سوشل میڈیا کے ذریعے مقبولیت حاصل کرنے والے پاکستان کے سب سے مشہور چائے والا ارشد خان نے لندن میں اپنا کیفے کھول لیا ہے۔
باغی ٹی وی:ایسٹ لندن کے اِس علاقے میں انڈیا، پاکستان اوربنگلہ دیش کے تارکین وطن افراد کی تعداد زیادہ ہے ارشد خان نے مشرقی لندن کے 229 ایلفورڈ لین پرکیفےکھولا جس کے باہر لگے بل بورڈ پرواضح طورپربرانڈ کا نام ’کیفے چائے والا ارشد خان‘ لکھا ہے تاکہ صارفین کو سمجھنے میں کوئی دقت نہ ہوں ۔
کیفے کی سجاوٹ میں جنوبی ایشیا کے روایتی رنگ دکھائی دیتے ہیں جن میں ٹرک آرٹ سجا ویسپا بھی شامل ہےیہ کیفے خصوصی طور پر تین بھائیوں بہادردرانی، نادردرانی اوراکبردرانی کی مدد سےلندن میں کھولا گیا ہے-
سپرماڈل جیجی حدید منشیات رکھنے کے الزام میں گرفتار
ارشد خان ایک غریب نوجوان تھے جو وفاقی دارالحکومت اسلام آباد کے ایک ڈھابے پر چائے فروخت کرتے تھےاکتوبر 2016 میں فوٹو گر افرجویریہ علی نےایک گاہک کو چائے پیش کرتے ہوئےایک تصویر کھینچ کر انسٹاگرام پر ایک کپشن کے ساتھ پوسٹ کی تھی،اس تصویر سے ارشد کو راتوں رات شہرت ملی اور انہیں مختلف فیشن برانڈز نے اپنے فوٹو شوٹ کیلئے بھی منتخب کیا تھا۔
منیب بٹ کے یوٹیوب پر 100 ملینز ویوز ، اداکار نے مداحوں کا شکریہ ادا …
آج سے 7 سال قبل ارشد کو اس بات کا اندازہ تک نہ تھا کہ وہ جو اسلام آباد کی سڑک کنارے ڈھابے پر چائے فروخت کرتا ہے وہ کچھ ہی عرصے میں دنیا بھر میں جانا جائے گا اور اس کی زندگی ہی بدل جائے گی اور ایک دن وہ عالمی سطح پر ایک سوشل میڈیا سنسیشن، فیشن آئیکون، ایک برانڈ اور لندن جیسی جگہ پر فرنچائز کا مالک بن جائے گا۔