ایگزیکٹو کی سربراہی میں وزیراعظم پاکستان عمران خان سے اسلام آباد میں ملاقات کی،
    اس ملاقات کے موقع پر وزیراعظم نے سرمایہ کاروں سے بات کرتے ہوئے کہا کہ پاکستان کی موجودہ حکومت کاروبار کے کیلئے سازگار ماحول فراہم کرنے کیلئے بھرپور کوشش کر رہی ہے